EPL 4[ المانيو يفقد تقدمه في دقيقتين ويتعادل .. القنرز يواصل انتصاراته برباعية ..البلوز ينهي الديربي بثلاثية .. ليفربول يفشل في فك العقد] تقديم+متابعه - صفحة رقم 2 - نادي الهلال السعودي - شبكة الزعيم

BENZEMA10 · #16 11/09/2010, 03:50 AM

Gerard Houllier أصبح مدرب أستون فيلا
صاحب تجربه سابقه في البريمير مع ليفربول

THE KOP · #17 11/09/2010, 06:32 AM

برمنغهام فريق بثر على ارضه ودايم ينشب للخصم .. وماننسى انه نشب للأرسنال الموسم الماضي وحرمهم من المنافسه على اللقب لكن بحول الله مع جاهزية توريس الهجوم وجيرارد وميريليس بالوسط النزعه الهجومية تكون قويه بحول الله روي يحقق الي ماحققه رافا وينتصر على بأرض برمنغهام على فكره اخر مره فاز الليفر على برمنغهام بملعبه عام 2003-2004 بقيادة الاسطورة جيرارد هوليه متفائل بهالمباره وان شاء الله الثلاث نقاط بحوزة الليفر

توريس جاهز ورجع لتمزيق الشباك ،، ان شاء الله تكون له بصمه باللقاء
بمبارة اسبانيا بالتصفيات ابدع وهذا شي مطمن الاصابه لاعنته عندي احساس
انه بستلج قدام برمنغهام مبارتك ياحلو ...

نغوغ حصل على جائزة لاعب الشهر بالفريق خخخ واحتمال كبير يكون غايب بالمباره ..
نغوغ ابدع بالجولات الماضيه .. صح فيه شوي من دلاخته بس مستواه متصاعد وروي
وعده انه بياخذ فرصته وماراح يظلمه ان شاء الله .. ويستاهل الجائزة هالوصخ

الميّت حقّنا يغيب ست اسابيع بسبة الاصابه بالاكتاف ديرك من الاعبين الي
ما اتخيل الليفر بدونه روي اكد ان الست اسابيع مو اكيده وممكن يرجع بالاسابيع
القليله القادمه

كونشيسكي وميريليس بيلعبون مبارتهم الاولى امام برمنغهام

القناص الظفيري · #18 11/09/2010, 08:33 AM

بالتوفيقــ للقنرز , ولـ فابريغآس

Mr.ReKo0o · #19 11/09/2010, 08:59 AM

ويست هام ليس بالفريق السهل جداً

ولكن ايضا ً يقابله فريق صعب جداً يضرب بلا رحمه

كل ماسنحت له الفرصة في التسجيل يسجل

احرز 9 نقاط من 9 وفي طريقه الى النقطة 12 من 12

كل التوفيق لدروجبا ورفاقه

Abo khald · #20 11/09/2010, 09:19 AM

السلام عليكم ورحمة الله وبركاته
كل عام وانتم بخير
وعديدكم مبارك
والله يتقبل منا ومنكم صالح الاعمال ان شاء الله ..

بغض النظر عن مستواء الهامرز وهزايمهم الثلاث المتتاليه .. مباريات الديربي لاتخضع لهذي المقاييس .. بكذب عليكم لو قلتلكم اني ماني خايف من هذي المباراة خصوصاً انها على ملعب الهامرز وبعد اسبوع الفيفا والفرق بعد مقبله على الشامبيز .. صح انهم ماهزمونا تقريباً من عام 2003 .. بس ولو المعطيات الي قبل تخوف شوي .

لامبارد مهوب لاعب اليوم زي ماقال آنشي بتصريحه امس .. كنت اتمنى وجودهـ صراحه خصوصاً ان لامبارد دايم مايستلج امام فريقه السابق .. بس آنشي عندهـ خيارات واجد بديله عنه واتوقع الاقرب انه بيلعب الصهيوني بن عيون .. تيري بيكون جاهز الحمد الله وكلي ثقه فيه ان شاء الله انه بيكوش على كول .

مستوى فريقنا يريح بآخر 3 مباريات الاخيرهـ .. صح إننا ماقبلنا فريق عليه كلام .. لكن ولو نتائجنا وحفاظنا على مرمانا مع مستوى رائع يريحنا أكيد .. ودي آنشي يحاول يدخل المباراة وهو ضاغط .. نحاول نسجل هدف في اول ربع ساعه .. لانها بتكون نقطه مهمة وبتريح الفريق في ماتبقى من المباراة .

بصراحه ماضنتي بنسجل اهداف كثيرة في هالمباراة .. لان الديربي صعب على الفريقين .. واذا كانت المباراة على ملعهبم دايما مايكون الفرق بين الفريقين هدف او هدفين بس .. لكني متفائل بفوز وماتهمني بنتيجة .. واتوقع لدروجبا كلمة قويه في هالمباراة بآذن الله .

الي عجبني من تصريح آنشي الاخير .. انه بيعطي هالمزيون أعلاهـ (كاكوتا) فرصه للمشاركه وانه بيعتبرهـ لاعب من الفريق الاول .. هاللاعب موهبه صراحه .. ويمتلك من المهارات الفرديه مالله به عليم وسرعه خياليه وقدم يسار قويه .. أنتم بس انتظروهـ بالقادم

مباراة صعبه على المان .. مدري الكل ملاحظها خصوصاً المانشستراويه معي والى .. السير دايماً مايكون موفق بقراراته بمثل هيك مباريات وغالباً مايحوسها .. وان شاء الله تستمر ويتعثر المان بعد هالمرة .

مباارة صعبه على الفريقين .. بيرمنجهام فريقهم بثر جداً .. ان تعثر الليفر هالمرة بعد .. عن نفسي بيكون من ضمن الفرق الغير مرشحه والغير قادرة بتاتاً على الحصول على البريمر رغم اننا تونا ببدايته .. لكن مستواء توريس الاخير وعودته الى حاسته التهديفيه اتوقع بتساعد الليفر كثيراً على تخطي هالعقبه الصعبه .

بالنسبة للارسنال اتوقع بتكون سهالات لهم رغم اصاباتهم واتوقع بيفوزون 3-0 او 4-0 .. يعني مايحتاج اتكلم عنها اكثر من كذا

وحتى السيتزين بتكون سهالات وممكن جداً نشوف سيل من الاهداف للسيتزين .

إقتباس


	تقديم : SONG.17 تصاميم : حسحس

لاهنتم ياعيال

إقتباس


	chlsawi 4ever

وأخيراً .. مابغينا نرد هنا

Abo khald · #21 11/09/2010, 09:37 AM

ملخص اخبار تشيلسي قبل الديربي :

صور تمارين الفريق استعداداً للديربي

تصريح آنشي عن حصوله على مدرب الشهر

آنشيلوتي : تيري in لامبارد out في الديربي

تصريح آنشيلوتي لمباراة الغد

تصريح أليكس لمباراة الغد

آنشيلوتي يسخر من ادعاءات مرسيليا بمحاولتهم لـ ضم دروجبا

آنشيلوتي ينصح روني

خرانت متطلع للعب ضد فريقه السابق في الديربي

مالودا يحذر لاعبي تشيلسي من مباراة وست هام

تشكيلة الفريقين المتوقعه من السكاي

آنشيلوتي يظهر بعض من مهاراته في مداعبة كرة القدم + صور تمارين يوم الخميس

حكم الديربي

تبي تفاصيل ماعليك الا ان تضغط على الكلام ...

Fahad Al Sudais · #22 11/09/2010, 01:19 PM

إقتباس

الرسالة الأصلية كتبت بواسطة الاستوديو التحليلي

يا حلالات من راح لـ ستاد الامارات

كل التوفيق للقنرز

شكراً لكم

az๏̯͡๏z · #23 11/09/2010, 04:48 PM

وربي قايلها يا شباب

النتيجة خطأ بس توقيت الهدف صح

إقتباس


	اتوقع نتيجة المباراة : المانيو 1 × 1 ايفرتون . هدف ايفرتون بيجي بآخر الدقائق

Abo khald · #24 11/09/2010, 04:53 PM

وش الي صاااااااااااااير ياعيال

رحت عن المباراة على الدقيقه 89 قلت خلاص شكلها مانشستراوية .. ارجع على دقيقه 92 في هجمة الهدف الثالث

.. يوم جاب الهدف ارتيتا مدري افرح اصيح ازاعق ماني قادر استوعب الي صار .

يالبية يامويس بس .. قدر يتعادل في آخر دقايق المباراة بفضل تغيراته الي غيرت مجريات المباراة .. كان بعد يقدرون يفوزون بآخر ثانية بالمباراة بالكورة المرتدة لكن ولو الطمع شين

ايفرتون اهنيهم صراحه بروحهم وبعدم استسلامهم لنهاية المباراة وهذا مثال كبييير للفرق انها ماتفقد الامل لين صافرة البداية .

بانتضار مباراة البلوز بعد شوي وهذي فرصه لنا لتوسيع الفارق وان شاء الله نستغلها ,,

لايوقف يابريمر لايوقف

Miho · #25 11/09/2010, 04:55 PM

إيفرتون Vs مانشستر يونايتد

3 / 3

بينار (39) - فليتشر (43)
كاهيل (90) - فيديتش (47)
ارتيتا (92) - برباتوف (65)

Abo khald · #26 11/09/2010, 04:55 PM

تشكيلة فريقنا الاساسية

1 تشيك
19 باولو فيريرا
2 برانسيلاف ايفانوفيتش
26 جون تيري (c)
3 آشلي كول
5 مايكل ايسيان
12 جون ميكيل اوبي
7 راميريز
39 نيكولاس انيلكا
11 ديديه دروغبا
21 سالمون كالو

الاحتياط :

22 ترانبول, أليكس, 18 يوري زيركوف, 10 يوسي بن عيون , 15فلوران مالود ,ا 44 جايل كاكوتا , 23 دانيال ستوريدج .

آشوف إن آنشي بدى يبدأ بنضام المداورهـ وهذا الشيء المطلوب منه

ذآيب · #27 11/09/2010, 06:02 PM

ويلوموننا لا قلنا افضل دوري بالعالم

قال الاسباني قال

هاردلكم مانشستراوية , مباراة ترفع الضغط صراحة

Abo khald · #28 11/09/2010, 06:08 PM

فريقنا قوي ياعياااااال

ماكنت متوقع المباراة بهذي السهوله ابد .. لكن هدف ايسيان باول الدقايق ساعدنا كثير وعطى الفريق دفعه معنويه قويه .. وبعدها هدف كالو الغبي زي خشته

تقريباً خلتنا نلعب براحه اكبر ونلعب باريحية تامة .

الحمد الله طلعنا من الشوط الاول باقل مجهود وفايزين بفارق هدفين وشباكنا نظيفه للآن

راميريز واضح عليه الارتباك نوعاً ما .. وهذا يمكن اثر على خط منتصف تشيلسي حول صناعة اللعب .. لكنه تدريجياً يدخل اجوااء الفريق والبريمر ولازال يحتاج للوقت عشان يتاقلم .

فيريرا !!!!!!! مدري بس اني احسه اذا كان حوله لاعب يفتح له المجال دايماً وخايف دايماً على رجله ياربي .. من جد شيء غريب في فريرا .. اتوقع لو كان فيريرا واثق من نفسه ويكون اقوى في دخلاته على الكورة بنشوف مستوى افضل منه .. وان استمر على كذا اكيد ابيه اول واحد يطلع .

كويس انه مادخل في بابنا هدف وانلغى الهدف بآخر الوقت .. لانه لو دخل كانت بتصعب المباراة علينا كثير بالشوط الثاني .. وزي مايقولون اخطر نتيجة 2-0 ولازم يحاول الفريق يسجل هدف ثالث ونتظمن على نتيجة المباراة ونريح عقبها لاعبينا لمعركة الابطال .

نجوم الشوط الاول حتى الآن .. آشلي .. إيسيان .. ميكيل .. والميزة في الباقين حتى لو ماهم جيدين مايكونون عبء على الفريق وهالميزة ماتلاقيها باية فريق .

بالتوفيق للفريق بالشوط الثاني ,,

محمد الشلهوب 2010 · #29 11/09/2010, 06:17 PM

الله يامان يونايتد
تقبل مروري

ذآيب · #30 11/09/2010, 06:26 PM

زامورا حق فولهام مسيكين , جاه ما جا المسيكين الثاني رامزي