ياناس انتو تعرفون الواحد من يوم يصير مراهق يقوم يفكر ليل ونهار بالزواج وطبعا دايم الاغلبيه الناس الميسور حالهم تلقاهم يكرشون عيالهم توك بزر لاتفكر بالزواج شف ولد عمك تكى لـ35 وتوه تزوج وانت توك 20 وتبي تتزوج
اوما الناس اللي عندهم فلوس تقعد الام تزززززن ع راس ولدها ياوليدي تزوج انت كبرت وصرت رجال (20 سنة) والحين يبي لك بنت والولد البطران يقول لاااااا انا مو فاضي ماابي قلقات
طبعا انا اللي خلاني اقول هالكلام اني ماشاء الله علي دايم اقول لامي ابي اتزوج دوري لي بنت تقول الله يحفظها ويخليها والله ياعندي لك بقرة عيونها وساع وش رايك نروح ناخذها من الصافي
طبعا مرة بقررة ومرة عنز عاااد انا وحظي الله يخلي لي الماما
الحين خلني احول ع واحد من اخوياي اكبر مني بشهرين بس امه تقول له ياوليدي خلنا نروح نزوجك وانا علي المهر وببني لك ملحق خاص فيك وفيها وانا بساعدك لين تتوظف وكل يومين تقول له وهو يقول لاااااا انا مني ناقص قلق هيك مرتاح ومستانس
سبحان الله ناس اهله يحاولون فيه ومو راضي وناس قاعدة تفكر تتدقس ع البقرة لين الله يرزقه
طبعا انا صراحة مسكت هاليومين براسي اني احجز لي بنت وش معنى انا الانسان الوحيد ع وجه الارض اللي ماحجزو له اهله
بس جلست افكر ممكن امي وخواتي يبونا فلانه معجبين فيها او عشان صلة القرابة او او او بس ممكن انا ماارتاح معها انا اللي بجلس معها طول العمر مو امي او خواتي
طبعا الحين في زمن التكنولوجيا كل شي فيه متوفر واغلب اغلب البيوت ماتخلوا عن جهاز كمبيوتر او جهاز جوال
يعني ليه الحين حنا بدال ماتتزوج وماتعجبك البنت وتطلقها والمشاكل اللي تصير ليه الواحد مايبحث عن البنت اللي يبيها ولا لقى البنت اللي يحس انه بيرتاح معها يقعد يشوف هل هو ارتاح معها هل هو يتوقع انها تكون هي شريكة الحياة المناسبة اذا ارتاح معها وارتاح لطريقة تفكيرها كلم اهله وخطبوها له افضل له من وحدة مختارينها اهله له مايدري هي راح تصلح له او لا
طبعا انا مو قصدي انه ياخذ ايميل البنت من chat او من احد اصدقاه انا اقصد اخته تنصحه بفلانه وتعطيه ايميلها
لاني والله من جد جالس افكر هالايام اني اسوي هالشيء لانه اضمن لك
اجل تبي تتعرف عليها وتشوف اذا بترتاح معها ولا لا !!\
هذا الطريق نهايته معروفه ..
اذا الحين اقنعت نفسك بالفكره ورحت اخذت ايملها من اختك زي ماتقول \وتعرفت وارتحت لها وبوكرا يبد|أ مسلسل التشكيك ..ايه هي كلمتني اكيد كلمت عشر قبلي وعشر بعدي وهكذا وهي خانت اهلها اكيد بتخوني ووووووووووو الخ .. والنهايه الطلاق ..
إقتباس
طبعا انا مو قصدي انه ياخذ ايميل البنت من chat او من احد اصدقاه انا اقصد اخته تنصحه بفلانه وتعطيه ايميلها
^^^ لو حسبتها صح ترا مافي فرق تجيب اختك ايميلها او تاخذ ايميلها من شات ..
الله يصلح قلبك ..
اتبع طريقة الزواج التقليدي كما أسميته .. وسواء استمر الزواج او انتهى فهذا كله مقدر ومكتوب .. ولا نتبع طرق ملتويه الله ياخذها من تكنلوجياا دامها بتوصل الى هالشي
يأخوي ترى مافرقت بين خذيته من شات أو خذيته من رسايل خاصة لمنتدى سافر أو أياً كان و لكن السالفة هي السالفة !
أبي أقولك سالفة صارت لواحد من أقربائي :
تعرف على وحدة بمنتدى و أعجب كل واحد بإسلوب الثاني و خذا الإيميل و تعرفوا زيادة على بعض .. قرر أنه يخطبها و وصفت له البيت و يتفاجأ أنها بنت عمه ....!!!!
و هي ماتدري بذيكاللحضة .. تزوجها و لكن من أول يوم بدأ يشكك أنها كانت قبله تواعد شباب و من ذا الكلآم ...!!
^^^^^^ تذكر أن هالسالفة لقريبي ؟
يأخوي أخطب من بنات عمك و لا بنات خالك أو بنات جيرانكم أو اللي تشوفه والدتك !
للمعلومية فقط وبرأئي الشخصي الزواج لا يوجد له سن معين
ولكن هي على الارادة والقدرة والصبر والنظرة المستقبلية .. وليس فقد تفكير " وش أسوي الليلة "!
أختلف معك في نقطة انتظار الدعم من الاهل .. لآن إذا ما قدرت على سكن أو حفلة زواجك .. كيف تقدر تعيش مع انسانة لها متطلباتها النفسية والاجتماعية والغذائية
وليس معنى ذلك رفض المعونة من الاهل ، لا ابداً بس ابتعد عن الاتكالية
بالنسبة للتعارف ما قبل الزواج .. من رائي لا اجد فيه أي منفعة لسببين
أنا مؤمن فيهم
الاول : لم يحثنـا ديننـا الاسلامي عليه ، وشرع لنا النظرة الشرعية والسؤال عنها
أتوقع انك تشوف البنت وتسئل عنها تكفيك .. ونفرض ان بعد الزواج اكتشفت ان الكلام غلط أو أهل البنت غشوك " بأختها "
منت قادر تجلس معها وتتناقشون وتبين لها ميولك ورغباتك وفي المقابل تحترم ميولها ورغباتها وتتوصلون لإتفاق
الثاني : اتوقـع في مرحلة التعارف بالايميل أو بأي وسيلة ( لو تمت ) راح تكون كلها " تميلح × تميلح " .. ويا أرض شيلي ما عليك
لا يدري احدنا اين رزقه ونصيبه .. كثيرون عرفتهم لديهم الف شرط وشرط .. وعندما أتى النصيب لم نجد من شروطه شرط واحد كان كما يريد !
عرفت اشخاص .. كانوا يقولون مستحيل ان يتزوج من احداهن لأنه عرفها .. وذلك لأنها من وجهة نظره طالما قد تعرفها فهي قد تعرفت على غيره وبالتالي هي فتاة سيئة .. تمضي السنون ثم نتفاجأ ان الرجل قد تزوج احداهن تعرف عليها بالجامعه أو بالعمل .. ومضت حياتهم بشكل جميل جدا ،،،
من المضحك من يتحدث انه يريد زوجة بيضاء .. فيتزوج من سمراء !
وآخر يريد من قبيلته .. ويتزوج أخرى ليست قبيليه اساسا !
وآخر يريد من وطنه .. فيهوى فؤاده في وطن آخر !
الزواج يا صديقي .. قدر ورزق من الله .. وليس ثوب نحيكه كما نشاء أو نفصله كما يحلو لنا .. فنسأل الله ان يؤتينا حسنة الدنيا والآخرة ،،،
اذا انهيت الجامعه وتوظفت أو كان لديك عمل تستطيع ان تجني منه المال .. فتوكل على الله وتزوج
اما اذا المسألة مهر وملحق من أهل البيت .. فالزمن يا صديقي قد تغير .. وما تنشده فتيات اليوم ليس مثلما كانت تنشده فتيات الأمس
فظفر بذات الدين تربت يدااااااااااااااك وانا انا شخصيآ الجمال ليس مقياس عندي اهم شي تكون خجوله وخلوقه لو جمالها عادي بس ابي هالموصفاات ابيها بعد قرمه راعية بيت تحسسني اني فعلآ متزوج إمرأه وتسمى شريكة حياه اما من النت ياشيخ لو تعطيني هي مهر ماتزوجها ههههههه احسن شي تاخذها من بيت اهلها اما من الأماكن المظلمه ماتصلح بنوب ::
بالرغم من استغرابي الشديد من الطريقة اللي تبي تتزوج فيها ! << مادخلت راسها سالفة المسن بنوب
الا اني اقول لك اهم شيء أحسن الإختيار
وترى الاستخارة + النظرة الشرعية تساهيل من ربي
يلهمك فيها إذا هي تنفعك او لا ونفس الشيء بالنسبة للبنت
لا يهمك شكلها ولا بنت مين ولا حتى ثقافتها وعلمها
أهم شيء مدى ارتياحك النفسي تجاهها
و من اول ماتحس بعدم الراحة ترى يمدحون النحشة
والله بيرزقك افضل منها وبيرزقها افضل منك
لا تعمل لأي شيء اعتبار في مسألة زواجك
لانها مسألة مصيرية وماراح احد يجني تبعاتها غيرك
بالبداية احزنني وصفك للمرأة بالبقرة او العنز ,,!!
مهمآ كان شكلهآ فهي انسانة وانت بهآذا حكمت عليهآ بذلك ,,
ربمآ هي حورية ,,
وقد سمعت حديث عن الرسول صلى الله علية وسلم في معنآه ,,
ان لايجوز تشبية الانسان بالحيوان وانتم بكرآمة ,,
لان الله كرم الانسان عن الحيوآن ,,هداك الله ,,
التعآرف باأي وسيلة غلط ,,وهو بدآية النهآية ,,
لو عطتك اختك ايميلهآ وقالت انهآ صالحة ,,
لو كانت كذالك لان تحآدثك ,,لان مبآدآهآ واخلآقهآ لن تسمح لهآ ,,
واي بنت شريفة عفيفة لان تحآدث رجل على انفرآد ,,وتخوذ معه بالحديث ,,
طربقة تفكيرك يثير الخوف في نفوسنآ ,,
يبدو عليك انك شبآب ,,والشبآب هم بنآء الوطن ,,
لو تبي تتعرف عليهآ اكثر عندك فترة الخطوبة ,,
مع اني ضد ان الفتآة تحآدث خطيبهآ قبل الزواج ,,
والزواج التقليدي هو أكثر نجاح من غيره ,,
وليس له نهآية ,,
سؤال اتمنى الاجآبة علية ,,
لو اتاك احد اصدقآئك او زملآئك ,,
وقال انه سوف يتقد لطلب يد أختك بس قبل يتعرف عليهآ باحد وسآئل الاتصآل ,,
هل ترضى ,,؟
الحين خلني احول ع واحد من اخوياي اكبر مني بشهرين بس امه تقول له ياوليدي خلنا نروح نزوجك وانا علي المهر وببني لك ملحق خاص فيك وفيها وانا بساعدك لين تتوظف وكل يومين تقول له وهو يقول لاااااا انا مني ناقص قلق هيك مرتاح ومستانس
انا لو مكآنه ارفض
من وين اصرف عليهآ ؟
ابي اتوظف وظيفه سنعه واحس باستقلآليتي وبيتي الخآص
آمآ اسكن بملحق وابوي كل شهر يدفني بالف وبالفين !
احس ابوك بيقولك الله لآ يبارك باليوم الي زوجتك فيه
إقتباس
طبعا انا صراحة مسكت هاليومين براسي اني احجز لي بنت وش معنى انا الانسان الوحيد ع وجه الارض اللي ماحجزو له اهله
جديده علي هذي
وش الي حجز
المشكله تقول على وجه الارض
يعني لآزم احجز من الحين وحده ؟
اول شي الزوآج نصيب ، ومساله الحجز اغلب الشعب ما
ما حجز فتاه احلآمه على كلآمك
اذا نوى يعرس يكلم امه او اخته يشوف له بنت تكون اخلآق ودين
ونسب ايضا
إقتباس
طبعا الحين في زمن التكنولوجيا كل شي فيه متوفر واغلب اغلب البيوت ماتخلوا عن جهاز كمبيوتر او جهاز جوال
ويعني ؟
وش الي تغير ؟
اخرتهآ بتخطب وحده بنت حلآل ان شاء الله !
يعني بتخطب وحده عن طريق النت ؟
وبترقعهآ بتقول انك تكلمهآ من الايميل
او قل اختك تكلمهآ من الايميل
طيب البنت منهي ؟
من اهلها ؟
وش اخلآقهآ ؟
يمكن نصرآنيه ما تدري
او من شعب القطيف
؟؟
اختلف معك في ذلك !
إقتباس
لاني والله من جد جالس افكر هالايام اني اسوي هالشيء لانه اضمن لك
الزوآج المبكر الرسول سنه للشاب المستطيع !
في وقتنآ هذآ يجبّ ان تكون نفسك وتجيب لك وظيفه سنعه
علشان تقدر تتحمل المسووليه ، فغلآء الاسعآر وساهر ما يرحمشي
لذلك يا حبيبي انسى هالشي ، وركز بدرآستك كآنك تدرس
واذا توظفت وحسيت انك مستطيع مآليآ وذهنيآ وبدنيآ
توكل ورح عند امك وان شاء الله يرزقك بالودود الولود
،،
في الختآم :
مآ آدري وش الي تقصده انه ما عجبك الزوآج التقليدي !
هل تقصد الزوآج بفتآه ما تعرف عنهآ اي شي !
اوكي يعني تبي تتعرف عليهآ قبل الزوآج ؟
سوال : هل ترضآهآ لآحد قريبآتك ؟
وشي اخر / الرسول سن لنآ الرويه الشرعيه التي تحبب الرجل للمراه
والعكس صحيح ، لآ اذكر الحديث ولكن بمآ معنآه ان يولف بينهم .
عالعموم قد يكون طرحك هذا او انتقآدك ، بسبب حبك للزوآج
والحياه الزوجيه كـ مراهق ، بالتوفيق لك
lمدري ماودي بالزواج التقليدي 
الله يخلي لي الماما 
ما يرحمشي 
الوضع العادي
