بسم الله الرحمن الرحيم
السلام عليكم ورحمة الله وبركاته
اولا : مبرووك لجميع الهلاليين نقطة التعادل مع الاتحاد .
ثانياً : يا اخوان يمكن الكل لاحظ معي العك الكروي اللي قاعد يسويه مدربنا القدير كالديرون من مباراه لأخرى ، يعني بالله فريق مثل الهلال متصدر الدوري ويلعب في ارضه وبين جماهيره ويدور على التعادل من خلال خلطة ( المعلم ) كالديرون العقيمه ، وكأني بهذا الكالديرون يقول للاعبيه العبوا على التعادل واخروا اللعب قد ماتقدروا .
بالله يا اخوان هذا مدرب ؟
في كل مباراه يفاجأنا ( المعلم ) كالديرون بلخبطه جديده في طريقة اللعب ، وفي كل مباراه يضع جمهور الهلال ايديهم على قلوبهم خوفاً من ضياع نتيجة المباراه .
في مباراة الليله مع الاتحاد لعب ( المعلم ) كالديرون بلاعب محور واحد ومن امامه اربع لاعبين وسط ومهاجم واحد ، وكان يوكل لمحمد الشلهوب مساندة خالد عزيز في خط المحور ، بالله عليكم ياناس الشلهوب يلعب محور ؟
الشلهوب ذو الجسم النحيل والبنيه الجسمانيه الضعيفه يلعب محور ويتصدى للاعبي الاتحاد ذوو الاجسام الطويله والبنيه الجسديه القويه ، وكأني بـ ( المعلم ) كالديرون يريد قتل موهبة الشلهوب .
طيب مايخالف لاعب الشوط الاول بالطريقه العقيمه هذي وتبدأ الشوط الثاني بنفس الطريقه ؟
ياخي والله فلسفة مدربين مالها اي داعي ، والله العظيم احنا كجمهور شايفين الغلط من وراء الشاشات وشايفين ان طريقتك يا ( معلم ) كالديرون لاتوحي انك مدرب محترف .
كان من الأحرى من ( المعلم ) كالديرون في الشوط الثاني انه يغير طريقة لعبه العقيمه وهو يلعب في ارضه وبين جماهيره ويقوم بتغيير عبدالعزيز الدوسري ( السيء ) في المباراه واحمد الفريدي ( البارد ) من وجهة نظري ويقوم بالزج باللاعبين أحمد علي ومحمد القرني ، فالأول يستطيع خلخلة دفاع الاتحاد اللي كان مرتاح طوال فترات المباراه ويحرر ياسر من كماشة الدفاع الاتحادي ، والثاني ( القرني ) يستطيع اراحة خالد عزيز وتحرير الشلهوب والتفرغ لصناعة اللعب بدلاً من القيام بادوار دفاعيه بالنسبه للشلهوب .
لا اعلم ماذا كان ينتظر ( المعلم ) كالديرون في المباراه وهو يرى المدرب المنافس يقوم باللعب بثلاث مهاجمين ويريد خطف نتيجة المباراه ، ويقوم بالتغيير الاول في الدقيقه 75 تقريباً والتغيير الثاني يقوم باشراك شافي الدوسري >> وش يبي منه ، ويترك الشلهوب يصارع لاعبي الاتحاد وكأنه مصمم على قتل موهبة الشلهوب .
عموماً اتمنى من الجهاز الاداري تنبيه المدرب والحد من تخبطاته التي ربما تفقد الهلال من المحافظه على لقب الدوري .
آآسف على الاطاله ،، ودمتم بزعامه .

إقتباس الرسالة الأصلية كتبت بواسطة الكاسر ياسر الآسـر مباراه اليوم كانت تكتيكيه بحته اخوي كاتب الموضوع فنيــاً كالديرون عرف يتعامل مع المباراه خصوصا في ظل خطوره الفريق الاتحادي الاتحاد غير النصر اخوي الله يحفظك ... ما اوافقك فيما قلت عن المدرب ... وانت حر برأيــك

انــــآآآآآ مع راي اخووووي بالضضبط ...

شكرا اخوي كاتب الرد ، والله اتمنى اني ادرب نادي القرن في يوم من الأيام وصدقني راح احقق ماعجز عن تحقيقه كالديرون ( المعلم ) ، بس شف لي واسطه لاهنت .
وبعدين يومك تقول ابي كل شي على كيفي ، لا يالحبيب مو على كيفي بس هذي حسابات فنيه يعرفها الصغير قبل الكبير واتحدى اي احد من النقاد والمحللين يقول عكس كلامي لأن التخبط الفني واضح وضوح الشمس في رابعة النهار، ويعني تنتظر منه يخسر محلياً كي تقيم الدنيا ولا تقعدها ، وبعدين كلامي فالموضوع يعتبر وجهة نظر شخصيه والظاهر انك ماتشوف فالمباريات غير الاهداف بس .
عموماً شكراً لك يازعيم عالمشاركه ،، ودمت بزعامه .