إقتباس الرسالة الأصلية كتبت بواسطة الضحى أنا أشجع الزواج المبكر ولكن 20سنة توك صغير ولا تتعدى 25سنة ..لا أوافقك على طريقة التعارف ولكن ممكن بعد الرؤيا الشرعية تطلب مكالمتها بوجود أهلها ..مع أنا زوجي وأولادي أعتذروا عن هذه الفكرة ولم تناسبهم عندما طرحتها عليهم علشان بنتي .. البنات كثيرات وفيهن الخير .. وبالنسبة للشباب لابد من الوظيفة حتى لو راتبها قليل ...الله يوفقك ويسعدك في الدارين ..

نا 23 وشوي ودي اعرس

إقتباس الرسالة الأصلية كتبت بواسطة شلهوبيه موهوبه وش هالحتسي ؟؟!! اجل تبي تتعرف عليها وتشوف اذا بترتاح معها ولا لا !!\ هذا الطريق نهايته معروفه .. اذا الحين اقنعت نفسك بالفكره ورحت اخذت ايملها من اختك زي ماتقول \وتعرفت وارتحت لها وبوكرا يبد|أ مسلسل التشكيك ..ايه هي كلمتني اكيد كلمت عشر قبلي وعشر بعدي وهكذا وهي خانت اهلها اكيد بتخوني ووووووووووو الخ .. والنهايه الطلاق .. ^^^ لو حسبتها صح ترا مافي فرق تجيب اختك ايميلها او تاخذ ايميلها من شات .. الله يصلح قلبك .. اتبع طريقة الزواج التقليدي كما أسميته .. وسواء استمر الزواج او انتهى فهذا كله مقدر ومكتوب .. ولا نتبع طرق ملتويه الله ياخذها من تكنلوجياا دامها بتوصل الى هالشي

مني لك بيكون زواج فاشل حتى لو أنكم متفاهمين على كل شي بس يبقى الشك بينكم والشك اكبر مشكله
بعدين وش فيه الزواج التقليدي ياخي والله أنكم تقهروني تشرطون نبيها طويله بيضاء زينه وانتم ماشفتوا عماركم والمشكله ان اللي يتشرط ياخذ شيفه بس يستاهل والأخلاق عندكم اخر شي على قولة السودانيه اهم حاقه الآخلاق هي صادقه والله يعني فرضا خذت واحد اطخم مزيون وأخلاقه ميح وش ينفعني زينه اصلا ماراح اشوف هالزين
وبعدين ياخوي احسك بدري على العرس وسلملي على امك ياخي والله يابعض العجز يقهروني شايفتن ورعها مراهق ولاهوب يم العرس وتزوجه
طيحه في كبود بنات الناس يقالها عشان يعقل عقليه الله يعافيك بعدين زوجيه

والله يرزقك بالزوجه الصالحه اللي تسعدك وتسعدها

الله يزوجك البنت اللي تستاهلك .. وتعينك ع طاعة الله ورسوله

إلا اقول ما تبى اماراتيه ؟ ؛-)
















لا يروح فكرك بعيد بنتي موجودة ؛)

موفق ان شا الله

اسمحلي أقولك ياخوي اذا فيه بنت رضت تعطيك ايميلها..فهي أكيــــــــــد اخذت ايميل عشره قبلك!!<=باللهي تقولي وين الثقه؟؟؟؟؟؟؟؟؟؟؟؟؟؟؟؟؟؟؟؟؟؟ كيف بتبني حياتك على عدم الثقه!!!


انا من رايي تاخذ راي اختك مثلا <=لانها بتكون أقرب ونفس تفكيرك بعيد عن تفكير الناس الكبار امك أو جدتك!
بعدها اخطب رسمي وشوفها الشوفه الشرعيه..والله الي قدم لك الخير

بلا نت وتعارف وخرابيط بعيده عن مجتمعنا..والله يبعدنا عنها..!


تقبل مروري ووجهة نظري..وربي يوفقك ويرزقك الزوجه الصالحه

بقول لكـ كلمه وخلها في بالكـ ..

مهما حاولت تتزوج على ذوقكـ وبنت انت مختارها
بغض النظر عن كيف عرفتها او اخترتها

اهلكـ ماراح يوافقون انك انت الي تختار
بتحاول تقنع وتلف وتدور وتجيبها من هنا ومن هناك
وبالاخير بترضخ لهم وتتزوج مثل ما " هم " يبون وعلى اختيارهم وذوقهم
ولكـ انكـ تعيش حياتكـ مثل ما " هم " يبونها

مازلنا نعيش بزمن ان الاهل يشوفون انهم هم ابخص بأمور زواج عيالهم
وانهم يعرفون مصالحهم وين فيه وان عيالهم لسى مو قادرين يحددون طريقة حياتهم
انا مدري متى بيعتمدون عليهم ويخلونهم يعيشون حياتهم !
يعني حتى لما الواحد يوصل لمرحلة فتح بيت .. بيظلّون يخططون له ؟

ومع هذا كله .. يضربون برأيه ومشاعرهـ وراحتهـ بعرض الحائط
وكأنهم هم الي بيتزوجون مو انت
لا ويقولون لك ماعليك كلش بيمشي تمام ان شاء الله وبيعجبك ومدري ايش

وانت ماتقدر تقول لهم شيء .. من باب ( رضاهم عليكـ )

بالنهايه ..
كل شيء توفيق بيد الله ومكتوب لك من قبل تطلع على الدنيا ..
باختلاف طريقة الزواج ..

إقتباس ياعمي بلا نت بلا خرابيط .... صاحي انت ... اسمع اسمع كلامي تراني مسويها ... اذا لك بالبالوووووووووووووت ... عمرك شريت ( صن مغطى ) ان ما عمري شريت صن مغطى الا وافوووووووووووز ... وان شاء الله راح افووووووووووز ...

هههههههههههههههههههههههههههههههههه النااس تتكلم عن الزواج وانت عن البلوووت ما الومك من المكان الله يشرفه اللي انت عاايش فيه مجتمع بلووووووت وان شاء الله اذا تعلمت البلوووت صح ارسلك رسالة خااصة واخليك تجيني بمخطط السلام ونلعب الين ما نتضااارب هع هع

نرجع للموضووع

شوف يا عمي هاااذ حاالة انا مريت فيها ههههههههه هاااذي تسمى فقداان حناان انت تبي انسانه تسولف معها وتحكي لها وتبي منها حنان وانت بعد تعطيها حناان الوكاد احسبلك ثمنطعشر يوم وتروح منك الحسااسية هااااذي هههههههههههههههه بس الزواج بالطريقة هاااذي غلط في غلط انك تتعرف عليها قبل لاتتزوجها او تخطبها سلامات والله لو درا عنك اخوها وربي غير يحووس مريرك ههههههههه وبعدين الزواج التقليدي انججح وافضل الزواجات على الاطلاق واللي يقول هذا تدمير لشخصية المرأة وما ادري وشو عزا الله لو يلفقها افضل له بس زي ما قال واحد من الاخوان اهنيك على الجرأه بطرحك للموضووع ...

أهنيئك ع جرائتك بطرح الموضوع أول شي
الزواج التقليدي ثقافة مجتمعنا ومستحيل تقدر تطلع عنها الا في حالات قليله جدآآآآآآآآآآ
بس الحمدالله عندنا أتوقع فيه نظرة شرعيه وفيه فترة خطووبة قبل الزواج بأمكانك تتعرف عليها براحتك

إقتباس الرسالة الأصلية كتبت بواسطة عاشقة الشلهوووووب مني لك بيكون زواج فاشل حتى لو أنكم متفاهمين على كل شي بس يبقى الشك بينكم والشك اكبر مشكله

إقتباس الرسالة الأصلية كتبت بواسطة عاشقة الشلهوووووب بعدين وش فيه الزواج التقليدي ياخي والله أنكم تقهروني تشرطون نبيها طويله بيضاء زينه وانتم ماشفتوا عماركم والمشكله ان اللي يتشرط ياخذ شيفه بس يستاهل والأخلاق عندكم اخر شي على قولة السودانيه اهم حاقه الآخلاق هي صادقه والله يعني فرضا خذت واحد اطخم مزيون وأخلاقه ميح وش ينفعني زينه اصلا ماراح اشوف هالزين وبعدين ياخوي احسك بدري على العرس وسلملي على امك ياخي والله يابعض العجز يقهروني شايفتن ورعها مراهق ولاهوب يم العرس وتزوجه طيحه في كبود بنات الناس يقالها عشان يعقل عقليه الله يعافيك بعدين زوجيه والله يرزقك بالزوجه الصالحه اللي تسعدك وتسعدها

شوف ياعم بحكم الميانة اللي بينا ههههه رجعت لموضوعك


أنا أقولك الزواج هو تفاهم الزوجين مهما كانت طريقته سواء تقليدي أو غيرهـ

فيه ناس تزوجوا بطريقة غير تقليدية وهذا هم لهم أكثر من 10 سنين مبسوطين
ومستانسين والعكس بعد فيه ناس تزوجوا عن طريق الزواج التقليدي وفشلوا من أول اسبوع .

أنا لست مع أو ضــد ... لكن هي تعتمد على التفاهم العقلي والثقافي بين الزوج والزوجة وخل الأمور العاطفية على جنب مؤقتــا.

أنا بعرف الحين يوم يقولون أهلك بنت فلان مافيه مثلها وتصلح لك ومدري ايش
وماراح تحصل مثلها صدقني هالمواصفات والمدح اللي يقولونه ماراح تشوف منه إلا
40% والبقية زيادة لاقناعك.

والشئ الثاني الحين يوم أن أهلك يختارون لك البنت ويجبرونك على أنه مالك إلا هي
ويقولون احنا أخبر بمصلحتك هل هم من سيعيشون معها ياعالم هذه بتكون شريكة حياته طول عمره مو شغالة إذا ماعجبته سفرها ؟؟!!!

ياحبيبي طوال هالسنين والزواج التقليدي هو اللي ماشي في مجتمعنا ونسبة الطلاق كل مالها تزود وهذا دليل على عدم توافق الزوجين والسبب من البداية إن أبوه هو اللي اختار له البنت بحكم معرفته بابوها ... أو الأم بحكم معرفتها بأمها أو أهلها.

وغير كذا أنت في بالك مواصفات وودك تكون أمور كثيرة بالبنت اللي بتعيش معاها طول عمرك يعني حتى لو تزوجت من بنت تقليديا ومالقيت هالأمور أكيد بتضطر لأمرين إما :

أنك تبحث عن بنت ثانية وبالتالي بتزيد الطينة بله غالبا.
أو تسلك الطرق الغير مشروعة وبالتالي تخسر دنياك وآخرتك .

أنا رجعت لك مرة ثانية لأني متأكد 100 % إن فيه ناس ردت وبينت أنها رافضة فكرة الزواج الغير تقليدي وحكمت على فشله وهي في الحقيقة ترى أنه من الممكن أن ينجح ... وتعلم أن هناك من أقاربهم أو من تعرفهم في بيوتهم مطلقات بسبب عدم التوافق منذ البداية .


المسألة ترتبط بالزوجين فقط بعيدا عن أمور العاطفة ......


وأرجع وأقولك أنا لست مع أو ضد... فهناك زواجات غير تقليدية وفشلت ..
لذلك أحببت أن أبين لانلغي فكرة الزواج الغير تقليدي ونعتبره فاشل فشلا ذريعــا.


ربي يسعدك ويوفقك ويرزقك ويرزقنا الحـور العيـن

أنا تزوجت زواج تقليدي وبطلق الأيام هذي بعد 3 شهور من الزواج فقط !!

نصيحة لوجه الله ياعالم لا أحد يتزوج إلا بنظرة شرعية . وإن تزوج لا يهمل زوجته عاطفيا لأن العاطفة عندهم شي كبييييير مافي شي اسمه حب هذا بس في الأفلام مايحصل في زواج هو عشره يبيبه تحمل وصبر على بعض الأمور . لكن المصيبة أمها تدخلت .

إقتباس الرسالة الأصلية كتبت بواسطة ابوريناد والشئ الثاني الحين يوم أن أهلك يختارون لك البنت ويجبرونك على أنه مالك إلا هي ويقولون احنا أخبر بمصلحتك هل هم من سيعيشون معها ياعالم هذه بتكون شريكة حياته طول عمره مو شغالة إذا ماعجبته سفرها ؟؟!!! ياحبيبي طوال هالسنين والزواج التقليدي هو اللي ماشي في مجتمعنا ونسبة الطلاق كل مالها تزود وهذا دليل على عدم توافق الزوجين والسبب من البداية إن أبوه هو اللي اختار له البنت بحكم معرفته بابوها ... أو الأم بحكم معرفتها بأمها أو أهلها.

صح لسانكـ
في هالنقطه حسيت انكـ وصّلت الي أنا ابي أوصله بردّي السابق بس خانني التعبير تقريبا