هلا بالفرام .. ومبروك الفوز وعقبال الكأس إن شاء الله ..
موضوع جميل ولدي بعض التعليقات إن سمحت لي ..

إقتباس تعليمات الفيفا واضحه !! فاللعب النظيف هو شعار كرة القدم !!! ومن يخالف ذلك يعاقب !!!!

للأسف هذا مهوب عندنا أبداً ..

إقتباس وثقتنا كبيره بالقطري ابن همام للتحقيق مع سامي وبيلاتشي وكوني !!! ليسمعوا اعتراف كوني !!! عندها يتخذ قرارا بايقاف كوني وبيلاتشي لمده لاتقل عن عام وتغريمهما ماليا !!!!!

للأسف من شروط قبول كرسي اتحاد آسيا هو معاداته لكل ماهو أزرق !! يعني من المستحيل ومن عجائب الدنيا السبع أن يقوم القطري ابن همام بهذه السابقة اللي بيعتبرونها ربعنا ( خطيرة على الاتحاد الآسيوي).. بلا شك ستحال هذه المشكلة إلى بيتر فيلمبان .. وبيتر فيلمبان مبدأه بهالدنيا ( يا أنا يالهلال ) !!

شفنا اليوم أن بلاتشي قال للصحف أن سامي تربطه علاقة صداقة وعادية بين الأصدقاء ( الله يرجك يابلاتشي صديق عقب هالكلام وربعنا اللي هنا وش نقول لهم !! ) ..

سامي إن كان مخطيء فيجب أن يعاقب وهذا أنا أعده من المستحيلات .. سامي وصل مرحلة تسمى بعالم الكرة مرحلة النضج الكروي ومهيب معقولة أنه تطلع منه هالنرفزة قبل مشاركة ينتظرها محبيه قبله اللي هي كأس العالم .. يعني سامي أبخص .. وعارف وش يسوي .. ولا نقول معصوم أبد أبد .. لكن بعض المرات الكره والبغض يسبب حاجات عكسية وهي ما شفناها بعد الساعة 6.15 أمس ..

إقتباس يجب ان يتحرك الاتحاد السعودي برفع شكوى الى الاتحاد الدولي وعن طريق الاتحاد الاسيوي

<<== هذي لاتحادنا .. <<== وهذي للآسيوي .. سعيد أخو مبارك أخوي الفرام .. وصدقني أنا خوفي من اتحادنا بالمقام الأول .. يعني هو اللي بيده القدرة على ( ممارسة البطش وياكثرها في عالم الهلال)
وما سالفة الثنيان ببعيدة .. اللاعب موقوف آسيوياً .. ورئيس الإتحاد العربي آخر من يدري !! ومن زين الطبايع يرسل للإتحاد الاسيوي استفساره عن هالمشكلة!! يعني استغفال بعقل المشجع الهلالي ومع هذا الهلال مدعوم!!

إقتباس في حالة خسارة المنتخب السعودي لسامي ونواف في كأس العالم وهم الذين يعتمد عليهم الجوهر في صناعة اللعب ماذا سيقدم المنتخب السعودي وهو يصارع اعتى الفرق العالميه كالمانيا وايرلندا والكاميرون !!!!!

عندهم منتشري.. وسويد..ونور .. ولا يهون سعد الزهراني

إقتباس ان سيطرة الكرة السعوديه على مستوى الاندية والمنتخبات على البطولات الاسيويه والخليجيه قد اغضبت الكثير !!! واصبحوا يخططون لايقاف هذه السيطره !! وما الطريقة المعمول بها في نهائيات كاس الكؤوس الآسيويه الحاليه الا دليل على ذلك !!! ..

لو أنك مستبدل الكرة السعودية بالكرة الهلالية لكان أكثر شجاعة منك .. وليس نقص منك ابد ..
فالواقع هو اللي يقوله .. 5 بطولات والسادسة بالطريق من نصيب الهلال إن شاء الله .. يعني لولا الله ثم الهلال . كان لا زلنا نراكض أندية الخليج العربي ..

مشكلتهم يا عزيزي أنهم ما يعرفون قيمة الهلال إلا إذا غاب عن البطولات الآسيوية !!

لم يمر نهائي على قارة آسيا مثل نهائي أبطال الدوري عام2000 واللي كان الهلال طرفاً فيه كالعادة ..
لم يمر وقف للاعب سنة كاملة إلا على لاعب هلالي ..
لم يمر وقف ستة أشهر على لاعب أخذ حقه بالكرت الأحمر .. مع أن الحادثة ما تدخل ضمن ( سوء سلوك) لكنها تدخل ضمن باب( خطأ مقصود ويعاقب عليه القانون ).. الإ بالهلال..

والقائمة تطوووووووول ..

إقتباس يجب ان نتنبه لهذا جيدا ويجب ايقاف كل ساذج غبي لامسؤول عند حده بداية بال الشيخوالطويرقي والشعلان ومن هم على شاكلتهم !!! فالأمير سلطان ونائبه يبنون وهؤلاء المرتزقه محبي الظهور والمكياج والأصوات الرومانسيه يهدمون !!!!!!

للاسف يالفارم أنهم هم اللي حثوهم على هالوقاحة!! والا لم نسمع عن التحقيق مع هلال الطويرقي بعد فضيحة قناة قطر!! لم نسمع بأن التافه اللي اترفع ذكر اسمه بين الرجال أن لايدع أية محطة إلا وان يفضفض لهم ويعطيهم معلومات مضللة.. هدفها ( ياخي اكرهوه زي ما نكرهه!! وش زودكم عننا!!)

بالعكس الربع جايز لهم الوضع.. وشركة الاتصالات هي الربحانة ..بس لو يكون الرد دايم بالملعب صدقني بيصير هؤلاء التافهين في عداد المصابين ( بالحرقان ).. وسيصبح دواءهم عكسي .. يعني أي واحد يبي يغير جو الكآبة اللي هو فيها بيتفرج على بطولة النخبة اللي بسوريا .. ما قلتلك بيصير دواءهم عكسي بس علينا الاستعداد لهذه المرحلة ..

والوعد إن شاء الله الكأس وبيتبعها إن شاءالله بالدوري بس نبي مبدأ لازم يكون عند الحكام المبدأ هو ( أعطوا الهلال حقه .. من غير زيادة ولا نقصان) ..

وآآآسف على الرد الطويل ..