مايوسع صدري زي منتديات العالمي النصر اذا فاز فريقهم على صاحب المركز الاخير طاروا في العجة وقالوا الدوري نصراوي واذا لعبوا مع الفرق الكبيرة وحشرتهم في ملعبهم صار مدربهم سباك ولعيبتهم الاجانب كديش
الطبقة الوسطى رايحة في اتجاهين !! ناس قليل طالعين فوق والغالبية رايحين تحت مع خط الفقر !! >> ماأقصد نادي النصر
وعلى طاري النصر يقولون انه طلب تأجيل مبارياته بسبب كاس الخليج وغياب الدوليين مثل الأتحاد !!>>> عندهم احد دولي ؟؟
الوضع الأقتصادي مدحدر والتجار مايرحمون !!! ترتفع السلعة ويقولون ان اليورو مرتفع مقابل الدولار !! طيب نزل اليورو وماشفنا شي تغير !!!
عندك تجار كثير في هالبلد مسلمين بس من دون اسلام !! مثال على ذلك تجار الحديد !! يخبون الحديد بالأتفاق مع بعضهم ! ويجففون السوق ويرفعون السعر حسبي الله عليهم !!
تجار العقار والشريطية رفعوا سوق الأراضي الى اسعار خيالية في مناطق برية مافيها خدمات !!
ملاك العمارات يرفعون بالأيجارات كل سنة وبنسب عالية !! ويقولك اذا مو عاجبك اطلع !!
مدري اللي راتبه اقل من 5000 ريال وشلون بيعيش ؟؟؟
إقتباس
وانا مثل ماقلت لكم صكيت بابي وربطت بوكي واللي يبي يقلط على فطيرة لوزين وسن توب الله يحيّيه
الجود من الماجود يابوصالح
تعرف في ظل كل هالأوضاع فيه ناس ودك مع الباب تشوته زي شوتة رادوي على النصر اللي جاب فيها الهدف الخامس واحد يجيك من برا البلد وفي وقت متأخر بالليل وتدبر له عشاء من اقرب مطعم مثلوثة ويجي يقولك مااقلط على دجاج لا عمرك قلطت !!
ولا واحد ثاني يجيك وانت متكلف وعازم واحد وذابح له خروف بذيك القيمة وايقلط على العشاء ويقولك ماأقلط على عشاء غيري !! ويبيك تذبح له خروف خاص فيه لا عمرك قلطت والباب يفوت جمل
هلا و الله أبو صالح , أهم شي لا يرفعون سعر الفول ألزم ما علينا هو .. الدنيا الحين صارت نار و ما تُستحمل أبداً و المشكلة لا قلط عندك واحد و قال أبي سلطة هنا وش بتسوي ؟
إقتباس
لآني آخر مره دقيت على برجر كنج طلبت وجبه قالوآ لي 62 ريال .. قلت بدون طمآط قآلوآ آجل 15 ريال
*الانتعاش الكوستنائي : يختلف الناس باختلاف قلوبهم وأحاسيسهم , فمنهم من تطير به الكلمة الحلوة إلى بحر من الحنية وتُعيشه بين ساعد هذه وعقب تلكـ , فيعيش الوهم ويتمثل الحبّيب المغرم , فيبحث عن هذا ويتتبع مكامنها ,, ومنهم من لا يعيش ولا يهنأ له بال إلا بمقاضب الشوش , فكل يجد مبتغاه , ويهنأ بهواه ,,
,,,
* ابوصالح مليونير : حقيقةً الأمر في انحدار والحال إلى التردي , وضع كنا نسمع به ونستبعده وها نحن نعيشه ونعانيه , الواحد منا راتبه يفوق تسعة الاف ولديه زوجة وبزر مامشى ورغم ذلكـ بتاريخ 10 يبحث عمن ينعم عليه ويدينه ؟! وإنني أتساءل عمن راتبه لا يتجاوز الأربعة الاف وأبنائه خمسة أو ستة ؟! ماحاله ومعيشته ؟!! هذا الوضع انجرّ على حياتنا اليومية , وأصبح الواحد منا عجر عثرة وغصة في حلق عائلته وأهل بيته فركن أمام اللابتوب وتسمر أما التلفزيون لابسًا سروال السنّة وممدًا على المخدة ,فلا يخرج ويدع لهم متنفسًا من أثر الحالة المادية لأنه عود الأصدقاء في الاستراحة إنه إذا سيّر جاب معه كم دجاجة أو كرتون ببسي أو خضرة , ومصروف هذا أصبح لأساسيات البيت ,, أعان الله الجميع وأصلح الحال .
مشرف سابق في منتدى الرياضه السعوديه ومنتدى المنتخب السعودي ومحرر اخبار الهلال في الصحف العالمية
تاريخ التسجيل: 18/12/2004
المكان: Jubail.SA
مشاركات: 8,253
. ..
أي طبقة مخملية و انت عازمنا على فول و تميس يالصخرة , .. يا له من زمن حينما تساق الكوستونائية ببرستيجها الخاص إلى صحون الفول و تتم عزيمتك عليها بدون أدنى اعتبار لوضعها و حجم تأثيرها البالغ في النفوس ..
عمومًا يا صديقي موضوعك مميزة كعادة مواضيعك دائمًا .. و كويس ان الكوستونائي صار مضرب مثل " رغم الذبة الفظيعة " ,
على طاري السيف الاملح يا ابو متعب .. انا أقول لمشرفنا ماجد مقبل : القفل الأشهب يا ابو مقبل , < احتجاج على استخدام الرمزية الكوستونائية بالموضوع ..
تحية كوستونائية طيبة للجميع في الوطن العربي الكبير ..