صف شعورك وهل توقعت العودة للمباراة ؟؟ - نادي الهلال السعودي - شبكة الزعيم

الراقي 880 · #1 22/09/2010, 10:39 PM

مرحبا بالزعمااااء

والف الف الف مبروك التأهل الذي جاء بشق الأنفس

صف لنا شعورك وأنت ترى اهداف الغرافه تلج في المرمى الهلالي الواحد تلو الآخر

وهل توقعت ان يعود الهلال للمباراة ويعلن التأهل من الباب الضيق ؟؟

بالنسبة لي انا على أعصابي من يوم سجل الغرافة الهدف الثاني دخلني الخوف وتوقعت ان الغرافة راح يجيب الثالث

مستوى الهلال غرييييب والكل لم يكن في مستواه ووضح تأثر الفريق بغياب رادوي

واكثر ما قهرني هو ياسر اللي اضاع هجمة ماتضيع والمرمى خاااالي !!!!!

يوم جاء التعادل صرخة من كل قلب وجلست اضرب في باب الملحق من الفرحه وبعدها بدقيقتين جاب طلق المحيا الثاني وكاد ان يغمى عليا من الفرح وقمت ابوس اللي جالسين عندي واحد واحد

الحمد لله والشكر على التأهل

البدائع بلاد الروائع · #2 22/09/2010, 10:42 PM

والله شعوري
كل ماجات الصورة على قريتس
افقد الامل بالفوز من بداية المباراة ومن التشكيله الغريبه

هلالي راقي · #3 22/09/2010, 10:46 PM

الحمدلله على الفوز

والله إني رحت للوالده الله يحفظها وقلت لها ادعي لهم تراهم مساكين >>ماتعرف الا مساكين علشان تدعي لهم ههههههه

وقلت القطريين هذولا مايستاهلون وقعدت احرررشها علشان تدعي

ودعت هي تقول يارب السعوديه تفوز هههههههه ماتعرف الا السعوديه

والحمدلله على كل حال

S7H · #4 22/09/2010, 10:46 PM

بعد ما سجل الغرافة الهدف الرابع فقدت الامل

وكانت اختي عندي تقول لا متفائله إن شاء الله بنسجل

تقول انا ما انسى مباراة المنتخب والبحرين

وكنت واقفه ع رجولي من بداية الشوط الثاني

ولما جاء الهدف الاول صراااااخ وبكاء وتصفيق

وقعدت احمد ربي واشكره وما طولت الا الهدف الثاني في المرمى

ولما جاء هدف المحياني

ما تشوف احد عند التليفزيون

كلنا اللي يرقص واللي يطير ويوقع واللي يجري مدري وين رايح

بس الحمد لله تأهلنا
صحيح ان ضغطي ارتفع لكن الحمد لله ع كل شيء

واليوم تعلمت درس عمري ما راح انساه

chivas · #5 22/09/2010, 10:46 PM

والله للحين ماني مصدق وش صااار

انتم متأكدين ان الهلال لعب اليوم ولالا ؟

اشكرك بعنف

AZUZ · #6 22/09/2010, 10:46 PM

قمة التحطيــــــــــــــــم
والا ياسر..... لا تعليق....

بس الحمدلله على التاهل والف مبروووووك

$الزعيم$ · #7 22/09/2010, 10:47 PM

من القول الأول قلــت ضاعت المباراة مو من القول الرابع لكن الحمدللــــــــــــَّــه جات سليمة والحين لازم نفكر بالمباراة الجايــة خلاص

*(Y.A.S.S.E.R)* · #8 22/09/2010, 10:47 PM

والله يا شباب اني كنت فاقد الامل بس فكرت وقلت الله كبيير

يقدر ياهلنا والله بعد الهدف الرابع اني ادعي واقول يا رب انك تأهل الهلال

وانا كنت واثق ان الله مارح يرد دعاء جماهير الزعيم

الاسير2009 · #9 22/09/2010, 10:48 PM

والله بالنسبة لي طلعت برا البيت من يوم جاء الرابع وتكيت بالسيارة فاض عن اخوي الاتحادي ينكت علي
وفجاة كذا سمعت صرخة عمي ساكن بجنبنا ودز على البيت الى التعادل وطير على اخوي وبحلقه وصريييخخ
ويوم جاء الهدف الثاني تعلق بالستارة انكسرت وقم اصقع الاباريق ببعضها لان غسلت يدي من الفوز
على العموم الحمدلله
لاكن ابشركم الاتحادي اندعس علييييييييييييييه

мιѕѕ ∂ισя · #10 22/09/2010, 10:51 PM

اولا الحمد لله على الفوز اللي ما جاء الا بعد طلوع الروح
انا بصراحة شعوري بعد الهدف الرابع شعور لايحسد عليه وارتفع ضغطي وصكني راسي.
بس كان عندي احساس ان حنا بنفوز ...... كل شوي افتح التلفزيون واسكره وروح اخذ فره في البيت واجي افتحه ........ ياااااااااا الله

$الشفق الأزرق$ · #11 22/09/2010, 10:51 PM

انا من يوم عرفت التشكيله عرفت انه راح نعاني بس مو بهالطريقه المذله للاسف

واعتقد يتحملها بنسبة 75% جيريتس والباقي اللاعبين

حسبي الله عليكم اذا خليتونا على اعصابنا وخليتونا نبكي مثل الاطفال قدام الاطفال

ياجماعه ابي حل اترك الكوره نهائيا اذا كانت كذا والله ياجماعه الله لطف بحالي وبحالكم

آآآآآآآآآآآآآه آخرتها يكون موتي بسبب كوره والله مرات اندم على اليوم اللي تابعت فيه كوره

اعذروني ماادري ايش اقول ؟!؟!؟!!؟!؟!؟!؟!؟!؟!؟!؟!؟!؟!؟!؟!؟!؟

بندر العز · #12 22/09/2010, 10:52 PM

والله شعوري مرة زعلت ومتضااايق
رجاء الفريدي البارد لعاد اشوفك في الهلال تكفى الله يرحم امك لعاد اشوفك
ومبروك لللهلال
وشكرا ياسر وعيسى

الهنوف الهلاليه ~ · #13 22/09/2010, 10:52 PM

..

شششعوري صرآحه من يوم سجلوا الغرآفه الهدف الثالث والرآبع فقدت الامل بالفوز ..

والله يخلي لنا يـآسر وعيسى ..

وعقبـآآل الكأس يّ رب ..

هلالي والبطوله قدامي · #14 22/09/2010, 10:54 PM

انا اليوم طق فيني 100 عرق والله اني ماصدقت انا عيسى جاب الهدف
قاعد اناظر اخواني فرحانين وانا فاق ثمي مادري وش يصير

0000000000000000000000000000000000

صراحه الهلال اليوم مستوى مهزوز مادري وش صايرله

مصدر هلالي · #15 22/09/2010, 10:55 PM

للحين ماصدق النتيجة

ماراح اصدق لين نلعب مع الفريق الايراني

الله يسامحهم ذبحونا الله يسامحهم