اي مندسين واي خرابيط انت وياه
سلامات وش قالو الناس علشان بيصيرو
مندسين
حبيبي المندس مو جايك وينطنط عندك
بالعكس بينسدح ويضحك عليك انت وياه

غرييب امرهم الي يطالبون برحيل المدرب
بهالوقت
عموماً هي كلها مباراه وحده وخسرناها
سويتوها سسالفه

ياخواني يشهد الله علي هلاليه متعصبه ولا تكلمنا الا من اللي قهرنا البارح على ارضنا وبين جمهورنا وعنده عناصر يتمناها

أي فريق ويقوم يلعب بالتشكيله اي مدرب هذااا .. بعدين ما فيه شي تميز فيه لا دفاع ولاهجوووم .. نتمنى تدارك الأمر

والا كالعاده خروج مذل من الدور الأول ..

أنا مو عارفه انتو ما شفتو المباراه اللي احنا شفناها ؟؟ والا عاجبكم حال الهلال ؟؟

شكلك انت من ضمن المندسين وظهرت بعد هزيمة الزعيم هذي حال الكوره فوز وخسارة الزعيم اليوم فااااشل وإن شاءالله نعوضها بالمباريات القادمة والزعيم قدها وقدود

إقتباس الرسالة الأصلية كتبت بواسطة بـيـكـ PiCaSsO ــاسو مندس في عينك.. انتا وهوا.. مباراة.. الأمس .. تفجر الصخر.. إذا ما تكلمنا.. وانتقدنا .. وطلعنا اللي بقلبنا.. الحين.. متى نتكلم,,؟

صدقت اخوي

انا اشجع الزعيم الهلالي لي اكثر من 20 سنه ومن كل قلبي اعشق هالكيان
واذا قلت الهلال كان سئ بمباراه او بطوله يجيني واحد توه بادي يشجع يقول عني مندس عيب والله
اللي حدث امس مو غريب الهلال باخر المباريات لم يقدم مستوى جيد الا قدام الاهلي بكاس ولي العهد ومو غريب الهلال يقدم مستوى باهت امس لكن المهم والاهم ان الاداره الهلاليه تجلس مع المدرب وتتناقش معاه
المباريات الباقيه نار نار نار سواء في البطوله الاسيويه او في الدوري او كاس ولي العهد
كل اللي اتمناه التوفيق للزعيم
تحياتي

إقتباس الرسالة الأصلية كتبت بواسطة زعيم الأماكن الهلالي أول شي هاردلك يازعماء ثاني شي . اشوف ناس يقولون المدرب فاشل , وفية ناس يقولون اللاعبين مايحترمون الجمهور, طيب بالله كم للهلال ما انهزم . طيب يعني البرشا الحين مدربهم غبي , او اللاعبين اغبياء , شي طبيعي ان ينهزم الفريق ولكن الشي غير الطبيعي ان يتخلى الجمهور عن فريقة او يحاربة , المندسين يا اخواني هم اللي يطالبون برحيل المدرب في الوقت هذا , او اللاعب الفلاني فاشل , او اللي يقول بنقاطع مباريات الهلال. اخواني المفروض نناقش الموضوع بعقلانية . وفنيا . اما اقالات وطلب الجمهور بعدم الحظور ,فهذي كلها كلام ناس ماتحب الهلال وهذي لن تنطلي على جمهور واعي وعاشق فريق بطل سيفرحنا قريبا انشالله , كلنا خلف الهلال حتى اخر لحظات في حياتنا . اتمنى ان نقف مع المدرب واللعيبة كي نحصل على مبتغانا . والف شكر

أخوي مو المصيبة ان هزايم الهلال في وقت محنا بحاجة لها


هزيمة من ذوب اهان طلعت برا سبهان صعبة المهمه

الحمد لله ع كل حال امس ماكتب الله نفوز لكن مو معناته ان اللعيبه ادوا بالعكس الفريق كان مفكك ومنهار لو واعوذ بالله من كلمة لو كان لعيبتنا مترآخين وبلا روح ولا همهم شي وكان هناك سلبيه تكررت وسبحان الله في السبي فاينل ومباراة امس وهو اذا دخل علينا قول او قولين الكل يموت بالملعب وكأن المبارآه محسومه للعيبتنا ؟!؟!! اول التصحيح يبدا بالتوبيخ للجميع واخذ منهم عهد بمسح الصوره المخيبه واللعب بكل روح وقتاليه للدقيقه الأخيره من المبارآه وعدم التهاون
ونقول ان شاء الله يبدون من مبارإة الأهلي بقوه وارضاء الجمهور
ودي

اوووه مندسين طلعو من جحورهم ولقوها فرصه>>يازعماء الي راح راح خلونا نفرك بالجاي نبي رفع الهمم خلونا نطوي الي فات ونفكر بمنطق كيف خسر الهلال بهدووووء وعقلانيه مانبي هوشه صح الاعبين ماضهرو بالشكل المطلوب الا اننا نطالبهم بتقديم المستويات حتى كالديرون قال سنتاهل خلونا نصبر ياجماعة الخير ترااها اول مباره ماطارت الدنيا والتصحيح بالمباره الجايه

الله يكفينا شر هالمندسييييييين

وباذن الله مباراه الغرافه تكون هي البدااااااايه

لااحد يقول مندسين الكل يعترف بان الفريق سي الشمس لاتحجب بغربال كل شي واضح

خلاص الناس تطورت فكونا من مندس ومندس المدرب لعب في التشكيله كان بالامكان افضل مماكان

ياعالم حرام عليكم هو مافيه فريق ينهزم مباراة كل الفرق تفوز وتخسر
الحمد الله ان الهلال جالس يفوز في مبارياته والا شفت المدرجات فاضية

المندسين لعنهم الله هم سبب خسارة الهلال وسبب الفتنه بين الجمهور ...
والخساره عاديه والمددرب جيد والكن ..؟؟؟؟؟
مجاملة الشلهوب والسكوت عن استعراض وليهامسون وبرود الفريدي هم السبب في تدني مستوى الهلال .وخسارته .

من افضل ما قراءته من ردة فعل ...... حول خسارة الزعيم

نعم ..... كل فريق معرض للخساره والربح يجب ان لانكون قاسين

ليس كل من انتقدالزعييييم
اصبح مندس لايلااااااام الجمهور
الهلاااااالي فقدتعودعلى الانتصااارات
ولايرضى بغيرهامهماكان السبب
مباراه الامس كانت سيئه جدا
فالمدرب لم يستطيع
قراءه المنافس واللاعبين
لم يقدمومايشفع لهم