الدلخ .. عان اوووووووو ... حياكم - نادي الهلال السعودي - شبكة الزعيم

الطعنة في الظهر توجع · #1 05/01/2011, 09:39 AM

سلام يالربع

صبحكم الله بالخير والعافيه واللقمة الدافيه

ياني نوي لك نيه اليوم

مخربها مخربها الله لا يعوق بشر

بسم الله

برد

الرياض

بردان أنا تكفى ...
أبا أحترق بدفا....

كنت وأنا صغير أسمع عمي يقول في دعاءه بعد كل فجر "وأعوذ بك من المرض و هزات الأرض والحسرة يوم العرض ، وأعوذ بك من حر يابس وبرد قارص ، وأعوذ بك من همزات الشياطين ولمزات المعادين....."
في دعاء طويل حفظته عنه

وكنت أقول في خاطري ما عمري شفت برد قارص ولا حر يابس
لأني كنت في نجران وحدودي الجغرافيه متواضعه
وموقع نجران متميز فهي وادي تحدها الجبال من ثلاث جهات من الجنوب جبال اليمن ومن الشمال جبال عسير ومن الغرب جبال السروات وفي الوادي مياه دائمه ومزارع وخضره ومن الشرق الربع الخالي حيث يختفي الوادي فيها ....

يعني الجبال في الصيف تهب هبايبها علينا وتبرد المنطقة وتنعش الوادي وأمطار اليمن الصيفيه (وهي امطار غزيرة على فكره ) تمول الوادي بالمياة اللازمة للمزارع فما نشعر بحر الصيف جدا.
وفي الشتاء تقوم الجبال بتدفأة المنطقه والوادي وتحتظنه وتقيه شر برد عسير وهبوب الشمال .

متى عرفت البرد والحر الصدقيين؟؟؟

يوم ربي اقرد علي وجيت الرياض

يا رجل وربي بغيت ارجع ثاني يوم لنجران ، اكلم امي والدمعة على الخد اقول ابي ارد عندكم ما ابي الرياض

والوالد يقول الرياض للرجال ( صار سجن)

والمفروض يكتبون في الـ(CV) تبع أي واحد درس والا عمل في الرياض (4 سنوات عاشها في الرياض )
وخلوني اوصف لك حر الرياض اولا :
الفجر مدته اربع دقايق وخمسين ثانيه
وبعدها يصير الظهر ، ولا تسألوني عن الصباح لانها فتره غير موجوده اثناء الصيف ، ما تشرق الشمس الا ودرجة الحراره 30 بالله عليكم أي منطقة في العالم اللي الشروق عندها 30 درجة؟؟؟
وبين الرياض والشمس علاقة وطيده (شرايكم في وطيده)

يعني علاقه حب ، عشق ، نسب مدري وشهي صراحه

تحس الشمس عند راسك لو رفعت يدك لمستها
يا رجل وربي الموتر تركبه ما تقدر تلمس شي فيه (السلف حار، الحزام حار ، المراتب لو هي جلد كلتها وكنت في فرن، القير كنه مغرفه وسط قدر ، الدركسون لو ما معك فاين في المتور م قدرت تمسكه ، لو انت ناسي دبة مويه في السياره وجيتها تلقها متنفخه تبي تنفجر وتتبخر وتأدي دورها في دورة المياة في الطبيعة.)
وفي الليل الجدار جار ،البلاط حار ، مافيه نسمة هواء وحده بالخطا ، واذا جات نسمات الهواء جات على شكل عج وغبار .
ويوم بحثت في النت تفاجأة بشي غريب صراحة
الرياض العصامة الوحيده تقريبا في العالم اللي لا تطل على أي مسطح مائي

يعني معظم عواصم العالم اذا مو كلها تطل على مسطحات مائية (بحر – نهر – بحيره – ياشيخ لو ساقية )
مدينة مبنيه في الصحراء
شوف معاي (المنامة – ابو ظبي – مسقط – الكويت – الدوحه – بيروت – طرابلس – تونس – الجزاير – الرباط ) تطل على بحار
(دمشق – بغداد – الخرطوم ) على انهار
وبقت (الرياض – عمان) ما تطل على أي مسطح مائي
وعمان جوها زين ما عليها وبينها وبين النهر حقهم خطوتين
والرياض لا بحر ولا نهر ولا بركة ولو نزلت قطرة مطر تبخرت قبل تلمس برج المملكة .

البرد في الرياض شي غيريب صراحه
برد ناشف يصك العظم صك
يجي بدون سابق انذار تنام والمكيف عالبارد
تصحى ما تقدر تخرج بدون فروه

برد بدون مطر والا غيوم ركامية (تذكرت حسن كراني حق الاحوال الجويه)

ما علينا نرجع لموضوعنا
قبل يومين قالوا الشباب ودك نطلع نكشت ومدري وش قلت فيذا البرد حرام عليكم

المهم اقتنعنا نطلع
ووقفنا عند محطه نعبي بنزين ولفت انتباهي لوحة البقالة حقت المحطة

يعني وش يحس فيه راعيها
معجبه ان جده دلخ والا ايش ؟؟؟؟؟؟؟؟؟؟؟

وربي فيه اسماء مدري وش تبي
واحد كان يدرس معنا في الجامعه اسمه فلان بن فلان الوسخ
يعني جدك وسخ؟؟؟؟
من جد يشوفون لهم حل في اسمائهم شوي

المهم ما علينا الرجال ينادون باسمائهم واسماء ابائهم يوم الدين
صراحه بعد كما قريت الاسم قلت في خاطري هذا نذير شؤم(مع العلم اني ما أومن بالغربان والمدري وش)
واذكر كان فيه بومه رمادية كبيره جات ووقفت على نخله عند بيتنا في الديره خمس ايام وبعدها مات عمي وكانت امي تقول ما جات هالبومه بخير وراح يموت واحد في البيت ويوم مات عمي قالت ما قلت لكم .

فيوم قريت اللوحة قلت في خاطري والله ما جده دلخ
وماالدلخ الا انا والشباب اللي معي يوم نطلع في ذا البرد في البيت سعه
ورجعنا البيت >>>رخوم

عودة الى الاطفال

معي ولد صغير في البيت عمره سنه وعليها

ملقوووووووووووووووووووووووووووف

ما يخاف من شي

في خبث غريب

من جد يمثل الطفل السعودي

متمرد على كل شي

يحب الزاد

ما يبكي الوصخ

ملسون
اوكلمه تعلمها (اقلع)
يقولها للكبير والصغير
مره وحنا نصلي في البر كان ينادي ابوه (طبعا يناديه باسمه) يا : امد (يعني محمد) امد امد امد
ما استجاب له ابوه
فصاح امد
فيوم سلم ابوه قال نعم خير وش تبي

ناظر فيه وقال

انقلع

مسوي في اخته الصغيره العجب

كل تجاربه عليها راح لامه مره بفنجال قهوه وقال مهوه يعني قهموه وصبت له شوي
ورد الفنجال وقال مهوه
قالت خلاص مو زين لك
فخاصمها اخوي وقال صبي للرجال قهوه وجع و انتي ساكته

المهم الام طفشت وهي تبرد للولد
فصبت له في الرضاعه قهوه وبردتها وخلته يشرب
وانبطح يشرب
ويوم قضت الخرمه حقت القهوه

خذ الرضاعه وحطها في فم اخته الصغيره
واخته ما كذبت خبر شربت الباقي

فقلت لاخوي عيالك اكبر مهايطيه

عان اوووووووووو

عان او يعني (اصوات السياره)
ومدري ليه مستغريبن كثرة الحوادث عندنا
اذا كان فن القياده عندنا بالفطره والهرمونات الذكره

يعني عط ولد سيارة صغيره
اول شي يسويه ويقوله
عان اوووووووو ويصكها في اقرب جدر ويضحك

عطه عقال يصير دركسون
عطه مفتاح غرفه يشغل به السيكل
عطه رموت التلفزيون يصير قير
عطه ذيك البطه الصفراء اللي اذا فغصتها تطلع صوت تصير بوري خكاريه
عطه موتر صدقي يعرف الموتر على اقرب صبه

طيب شكلي كثرت عليكم الليوم

لكم المايك >> هيه يا ايام الشات الصوتي

هلاليـ للابد ـه · #2 05/01/2011, 11:49 AM

عن الجو مو بس الرياض حتى القصيم نفس الحكايه
والاسماء اللي مو زينه كثير بس عاد دلخ مرة وحده ماعمري شفت
اما البزران اللي عندك بالبيت الله يصلحهم
عشقي الاطفال الصغار

leader ksa · #3 05/01/2011, 01:00 PM

انا ماقلت لك انك ملحوس ؟

مشكلتك مشكلة ياعزيزي

ماكتبت عن جو الرياض الا في جو خونفشاري ويهيض على اي شي

ومايحتاج انا اليوم تفلت بشكل موب طبيعي

كان المفروض عندي اختبار س 10 لكن شفت الجو ووصلت عند اخوياي وبدون اي مشاورات كل واحد عطا الثاني نظرة معناها موب جو اختبار ابد

ورحنا للدكتور اقلقناه لين اجله لنا

وقلنا بس هيه الوناسة واحلى حوادث دبابات >>ماعمري ركبت دباب الا تقلبت هذا اذا ماصار شي اشنع

بس وقفنا عند بقالة نبي بارد الا تهيض واحد من العيال على كورة وقلبناها كورة

وابدعت لك ابداع موب صاحي

اليوم لعبت محور ظهير مهاحم كل شي العبه صح
ونقلات كور موب صاحية

كل الكور اللي العبها توصل صح وتوزيع لعب تقول رادوي وعزيز في لاعب واحد

وفي الاخير الحين في البيت وموية وملح لان نص اصابعي رايحه فيها

<<شغل حافي وسريع سريع

اما البزر اللي عندكم غريبة للحين ماميل عقاله

وانا مايقهرني في السعوديين الا لما يشربونهم من ذا القهوة وهي مضرة ولا بعد طعمها شين

المفروض تخلي المشرفين يقفلون الموضوع اول ماينزل عشان ماحد يرد عليك بما انك صديق نفسك

ومبروك البطولة عقبال حروف وألوف

تحياتو ياكويس

حروف الغلا · #4 05/01/2011, 03:17 PM

الله يحفظ عيال اخوك ....

سوالفك حلوة ....نسخة من ليدر

الله يسعدك ...

نـوف الهلال · #5 05/01/2011, 03:31 PM

هههههههههههههههههههههههههههههههههههههههههههههههههههههههههههههههههههههههههههه

عان او يعني (اصوات السياره)
ومدري ليه مستغريبن كثرة الحوادث عندنا
اذا كان فن القياده عندنا بالفطره والهرمونات الذكره

يعني عط ولد سيارة صغيره
اول شي يسويه ويقوله
عان اوووووووو ويصكها في اقرب جدر ويضحك

عطه عقال يصير دركسون
عطه مفتاح غرفه يشغل به السيكل
عطه رموت التلفزيون يصير قير
عطه ذيك البطه الصفراء اللي اذا فغصتها تطلع صوت تصير بوري خكاريه
عطه موتر صدقي يعرف الموتر على اقرب صبه

وررررررررررررررررررربي صااااااااااادق
وبالنسبه للجو تعال الشرقيه تفطس تموت في لحظتها الله يرحمنا برحمته بس

لاهنت ياولد الشايب :P ضحكتنا عقب دوام ماصخ وكريه
ينطيك العافيه

(اسير& المحبة ) · #6 05/01/2011, 03:36 PM

الله يحفظه الولد الصغير هذا لو هو عندي اخذه معي كل مكان خله يقلق الناس ويجننهم

هذا جو الرياض وبدون اي اعتراض الفصول الاربعه في يوم واحد ,,,اليوم الصباح الجو مااحسن منه اتفقت انا والشباب بعد الدوام غدا في الثمامه لكن للاسف ماخلصنا الدوام الا الشمس ترحببنا على الثمامه وكل واحد راح بيته زعلانين قافله اخلاقنا

FINAL10 · #7 05/01/2011, 04:10 PM

حرآم عليك هالايآم اجوآء الرياض خونفشآريه

وبيني وبينك تعودت على جو الرياض

بالنسبه لحرهآ الشديد فشي طبيعي لآنهآ مدينه في وسط صحرآء

لذلك منآخنآ صحروآي

بالنسبه( للدلخ ) فيه اسآمي مرت علي كثيره بالشكل هذآ

سوآء لوحة محل او طلآب معي بالجآمعه

وياليتهآ على دلخ !

قسم بالله اعرف وآحد من رنيه ديره حول الطآيف
ان اسم ابوه ، في محيطنآ ومجتمعنآ يعتبر من سبه في شرف بعد

مع الاسم في اصله بالعربيه يعني شي اخر وحميل ايضا ولكن تدآخل الثقافات
تبرمج في اذهآننآ انه اسم مو زين ، وصارت مشكله مع الجوآزآت يوم يطلع جوآز
استهبل عليه احد الموظفين وتقابس هو ويآه

!
واخرتهآ كلم ابوه يغير اسمه

مآني قايل لكم الاسم

،،

اما ورعكم المهآيطي

هذا سببه شي وآحد انه مدلع من ابوه او امه

عن نفسي عيال اخوي وعيال عيال عمي

اشوفهم بزرآن قدآمي الي مدلع والي زآحف والي بس يبتسي

بس للآسف مآني من عشاق الاطفال والعب معهم

لذلك معيطهم اكس

المهم الله يعينك عليه

the king yasser · #8 05/01/2011, 04:35 PM

آهـ ما أرق الرياض تالي الليل

لبى الرياض ولبى بردها وحرها وكل مافيها

HILALYA ]~ · #9 05/01/2011, 05:21 PM

.

ههههههههههههههههههههههههههههههههههههههههههه ..
والله من الهياط ض1ض1 , تصدق من شفتك قلت ذا شاعر وحكيم ض1..
والله طلعت وشسمه ض1ض1ض1 , المهم بالنسبه لاجواء الرياض ض1..
وش نسوي لك مثلا ض1 , هذا وهي منطقه هضبيه ذذذذذذ , شلون لو هي عاديه ض1..
كان نطبخ طبخ حقيقي ض1ض1 , بس وش رايك بهـ البرد ض1, ما جاك شيء ض1؟!
وبالنسبه لبزارينكم , ماشاء الله يهبلون الله يحفظهم لكم ق1ق1..
شكرا لك يالوشسمه ض1 ..

كان هنا · #10 05/01/2011, 07:29 PM

أنت يبي لك مشرف يراقبك لحالك. يا صديق نفسك

.

منتم هينين يا راعين نجران

. شوكـة أجل

.

/،

بس بيني وبينك، جو الرياض هاليومين رايــق، اليوم فكرت جدياً أشكـل للدوام بس مع الأسف ما سمحت الظروف. كله من الدوام البئيس

داق لطمة · #11 06/01/2011, 04:42 AM

وش صاار اخذتوا بطولة اللي بام بي سي ولا لا هههههههههه
ولكموووو ماصديقة الا نفسسه هههههههههه

الله يكون بعونكم وربي عليكم جووووو ما ادري وش يبي صرااحتن بس الحرر بكل مكان حتى المدينة الصيفية اللي رااحت وربي صرنا شوااية من الحررر الله يعين

وبعدين ورعاانكم مهايطية وهم صغاار اجل ليا كبروا وش بيسووون هههههههههه الله يحفظهم لكم

حتى ظلالي هلالي · #12 06/01/2011, 05:53 AM

قسم بالله انك ذكرتني فيني أيام عزّ شبابي و أوجّ نشاطي

أثرني كنت أدخل الهرج على بعضه تسذا ؟ واخطم خطمات موب صاحيه ؟

معليش يا جماعه توني احس بكمية لحست المخ الي تجيكم

نرجع لموضوعك

نجد عموما كل ابوها بردها وحرّها مايستهبل ابد
يعني كله على الجااااااامد

ممكن نقطه يا مشرفنا

إقتباس

الرسالة الأصلية كتبت بواسطة كان هنا


	منتم هينين يا راعين نجران . شوكـة أجل .

أنا بيني وبينك داخت عيوني أدوّر شوكه بالصورة مالقيت شيء !

فـ السالفه فيها أمرين / يا انك شخص محشش يوم تشوف الصورة

والا انا عيوني لاعب فيها النوم وما اشوف زين

وبما انك مشرف جديد

فأتوقع الاولى اقرب

< ماتعرف تدهن السير ابد

كان هنا · #13 06/01/2011, 10:35 AM

إقتباس

الرسالة الأصلية كتبت بواسطة حتى ظلالي هلالي


	قسم بالله انك ذكرتني فيني أيام عزّ شبابي و أوجّ نشاطي أثرني كنت أدخل الهرج على بعضه تسذا ؟ واخطم خطمات موب صاحيه ؟ معليش يا جماعه توني احس بكمية لحست المخ الي تجيكم نرجع لموضوعك نجد عموما كل ابوها بردها وحرّها مايستهبل ابد يعني كله على الجااااااامد ممكن نقطه يا مشرفنا أنا بيني وبينك داخت عيوني أدوّر شوكه بالصورة مالقيت شيء ! فـ السالفه فيها أمرين / يا انك شخص محشش يوم تشوف الصورة والا انا عيوني لاعب فيها النوم وما اشوف زين وبما انك مشرف جديد فأتوقع الاولى اقرب < ماتعرف تدهن السير ابد

معقولة سواها فيني النصراوي وعدل الصورة

!

" فاهم الترقيع غللللللللططططط "

Blue Beast · #14 06/01/2011, 01:37 PM

’,
ابدااع ماشاء الله تبارك الله ,..
تصدق قريت الموضوع مرتين ولامليت

اسلوبك بالموضوع رااايق

---

إقتباس

متى عرفت البرد والحر الصدقيين؟؟؟

يوم ربي اقرد علي وجيت الرياض
يا رجل وربي بغيت ارجع ثاني يوم لنجران ، اكلم امي والدمعة على الخد اقول ابي ارد عندكم ما ابي الرياض

والله ياعندكم بالرياض برد مب طبيعي..!برد يصلخ صلخ على طول للعضام..

مافيه حل وسط اما ثلاجة واما فرن

بس تبقى الرياض لها وحشه

إقتباس

خخخخخخخخخخخخخخخخخخخخخخخخخخخخ "دلخ" ذكرني بأسماء القديمين .. ناظر بس ناظر الاسماء خخخ

--

تخيل اسمك رقم43
--

إقتباس

فيوم قريت اللوحة قلت في خاطري والله ما جده دلخ
وماالدلخ الا انا والشباب اللي معي يوم نطلع في ذا البرد في البيت سعه
ورجعنا البيت >>>رخوم

خخخخخخخخخخخخخخخخ
أما رجعتوا مالكم داااعي.. عادي كملو طلعتكم.. واستانسوا وماعليكم.
اجل البيت اوسع.
الله يرجكم..!
-
-

إقتباس

عودة الى الاطفال

معي ولد صغير في البيت عمره سنه وعليها

ملقوووووووووووووووووووووووووووف

على طاري الأطفال ذكرتني بولد خالتي ياهو بثر.. حوسه خرااب السفينه
عربجي مايتفاهم كل شي حقه طبعا اذا جو يلعبون البزران مايلعبونه لأنهم دارين انه يخرب اللعب
ويطقهم ويجلدهم محد يقواه
وعليه طلعات غريبة
بس أنهم ملح البيت وخصوصاً لو خربوا عليك شي ثمين
قبل مدةرحنا انا والشباب نشتري لنا بلايستيشن لنسلي به انفسنا المهم عطونا شريط مجاناً وحنا شرينا شريط كورة فيفا(إدمااان)
المهم لعبنا وجربنا السوني وأقترحت عليهم نروح نتعشى بمطعم قالو تم..
ونروح ونتعشى ونعين من الله خير ونقوم ندور بالشارع وقلنا يالله نرجع نجرب الكورة فيفا .. رجعنا البيت ..
ورحنا للغرفة وفتحنا البااب ..ماتتصورو كيف كانت أشكالنا
الغرفة حوسة من فوق لتحت.. السوني مشغل واليدين برى الغرفة
وشريط الفيفا ضايع وتقوم حرب العالمية الرابعة في البيت وين الشريط
وندور ولالقيناه وتتوقعو وين حصلناه فيه.؟؟
لقيناه من بكرة في المطبخ تحت الدواليب رايح فيها السيدي مكسور
ولا ومسوي نفسه بريء لو تشوفونه تقول هذا مؤدب ومايسوي شي..
بس تحت السواهي دواهي..
وتروح ذيك الليله ماتهنينا بالشريط ولابالسوني..ولابالنوم..
من بعدها نطلع نقفل الباااب

إقتباس

عان اوووووووووو

عان او يعني (اصوات السياره)
ومدري ليه مستغريبن كثرة الحوادث عندنا
اذا كان فن القياده عندنا بالفطره والهرمونات الذكره
يعني عط ولد سيارة صغيره
اول شي يسويه ويقوله
عان اوووووووو ويصكها في اقرب جدر ويضحك
عطه عقال يصير دركسون
عطه مفتاح غرفه يشغل به السيكل
عطه رموت التلفزيون يصير قير
عطه ذيك البطه الصفراء اللي اذا فغصتها تطلع صوت تصير بوري خكاريه
عطه موتر صدقي يعرف الموتر على اقرب صبه

خخخخخخخخخخخ كلام سليم وأنا معك في النقطة الاخيرة
ذكرتني بسالفة واحد من الشباب عليمي ابوه شاري له سيارة جديدة
ومستانس الولد ومسوي أنه القيادة وانا أعرف اسوق والباقي غشم..!!
قبل اسبوع صادم بزباااله (الله يكرمكم)
صادم صدمه قوية ..
طبعا هذي نهاية الهياااط..
00
00

إقتباس

طيب شكلي كثرت عليكم الليوم

لكم المايك >> هيه يا ايام الشات الصوتي

بصراحة استمتعنا بالموضوع الراائع..لـــــكوللجمــــيع

Haмs Alseβa · #15 07/01/2011, 05:15 AM

يعطــــــــــــيك الــــف عـــــــــــآفـــيهـ أخـــــووووي

كتـــــآبــآتـك ممــيزة كالعــآدة

:
:
:
يـــآآآلــــبـــــــىآ الـــــريــــــــــــــــــــــآآآض

هي وجــوهــآ

وحــنا مآعنــدنا حــل وســط يــاااحــر:

يــابــرد

وبالنــسبــه للاطــفــآل يالبيهــم هم حــلاة كــل بيــت

مــودتــي..