^^^


هلا حظيظ

صحيح ان باستينزا كـ امكانيات اقل من الثلاثي بيرلو ماركيزيو وفيدال

لاكن اللاعب تكتيكي ممتاز وكان يعتمد عليه ولتر ماتزاري الموسم الماضي وهو طلع من الفريق لان إلينر انتقل لـ نابولي

باستينزا فكاك جيد للكرات وافضل شي فيه انه يوقف صح بالملعب ويغطي الفراغات ويطبق تعليمات المدرب بحذافيرها

/

شباب فيه شي لفت انتباهي في مباراة إنتر

بصراحه كونتي كبر بعيني بعد التكتيك هذا

بداية المباراة كان بيبي يلعب على في الجهه اليمنى

وبعد هدف مايكون. كونتي نقل بي بي إلى الجهه اليسار عشان يساعد كلليني ونقل فوزينتش يمين

وبعد ما طلع ماتري ودخل استيغاريبيا رجع بي بي جناح يمين واستيغاريبيا يسار يساعد كلليني

يعني غير مركز بي بي ثلاث مرات وكانت جميعها ناجحه وموفقه

^^

صح انه شي جيد الي سواه ببيبي .. لكن للأمانه باعتقادي هذا شي واضح لأي واحد ومافيه ابتكار او ابداع .. ويمكن تحسب على كونتي ما تحسب له هالنقطه انه تأخر بقراءته وما سوا هالشي الا بعد الهدف .. يعني كان من الفروض يكون عارف هالشي قبل المباراة او على الاقل بعد ما بدت المباراة وكانت اغلب هجماتهم من عند مايكون .. هذي نقطه .. النقطه الثانيه واضح وضوح الشمس ضعف الجهه اليسرى للإنتر لا هجوميا ولا دفاعيا .. وكان مفروض يركز هجماته على الجهه اليسرى للانتر .. أوبي + ناقاتومو + تشيفو = كلهم عاهات وبالراحه تطقطقهم هذي كلها اغلاط من المدرب كان ممكن يقدم افضل مع انه قدم شي بطل

بالنسبه لبياتزينزا وسالفة الإفتكاك .. سيسوكو يفتك نوتشيرينو ميلو كل هذولا عندهم هالخاصيه .. بس الفريق حاليا ماشي على اسلوب الاحتفاظ بالكوره واهم شي انه الاستلام يكون صح والتسليم يكون صح .. عشان كذا انا اقول انه ما يقدر ابد يمسك خانة اي واحد من هالثلاثه لأنه ضعيف بالباصات ولاعنده نظره للملعب بشكل عام ولا عنده القوه انه يحتفظ بالكوره او يعدي .. وهو زي ما قلتو انه يركض ويحاول يقطع والمدرب ما يدخله الا لما يكون الفريق مدافع .. ممكن مع الوقت يتطور او لو ركز عليه المدرب ممكن يتطور بس حاليا اللاعب ما يقدر يمسك هالخانه ..

اعطيك مثال لفريق سابقنا بهالتكتيك وهو افضل فريق بالعالم حاليا ..
ماسكيرانو .. افضل 20934820975029 مره من بياتزينزا ولاعب فكاك من الطراز الأول وبدع بالليفر وخذا كبتنية الارجنتين
لكن يوم جا للبرشا عجز يمسك مركز اساسي وكل مره يدخلونه يحوسهم بكم باص غلط وهو بطل وحتى افضل من بياتزينزا من ناحية التمريرات لكن مع هذا كله ما قدر يمسك لأنه ما يعرف يحافظ على الكوره صح !! ايه يقطع وبعدها يزفها لأي واحد لكن ما يجي ولا ياقف جنب بوسكيتس الي دفاعيا سيء ومع كذا يكون محور دفاعي ومفضل على ماسكيرانو .. لأنه اسلوب البرشا والي نفسه اليوفي تقريبا جالس يطبقه ..
عندهم سياسة ان الهجوم يكون هو الدفاع ولاحظ مجرد ما تنقطع الكوره منهم تشوف ميسي وبيدرو وفيا يركضون بكل قوتهم على الدفاع عشان ياخذون الكوره وهذا يتطلب منهم مجهود كبير .. لكن بمجرد ما ياخذونها يبدون بسياسه الباصات ومنها اللاعبين يرجعون ياخذون انفاسهم ويرتاحون ومنها الخصم يتعب ورا الكوره .. لكن اذا تعبو الهجوم على ما يجيبون الكوره وسلموها للوسط وبعدها يجي لاعب زي ماسكيرانو يمرر تمريره غلط ومعناته انه هجوم البرشا والوسط بيرجع يركض بكل قوته عشان يجيب كوره يعني انت يا ماسكيرانو تتعب فريقك وتخسرهم حتى لو قطعت بهالمباراة 1000 كوره
هالكلام نفسه لازم يقاس على بياتزينزا .. ولازم بياتزينزا يتمرن زين على اللعب من لمسه وتغيير الأماكن والاحتفاظ بالكوره .. ودام بوفون تطور بالباصات ماهي صعبه انه يتطور بياتزينزا لكنه حاليا سيء

كنت داخل ابسأل ولهيت ببياتزينزا


يا شبااب فيه موقع او صفحه او برنامج فيه كل مباريات الدوري .. يعني كل جوله اقدر اشوف نتايجه ؟
او على الاقل مباريات اليوفي كلها ..

اسعفونا يا شباب

وانا افحط بموقع اليوفي ..
لقيت ان شباب اليوفي يتصدرون الدوري ب5 انتصارات وخساره
ويجي عقبهم فيورنتينا

ودوري تحت 17 سنه اليوفي المركز الثالث فرق نقطتين عن الأول .. يعني نقدر نقول مستقبل يبشر بالخير

هذا كله شي طبيعي وعادي .. الشي الغريب بالموضوع انه لا ميلان ولا انتر ولا روما ماهم موجودين بدوري البريميفيرا او تحت 17 او تحت 15

إقتباس للمقارنة الموسم الماضي على ما اذكر انهينا الدور الاول بـ 31 نقطة وكنا في المركز الثاني ( قبل اصابة كواليا ) وكان عندنا رقم ممتاز وهو عدم الخسارة في 13 مباراة متتالية كانت هي آخر مباريات الدور الاول

لو جبنا هالنقاط نفس العام يعتبر شي ممتاز من الفريق .. ولو شفناها بالواقع يعني كأنه الفريق ما اختلف كثير عن العام
يعني اول بداية الموسم الماضي الفريق كان بطل دفاعيا وكان كراسيتش والكورلا مسوين شغل بالهجوم .. اصابة الكورلا خلت قاعدة( اليد الوحده ما تصفق) تنطبق على اليوفي
اصابه بس قلبت حال اليوفي 180 درجه

وهذا الي انا متخوف منه .. اصابه لأحد لاعبين الوسط تخلي الفريق يتعادل 3 مباريات ورا بعض .. يعني انه بينزل بسلم الترتيب .. يعني انه يبدا كلام الصحافه والقلق ويبدا الفريق بمرحلة الشك .. ويبدون يشبون على المدرب وآخر الموسم يشبون على الاداره لأنهم جابو مدرب ماعنده خبره .. كل هذي مشاكل جربناها الموسمين الي راحن والحماار الي ما يتعض


لا فيكيا .. تشكر على الموقع وهذا الي ابيه فعلا .. وبرضه لو فيه شسمه مثلا يعني
الجوله الأولى
الجوله الثانيه

^^
بنفس هالشكل يعني وتضغط مثلا على الجوله الأولى يطلعلك كل مباريات الجوله الأولى ..

إقتباس حظيظ حبيب ألبي قريت رسالتك و بالصدفه حصلت لك موقع على قوله حليم قبآآآآآآآآآآآر , من ناحيه الاحصائيات و النتائج وكللش

عليا النعمه دنتا الي كده
حماده

إقتباس حظيظ Football Italia - the Italian football website for English-speaking football fans هالموقع يلبي طلبك بالمللي وحتى فيه ملخص كتابي مطول لكل مباراة مع الحكم و التشكيلة لكل فريق تقدر ترجع له وتشوف الاحداث بس تصميمه بايخ مب زي الموقع اللي قبل

حبيبي تشكر أوي .. اذا رجعت للبيت ابي احفظ هالمواقع بكمبيوتري

محمد وانا افحط بموقعك .. فعلااا شي جبااااااار
جباااااااااااااااااااااااااااار
<---- علق

الموهم لقيت حاجه اول مره اشوفه وكانت ملاحظه بالمباراة

13%Cards per Foul31%

اليوفي 31 %

يعني اغلب فاولات الي يرتكبها اليوفي ياخذ عليها كروت بنسبة 31 % عكس الانتر الي 13 %

حظيظ والله المشكلة العبيصة على قولتك في الدفاع موب في المحور

بعدين من هاللاعب الي بامكانيات بيرلو ولا ماركيزيو يرضى يصير احتياط

عطني حلول عطني اسامي في بالك خل نتناقش فيها

بعدين انا قلت بياتزينزا يذكرني في اميرسون نفس الخصائص لكن موب نفس الامكانيات اكيد

حتى اذا تتذكر معي ايام كابيلو قبل الهبوط كان المحور يتكون من فييرا واميرسون واحتياطهم جيانيكيدا وكان مو ذاك اللاعب الي بامكانيات فييرا او اميرسون لكنه يفك ازمة وقت الاصابات

المشكلة تكون اذا كان الاساسي دبش مو الاحتياط

يعني الدفاع عندك اثنين مضيعينا طول الموسم بونوتشي وكيليني

صراحة طاريهم يجيب لي المغص وصرت اكره تواجدهم في التشكيلة

هذي هي معضلتنا الوحيدة حتى الان من وجهة نظري

حظيظ بالنسبه لموضوع بي بي انا ما اعتبره شي بديهي لا بالعكس

لأن كونتي كان يبي فوزينتش يضرب بالمرتده في حالة تقدم مايكون وحتى لو تلاحظ اليوفنتوس دخل المباراة دفاع نوعاً ما وبعدها بدا يهاجم شوي

يعني تكتيك كونتي كان ادافع والعب على المرتده اول ربع ساعه وكان طبيعي انه يخلي فوزينتش مكان مايكون عشان يستغل تقدمه ووكل التغطيه لماركيزيو مع كلليني الي عجزو انهم يوقفون مايكون

في نفس الوقت رانييري على سبيل المثال ما نقل زانتي لـ اليسار واوبي لليمين يوم شاف ان كل هجمات اليوفي من الطرف اليسار. وهذا الفرق بين مدرب مثل كونتي ورانييري.

خلاصة كلامي ان كونتي حاول يوجد التوازن قبل اللقاء واثناء اللقاء وهذا شي يحسب له لما يسوي شي غلط في توازن الفريق على طول يعدله اثناء المباراة.


طيب بالنسبه للمحاور صحيح ان خطة اليوفي تعتمد على الاحتفاظ بالكره وان غياب احد الثلاثه لا يعوض بس انا اشوف ان الظهير اليسار وقلب الدفاع اوليه قبل الوسط.

صحيح في حالة اصابة احد الثلاثه راح تخلق لنا مشاكل مثل ما عانينا في غياب فيدال, وانا بصراحه اضم صوتي لصوتك نحتاج لاعب وسط يضبط الايقاع بشرط انه ما يكون اسم كبير عشان ما يصير تذمر من اي لاعب انه يجلس على دكة البدلاء.

بالنسبه لـ الجناح اليمين اتمنى كونتي يبيع كراسيتش ويجيب جناح عليه الكلام. لان كراسيتش سعره عالي ونقدر نبيعه بـ 25 مليون سلام سلام




جياكريني لاعب رائع وانا اراهن عليه انه افضل جناح دفاعي وهجومي.

عنده نفس خصائص بي بي وزياده انه لاعب هداف ومرواغ ممتاز وتسديداته خطيره

ياليت يعتمد عليه كونتي وانا اراهن عليه اذا اخذ فرصة مع كواليا

هلا بالربع ,,
يالله حيهم ..
مبروك فوزكم على (ظريف إيطاليا) ..
عموما شوفوا هالمدرب الكبير ..
وطريقة التحفيز الجديدة للفريق ..
أسلوب تكتيكي خارق ..
أشوى إني منب لاعب عنده ..
إضحك حتى تستلقي ..
‫مدرب العربي الجديد‬‎ - YouTube

معليش ابخطم بالنقاش

حظيظ

انا ماعرف بياتزينزا ولا وش هو من لحية .. لكن ابسألك بما أنك ضربت مثال بماسكيرانو .. فيدال معجبتك تمريراته !!!؟

لاعب حشري يحشر اوم الفريق اللي قدامه بس ماتضمنه صراحة بالمناولات اكثر من يناول غلط بخط الوسط هو ويجي قبله بالاخطاء كليني وبانوتشي .!!

امنية اشوف الاحول جايبن لنا ظهير يسار بالشتويه ومرجع لنا اكيدال ياهو مفصل تفصيل لخطة ابو الكونت .. مايخالف يصير احتياطي لكن بنفس قوة الاساسي



صالح

ارفق الله يرحم والديك خلنا نتفاقش مهب كل يوم زارف صفحتين كلها اخبااار انا كتبت بعد الفوز نقطة واتمنى انكم تناقشونه لأنكم ماشفتوه وذلك بسبب بركات صالح ماشاء الله عليه

الا وهي :
ابو الكونت .. طريقته حلوة وكويسة وعصريه لكن فيه بعض الخوف اذا بدأت المباراة .. تقريبا 8 جولات ماشفنا ابو الكونت يجازف فيها !! ماشفناه يلعب اجنحة هجومية بحته !! ماشفناه امس مثل ماهو مفترض يطلع كليني ويدخل اشتون كوشتر مكانه . يشوف الخطأ ويوجه ويتمنى ان يحدث الافضل .. وهو بأمكانه معالجة الخطأ من الاساس .
وازيد على ذلك مثل ماقال شبح مايكون معروف انه مصدر قوة الانتر من المفروض انك حاط بيبي من الاول عنده ومفرغ فوزينتش للكديش اللي يسار .

عدنا والعود احمد

الف مبروك الفوز على فريق الجنسيات وهاردلك لهم
لا يفوتكم الموقع الرسمي منزلين صور بمناسبة عيدهم الهلوين



لايق عليييك ياوحش هههههههههه











مقزز





---

ماروتا : هناك وعي كبير يجب علينا ان نتذكر الانتصار دائما


"وجهك ياعزيزي اندريا"

( كونتي لديه ثقافة العمل , هناك مزيد من الوعي في جميع انحاء الفريق مجموعه وإداره
اليوفي يملك الفوز في الدي ان آي فقط .
وعن اليكس : لابد من احترام رجل ربط حياته بألوان اليوفنتوس وثبت انه الافضل )

---

ماتري! : يوفي وميلان بطولتهم المفضله اسكوديتو



" هو المرشح الاكثر للفوز باللقب لانه بطل ايطاليا بالفعل "
وقد ذهب اليساندرو ماتري للتبرع بنخاع العظام .. كان صادق وواقعي :
" نحن نفكر في هذا الصدد حتى نصل الى اعلى مستوى ممكن , واضاف : جالياني محق في القول بأن اولئك الذين يعانون يفوزون بأقل الاهداف
لكننا لا نزال نرغب في التسجيل اكثر , تجاوزنا الانتر بالفوز وقد قدمت اداء ممتاز
نحن في منتصف سلسله من النتائج الايجابيه ونسينا بالفعل مباراة يوم السبت ونفكر بالسبت الذي يجمعنا مع نابولي "

---



^ معقوله كل هالحلا ياااااااااااااااااااااااااربي معقوله !!

يعطيكم العافيه جميييعا وعذراً اذا في ردي شي مكرر لاني مارجعت للصفحات الماضيه ..
اجازه سعيده للجميع وابتدا جو المخيمات يالبيييه