للعيد فرحة .. وينها ليش أختفت - صفحة رقم 2 - نادي الهلال السعودي - شبكة الزعيم

S.SAM · #16 09/09/2010, 09:49 PM

وعليكم السلآآم ورحمة الله وبركاته..

العيد الحين كله بالجوال ومسجات الجوال والبي بي ما قصر بعد.. ض1

زمان أول ما تسمع صوت للالعاب الناريه الا بالعيد.. الحين من قبل رمضان وهم شغالين.. ض1

العيد صار صلآآه وتجمع على الفطور وجلسه لين الضهر وكل يوم عشاء وانتهى.. ض1

بعكس عيد القرى..ق1

يصلون العيد وبعدها مشي كل السكان يمرون كل البيوت الي بالقريه..

يتقهوون ويكملون لين الاخير..

وكل يوم غداء وعشاء لين ما يبقى احد ما اجتمعو عنده.. وكل شي مجدول من قبل العيد..

بالنسه للوقت الحالي كل واحد يدور على اصحابه ويبي يفل معه وانتهى..

الشيبان ما يحبون يحلون مشاكلهم الا بالتجمعات.. طبعا شي اكيد العيد هو أكبر تجمع لهم.. ض1

بالتوفيق للجميع..

abo-homood · #17 09/09/2010, 10:06 PM

السلام عليكم ورحمة الله وبركاته

غدا يهل عليناا عيد الفطر المبارك جعلنا الله فيه من المسرورين والمقبولين باذن الله

هذا الموضوع خاص بالتهاني بعد اذن الادارة

كل عام وانتم بخير ومن العايدين ومن الفايزين

اخوكم : ياسر

شبوط · #18 09/09/2010, 10:17 PM

وعليكم السلام ورحمة الله وبركاته ..
هلا وسهلا بسمي ياسر

الله يبارك فيك يالغالي ..
وكل عام وانتم بخير وعيدكم مبارك جميعا

I B R A H E M · #19 09/09/2010, 10:28 PM

إقتباس

الرسالة الأصلية كتبت بواسطة BaRiO


	لايكون انا جارك بس لان امس صار في حوار بيني وبين واحد عن العيد ونفس الاسئله والاجوبه اتوقع نص الشباب مثلي ومثل جارك معد في اهتمام للعيد والحين طلعت موضة مانسلم عليهم ونسفههم علشآن مشآكل قديمه الله يرحم ايام اول

أهلا محمد

معقولة عمانك و خوالك و أصحابك و جيرانك كلهم عندك مشاكل

معهم و علشان كذا ما تعيد زي الأوادم

الزمن ما تغير إحنا أللي تغيرنا

I B R A H E M · #20 09/09/2010, 10:30 PM

إقتباس

الرسالة الأصلية كتبت بواسطة Helaliy 4 Ever


	الناس سرقت فرحة العيد من نفسها من يخلي للعيد فرحه الناس ومن يسرق فرحة العيد الناس ما سمعت الشاعر الي يقول انتو الي تغيرتو والا احنا مثل ما حنا

مع أني ما فهمت شئ من كلامك

إلا أنه كلام سليم و معك حق في كل أللي قلته

leader ksa · #21 09/09/2010, 10:31 PM

كل عام وانتوا بخير لكل الاعضاء

وعساكم من عوادة

وياليت لو كل واحد يعيد علي بريال يطلع لي نص مليون تراها ميب شينة ابد

هذا الرد برعاية ام ناصر افضل بياعه شروخ في الديرة سابقا

تحياتو

I B R A H E M · #22 09/09/2010, 10:32 PM

إقتباس

الرسالة الأصلية كتبت بواسطة тħέ Eήđ . . !


	- أتوقع السبب في نفس النآس الي بيعيد معهم أو الي بيجون في بيت جده .. لآن الأغلبيه هالإيآم تجي للعيد والنيه مآهي بصآفيه ! شـُـكراً ،

ممكن تكون هذي أحد الأسباب

شرفني مرورك ..

I B R A H E M · #23 09/09/2010, 10:35 PM

إقتباس

الرسالة الأصلية كتبت بواسطة هـــ روحي ـــوى


	اولا كل عام وانت بخير ثانيا صدقني فيه فرق بين عيد المدن وعيد القرى وعيد الرياض خاصة لأني ساكنة بالرياض طفش وملل والناس اللي فيه مايعرفون وش معنى العيد يصلي صلاة العيد وبعدها يدور السرير.. وبما ان اكثر جماعتنا بالديرة .. نعيد عندهم .. وربي وناسة وسعة صدر ويصير العيد ليما خامس يوم.. وترى العيد يوم حنا صغار له طعم خاص .. وشكرا خيو

السالفة مالها علاقة بالرياض أو غيره هي تعود على الشخص نفسه

أنا ساكن بالرياض و الحمد لله مبسوط على الآخر بالعيد

أنتي تشوفينها كذا لأن أهلك بالديرة وما تستانسين إلا عندهم

الرامـي · #24 09/09/2010, 10:36 PM

عيدكم مبارك

كل عام وأنتم بخير

I B R A H E M · #25 09/09/2010, 10:38 PM

إقتباس

الرسالة الأصلية كتبت بواسطة ♥ N E V E S ♥


	والله يآبعدي آغلب الشعب برنآمجهم يصلون العيد ويجتمعون في بيت جدهم ثم يروحون ينآمون .. وثاني وثالث العيد يصير فيه اجتماع للعائله وبعدها يجي آنوآع الطفش ! يعني العيد مآعآد له طعم مثل آول ! مآدري وش السبب بصرآحه ! يعطيك آلف .. عآفيه وكل عآم وآنت بخير

موب أغلب الشعب إذا كنت أنت كذا لا تعمم على البقية

نورتنا ..

I B R A H E M · #26 09/09/2010, 10:40 PM

إقتباس

الرسالة الأصلية كتبت بواسطة marsal


	العيد هو فرحة المسلم بأنتهاء شهر رمضان بعد أن صامه و قامه ... لهذا أن تعبت في رمضان سوف تشعر بفرحة العيد لانه أتى بعد شهر الصبر و سوف تعرف طعم سعادة العيد .. و أن لم تتعب في شهر رمضان فسوف يصبح العيد يوم من الايام مثله مثل الايام الخوالي و السبب لديك أنت لأنك ارتحت في شهر الصبر ولهذا لن تشعر بطعم هذا اليوم .... هذه من الاشياء التي أسميها السعادة القلبية تختلف باختلاف الاشخاص ولو كانوا بجانب بعض واحد فرحان و واحد زعلان طفشان ...

يا سلام عليك

النقطة هذي كنت بأكتبها بس مع العجلة نسيتها

أوفقك الرأي و بقوة

I B R A H E M · #27 09/09/2010, 10:43 PM

إقتباس

الرسالة الأصلية كتبت بواسطة هلالي معالي


	كلام كبيير العيد كله يتمحور في 5 ساعات تقدر تقول لاغلب الناس ما يصدق انه يخلص و يمسكها نوومه انا اذا جا العيد اتصل على اخوياي و اعايدهم بعضهم يكلمني بنفس شاينه لبى ايام اول حتى و انت ول ما تقوم من الفراش تدري انه عيد تحس بشعووور لا يوووصف تحياتي لك ايها الدلخ المستدلخ

أكيد بيكلمونك بنفس شينة

هو فيه أحد ممكن يستصيغك

نورت الحتة يالشين ..

**الـــــــــواوا** · #28 09/09/2010, 10:45 PM

أعتقد أن أكبببر الفرحآآنين بالعيد هم الأطفااال .

يااااا إنهم بيتزبطووون تزبيييييييييييط .

يالله كل عام وانتم بخييير.

leader ksa · #29 09/09/2010, 10:46 PM

اقولك طال عمرك الحين كل واحد مسوي نفسه انا الذي هو رسمي
انا الذي هو مابغى اضحك عشان مايقولون عني الناس شي
بالعربي الناس ماصارت تعرف تفرح

كل واحد مسوي نفسه شيخ
والعيال كل واحد مسوي نفسه المشغول وتلاقيه يكلم الوشسمه ويقول معقولة مافيه سالفة

ياخي اكبروا ترا هالحركات مرة علينا قسم بالله

والعزايم نحضر ونفس الشي انواع الرسم والشيبان ماغير هياط على البزارين عشان الطرطيع

يعني وش الفايدة اذا بتحضرون وكأنكم حاضرين عزاء !!

وحتى البزارين ماقاموا يطلبون طراطيع يطلبون ياجوال جديد ولا فلوس يفلها بدون طراطيع

ياخي استمتعوا بالاشياء البسيطة
اشتر طراطيع وفجرها في البيت خل الشيبان يطامرون وراك

هناك العديد من الافكار والفعاليات

وعلى طاري الفعاليات انت كلم امارة الرياض خلها تسلمني الفعاليات

اذا ماخليت الشعب كلهم يجون الرياض في كل عيد

ولما يجون هبلوا فيهم طلعوا حرتكم مثل مايذلونا لمانروح لهم بالذات حقين الوشسمه اعوذ بالله

يعني راح اسوي لكم اشياء واشياء بس انت كلمهم اعرف انك تمون عليهم

وكل عام وانتوا بخير وعساكم من عوادة

تحياتو

I B R A H E M · #30 09/09/2010, 10:47 PM

إقتباس

الرسالة الأصلية كتبت بواسطة HILALYA ]~


	هااو ليش قلبتي ع الرياض كلهم ض1 .. والله انا من سكان الرياض .. وعيدي بالرياض جنااان بقووه .. واول يوم لازم لازم نعيد بالرياض .. حتى لو كان العيد عند عماني بالمدينه .. وقليل نروح عندهم .. بالغالب بالاعياد هم يجون عندنا .. لاننا ما نحب نعيد خارج الرياض ض1 .. خلاص شيء تعودنا عليه .. هو من ناحيتي واهلي واقاربي وكل اللي اعرفهم .. بصراحه ننبسط ونفرح .. هو يمكن اللي يدور السرير عندكم بس ض1 .. اما احنى ما ننام اصلا الا الساعه 1 او 2 الظهر .. ولا بالغصب ننام عشان نقوم بدري ض1 ..

كنت ناوي أرد عليها بس أنتي ما قصرتي فيها