مسائك سعيد ايها العالم الثالث.. استودعك الله في طريقي للمخملية - نادي الهلال السعودي - شبكة الزعيم

Fahad Al Sudais · #1 04/11/2010, 02:36 PM

حيــــــــــاكم

مزبن

ألا تلك عزة قد اصبحت...
تقلب للهجر طرفاً غضيضاً

تقول مرضنا فما عدتنا ؟
فقلت لها : لا اطيق النهوضا !

كلانا مريضان في بلدة...
وكيف يعود مريض مريضاً ؟

كثيّر

ثااااااااااانكس

سو ناااااااااايس

صرت حافظ الوضع ( صَم ) ومستعد اسمّع عند اطلق هيئة محلّفين

المواقع الاخبارية والصحف الالكترونية.. كل موضوع يحمل خبر ( فضائحي ) والردود المضحكة

والله ما انسى خبر في احدى الصحف الالكترونية المحجوبة حالياً << ( مايقصد الوئام

)

كان يتكلم عن اول فريق كرة قدم ( نسائي ) في جدة.. وتعال شف التعليقات والضحك والهسترة

او خبر ( جنائي ) والردود كلها ( السيف الاملح يابومتعب .. السيف الاملح)

بس ترى فيه شعب منتهي.. صاروا الحين يقولون ( السيف الاجرب يابومتعب )

يقول لك خلنا نحلل قروش هالسيف << انواع الذب على الحكومة

شعب فاقد

او موضوع ليبرالي لواحد من طبقة ( المطخطخين ) المخملية حقون جلسات فندق ماريوت مع قهوة الصباح

يتكم فيه عن الآثار السيّئة للانهزاميين الظلامين الصحويين.. اتباع الفاشيّة المعاصرة

ودورهم في ايقاف عجلة النمو وتدمير البنى التحتية << مساك الله بالخير يامرسال

لكن بكل امانة وبكل صراحة وبكل عنفوان اقولها بالفم المليان

اطلق واحلى ردود توسع صدري .. ردود المنتديات إيّاها

حقون التوبيكات والتصاميم والتواقيع والحب والغرام وكل عضو تحت يوزره ثلاث اوسمة من البنتاغون

ادخل أي موضوع حق توبيك مسن واوسع صدري شوي بالردود الفخمة :

وااااااااااو

سو ناااااااااااااايس

تسلم لي عنونك قلبو

ثاااااااااانكس

مرررررره شكراً

بيني وبينكم كلام كبييييييير

تحس بانتعاش عاطفي ( كوستنائي ) على قولة مشرفنا Rossi 999

هو طبعاً صحيح ان الامر ومافيه شغل مجاملة رقيقة.. لكن احسن من جلافتنا يالتماسيح

.

انا مليونير و كاش

خلاص انا قررت اسحب على الطبقة المتوسطة.. لأنها اقرب شي للكادحة

ونويت اصير مليونير.. ماسكة معي العب بالدراهم لعب

من اليوم رايح مافيه الا نظام ( شد المئزر ) واربط البوك بمغاط

الوضع القادم لايبشر بالخير.. مع ان التفاؤل مطلوب وسنة حميدة لكن الواقع غير

الوضع كل ماله ويدحدر

وكل شي ( تفل بوجيهنا ) يالمواطنين.. حتى الطماط ما حقر نفسه واستنذل علينا كم يوم

والله انا خايف من قارورة المنهل ترفع خشمها بعد وتقول انا بـ 10 وتصير اغلى من السفن أب

تصدقون ماعاد احرص اني اقلّط احد واقول له تفضل نقهويك ؟؟

بعذري.. الهيل كان الكيلو بـ 40ريـال والحين بـ 85

القهوة الهرريه كان الكيلو بـ 25 ريـال والحين بـ 60

ولما اقول ( كان ) اقصد قبل سنة او سنتين بالكثير.. مانيب اتكلم عن سنة الطفرة وعهد الملك خالد

ولو الضيف جلس عندك بعد صلاة العشاء وعجزت تصرفه

وصرت مضطر انك تطمر للرومانسية تجيب له عشاء

نفر اللحم كان بـ 30 ريـال والحين بـ 45

ياسااااتر وكلها ثلاث قطع وماتسوّي شي

مجبور تجيب نفرين بـ 90 ريـال وتحط جنبهن نص دجاجة تسليك

وقل له ( انا ما آكل اللحم

)

يا جماعة الوضع صار صعب.. والله العظيم صعب وكل ماله ويزداد صعوبة

وانا مثل ماقلت لكم صكيت بابي وربطت بوكي واللي يبي يقلط على فطيرة لوزين وسن توب الله يحيّيه

مدفن

دعيني للغنى أسعى فإنّي
رأيت الناس شرهم الفقير

وأبعدهم وأهونهم عليهم

وإن أمسى له حسب وخير

عروة

FINAL10 · #2 04/11/2010, 02:47 PM

..

آنشششهد آن الوضع صآر صعب ..
صآر الوآحد على مآ يدخل كليته يآخذ هم التوظيف والرآتب
هل يكفيني وين اسكن ؟! شلون اصرف ؟!

وخاصه الي ما عنده اب حي او اهل ينشد فيهم الظهر يعني عصآمي

..

زين انك تقلطنآ على لوزين
اشوآ ما مسكتنآ البآب

يآ رجل آجل لو معك شهاده تقر بآن لديك عشر خيول ؟!
يبنون لك اسطبل على حسآب الحكومه .. < يوم سمعت هالخبر جآني شد عضلي
بضرسي
ولو كآن مع عشر بشر مسملين لو تبي ريال ما عطوك ..

في صحه خيولك يآ وطني العزيز

نعتذر عن الشطحه الخفيفه ..

..

الا اقول الطمآط نزل سعره او لآ ؟!

لآني آخر مره دقيت على برجر كنج
طلبت وجبه قالوآ لي 62 ريال ..
قلت بدون طمآط قآلوآ آجل 15 ريال

< يآ آني شطحت

..

A l - K i n g · #3 04/11/2010, 02:57 PM

.

ههههههههههـآي و ربي خوآطططرك بططله
آهم ششي انك تسسلك لـ / نفسك بَ نصص دجآجه
يَ آخي انت ضضربت على آلوتر آلحسـآس
ويقولون لنآ تزوجوآ اللحين يَ الله نمششي حآلنآ كيف لو فتحنآ بيت
انت قلت الهيل والقهوه واللحم
ونسيت خوينآ الكولآ

كل ششي غلآ والروآتب هيآ هيآ مآ بووه زيـآده < مآ يلمح آبد ض1
الله يعين يَ الغآلـي و يفرجهآ يَ رب

ABNalzaeem · #4 04/11/2010, 03:00 PM

كن الناس تتسابق على المركز الاول قصدي الرد الاول

أبشر بغناتك ياصخصخ في زمن نفسي نفسي بلا كرم حاتمي بلا خرابيط

ياخي من اول كان الوضع فله كل من ترقى ولا نجح ولا توظف ولا ورعه طاح من الدرج وممات صلح لنا هيلمه وعشاء ووناسه لكن هالحين الله يامنا تمر السنة والسنتين محد دق على جوالك حياك الله على العشاء اليوم بمناسبة ان ورعي مشى >> شفحان عشيات

...

أه اما الصحف الالكترونيه والله انها ماتزيدك غير غبن وغثاء انت خلقه قافله معك تدخل عليها تقفل معك زياده كل أخباره اغتصاب وبنقليه وتحرش وجيب الهيئة يتعلى الصفحه يعنبوكم انا مو ناقص غثاء وهم ..

لكن الردود كلام ثاني اذكر اولت امس فيه خبر عن قضية جنائيه او زي كذا اول رد كان العالميه صعبه
بالمختصر الشباب السعودي شطح وفطع من الاوضاع الي يعيشها ...

اكتفي بهذا القدر بوجود الضخره يصمت المبربرون

ثانكس تسلم لي عنونك قلبو

ســـــ SMN2002 ـليمان · #5 04/11/2010, 03:08 PM

السلام عليكم ورحمة الله وبركاتة
يا صخ صخ
موضوعك يااااااااي يدوووخ<<< هذا أسأل عنه ابو مقبل وين شاف مثل هالردود

اخووووي صراحة حنا يالتماااااااسيح ياااا عندناااا ردود تحس انه كااااتبها وهو جالس عند الحفاااااار
او تحس يوووم تقراهاااااا انه واقف عندك وهو ماااااسك راسك
اما عااااااد الردود حق البناااااات تحس يوووم تقراها
كأنك تشرب بيبسي بارد في عز الصيف

يا صخ صخ الى الحين عندك المحفظة اللي لاغير ترتبطها بمغااااااااط
ياااااخي العلم تطور فيه محفظه تجي بطقااااق وفيه محفظة تجي بسحااااااب
وفيه محفظة تجي لا غير تدخل الرقم السري علشاااان تنفتح<<<المحفظة الاستثمارية

المعيشة والغلا وغيره يااااصخ صخ
حدث ولا حررررررج

الحيوان في هالبلد صااااار اهم من البشر
يهتمووون في ارتفاااااااع اسعاااار اعلافها وتتدخل الحكومة
ام الارتفاااااااع اللي يهم الانساااااان هي اخر من يعلم

تحيااااااااتي لك

ملامح يوسفيه.. · #6 04/11/2010, 03:48 PM

إقتباس


	بيني وبينكم كلام كبييييييير تحس بانتعاش عاطفي ( كوستنائي )

<~هههههههههههههههههههههههه اجل تعجبك الردود الي تسذآ

مدري ليه احسها سماجه نوعا ما

الشي الثاني/
وش السواة مع غلا الاسعار هذا

الله يرحمنا برحمته بس

زين الي خليتنا نقلط على سن توب ولوزين

الا الطماط مارخص للحين

الزعيم%الهلالي · #7 04/11/2010, 03:49 PM

رووووووووووووعه الى الامام يا مبدع

مريل دحيم · #8 04/11/2010, 03:54 PM

طماطم والهيل والقهوا والحـيـن العيد الاضحى قرب

يعني ذبيحه يقلون توصل 2500 والله الحين ما تقدر لا
تاكل شكشوكه ولا كبسه لـحـم

الله يعين وان شاء
الله تعدل سالفه الاسعـأر كل واحـد يزيد من عندهـ والحكومه
زادت رواتـب العسـكـر بـ رمضـأن والمحـلات زادت اسعـرهـأ
حتى اسعــأر زيــت السيارات زادت

وش مـأٍ بقـأٍ خخخخ

بخصوص العضو (( FINAL10 )) تقول دق زر CTRL+W
الله يرجك

ههههههههـأي يعطيك العافيه مشرفنـأ على الخواطر

صـمـت · #9 04/11/2010, 03:55 PM

ممكن احجز..؟؟

شوي و راجع اوك..مشوار بسيط وجايك سريييييع

لين شيخه الزين · #10 04/11/2010, 05:37 PM

معكـ حق بخصوص ان الريال الحين مو مثل آول الحين كل شيء غالي والـ 100 ماتجيب الحين مثل ماتجيبة قبل سنة وسنتين

يعطيك العاافية صخرة المجلس

abo.a7mad · #11 04/11/2010, 07:23 PM

هلا والله بالشيخ The Rock

والله إنك صادق كلش أرتفع مرة

أول أذكر نتقضى للبيت مقاضي شهر إذا مرة طقت الفاتورة توصل 700

والحين 1200 وانت طالع

,,

والا لا جت عزيمة أبو نفرين ثلاثة

أقل من 300 ريال ما يواجه

والله بلى عندنا حماية مستهلك ماشاء الله الله لا يضرهم ماخذين شهادة عالمية في الدجة!

والا وش يقول لك رئيسها يوم كفشوا أحد هالتجار يقول ما يصلح نذكر إسمه عشان ما نشوه إسم العائلة

والله بربسه وحوسه وكلن يقول نفسي نفسي محد يبي يلتفت للمواطن

الحين الـ 6 مليارات حقت باص مناحي لو يبنون فيها مدينة كاملة ويحطون فيها بيوت للمواطنين مب أزين؟

والله مغير زرف من كل جهه وأبو متعب ما يدري عنهم,, الله يعين بس

ما أقول إلا الله يستر لا يرفعون الفول

تحياتي لك يا باشا

][ هلـآلي للـآبد ][ · #12 04/11/2010, 07:56 PM

الوضـع المعيشي أصبح مـزري
الله يعين بـس

قرقاص · #13 04/11/2010, 09:24 PM

هلا وغلا بالصخرة

بما ان موضوعك ذو شجون ويبي له جلسة ونسخة اصلية بعد

إقتباس


	اطلق واحلى ردود توسع صدري .. ردود المنتديات إيّاها

مايوسع صدري زي منتديات العالمي النصر

اذا فاز فريقهم على صاحب المركز الاخير طاروا في العجة وقالوا الدوري نصراوي

واذا لعبوا مع الفرق الكبيرة وحشرتهم في ملعبهم

صار مدربهم سباك ولعيبتهم الاجانب كديش

الطبقة الوسطى رايحة في اتجاهين !! ناس قليل طالعين فوق والغالبية رايحين تحت مع خط الفقر !! >> ماأقصد نادي النصر

وعلى طاري النصر يقولون انه طلب تأجيل مبارياته بسبب كاس الخليج وغياب الدوليين مثل الأتحاد !!>>> عندهم احد دولي ؟؟

الوضع الأقتصادي مدحدر

والتجار مايرحمون !!! ترتفع السلعة ويقولون ان اليورو مرتفع مقابل الدولار !! طيب نزل اليورو وماشفنا شي تغير !!!

عندك تجار كثير في هالبلد مسلمين بس من دون اسلام !! مثال على ذلك تجار الحديد !! يخبون الحديد بالأتفاق مع بعضهم ! ويجففون السوق ويرفعون السعر حسبي الله عليهم !!

تجار العقار والشريطية رفعوا سوق الأراضي الى اسعار خيالية في مناطق برية مافيها خدمات !!

ملاك العمارات يرفعون بالأيجارات كل سنة وبنسب عالية !! ويقولك اذا مو عاجبك اطلع !!

مدري اللي راتبه اقل من 5000 ريال وشلون بيعيش ؟؟؟

إقتباس


	وانا مثل ماقلت لكم صكيت بابي وربطت بوكي واللي يبي يقلط على فطيرة لوزين وسن توب الله يحيّيه

الجود من الماجود يابوصالح

تعرف في ظل كل هالأوضاع فيه ناس ودك مع الباب تشوته زي شوتة رادوي على النصر اللي جاب فيها الهدف الخامس

واحد يجيك من برا البلد وفي وقت متأخر بالليل وتدبر له عشاء من اقرب مطعم مثلوثة ويجي يقولك مااقلط على دجاج

لا عمرك قلطت !!

ولا واحد ثاني يجيك وانت متكلف وعازم واحد وذابح له خروف بذيك القيمة وايقلط على العشاء ويقولك ماأقلط على عشاء غيري !! ويبيك تذبح له خروف خاص فيه

لا عمرك قلطت والباب يفوت جمل

جرح المودهـ · #14 04/11/2010, 09:51 PM

والله ياخوي سبب هذا كله

الزحف والهبال والدجه والوناسه والله اني استانس وانا اقرا بعض الردود

سبب كل ذا البطاله وغلا الاسعار

ياخي هـ الشغلتين البطاله وغلا الاسعار تخلي الواحد

شاعر ,, حكيم ,, مثقف ,, زاحف ,, كوستنائي على قولت روسي

خلاص الشعب صار مايهمه شي مافيه وظايف

ثلاثه مليون عاطل

والله مشكله الله يعين بس

الغرناطي · #15 04/11/2010, 10:29 PM

هلا و الله أبو صالح , أهم شي لا يرفعون سعر الفول ألزم ما علينا هو

..
الدنيا الحين صارت نار و ما تُستحمل أبداً و المشكلة لا قلط عندك واحد و قال أبي سلطة هنا وش بتسوي

؟

إقتباس


	لآني آخر مره دقيت على برجر كنج طلبت وجبه قالوآ لي 62 ريال .. قلت بدون طمآط قآلوآ آجل 15 ريال

هههههههههههههههههههههههههههههههههههههه