خلاص إنتهى الميركاتو لا وجود لمدافع



Marotta: "Il nostro mercato è chiuso" - Tutto Juve

إقتباس R A F A N E L L I يوفاوي مخضرم

ليالي العيد تبان من عصاريها يا احمد

دام ما فيه معطيات قدامي توحي بموسم مبشر كيف تبيني اتفائل

قالوا لنا نجوم وجودة ومدري وشو واخرتها شوفت عينك

وعلى فكرة لو لا قدر الله ما فلحنا هالموسم بيتكرر نفس السيناريو

بيشترون 11 لاعب اخرين وبيصير نص سكان تورينو لاعبين يوفنتوس

دام فيه هالخكارية في الدفاع انا ما تفائلت ابد

السلام عليكم

كل عام وانتم بخير
وتقبل الله صيامكم وقيامكم

إقتباس الرسالة الأصلية كتبت بواسطة عاشق السيدة العجوز مريكاتو فاشل بكل المقاييس الله يعينا على موسم كئيب قادم

صدقت يا مبارك
الفريق العام كان يسجل اهداف

لكن المشكلة انه يستقبل زي السلام عليكم
وتذكرون كيف كان بوفون يطنقر كل فترة

وهالشيء من عقب اقالة رانييري بالذات

وتوقعنا ان الادارة تحط الاولوية لقلب دفاع متمكن
وكلنا تاملنا بلوقانو لكن الادارة سحبت عليه
علشان راتبه ؟ ياخي 4 مليون سنويا تستاهل انك تحطها بمدافع خبرة وعارف الذهب ويعرف يضبط دفاعك بدل هالمطافيق اللي ورا

وهاردلكم مقدما

واخيرن انتهى الميركاتو لكن للاسف بدون قلب دفاع ... ما اقول الا الله يعينا على هفوات كليني و بونوتشي الموسم الجاي

بما ان الميركاتو خلص يالله كل واحد يعطينا التشكيلة الافضل للفريق فالموسم الجاي :

انا ببدا بسم الله ..

التشكيلة الاولى .. 4-3-3

الحارس : يوفون
الدفاع : زيغلير --- كليني --- بونوتشي --- ليختيشتانير
الوسط : ايليا --- بيرلو --- فيدال
الهجوم : فوزينيتش --- ماتري --- كرازيتش

التشكيلة الثانية .. 4-2-4

الحارس : بوفون
الدفاع : زيغلر --- كليني --- بونوتشي --- ليختشتانير
الوسط : بيرلو --- فيدال
الهجوم : ايليا --- اليكس --- فوزينتش --- كرازيتش


اتمنى تعطوني رايكم

ما فيه حل الا المستثمر الاجنبي يا ناصر

نحن في زمن الجنون بكرة القدم

الفكر الي ماشي فيه ماروتا هو الي كان ماشي به السلف الايطالي السابق من الاداريين

هالفكر معد يوكل عيش

نحن في زمن المال

حتى الاندية الصغيرة اصبحت تجلب لاعبين كبار باموالهم واخر مثال باريس سانجرمان

اليوفي موب اقل من الاندية الي تعتمد على المستثمر الاجنبي بل يوفنتوس مطمع كبير لمثل هؤلاء

لو ماردوخ الي ماسكنا الحين كان حسم لك اي صفقة تحلم بها

ليش ما نحلم بلاعبين كبار ليش

ليش ما كنا نفاوض فابريقاس بدال فيدال

ليش ما كنا نفاوض ريبري بدال ايليا

ليش ما كنا نفاوض بال بدال زيقلر

ببساطة نحن لا نملك المال

مهما حاولنا ما رح نجلب النجوم بميزانيتنا الحالية والتي توازي ميزانية احد الاندية القطرية

إقتباس الرسالة الأصلية كتبت بواسطة عاشق السيدة العجوز ما فيه حل الا المستثمر الاجنبي يا ناصر نحن في زمن الجنون بكرة القدم الفكر الي ماشي فيه ماروتا هو الي كان ماشي به السلف الايطالي السابق من الاداريين هالفكر معد يوكل عيش نحن في زمن المال حتى الاندية الصغيرة اصبحت تجلب لاعبين كبار باموالهم واخر مثال باريس سانجرمان اليوفي موب اقل من الاندية الي تعتمد على المستثمر الاجنبي بل يوفنتوس مطمع كبير لمثل هؤلاء لو ماردوخ الي ماسكنا الحين كان حسم لك اي صفقة تحلم بها ليش ما نحلم بلاعبين كبار ليش ليش ما كنا نفاوض فابريقاس بدال فيدال ليش ما كنا نفاوض ريبري بدال ايليا ليش ما كنا نفاوض بال بدال زيقلر ببساطة نحن لا نملك المال مهما حاولنا ما رح نجلب النجوم بميزانيتنا الحالية والتي توازي ميزانية احد الاندية القطرية

صدقت يا مبارك هالطريقة ماراح توكل عيش

شف مانشستر سيتي وكيف فريقهم, 3 سنوات بس وصنعو فريق جبار
وكله بسبب الـ$$$$

اخويانا اغنى عائلة في اوربا
يكفيهم فيراري ومازراتي وفيات ................. الخ

وبالاخير يستكثرون على الفريق كم قرش
لا وازيدك من الشعر بيت , جون الكان معطي ماروتا 70 مليون وسلف بعد

طبعا هالشيء كله وراثة من جدهم انيللي اللي ما عمره دفع يورو للنادي الا بصفقة الثلاثي بونبارتي وتشارلز وسيفوري
والا مغير موزي فلوسه بمخباته

شف الاندية الثانية كيف تجيب صفقة تشعلل الاعلام كله

للاسف اليوفي كان واقف على موجي اللي قدر يلقط زيدان ومن بعده وهو مغرق النادي بسبب هالصفقة
يشتري ويبيع بسبب صفقة زيدان
راح موجي وتدهور الفريق

الان لغة كرة القدم تغيرت, شغل الخنبقة ما ينفع
ارسنال انرقع 8 لان مدربه وادارته مسوين حلوين وعلى بالهم استثمار
يخوي اعمل استثمار لكن لاتهمل الجانب الفني اللي هو اهم شي وانت مقيم فيه

شف مدريد ومانشستر كيف عمالقة رغم الديون
ليه اخويانا ما ياخذون قروض بنت كلب ويجيبون لعيبة ملاعين والدين بدل هالخنبقة موتا وبيبي واماوري الخ

حسبي الله ونعم الوكيل بس
شكلي ابكمل عادتي في الموسمين اللي راحو واتجاهل مباريات اليوفي
بس خل الموسم يبدأ ونعرف وش هالفريق من لحية
رغم ان مواريه نادي سوح

من بعد ارتباط الفريق بروسي واقويرو وريبري ولوقانو
شوفو اللي جو مكانهم

الله يرحم مزنة

لاتعليق ياشباب..وربي داج هالماروتا هو ولاعبينه

يعني اماوري جالس على قلوبنا؟؟؟؟؟

نووو كومنت...مافي اظهره ولا دفاع نفس مشكلة العام الماضي..شرا اجنحه وغير المحاور هذا الجديد فقط

سوق فاشل من اوله فاشل ..كلنا قلنا ننتظر لين النهاية ..وهذي النهاية..تعيسه للغايه..

لحد يجي يقولي اليوفي بسوي وبسوي..غصب عنه يسوي..فريق مطالب بالدوري على اقل تقدير..

مافي نادي ايطالي صرف هالمبالغ على لاعبين...لو اعطي المبالغ لتشيزينا الزلابه راح للرابع الموسم الجاي

باسكواتو البطل اعاروه الزلب...وربي زلب..

وخلو عندنا ازلب مهاجم بالارض اماروي..

لاعب تجيه كرة ارضية يسلتمها بالصدر..لابوه لابو من علمه الكوره..

لا ومصدق نفسه يتغلى على المنتخب البرازيلي.حدك المنتخب السعودي

شباب..الله يعينا..بنشجع فريق متهالك ..مهاجمين معاقين واجنحه تجارب..محاور مره مصاب ومره كرت..ومدافعين كل اسبوع عندهم عيد الفطر السعيد..وكل عام وانتم بخير

السلام عليكم

ليه الشباب على الH ???!!

الي يشوفكم يقول الفريق ايام مودجي كل سنة لاعبين سوبر مودجي كان يجمع من فرنسا و السيريا بي ويحطهم للفريق وبعدين لعلمك الي تسبون ماروتا الي ما جاب اقويرو و روسي الي مبالغهم تطق ال30 وال 40 مليون .. اغلى صفقة لمودجي 1_ بوفون = 20 الى 25 مليون 2_ نيدفيد الي ب 20 مليون لا وما جابهم الا بعد ما باع زيدان ب 54 مليون ولعلمكم روما على ايام مودجي عرض دي روسي و اكويلاني ولاعب ثاني ما اذكر اسمه و 10 مليون علشان يجيبون دافيز من اليوفي ومودجي رفض وطلب 15 مليون مع ال3 لاعبين ورفض روما وسكرو الصفقه و ثاني شي ما عمر اليوفي جاب لاعب مغموور كان اليوفي يلقط لاعبين على 5 الى 10 مليون وبعد سنتين او ثلاث يبيعهم بضعف اسعارهم .. 1- فييرا افضل محور بالعالم جابه بارخص الاثمان 2- تريزيجيه افضل هداف بتاريخ اليوفي من وين من موناكو 3- ابراهيموفيتش من اياكس الهولندي وكان لاعب مغمور وقتها 4-موتا الروماني اعتقد صفقة مجانيه لن تشلسي كان يبي يفتك منه ومن شره لنه كان حق مخدرات على ما اعتقد وجابه مودجي وبرز مع اليوفي ... والله اسماء كثيييييييييييره ما كانت معروفه جابها مودجي وبرزت مع اليوفي ... وانا الحين اتوقع اللاعبين الي جابهم ماروتا راح ينفجروووون باليوفي وتذكرو كلامي وابرزهم جياكريني و ابو اسم طويل متفائل بالاثنين


واسف على الاطالة واتمنى انكم ما تزعلون من كلامي