أول شي هاردلك يازعماء
ثاني شي . اشوف ناس يقولون المدرب فاشل , وفية ناس يقولون اللاعبين مايحترمون الجمهور, طيب بالله كم للهلال ما انهزم .
طيب يعني البرشا الحين مدربهم غبي , او اللاعبين اغبياء , شي طبيعي ان ينهزم الفريق ولكن الشي غير الطبيعي ان يتخلى الجمهور عن فريقة او يحاربة ,
المندسين يا اخواني هم اللي يطالبون برحيل المدرب في الوقت هذا , او اللاعب الفلاني فاشل , او اللي يقول بنقاطع مباريات الهلال.
اخواني المفروض نناقش الموضوع بعقلانية . وفنيا . اما اقالات وطلب الجمهور بعدم الحظور ,فهذي كلها كلام ناس ماتحب الهلال وهذي لن تنطلي على جمهور واعي وعاشق فريق بطل سيفرحنا قريبا انشالله ,
كلنا خلف الهلال حتى اخر لحظات في حياتنا . اتمنى ان نقف مع المدرب واللعيبة كي نحصل على مبتغانا .
والف شكر

اوووه مندسين طلعو من جحورهم ولقوها فرصه>>يازعماء الي راح راح خلونا نفرك بالجاي نبي رفع الهمم خلونا نطوي الي فات ونفكر بمنطق كيف خسر الهلال بهدووووء وعقلانيه مانبي هوشه صح الاعبين ماضهرو بالشكل المطلوب الا اننا نطالبهم بتقديم المستويات حتى كالديرون قال سنتاهل خلونا نصبر ياجماعة الخير ترااها اول مباره ماطارت الدنيا والتصحيح بالمباره الجايه

لابد وأن نفكر بالقادم ..

ولكن هل ترى قادم مذهل مع كالديرون ؟؟
أو مع المحترف أحمد علي ؟؟

من يعشق الزعيم يصدق بالقول دون مجاملة أو عاطفة ..
الهلال يسير بطريق خاطيء .. وإن استمر الحال دون تدارك فسوف نعض أصابع الندم بعثرات متتالية .

الخساره ليست اخر المطاف

الدرب قدامنا باقي وان شاء الله بعودة الكوري وياسر والغنام والباقين بيرجع الزعيم كما كااااااااان

يعطيك العافيه

كلام سسليم والله الهزيمة مو اخرف المطاف وعندنا امل كبير اننا نتأهل ..
بس ششوف تواقيـع الاغلبية يردون لكالدي الرحيـل .. !!!
الله يوفق الزعيـم بس وان ششاء الله نقدم مسستويااااااااااااااااااااااااات حلوة من يوم الاحد .. !

مندس مييييييييييين

اذا جلسنا نطبل للفرق ونخلق اعذار بنطلع بدري بدري

اذا انت تابعت المباره امس وزعلك المستوى والهزيمة

وقلت وجهت نظرك يعني مندس؟؟؟؟؟؟؟؟؟؟؟؟؟

هذا مو حكم على الناس كلنا نتكلم من حبنا للزعييييييم

كالديرون ماعنده ماعند جدتي

و الكتاب باين من عنوانه الرجال جالس يكرر اخطائه البدايه اما سوء اختيار التشكيل او التوظيف السيئ للاعبين
وكادت تضيع مباريات بالدوري لولا بسالة الفريق والان طاح الفاس بالراس المدرب مفلس فنيا وسبق ان حذروا منه المحللين الفنيين لكن لافائده الجابر راكب راسه وقال يبي يجيبه

على الاداره ان تجلب كورمين كحل ممتاز بالوقت الحالي لأنه عارف الفريق وسبق ان دربه وهو متعلق بهذا الفريق
اتمنى اتاحة الفرصه له لنستعيد هيبتنا المحليه والاسيويه لأن اذا استمرينا في الخطأ سنخرج من اسيا و كاس ولي العهد وممكن نفقد الدوري وهذا مايخطط له كالديرون يريد اسقاط الهلال و مو بعيده يكون كالديرون على اتصال مع البلوي وتشوفون الايام بينا أنا حاس يبي يصير شي هذا الموسم ولا راح ناخذ ولا بطوله

اقول روح تابع كرة تنس احسلك قال مندسين قال

الحين الي ينتقد ويطلع الي بقلبه بالمنتدى صار مندس يالطيب ترى هاذا منتدى هلالي مو مجلس ادارة الهلال تصفية حساب

فريقي اليوم فاشل وكيفي بقول اسباب فشله وفي لاعبين فشله مثل احمد علي والفريدي والمرشدي والمدرب درج والرئيس غلطان لانه جاب مهاجم مستواه مثل مستوى الجيزاني

تبي تمنعني اقول رايي هههه

والله يوفق الهلال ولازام الرئيس يحاسبهم وبقوه وعنف لانه هاذي البطوله هي المهم والباقي سهله اذا ماجبنا اسيا هالموسم انا اقول للاداره استقيلي ونبي اداره يكون هدفها تجيب اسيا مو الدوري قدام الفقرر والتشاد

ياجماعة الخير فكونا من هالسالفه المندسين وغيره

اكبروا في طرحكم


الي بيندس يندس


لاتكن عقليتنا مثل البعض

نحن نسير في النور وفريق الهلال واضح


دعونا نبحث عن الاخطاء ونتناقش بموضوعيه بعيد عن التشنج


تقبل تحياتي

والله كلامك 100٪ الله يعطيك العافية اقسم
بالله أني منصدم بشكل ما احد يتوقعه لكن
هذا الهلال ياحبيبي والله بعد مشيئة الله ان
نفرح قريب بس لازم نعرف انو ما فيه فريق في
العالم ما ينهزم ولازم نحط في أذهاننا انو مباراه
البارح درس لازم نتعلم منه وبعد كذا نصحح الأخطاء
وترجع الهيبه وصلى الله وسلم
وتقبلو مروري واحترامي وودي
محبكم