31/08/2011, 08:21 PM
|
 | محرر رابطة يوفنتوس | | تاريخ التسجيل: 07/12/2010 المكان: Riyadh
مشاركات: 743
| |
سلامن عليكم
كيف حال الشباب
خلاص قفل السوق رسميا  تعدينا السابعة بتوقيت ايطاليا
صراحة مدري وش اقول بس يبدو اني الوحيد المتفائل فيكم
صحيح انه شي يقهر فريقك يرتبط باسماء كبيره جداً وعامله فارق بانديتها وبالاخير نصفى على لاعبين عاديين وجزء كبير منهم مجانا
( بيرلو - زيغلر - باتزينزا ) كلهم مجانيين ماكان عليك تدفع الا رواتبهم يعني ما يبي لها ذهانه و حنكه
( جياكيريني - ستيغ ) باسعار رخيصة واحتياطيين ( مايعتبرون لعيبه تنتظر الميركاتو عشانهم !! ) ونسبة نجاحهم ماهي مضمونة
( ليكشتاينر - ايليا - فيدال - فوزي ) هم في نظري صفقات اليوفي الحقيقية نظراً لأن ماروتا دفع فيهم صح تقريبا اربعتهم بـ 45 ميلون يورو
وكذلك استكمال شراء بطاقات ( كواليا - بيبي - ماتري - موتا ) و و المحافظة على ستوراري
الميركاتو من ناحية الشراء / حاجة الفريق اقيمه 6 من 10 والسبب تكديس الاجنحة وتجاهل خانة قلب الدفاع بطريقة مستفزه لتوفر خيارات ممتازه وقتها
الميركاتو من ناحية البيع بشكل عام اقيمه 3 من 10 والسبب بقاء ياكونتا و اماوري اصحاب الرواتب العالية خصوصا الاخير اللي يملك اكثر من عرض !! وكذلك عدم الاستفادة المادية من عمليات البيع الاخرى اللي صارت
الميركاتو من ناحية الاعارات بشكل عام اقيمه 8 من 10 وانا مع اعارة البسكوته بسبب تكدس الاجنحة بالفريق وكذلك اعداده للموسم الجاي بشكل اقوى بعد اعتزال الدل خصوصا ان مركزه الاصلي 9.5 مو جناح , وضد اعارة جياندوناتو لقلة المحاور الدفاعية بالفريق
النتيجة النهائية بالنسبة لي 5.5 من 10 للميركاتو ككل مع ان موجي مدح ميركاتو اليوفي و قال ان هالميركاتو افضل ميركاتو بعد الهبوط , المميز واللي يعطي الأمل ان اللاعبين اغلبهم من اختيار كونتي ومو مفروضين عليه مثل من سبقه من المدربين
بعد 4 شهور فترة التسجيل الثانية يمكن نشوف فيها مدافع يستاهل لو كان فريقنا حايقها بالدوري
مع انه برأيي ان بونوتشي و كيلليني ممتازين كأسماء ولكن ينقصهم محور دفاعي فكاك يخفف عليهم الضغط وكذلك بعض التنظيم بينهم
تذكرون يا شباب يوم ندز الموسم الماضي ونمسك الوصافة ؟ كان فريقنا كسكواد ومدرب اقل من الحين لكن اللي فارق معنا كان البطل كواليا
السكواد الموجود الحين في نظري اكثر من رائع مقارنة بالمواسم الماضية , ممكن نشوف اكثر من كواليا يشيل الفريق هجوميا ويعطي حلول وابتكار ( فوزي - ايليا - كواليا - بيرلو ) غير موهبة ماتري بالفينيش داخل الـ 18 و حماس الدل هالموسم
عموما زي ما قلت انا متفائل و خلاص ما بقى شي ان غداً لناظره قريب كلنا بنشوف الفريق عن قرب ونقدر نحكم عليه بعد مرور كم جوله
يعطيكم العافية جميعاً على هالنشاط وموعودين بكالتشيو حريقه هالموسم  |
