السلام عليكم ورحمة الله وبركاته








جان استحي .. الصراحه ما اعرف كيف ابدى .. في البدايه .. حبيت اهنيكم بالعيد .. كل عام وانتو بخير .. وعساكم من العايدين والسالمين .. وحمدلله ع سلامة الملك عبدالله الغالي وما يشوف شر .. وثاني شي اقولكم كاس الخليج إماراتي امزح امزح .. ادري انه طالعين من أول مباراه .. ثالث شي والاهم من كل شي .. حج مبروور وسعي مشكوور وذنب مغفوور للي حجو .. واقولهم تقبل الله طاعتكم وحجتكم .. >> هذا الموضوع اللي يايه عشانه

فأنا بتكلم .. وبتكلم مب عن السعودية حشاني والله .. بتكلم عن الطيران السعودي اللي أخر حجاجنا 16ساعه في مطار جده .. !!

أو شي .. والله ثم والله ثم والله .. ما قصرتو يالسعوديين حكومةً وشعباً باستقبال ضيوف الرحمن ..بذلتو كل غالي ونفيس عشان الحجاج .. والكل يشهد على هالشي ..
واستقبالكم لـ 3 او 4 او 5 ملاايين حاج .. شي مب سهل خلال فترة 4 او 5 اوحتى 10 ايام .. وفرتولهم كل شي .. والله الشاهد ..

وكل التحسينات اللي شهدنها منى ومزدلفة والقطار وغيرها من هالاشياء تشكرون عليها .. وما قصرتوو .. وانا اشهد ..

اللي يكسرون خاطري في الحج كله هالعساكر الله يطول عمارهم .. صدق صدق يتعبون .. والله لو بيدي جان زدتهم وخليت رواتبهم أعلى رواتب في المملكة كلها .. لانهم صدق يتعبون .. من يخلص رمضان يبدى الحج .. وهم من مهمة لمهمة ..
الله يجزاهم كل خير .. تحية لكل عسكري اللي تعبو مع الحجاج ..
وما استثني المهن الثانية

السالفة كلها .. اللي انا يايه عشانهاا ..
هو تأخير الحجاج الاماراتيين 16 ساعه في مطار جدة .. واعطائهم مواعيد وهمية لإقلاع الطايرة ..

في شخص حج .. عسى حجته مقبولة ان شاء الله .. قولو آاامين

أخرووهم 16 ساعه في المطار بدون أي إجراء .. كله والسبب الطيران السعودي .. لأنهم عاطينهم أوقات وهمية .. وما في طيارات تردهم للبلاد .. يوم نتصل لمطار دبي .. ونعطيهم رقم الرحلة .. يقولون لنا انه ما في طيارات قادمة بهالرحله من السعودية ..
وويحتشرون المواطنين ويدخل رئيس بعثة الحجاج الاماراتيين .. وادخل القنصل الاماراتي .. ويابو فراش .. ويابو أكل لانه القاعه مافيها ولا ماي ولا أكل ولا حتى كراااسي اتخيلوو ..
والناس على طووول من طواف الوداع للمطار ولا رقاد ولا شي .. ومع كل هالتأخير صعبه واااايد .. !!

وبالنسبة للطيارة شكلها هي طياره وحده اتروح واترد .. وما في غيرها ..
انتو تخيلو معايه .. خلال 3 ساعات 4 طيارات اماراتيه طارت و غيرها القطرية والكويتيه الا السعودية ماشي ..!!!!!!!!!!!!!!!!!!


أدري انه الحج جهاد وكلٍ بأجره ان شاء الله .. لكن حسنو قدرو المستطاع .. ادري انكم ما مقصرين .. لكن بعد في أشياء لازم تنحل بأسررع وقت .. ولازم تتلاااشى هالاشياء في السنوات القادمة ويكون أكثر نظام ..


الموضوع فوق ما تتصورون ..

وانا عن النفسي .. واسمحولي على هالكلمة

انا توبت استخدم الطيران السعودي مرة ثانية ..

فالنهاية ارد اشكركم ع جهودكم وانا اشهد انكم مب مقصرين .. في خدمة ضيوف الرحمن .. الا سالفة المطار والطيارات بس



اتمنى محد يزعل من كلامي ..
تحياتي وسلامي لكم .. والشكر موصول لكل من سأل عني
واشتقت والله حق بيتي الثاني المجلس العام