ســـمــعـــنـــا صــــوتـــــك - صفحة رقم 2 - نادي الهلال السعودي - شبكة الزعيم

الهلالي دائماً · #16 07/11/2010, 10:09 AM

1111

في صوت

هلا وغلا بالعمدة

إقتباس


	كم يوم اقلب بالقنوات من الطفش ابي اشوف لي اي شي اتابعه .. وانا اتمشى بهالقنوات شف لي مذيعة مزيونه قلت خل نشوف وش عندها .. والا معها عجوزن تحوم الكبد لا شفت خشتها .. ومعهم مذيعة ثانية مهيب مزيونة مثل الاولى لكن ما عليها

مزيونة فهمناها

وتوح الكبد عرفناها

بس ودي افهم وش المقصود بما عليها

إقتباس


	لكن من الاحسن انك ما تعطيها وجه لانك تبي تبلش بها ..

طيب وش الفايدة من ها العجيز !! لازم تحدد هو بيعطيها وجه والا لا عشان يزبط الاكشن

>>> خبرة في الشعودة

إقتباس


	اللي يبي يعرف عن مستقبله يرسل لي صوته بالخاص ههههههههههههههههههههههه جايب لكم ورق هلالي بعد وش تبون اكثر من كذا ههههههههههههههههههههه

بصراحة الورق الهلالي يفتح النفس

اقول عميدنا .. ما ينفع ارسلك صورة

إقتباس


	انا يوم شفت الدعوة كذا حامت كبدي وغيرت القناة

ههههههههههههههههههههههـ

بعد ايه الله يصلحك بعد ما خلص البرنامج وتمقلت وحللت ووووو

إقتباس


	الشرك بدعوى علم الغيب، أو باعتقاد أن غير الله تعالى يعلم الغيب .. كما قال تعالى: { قُل لاَّ يَعْلَمُ مَن فِي السَّمَاوَاتِ وَالأَرْضِ الْغَيْبَ إلَّا اللهُ } [النمل: 65] ..

الله يجزاك خير عميدنا وبالفعل الناس يوم تتصل على ها المشعوذين والناصبين وين عقولهم !!
الله يهدي الجيع الى الصلاح والصواب ..

شكرا لك صدى

على الموضوع التوعوي

ودمت بحفظ الله ورعايته ,,,

hilalemooot · #17 07/11/2010, 11:05 AM

.

السلام عليكم
يالله حي القاطع صدّو .. شلونك عساك طيّب
والله ماذبحك الا المراكض ورى هالقنوات انت وراسك

بعض الناس تعتقد ان اللجوء لهالخرافات حل لما يفقدون الامل او بعد نهاية
مشكلة سواءا مادية او عاطفية او حتى نفسيه .. والسبب ضعف الوزاع
الديني قبل كل شي .. والمغريات اللي يوفرونها مثل هالقنوات او النصابين
بمعنى أصح ..مستغلين حاجة الاشخاص مع كثره المشاكل هالوقت !

المهم اذا عندك مشروعات من هالنوع علمني .. خابرك ما تخلى

منور .. لا تقطع

FINAL10 · #18 07/11/2010, 12:00 PM

إقتباس

الرسالة الأصلية كتبت بواسطة I B R A H E M

مب قايلكم هالآدمي الفراغ قلب مخه و صار يهذري

أجل تخرج من الشرك و العياذ بالله

طيب إذا طلع من الشرك يا شيخ فاينل وش يصير

استر علينآ الله يهديك

وثاني شي وش الي فآضي ؟!

عندي اشغال كثيره ولكن اشتقت للمجلس لآ غيرر
ولذلك تشوف خشتي كثير هالايآم

هلالي من ارض اليمن · #19 07/11/2010, 02:13 PM

مرحبا عميد

حسب علمي ان هذه القنوات صدر بها قرار محترم في سابقة يشكرون عليها في اتحاد الاذاعات العربيه مفاده عدم التصريح بهكذا خزعبلات من خلال الاقمار التي تعود ملكيتها لشركات او دول عربيه .. ولكن يبدو ان هنالك اقمار فضائية اخرى احتضنت بث هكذا جريمة ،،،

كما انني سعيد عندما اختفت ظاهرة ( تفسير الاحلام ) ليس لشئ إلا ان الناس استخفت عقولهم واتاحوا الفرصة لبعض الدجالين ان يظهروا علينا بثياب الواعظين ،،،

من جانب آخر .. حاجات الناس وضيق ذات اليد والخوف من قادم الأيام .. دفعت بالكثيرين ان يضعفوا امام البحث عن أمل ولو من خلال كلمة من دجال ! نسأل الله لنا ولكم والمسلمين الخير والصلاح ،،،

شكرا لك عميد مجلسنا

والله يجزاك الخير ،،،

ســـــ SMN2002 ـليمان · #20 07/11/2010, 02:50 PM

وعليكم السلام ورحمة الله وبركاتة
وهلا وغلا والله بالغاااااااالي صدى

والله حي العميد<<< عقب هالموووضوع غيرت فكرة فضيحة قرقاص

لان العمودية صعبة قووووية

ومن طول الغيبااااااااات جاااااااب الغنااااااايم
اخوووي المشكلة فيه قنووواااات خليجية تطلع هالشيء<< العربية قلنا عندهم قل دين اجل اهل الخليج وش عندهم
المشكلة الهدف المادي وضعف الوازع الديني واستغلال اهل العقول
الضعبفة هدف اصحااااب هذة القنوااااات
ومع العلم انها امور شركية والعياذ بالله وهو ادعاء علم الغيب
الله يهدي الجميع

وترا قرقاااااص يدبر لك مذيعة اخت سئيدة

وتحيااااااااااتي لك ياااا احلى عميد ولك احلى

واكبر

HILALYA ]~ · #21 07/11/2010, 06:34 PM

.

هههههههههههههههههههههههههههههههههههههههههههههه ..
استغفر الله الى بيتهم ض1 , وش يحسون ذولي ذذذذذ ..
الحمد لله على نعمة العقل بس ض1 , متاكد انك موب انت اللي داق ض1 ؟
الله يشفيهم بس , هذولا ما يستحون ض1 ؟ ما يشوفون الناس تتشمت عليهم ض1 ؟

][ هلـآلي للـآبد ][ · #22 07/11/2010, 07:04 PM

وعليكم السلام ورحمة الله وبركـآته
القنوات هدفهم مـادي وما يهم عنده حـلال او حـرام للأسـف
اما المتصليـن البعض منهم جاهـل والاغلبيـه يتميلحـون وقصدهم السخريـه
الله يعطيك العافيه

صدى الامس · #23 09/11/2010, 12:30 AM

FINAL10 .. I B R A H E M .. هلالي من ارض اليمن .. ][ هلـآلي للـآبد ][ .. الكلاسيكي .. هلاليه إيطاليه .. hilalemooot .. احتيآج .. ماجد مقبل .. HILALYA ]~ .. مرزوق الهلالي .. ســـــ SMN2002 ـليمان .. آخر طموحآتي .. الرامـي .. جوري الربيع .. عاشقة محمد .. قرقاص .. الـصـخـرة .. الحنونه الهلاليه ..

يعطيكم ربي الف عافية على تشريفكم ..

..

برايفت ..

ابو مقبل .. ما عليها يعني مهيب زوينة بالحيل مثل الاولى لا اقل منها .. لكن ما وصلت لدرجة الزين اللي بالاولى

..

قرقاص .. المشكلة حتى ابليس بمثل هالامور احياناً يسحب عليك مجربه قبل هههههههههههههههههه ..

سليمان .. انا يوم شفت ان العمادة عليها عيون بعض الناس قلت اثبت وجودي بهالموضوع بيني وبينك ولا احد يدري .. متصلن على هالعجيز وقالت لي انتبه ترى فيه واحدن يبي العمادة .. واطمر اكتب هالموضوع هههههههه ..

الصخرة .. برسل لك رقمهم بالخاص وتفاهم مع هالعجيز يمكن تجوز لك وتكف اذاها عن الخلق ههههههههههه ..

Hictar · #24 09/11/2010, 11:27 AM

وإن إتصلت وخبصت هالعجيز وطلع لي أربعميه وش بيكون وضعي

أنا لو إتصلت بقولها عن حظي
كل ما لعبت بلوت الورق اللي يجيني ما ينشرى عليه - وكله تكويشه
وش الحل - أو وش وضعي بهالدنيا

تفكر شوي يا عميد تقول صعب صعب الناس تسوي هالأمور
لكنك تكتشف إن فيه جد جد ناس تقرأ الورق - وتقرأ الكف - وتقرأ النفجان!!؟
بالعقل لعنبو حيّك فنجال - وش دخله بسير حياتك!!؟
والا اللي يعرف وش بيصير لك عن طريق الكواكب!!؟
طيب أنا برجي ( الحمل <--- على ما يسمع ) والكوكب تحرك يمين شوي
وقالي الدجال إني بتوظف في شركه كبيره بعد فترة

طيب هل كل اللي مولودين وبرجهم الحمل ما أدري الجدي بيتوظفون بشركات

Meme · #25 09/11/2010, 01:03 PM

وعليكم السلام ورحمة الله وبركاته ,

كثير من الامور الان انتشرت وحكمها واضح .

ورغم ذلكـ هناكـ عقليات لازالت تركض وراء تلك الاشياء ..

شوكرا لكـ ع الموضوع وجزاكـ الله خيرا

اختكم .. ميمي

بلو كادي · #26 09/11/2010, 01:34 PM

وعليكم السلام اخ صدى

ياكثر هالناس وهالبرامج المنثرة في القنوات حسبي الله ونعم الوكيل يستغلون خلق الله الله يكفينا شرهم

سهل · #27 09/11/2010, 09:26 PM

سق عليه - ما يبون رابع !

جزاك الله خير يا شيخ صدى الدجه

Fahad Al Sudais · #28 09/11/2010, 09:42 PM

إقتباس

الرسالة الأصلية كتبت بواسطة Hictar


	لكنك تكتشف إن فيه جد جد ناس تقرأ الورق - وتقرأ الكف - وتقرأ النفجان!!؟

انا اتفق معك ياشيخ نكتار جملة وتفصيلاً

بالفعل فيه ناس تقرأ النفجان كثير هالايام.. الله يهديهم بس

تفضخت عيونهم من قراءة النفجان

متأسف أوي يامعلم صدى على الانبراشة.. لكن من زمان ماحارشت ابوجنان قاريء النفجان

سهل · #29 10/11/2010, 12:46 AM

لا تروح بعيد يا صخوري .. إذا صدى الدجه يبي يعرف مستقبله
من الناحية العاظفية هههههههه

بنوتة**هادية^_^ · #30 10/11/2010, 01:32 AM

هلا بك
وعليكم السلام ورحمة الله وبركاته

تصدق اللي يقهرني ان يكون الشي واضح ان غباء ..

وخرافات والحرمه بتتكلم ..وكأنها واااو انا راح اعرف .. والحريم بيصدقوني ..

قمه في التخلف ..

المشكله ان بعض الحريم ماتتفرج هي لحالها لااا لازم تقول للجيران لازم تكون CNN

الحمدلله على نعمة العقل ..

..
ايش فيهم الاعضاء يمسكون على بعض ..

واحد يخرج من الشرك والثاني النفجان والثالث العاظفيه

بس صراحة عجبتني النفجان