EPL 4[ المانيو يفقد تقدمه في دقيقتين ويتعادل .. القنرز يواصل انتصاراته برباعية ..البلوز ينهي الديربي بثلاثية .. ليفربول يفشل في فك العقد] تقديم+متابعه - صفحة رقم 4 - نادي الهلال السعودي - شبكة الزعيم

Mr.Anfield · #46 13/09/2010, 12:30 AM

الحمد لله على كل حال .. تعادل متوقع في ظل العقده في ملعبهم
وفي ظل ظروفنا الفنيه

.. الشي الي قاهرني إن عندنا لاعبين يصنعون
الفارق لكن في الوقت الي نحتاجهم فيه مانلقاهم بالمستوى زي ماكسي إلي
قدم مستوى سيء وكان سلبي على الفريق .. ومدري ليه هودجسون يلعب
بهالطريقه الدفاعيه وانت متعادل وتحتاج للفوز أكثر منهم لكن هذي حجتنا
دايم ( لاتحكمون على المدرب من بدايته ) لكن كأني أشوف فشله معنا

هودجسون صرح قبل كم يوم عن بابل وقال إن قدام بابل 3 شهور
عشان يثبت نفسه بالفريق لكن المشكله إنه ماعطاه فرصه عشان يثبت
نفسه .. والبدلاء اليوم ماتابعتهم كثير بقدر ما أهتميت بميرليس إلي عطانا
لمحه فنيه رائعه وقدر يربط الدفاع بالوسط وهالشي إلي كنا نحتاجه من أول
\الآن التفكير كله على مباراه يوم الخميس ضد ستيوا بوخارست في رومانيا
وبالتوفيق لنا .. YNWA

Q.Abdullah · #47 13/09/2010, 05:36 AM

إقتباس

الرسالة الأصلية كتبت بواسطة ابوخالد-20


	الله يبارك فيك حبيب آلبي من جد تشوووف انت مشجعي تشلسي بدى يكثرون وهالشيء تحقق بعد تحقيق الفريق لنتائج مذهله وكذلك الحصول على البطولات والمتعة كذلك مع الخروف .. يعني من جد تستمع لما تشوف تشلسي يطربك في الملعب .. شكلنا ان شاء الله ناوين نغطي على جماهيركم ياعبدالله هاردلكم حبيبي وقابلكم أنا قبل المباراة السير غالياً مايخبط امام فرق مثل هذي لكن محد سمعني منكم عبدالله احبك الله يقلعك

حبتك العافييه ياولييد

لبى

تصدق اتمنى انك مانشستراوي

وبالنسبه انكم تغطون على جماهيرنا , بدري بدري يبيلكم واحد ابطال وتصيرون
الاكثر جماهيره

مثل ماصار مع برشلونه

بسنه وحده زاد مشجعيهم ملايين

هاردلك لكل عشاق الليفر انس والدحمي وعبدالمجيد ومحمد تعوضونها بالجايات
ان شاء الله بس موب قدامنا

الجوله الجايه الليفر والمانيو على مااظن

على حسب ماقرأت باكثر من موقع ان نجم المباراه رينا كان بطل في تصدى الكورات
وانقذ الليفر , للاسف ماتابعت المباراه كنت نايم وقتها . .

دعواتكم ياشباب حجزي انتظار وبطلع الساعه 7 للمطار بروح للرياض
وان شاء الله اني اطلع

موفقييين

Abo khald · #48 13/09/2010, 06:23 AM

88

وش دعوة .. بآذن الله الابطال هالسنة في الجيب

الله ييسر امورك وترجع بالسلامة بعد شوي ان شاء الله

نجم المطش

أنقذ ليفربول من خسارة مؤكدة .. رغم اني توقعت انه بيكون مهزوز بعد مباراة الارجتين .. لكنه كان بالفورمة وانقذ كور كثيرة بشكل اكثر من رائع .. الليفر مستواهم غريب جداً .. عك كروي عجيب .. ماشفنا منهم شيء .. لولا الله ثم رينا كان بيرمنجهام منتصرين 2 او3 اقل شيء .. توريس و جيرارد كانو خارج الفورمة أمس وان ماكانوا هالاثنين في الفورمة اليفر مايكون بمستواهـ المعهود .

الليفر ماشوفه اختلف كثير عن العام .. صح فيه تطور .. لكني اشوفه بسيط وعلى الاقل حتى الآن .. طبعاً يحتاج اكيد هودجسون لوقت ونشوف وش الي بجعبته .. لكني مدري الى متى بيستمر يلعب بكل المباراة بمهاجم واحد ويوفانوفيتش على اليسار .. يوفانوفيتش مدري بس احسه لاعب منتهي ولايستاهل يكون في احتياط الريدز فما بالك بالأساسي!! بابل اشوفه يستاهل المشاركه اكثر بكثير منه .

عن نفسي ماضنتي الليفر ييقدر يعدي المركز الرابع هالموسم .. ايه نعم لسى الموسم ببدايته بس ماش الليفر حتى الآن مستواهم عايدي وبعض الاحيان اقل من عايدي .. على العموم ننتظر للاسبوع الجاي ونشوف كيف مستواء الريدز ضد المان وهل هو بيتحسن والا بيستمر على كذا !!

Arsenal · #49 13/09/2010, 11:56 PM

ستوك موب صاحين لقموا أستون فيلا و قلبوها عليهم 2-1

مدرب ستوك بطل يا كرهي له خخخخخ

امه متوفيه و جاي يدرب و فاز

الفيلانز ضيعوها بالشوط الاول ولا كان يمديهم بفوزون

لكن ستوك تسيدوا الشوط الثاني و سجلوا هدف الفوز باخر دقيقه من الوقت الضايع

Mr.Anfield · #50 14/09/2010, 07:30 AM