بسم الله الرحمن الرحيم
امسي عليكم بالخير يازعماء وان شاء الله انكم صحيتم من صدمة الهزيمه اللي للأسف كبرناها اكثر من اللازم
اول شي ابي ابدأ بموضوع كالديرون وتناقضكم الكبير ياجمهور الزعيم اول خساره لنا مع كالديرون وشنيتم حملات لأبعاده انا ودي اسأل سوال هل فيه مدرب ما يخطي؟؟ وهل فيه فريق مايخسر؟؟
للأسف ومع ذلك فيه كتاب كبار ومشرفين شنوا غضبهم على كالديرون حنا ما نقول كالديرون ما اخطأ لكن ليش هو بس اللي يتحمل الخساره لوحده واذا فاز جيرتوها لبعض اللاعبين خسارتنا امام الفريق الايراني يتحملها اللاعبين والمدرب مثل ماينسب الفوز لجميع اللاعبين كالديرون صحيح انه اخطأ في التشكيله وبعض التغييرات لكن اللاعبين هم انفسهم اللي تخاذلوا وشفتوا انتم اخر خمس دقايق يوم صحوا وش كان عليه الهلال لولعبوا بمستواهم اخر الدقايق من بداية المباراة كان ماصار اللي صار وطلع لنا بعض الجماهير بحملات مالها داعي وبعدين ماشفت احد ناقش الاخطاء الفرديه اللي تسببت بالهدفين والا كالديرون هو بعد اللي يتحمل الهدفين اللي اقل ما اقول عنها اهدااااف غبيه بمعنى الكلمه
وكالديرون ماهو اول مدرب يخطأ الاخطاء وارده انا نفسي استغربت اشرااك السديري والشمري موجود احترم السديري لكن مباراه اكبر منه لابد ان يلعب تدريجياً ماهو اول ما ابدع تحمله مباراة بمستوى اسيا لابد ان تكون حبه حبه
ومع كل هذا الا اني اقول كالديرون مدرب كبير وما يعجبني فيه اكثر هو اعتماده على الافضل والجاهزليس على الاسماء ولو كانت فيه بعض الاخطاء في اختياراته لكن يظل مدرب كبير وانا بأذن الله متفائل ان شاء الله
وارجو من الجمهور ان يبتعد عن بعض الانتقادات اللي ماتودي ولا تجيب وليس من المعقول ان تتغير نظرتنا من مباراه إلى اخرى
الكل شاف ياجمهور الزعيم التغني بالمدرب كالديرون في المباريات السابقه والان لما خسر مباراه واحده صار فاشل وتغيرت ارائكم صراحه شي غريب!!!
رساله للجمهور وانا اولكم:
يجب علينا ان نقف مع الاداره والجهاز الفني واللاعبين وان ننتقد نقد هادف وبالارقام ليس عاطفياً مثل ماشفنا من بعض الجمهور وللأسف بعضهم قدوه لنا واعني كتاباتهم متابعه بشكل كبير في المنتدى ويتأثر اغلب الجماهير فيها
وان شاء الله ان الخساره خيره تصحي لاعبينا وتصحح الاخطاء الموجوده وانا متفائل بقادم المباريات وان شاء الله متأهلين من مجموعتنا متصدرين بأذن واحد احد.
بالتوفيق لزعيم اسيا