جمهور الرياض . . . وش السالفة ؟؟؟ !!!!!!
بسم الله الرحمن الرحيم
هارد لك الخسارة يازعماء وهذه ليست نهاية المطاف
باقي خمس مباريات نستطيع ان نعوض فيها
اكتب هذه الأسطر بعد ان رأيت البعض ينتقد الجمهور
وبالذات جمهور الرياض
ياحبيبي أنت متكي في بيتكم وتشرب شاهي ومشغل المكيف
وتجيني هنا تنتقدني
الجمهور ماقصر رجوا الملعب رج
حتى بعد الهدف الايراني الاول واصلوا التشجيع
بس ياخي شيء يحطمك كمشجع
مستوى غريييييييييب والفريق يلعب بلا هوية
وبعدين ياللي تقول الجمهور مايشجع طول المباراة
ياخي ترانا اوادم مو كمبيوترات نشجع لك 90 دقيقة متواصلة
وخذ في بالك ان الجمهور يجي من الساعه الرابعة عصرآآ
ولا يلقون شي صاحي في الملعب يشربونه او ياكلونه
اما موية حارة او عصير حآآآآر ولا كرواسان ماله طعم بس هذا الموجود
قبل لاتحكم تعال الملعب بنفسك وشف التفاعل الجماهيري كيف
ماتقعد متكي في البيت وتحكم من التلفزيون
انا أحضر لمباريات الهلال من الساعة الرابعة عصرآآ
وانت طول اليوم تدوج في هالشوارع ولا على النت
وفي الأخير شوفوني ياناس اعرف انتقد
طبعآ هذا للي في الرياض
وللي برى الرياض وفي كل مباراة ينتقدون جمهور الرياض
ياخي يكون في علمك الهلال يلعب في الرياض حوالي 25 مباراة في الموسم
وأنت يلعب عندك الهلال مرة وحدة بسسسسس
يعني اكيد انت بتحضر هالمباراة الوحيدة
طبعآ مع وجود المباريات في وسط الأسبوع وهذا يعني صعوبة حضور الجمهور
غير كذا ياخي انتم ماتحسون بمعاناة جمهور الرياض
من التعامل السيء من قبل رجال الأمن في استاد الملك فهد
ياخي كل شيء ممنوع وعلى حسب مزاج العسكري
تخيل يمنعون كاميرا التصوير آحيانآ
ويمنعون الموية
تخيل اليوم جايب معي جريدة ابي اقراها في الملعب قالوا ممنوع تدخل بالجرايد
تخيل معي قلم هدية من ولد عمي قال بنصادر القلم لأنه ممنوع
قلت ماتاخذ القلم طبعآآ مشاني
كل عسكري يحط نظام من راسة
اليوم واحد جايب صورة الملك عبدالله وجنبها شعار الهلال
قالوا ممنوع تدخل فيها !!!!!!!!!!!!!!!!!!!!
وواحد ثاني دخل بنفس الصورة مع بوابة ثانية
ممنوع تطلع من المدرجات عشان تشرب موية واذا طلعت ماترجع
حتى الصلاة احيانآ مايخلوننا نطلع للصلاة واذا طلعنا مايرجعوننا
والله العظيم اذا قلت للعيال نروح الملعب
نحس اننا رايحين سجن
ونقول لبعض ياعيال كل شيء يهون لعيون الزعيم
ياخي وفروا لنا أجواء مثالية وتشوفون الملعب كيف يصير فلللللل
طبعآ هذا غير التنظيم السيء جدآ للمرور في خارج الملعب
يحشرون الجمهور كله في شارع واحد ويصير فيه زحمة وتقعد ساعة عشان توصل بيتك
أعذروني على الموضوع واتمنى تتقبلونه برحابة صدر