^^

صح انه شي جيد الي سواه ببيبي .. لكن للأمانه باعتقادي هذا شي واضح لأي واحد ومافيه ابتكار او ابداع .. ويمكن تحسب على كونتي ما تحسب له هالنقطه انه تأخر بقراءته وما سوا هالشي الا بعد الهدف .. يعني كان من الفروض يكون عارف هالشي قبل المباراة او على الاقل بعد ما بدت المباراة وكانت اغلب هجماتهم من عند مايكون .. هذي نقطه .. النقطه الثانيه واضح وضوح الشمس ضعف الجهه اليسرى للإنتر لا هجوميا ولا دفاعيا .. وكان مفروض يركز هجماته على الجهه اليسرى للانتر .. أوبي + ناقاتومو + تشيفو = كلهم عاهات وبالراحه تطقطقهم هذي كلها اغلاط من المدرب كان ممكن يقدم افضل مع انه قدم شي بطل

بالنسبه لبياتزينزا وسالفة الإفتكاك .. سيسوكو يفتك نوتشيرينو ميلو كل هذولا عندهم هالخاصيه .. بس الفريق حاليا ماشي على اسلوب الاحتفاظ بالكوره واهم شي انه الاستلام يكون صح والتسليم يكون صح .. عشان كذا انا اقول انه ما يقدر ابد يمسك خانة اي واحد من هالثلاثه لأنه ضعيف بالباصات ولاعنده نظره للملعب بشكل عام ولا عنده القوه انه يحتفظ بالكوره او يعدي .. وهو زي ما قلتو انه يركض ويحاول يقطع والمدرب ما يدخله الا لما يكون الفريق مدافع .. ممكن مع الوقت يتطور او لو ركز عليه المدرب ممكن يتطور بس حاليا اللاعب ما يقدر يمسك هالخانه ..

اعطيك مثال لفريق سابقنا بهالتكتيك وهو افضل فريق بالعالم حاليا ..
ماسكيرانو .. افضل 20934820975029 مره من بياتزينزا ولاعب فكاك من الطراز الأول وبدع بالليفر وخذا كبتنية الارجنتين
لكن يوم جا للبرشا عجز يمسك مركز اساسي وكل مره يدخلونه يحوسهم بكم باص غلط وهو بطل وحتى افضل من بياتزينزا من ناحية التمريرات لكن مع هذا كله ما قدر يمسك لأنه ما يعرف يحافظ على الكوره صح !! ايه يقطع وبعدها يزفها لأي واحد لكن ما يجي ولا ياقف جنب بوسكيتس الي دفاعيا سيء ومع كذا يكون محور دفاعي ومفضل على ماسكيرانو .. لأنه اسلوب البرشا والي نفسه اليوفي تقريبا جالس يطبقه ..
عندهم سياسة ان الهجوم يكون هو الدفاع ولاحظ مجرد ما تنقطع الكوره منهم تشوف ميسي وبيدرو وفيا يركضون بكل قوتهم على الدفاع عشان ياخذون الكوره وهذا يتطلب منهم مجهود كبير .. لكن بمجرد ما ياخذونها يبدون بسياسه الباصات ومنها اللاعبين يرجعون ياخذون انفاسهم ويرتاحون ومنها الخصم يتعب ورا الكوره .. لكن اذا تعبو الهجوم على ما يجيبون الكوره وسلموها للوسط وبعدها يجي لاعب زي ماسكيرانو يمرر تمريره غلط ومعناته انه هجوم البرشا والوسط بيرجع يركض بكل قوته عشان يجيب كوره يعني انت يا ماسكيرانو تتعب فريقك وتخسرهم حتى لو قطعت بهالمباراة 1000 كوره
هالكلام نفسه لازم يقاس على بياتزينزا .. ولازم بياتزينزا يتمرن زين على اللعب من لمسه وتغيير الأماكن والاحتفاظ بالكوره .. ودام بوفون تطور بالباصات ماهي صعبه انه يتطور بياتزينزا لكنه حاليا سيء