صف شعورك وهل توقعت العودة للمباراة ؟؟ - نادي الهلال السعودي - شبكة الزعيم

الراقي 880 · #1 22/09/2010, 10:39 PM

مرحبا بالزعمااااء

والف الف الف مبروك التأهل الذي جاء بشق الأنفس

صف لنا شعورك وأنت ترى اهداف الغرافه تلج في المرمى الهلالي الواحد تلو الآخر

وهل توقعت ان يعود الهلال للمباراة ويعلن التأهل من الباب الضيق ؟؟

بالنسبة لي انا على أعصابي من يوم سجل الغرافة الهدف الثاني دخلني الخوف وتوقعت ان الغرافة راح يجيب الثالث

مستوى الهلال غرييييب والكل لم يكن في مستواه ووضح تأثر الفريق بغياب رادوي

واكثر ما قهرني هو ياسر اللي اضاع هجمة ماتضيع والمرمى خاااالي !!!!!

يوم جاء التعادل صرخة من كل قلب وجلست اضرب في باب الملحق من الفرحه وبعدها بدقيقتين جاب طلق المحيا الثاني وكاد ان يغمى عليا من الفرح وقمت ابوس اللي جالسين عندي واحد واحد

الحمد لله والشكر على التأهل

البدائع بلاد الروائع · #2 22/09/2010, 10:42 PM

والله شعوري
كل ماجات الصورة على قريتس
افقد الامل بالفوز من بداية المباراة ومن التشكيله الغريبه

هلالي راقي · #3 22/09/2010, 10:46 PM

الحمدلله على الفوز

والله إني رحت للوالده الله يحفظها وقلت لها ادعي لهم تراهم مساكين >>ماتعرف الا مساكين علشان تدعي لهم ههههههه

وقلت القطريين هذولا مايستاهلون وقعدت احرررشها علشان تدعي

ودعت هي تقول يارب السعوديه تفوز هههههههه ماتعرف الا السعوديه

والحمدلله على كل حال

فانيلة زرقاء · #4 22/09/2010, 11:36 PM

إقتباس

الرسالة الأصلية كتبت بواسطة هلالي راقي


	الحمدلله على الفوز والله إني رحت للوالده الله يحفظها وقلت لها ادعي لهم تراهم مساكين >>ماتعرف الا مساكين علشان تدعي لهم ههههههه وقلت القطريين هذولا مايستاهلون وقعدت احرررشها علشان تدعي ودعت هي تقول يارب السعوديه تفوز هههههههه ماتعرف الا السعوديه والحمدلله على كل حال

الله يخليها لكم

ومبرووووووووووووووووووووووك للكل

S7H · #5 22/09/2010, 10:46 PM

بعد ما سجل الغرافة الهدف الرابع فقدت الامل

وكانت اختي عندي تقول لا متفائله إن شاء الله بنسجل

تقول انا ما انسى مباراة المنتخب والبحرين

وكنت واقفه ع رجولي من بداية الشوط الثاني

ولما جاء الهدف الاول صراااااخ وبكاء وتصفيق

وقعدت احمد ربي واشكره وما طولت الا الهدف الثاني في المرمى

ولما جاء هدف المحياني

ما تشوف احد عند التليفزيون

كلنا اللي يرقص واللي يطير ويوقع واللي يجري مدري وين رايح

بس الحمد لله تأهلنا
صحيح ان ضغطي ارتفع لكن الحمد لله ع كل شيء

واليوم تعلمت درس عمري ما راح انساه

chivas · #6 22/09/2010, 10:46 PM

والله للحين ماني مصدق وش صااار

انتم متأكدين ان الهلال لعب اليوم ولالا ؟

اشكرك بعنف

AZUZ · #7 22/09/2010, 10:46 PM

قمة التحطيــــــــــــــــم
والا ياسر..... لا تعليق....

بس الحمدلله على التاهل والف مبروووووك

$الزعيم$ · #8 22/09/2010, 10:47 PM

من القول الأول قلــت ضاعت المباراة مو من القول الرابع لكن الحمدللــــــــــــَّــه جات سليمة والحين لازم نفكر بالمباراة الجايــة خلاص

*(Y.A.S.S.E.R)* · #9 22/09/2010, 10:47 PM

والله يا شباب اني كنت فاقد الامل بس فكرت وقلت الله كبيير

يقدر ياهلنا والله بعد الهدف الرابع اني ادعي واقول يا رب انك تأهل الهلال

وانا كنت واثق ان الله مارح يرد دعاء جماهير الزعيم

مصدر هلالي · #10 22/09/2010, 10:55 PM

للحين ماصدق النتيجة

ماراح اصدق لين نلعب مع الفريق الايراني

الله يسامحهم ذبحونا الله يسامحهم

blue white · #11 22/09/2010, 11:36 PM

إقتباس

الرسالة الأصلية كتبت بواسطة مصدر هلالي


	للحين ماصدق النتيجة ماراح اصدق لين نلعب مع الفريق الايراني الله يسامحهم ذبحونا الله يسامحهم

صاااادق

الحمدلله على الفووز هذا اهم شي بس أتمنى ماتكرر المهزله اللي صارت اليوم

9متيمة الزعيم9 · #12 22/09/2010, 11:43 PM

أول شي الله يبارك فيك

طبعآ انا اللي يشوفني بعد الهدف الرابع مايقول هذي هي اللي تابعت الشوط الأول

الشوط الأول صراااااااخ رج البيت رج

وبعد الهدف الصدمة الكارثة صرت بكما اللهم تعبيرات الوجه المتجهمة والدعاء والوقوف والجلوس >>حالة نفسية

ياويلي كنت باتجنننننننن آآآآآآآآآه تعبت تعبت ،،،تعبت نفسيتي

ماتخيل الا نخرج من البطولة بس اقول لا خليني متفائلة

بعد هدف ياسر اطول صفقة صفقتها بحياتي كلها وسجدة شكر لله تعالى على طووول

وبعد هدف عيسى جلست انقز واصارخ

بأعلى صوتي وسجدت سجدة ثانية

وربي مباراة لا تنسى ذبحنا الهلال وحب الهلال الحمدلله ربي ماخيب ظننا وفرح جمهور الهلال الغالي والوفي

شكرآ عالموضوع الرائع

انتصر ياس حبي · #13 23/09/2010, 12:07 AM

اولا مبروك فوز الزعيم وان شاء البطولة هلالية

الشي الثاني شعوري بعد الهدف الرابع جلست اهوووجس ولا ادري وشلون اقضي هالليلة مو مصدق اللي حصل
والله يا جماعة مو مصدق
بعدها طفيت التلفزيون وحطيت راسي قلت لعله حلم
بعدها دق واحد من ربعي وقالي مبرووووووك قلت كم النتيجه قال لي ماتدري قلت آخر خبري بالمباراة
4-0
بعدها شفت فارس عوض زعيييييم آسياااااا وقمت اصفق وبنفس الوقت مو مصدق لين صفر الحكم

آآآآآآآآخ

آآآآسيأأأأأأأأأأأأأأأأأأأأأأأأأأأأأأأأأأأأأأأأأأ

روعة الهلال.. · #14 23/09/2010, 12:51 AM

الحمدلله أولاً وأخيرا ...
والله المباراة عذااااب ...
انا شفت المباراة بغرفتي وطول الوقت وأنا خايف .. ويوم جاء الهدف الأول للهلال ما أدري وين أروح وانكبيت على السرير وأصارخ ما صدقت ... وشوي والهدف الثاني جاء ونفس الحالة تماما ...
والحمدلله ... صدقوني انها خيره لنا والكاس جاي جاي إن شاء الله ..

هلالي من الصحراء · #15 23/09/2010, 01:33 AM

صراحه انا كان معي نصراوي يشجع الغرافه يصيح بصوت قوي قي مقهى في الثمامه بشكل وقح
جنبي شيشه معسل وقمت ورفعتها ونفصلت نصين على العموم الهلال تاهل للربع للاربعه
بعدها قمت بتهنه النصراوي بالفوز بشكل مضحك