السلام عليكم و رحمة الله و بركاته



كل عام و أنتم بخير

عيد سعيد

عساكم من عوادة

عيدكم مبارك

عساه ينعاد عليكم أعوام و أعوام


بقي نتهنئة ما كتبتها




( قال أيش قال عيد

أصلا وش هو العيد صلاة و إجتماع ببيت جدي وبس )

كثير ما نسمع مثل هالكلام من بعض الأشخاص في الأيام هذي


من سرق فرحة العيد من القلوب ؟؟

و لماذا الناس لم تعد تفرح بالعيد ؟؟

أمس كنت أكلم جارنا أقوله كيف العيد

يقول : تمام بطريقة الجواب التسليكي

قلت له : شريت شماغ للعيد

قال : لأ بألبس شماغي العادي

قلت له : طيب متى بتحلق

قال : منيب محلق

قلت له : طيب وش بتسوي بكره ( أللي هو اليوم )

قال : بنام من بعد العشاء إلى الصبح

أنا عصبت و قلت له بالله هذا عيدك يالمخيس


قال أصلا وش هو العيد صلاة و إجتماع ببيت جدي وبس

طبعا بيت جده قصر و كل أقاربه يجتمعون عند جده صغيرهم و كبيرهم

يعني عندهم عيد و لا أحلى

لكن هو نفسه ما وده يفرح بالعيد



أمثال جارنا كثير و كل سنه يزيدون

السؤال هنا من سرق من القلوب فرحة العيد ؟؟؟؟؟؟

و لماذا لم تعد الناس تفرح بالعيد

برأيكم من ؟؟؟؟

..

معليش الموضوع متبته بسرعة لأن أهلي يبون أطلع أجيب أغراض

يعني لا تشرهون على قصره و تنسيقه الحلو

أهم شئ المضمون و أن الفكرة توصل

الناس سرقت فرحة العيد من نفسها

من يخلي للعيد فرحه الناس
ومن يسرق فرحة العيد الناس

ما سمعت الشاعر الي يقول

انتو الي تغيرتو والا احنا مثل ما حنا

اولا كل عام وانت بخير
ثانيا صدقني فيه فرق بين عيد المدن وعيد القرى
وعيد الرياض خاصة لأني ساكنة بالرياض طفش وملل والناس اللي فيه مايعرفون وش معنى العيد
يصلي صلاة العيد وبعدها يدور السرير..

وبما ان اكثر جماعتنا بالديرة .. نعيد عندهم .. وربي وناسة وسعة صدر ويصير العيد ليما خامس يوم..

وترى العيد يوم حنا صغار له طعم خاص ..

وشكرا خيو

والله يآبعدي آغلب الشعب برنآمجهم يصلون العيد ويجتمعون في بيت جدهم ثم يروحون ينآمون .. وثاني وثالث العيد يصير فيه اجتماع للعائله وبعدها يجي آنوآع الطفش !
يعني العيد مآعآد له طعم مثل آول !
مآدري وش السبب بصرآحه !

يعطيك آلف .. عآفيه وكل عآم وآنت بخير

إقتباس الرسالة الأصلية كتبت بواسطة marsal العيد هو فرحة المسلم بأنتهاء شهر رمضان بعد أن صامه و قامه ... لهذا أن تعبت في رمضان سوف تشعر بفرحة العيد لانه أتى بعد شهر الصبر و سوف تعرف طعم سعادة العيد .. و أن لم تتعب في شهر رمضان فسوف يصبح العيد يوم من الايام مثله مثل الايام الخوالي و السبب لديك أنت لأنك ارتحت في شهر الصبر ولهذا لن تشعر بطعم هذا اليوم .... هذه من الاشياء التي أسميها السعادة القلبية تختلف باختلاف الاشخاص ولو كانوا بجانب بعض واحد فرحان و واحد زعلان طفشان ...

كلام كبيير

العيد كله يتمحور في 5 ساعات تقدر تقول لاغلب الناس ما يصدق انه يخلص و يمسكها نوومه

انا اذا جا العيد اتصل على اخوياي و اعايدهم بعضهم يكلمني بنفس شاينه

لبى ايام اول حتى و انت ول ما تقوم من الفراش تدري انه عيد تحس بشعووور لا يوووصف

تحياتي لك ايها الدلخ المستدلخ

إقتباس الرسالة الأصلية كتبت بواسطة هـــ روحي ـــوى اولا كل عام وانت بخير ثانيا صدقني فيه فرق بين عيد المدن وعيد القرى وعيد الرياض خاصة لأني ساكنة بالرياض طفش وملل والناس اللي فيه مايعرفون وش معنى العيد يصلي صلاة العيد وبعدها يدور السرير.. وبما ان اكثر جماعتنا بالديرة .. نعيد عندهم .. وربي وناسة وسعة صدر ويصير العيد ليما خامس يوم.. وترى العيد يوم حنا صغار له طعم خاص .. وشكرا خيو

هااو ليش قلبتي ع الرياض كلهم ض1 ..
والله انا من سكان الرياض .. وعيدي بالرياض جنااان بقووه ..
واول يوم لازم لازم نعيد بالرياض .. حتى لو كان العيد عند عماني بالمدينه ..
وقليل نروح عندهم .. بالغالب بالاعياد هم يجون عندنا .. لاننا ما نحب نعيد خارج الرياض ض1 ..
خلاص شيء تعودنا عليه .. هو من ناحيتي واهلي واقاربي وكل اللي اعرفهم ..
بصراحه ننبسط ونفرح .. هو يمكن اللي يدور السرير عندكم بس ض1 ..
اما احنى ما ننام اصلا الا الساعه 1 او 2 الظهر .. ولا بالغصب ننام عشان نقوم بدري ض1 ..

إقتباس الرسالة الأصلية كتبت بواسطة HILALYA ]~ هااو ليش قلبتي ع الرياض كلهم ض1 .. والله انا من سكان الرياض .. وعيدي بالرياض جنااان بقووه .. واول يوم لازم لازم نعيد بالرياض .. حتى لو كان العيد عند عماني بالمدينه .. وقليل نروح عندهم .. بالغالب بالاعياد هم يجون عندنا .. لاننا ما نحب نعيد خارج الرياض ض1 .. خلاص شيء تعودنا عليه .. هو من ناحيتي واهلي واقاربي وكل اللي اعرفهم .. بصراحه ننبسط ونفرح .. هو يمكن اللي يدور السرير عندكم بس ض1 .. اما احنى ما ننام اصلا الا الساعه 1 او 2 الظهر .. ولا بالغصب ننام عشان نقوم بدري ض1 ..

أعتقد اني ما قلت هلالية .. ولا حددتك بالذات ض1 تصدقين احسبك قصيمية
بعدين اول مرة اسمع احد يقول عيد الرياض حلو.. وربي انواع الكئابة.. واذا هو عاجبك الله يهنيك ويزيدك

اعصابك ليش حمقتي علينا واللي على راسه حب يطحنة .. بعدين كيف ندور ع السرير وحنا متشققين من الوناسة.. ض1

وفالاخير هذا رايي .. ورايك انا احترمه سي يو

سجلنـي مـن أمثـآل جـآركـم
يـآخـي صحيـح شـريـت شمـآغ وفصلـت ثـوب ونعّمـت
لكـن وش العيـد ؟ تجـي تسلـم و تسمـع سـوآليـف هالشيـآب وبـس

يعني انا اشوف ان العيـد صـآر زيـه
زي اي عزيمـه تـروح وتسلـم وتستمـع لـ كلآم الشيـآب
وانـآ من الاسـآس مـآحـب العـزآيـم


واللـه مـدري وش الجـو بكـرهـ
لكـن اللــه يعيــن

إقتباس الرسالة الأصلية كتبت بواسطة هـــ روحي ـــوى أعتقد اني ما قلت هلالية .. ولا حددتك بالذات ض1 تصدقين احسبك قصيمية بعدين اول مرة اسمع احد يقول عيد الرياض حلو.. وربي انواع الكئابة.. واذا هو عاجبك الله يهنيك ويزيدك اعصابك ليش حمقتي علينا واللي على راسه حب يطحنة .. بعدين كيف ندور ع السرير وحنا متشققين من الوناسة.. ض1 وفالاخير هذا رايي .. ورايك انا احترمه سي يو

ههههههههههههههههههههههههههههههه .. لا والله مو معصبه ض1 ..
ابد ما حددتي بس انا اقول وجهت نظري < ض1 ..
ليه اول مره تسمعينها ض1 .. يكفي انا امثل نص شعب الرياض ذذذ ..
طيب الله يهنيني ويهنيك ض1 .. مدري عنك انتي تقولين ندور ع السرير ض1 ..
ايه ما قلنا شي بسم الله تخوفون ض1 .. هو رأيي كان بمحض الدعابه ذذ ..
لا تاخذين شي جد يعني ض1 .. والله يخلي لكم ديرتكم ولا يحرمكم منها ض1 ..
وفالاخير اعتذر ابراهيم ع الرد الثاني ض1 ..