طيرآآآآن الامارات وبس<< امززززززح

ملاحظة

الاخت دلع ما حجت، هي تنقل سالفة حصلت لواحد حاج، وبسبب اللبس جرى التنويه

إقتباس في شخص حج .. عسى حجته مقبولة ان شاء الله .. قولو آاامين

الخطوط السعودية هذي عوايدها و الله يصلح حالهم فشلونا في الحجاج

إقتباس اللي يكسرون خاطري في الحج كله هالعساكر الله يطول عمارهم .. صدق صدق يتعبون .. والله لو بيدي جان زدتهم وخليت رواتبهم أعلى رواتب في المملكة كلها

اي و الله صراحة ما قصروا و الله يبيض وجيهم
و عسـا الله يثيبهم و يعظم أجرهم
أسأل أبوي أقول لهم مكافأه يقول يمكن راتب شهر و يمكن ما فيه بعد

صراحه الوضع ماعاد ينطاق ،، ازفت شي الطيران السعودي

والله مو اول ولا ثاني ولا عاشر ولا اخر مره يصير هالشيء

وماخفي كان اعظم ،، ياما انتظرنا وياما انغثينا وياما وياما ....

كل شوي نشتكي ونطالب ،، لكن للاسف ولا حاجه تتغير

بالعكس كل مالها وتزداد سوء ،، انا اخوي قبل سنه ونص

كان رايح لابها (( عاد اسوء شيء الرحله لابها )) اقلع من

الرياض بعد التأخير (( متعودين عليه )) الموهيم ووصل لابها

قالوا مافيه مكان او فيه خلل من برج المراقبه (( والله ناسي لكن

رجعوهم للرياض )) ابغى اعرف الناس فاضين لكم ؟!

ماعندهم اشغال ؟! ماعندهم التزامات ؟! ياخي والله تعبنا

تعبنا تعبنا وحنى نشتكي لكن لا حياة لمن تنادي الوضع ماصار ينطاق

وصار الواحد يتحمل تعب السواقه وخطرها افضل من يتحمل تأخير

وانتظار الطيران السعودي

واللي يقولون ضغط وما ادري ايش !! لو هي فترة الحج بس ممكن

قلنا ضغط،، لكن 12 شهر وهم على هالمنوال

اذكر قبل فتره جابوا حلقه من البرنامج الشهير ( 99 ) وصراحه

البرنامج ماقصر وصل اصواتنا للمسؤولين ،، لكن والله ماشفنا

شيء تغير ،،، وجبت لكم معاناتنا مع الطيران الفاشل


باختصاااااااار اقولها وباعلى صوتي الطيران السعودي
(( مااااااحولك احد ولا فيه امل يتغيرون ))








وبالاخير اعذرونا وسامحونا على القصور وشكلكم مو حاجين مره ثانيه

هلا والله دلع ..

الحمد لله على السلامة , عاش من شافك ..
بداية الله يتقبل من كل الحجاج حجهم ويشكر سيعهم ويغفر ذنبهم ..
ثانيا الغلط من الحجاج الامارتيين ..
المفروض انهم حاجزين على طيران الامارات افضل واضمن لهم ..
لان الخطوط السعودية معروف ان ما يحجز احد عليها الا اذا كان من عشاق الاكشن والمغامرة .. ويحب يختبر الصبر وقدرة التحمل عنده ..
لأن الشق فيها صار اكبر من الرقعة بكثير جدا وكل ماله يتسع زيادة ..
والمشكلة .. ان الناس تنتقد خدماتها بكل مكان بالتلفزيون والجرايد والمنتديات , ولكن لا حياة لمن تنادي ..
ما ادري وش اللي ناقصهم , اذا كان الدراهم والخبرات وكل اللي محتاجينه موجود .. !!

يعافيك ربي دلع ,,

والله انك صادقه بكل كلمه قلتيها اختي دلع


والي ردو بعصبيه شكلهم ما انلطعو بالمطار من قبل عشان اسباب سخيفه واستغفال كبير من الطيران السعودي


يا كثر الرحلات الي تأجل والحجوز الوهميه


يالبى مطار دالاس واشنطن - ابو ظبي < حجز الكرسميس

اجل حنا وش نقول .طيرانا زفت × زفت × زفت .. مافيه خدمات وانواع الاصوات المزعجه

من عذرك ماتستخدمينه . اذا حنا تافلين العافيه من هالطيران الغبي

هلا دلع وحياك الله

والحمد لله تم الحج على خير ..

بالنسبة للخطوط اكيد الضغط هو سبب + مطار جدة الغريب العجيب + الروتين الممل والقاتل في الخطوط

وبصراحة التأخير يحصل في كل مطارات العالم بس يكون في اهتمام من الخطوط بعملائها ..

قبل اسبوعين زارنا في الشركة رجل فرنسي وكانت عودته بعد يومين كلموه الخطوط وقالوا ان الطائرة فيها مشكلة

ودبروا له حجزين واحد بعد 12 ساعة والثاني بعد موعد رحلته بيوم

اما ربعنا الله يصلحهم ما تفرق معهم لو تنلطع في المطار ايام !!

اعتقد هنا الفرق ..

شكرا دلع ,,,

حـــــــــــــــــــــــــــــــــــــــــــــــــــــــــــ ج ز


ان شاء الله ابرجع وارد قريب

كل الشكر على الموضوع

كفيتي ووفيتي

وبالنسبه للعسكر

يستاهلون زياده ولو في هذا الشهر فقط

يرجعون لاهاليهم مرضانين ويفوتهم العيد

الله يطول عمارهم ويسعدهم

يوالك والمارين وجميع الاعضاء والمسلمين

تحياتي

اتوقع ان اللي سوته المملكة باستضافة اكثر من ثلاث ملايين حاج أكبر من غلطة مطار تحدث كثيراً لنا في المطارات العربية وعانينها منها ولم نشتكي !
من الظلم ان يتم تشويه مافعلته المملكة !
أوكيه ان اتفق مع اي عاقل يقول ان مطار جده مش ولابد لكن التطوير حاصل الان بعد التوقيع بـ27 مليار وان شاء الله راح يخلص بغضون 36 شهر لكن مايحز في الخاطر أن تغطى كل انجازات المملكة باستضافة كل هؤلاء الحجاج ويظهر فقط شيء سلبي عانينا منه كثيراً احنا السعوديين في المطارات العربية ومو شيء غريب ويحدث في كل دول العالم
والشيء الآخر من الجميل جداً ان مطار مثل مطار جدة يستضيف هذا العدد الهائل في لحظة واحدة
ايضاً انا لااقول ان السعودية افضل دولة في العالم طبيعي بان يكون هنالك فساد كما قال الملك عبدالله في كارثة جدة لكن اعتقد انه عهد الملك عبدالله تغيرت اشياء كثيره ومن الظلم ان ننتقد المملكة في هذه الفترة التحولية خصوصاً ان هنالك مشاريع عظيمة قاعدين نسويها لكن تأكدوا أن مكة لو كانت بيد دولة لكان الدخول للطواف بمقابل مادي وتقبيل الحجر الاسود لمن يحمل البطاقة الذهبية !! بل ان حتى ماء زم زم توفره المملكة بشكل مجاني حار وبارد !!
الشيء الآخر ان المحجوزين في المطار لايساوون ولاحتى ربع بالمية من الحجاج واعيد واكرر بالنسبة لمطار جدة فقد وقعت المملكة بـ27 مليار لتطويره
واذا على النقد لايوجد شيء كامل وانا من منتقدي كثير من الاشياء اللي تقهر وتحز في الخاطر وما اقول دولتنا مثل الملاك المطهر ابداً
ايضاً فوق هذا كله 22 مليار ثمن تطوير مكة خلال 8 سنوات ان شاء الله
وجميع الحجاج يشكرون المملكة على توفير كافة الخدمات وعنوان هذا الحج "حجيج اكثر , مخاطر أقل"

وايضاً اعتقد ان المملكة اوجدت الانظمة والخطط والاموال لتسهيل الحج وقد انفقت المملكة ما لايعد من الاموال ووفرت الامن وشيدت المباني ووسعت المشاعر وسهلت المناسك ومع كل هذا نحن ننشغل بخدمة الحجيج وغيرنا يهتم وينعتنا بالتقصير وسوء الخدمة ليعيب عملنا وجهودنا

اما عن المطارات فنحن نستقبل في شهر واحد مايتعدى المليون والنصف حاج من خارج المملكة من 150 دولة تقريباً ومع ذلك نسخر كل الجهود والطاقات والامكانيات للترتيب والتنسيق بل خصصت لهم صالات خاصة بهم لخدمتهم

اختي دلع الامارات أنا من اول ماشفت يوزرك في المنتدى وانا سعيد جداً بتجمع خليجي في منتدى واحد
اعتذر اذا كان ردي عنيف شوي لكن هو مو عليك على من قصده يشوه سمعتنا

انا ذهبت للامارات مرة واعجبتني كثييير بالتطور والانظمة ونقلت للعالم الصورة الايجابية اللي شفتها بدولة عربية خليجية مسلمة تشرفنا ولم اركز على السلبيات لانها بكل مكان ولايوجد شيء كامل

اتمنى انك ماتزعلين من ردي اختي
واعيد واكرر ردي مو لك ردي للي قصده يشوه سمعتنا كما حدث في البلاك بيري وبعض المنتديات لذلك قلت احط ردي مرة وحده