اسعد الله اوقاتكم اعزائي المشاهدين في هذه الليله المباركه من ليالي رمضان الكريم
وياهلا ومسهلا فيكم غالين عزيزين وبنحبكون

بتقولون وش عند سهل ( عسى مهوب مصخـّن ) بقول لكم ==> مابي الا العافيه
السالفه ومافيها اني مالقيت لي موضوع , ومليت , وطفشت , فا قلت أنتشاوف يعني نسولف مع بعض , وياحبذا ( سارقها من صمت ) يكون محور ( سارقها من مدري منهو ) حديثنا عن الام وعلاقتها مع ابنائها <== لا تشرهون توه قاري موضوع لنجمه

اليوم لقيت الوالده منسدحه على مصلاها ( سجادتها ) الله يحفظها قلت مابدهاش لف على الوالده سولف لك شوي وخلها تفلـّي لك راسك شوي <== تشيك على مرسوله وتحوس ام القصه

<== اللي يسمعك يقول قصة اهل الشااااااام , مايدري ان الملح بالشرقيه لعب براسه لعب

المهم والوالده في خضم بحثها سألتها ( يمه من تحبين اكثر من عيالك ) بس لا تقولين اول واحد <== انا الثاني قالت شف ياوليدي صحيح اني فرحت بخوك الله يحفظه وهو اول مولود لي وكنت صغيره بس يعلم الله اني حبيتك ( طبعأ مايمديكم تشققت ) ولادتك سهله ولا تصايح كثير مثل اخوك اللي هجج الجيران ومزيون ( هي قالت كذا قعت انا اللي افلـّي راسها )

فا قلت خل نشوف الاعضاء وش عندهم من علوم , مع اني متوقع انكم مثلي محبوبين من امهاتكم
===> بيطلع واحد يقول علشانكم هلاليين بأقول له حاول تستريح

ملاحظه /
فيه مشرف بهالمنتدى اذا ماجى قولوا ( الله لا يبلانا ) ابصموا بالعشره انه شيفتن قاعد

ملاحظه /
طبيت على الوالده مرّه هي واخوي الكبير والمشكله لقيتها تقوله نفس الكلام

سلاااااااااااااااااااااااا اااااااااااااااااااااااااام

سهل شكلك مكثر في الفطور اليوم

هلا و غلا سهل

عاد تصدق أمي تقولي نفس الكلام

بس أنا علشاني العاقل

أما يوم قالت لخوك نفس الكلام

عاد هذي مهيب بعيده تصير معي


يعطيك العافيه

أقول ياأبو الثمانيات

أتصدق إني ماعمري سألت امي هذا السؤال ؟؟

لأني عارف إجابتها

أخوي الكبير وبس :sad: :sad: :sad:

بروح اسئلها واجي اقولك :

الأم..

مشكلة الأم ( أي أم ) أنها ترى العالم كله من خلال ابنها ، فلذلك تقل الموضوعية في سائر الأحكام التي تطلقها على ابنها مقارنة به العالم الخارجي..!!!


=======> ادري انك ما تدري وين الله حاطك .. ولا راح تفهم الكلام بس انا كتبته لغيرك ..

إقتباس ومزيون

بما ان لي خبره في الأمثال فجاء على بالي مثل قديم وشعبي وهو الــقرد بعين امه غزال ..!!

واظن قصته هو الموضوع اللي انت كاتبه..

يعني مسكينة اميمتك تحسبك احسن ما خلق الله وما تدري ان ما عندك عند جدتها..

إقتباس ملاحظه / فيه مشرف بهالمنتدى اذا ماجى قولوا ( الله لا يبلانا ) ابصموا بالعشره انه شيفتن قاعد

يا ويلك من حبي تيماوي..


الا وش جايك على المواضيع اللي مثل وجهك ( حسب كلام امك ) ..

شكلي برجعك للشرقية يمكن تعقل شوي..


وتحياتي لكم ،،،

البااااارق

ههههههههههههههههههههههههه


والله سوال رهيب


بااروح اسال الوالده ؟؟؟؟؟؟؟؟؟


بس احس ان السوال محرج


بس انا اكبر اخوووووواني واكيد بتقول انت ;) ;)

اول شيء كيف حالك ياااااااسهل
وثاني شيء الله يحفظ امهاتنا ويخليهن لنا
والله يعين الوالده من كثر حبهاااااااا لي ;) ;)

بس كل شوي تقول لي انت احلى عياااااالي لو انك صااااااير احلى من القرد

عااااااد اذا بغيت الجد اناااااا ترتيبي الخامس اكيد اللي اكبر مني اكلوا على الجو بس انا اكل الجو
على السته اللي اصغر مني<<<<<قولوا ماشاء الله

وتقبل احلى تحيه مني

الـــــسلام before الكلام؛





انا ماعندي لا اخواااااان ولا اخواااااااات

يعني وحيييييييييييييييد (((( مو وحيد سيف =======> على باله خفيف دم الأخ))

انا اصلا وحدة ماني برايحة اسالها اخاف اكون توي متهاوشة معها واتفشل== من كثر الهوشات ماصرت اذكر ان كنت هاوشتها ولا..
وبعدين اكيد انا الغالية عندها شحلاتي مؤدبة واسمع الكلام وما اتعبها معي== العكس طبعا..
للمعلومية..
الام ماتفرق بين اولادها حتى لو واحد منهم عاااااق..
لا تسؤليني ليه..

كل ذولاء ردين وانا ما رديت حراااااااااااام
معليش سهل لكن لا تخاف تولم للحش

إقتباس اسعد الله اوقاتكم اعزائي المشاهدين في هذه الليله المباركه من ليالي رمضان الكريم

الا اقول عندي قناة توني فاتحها .... مشفره وحركااااااااااات وفيها مذيعات المشكله انهن صوماليات....لان اللبنانيات غاليات .......الزبده نبيك تكون مذيع عندنا....والقناة اسمها ((العيون الصامته))

إقتباس السالفه ومافيها اني مالقيت لي موضوع , ومليت , وطفشت , فا قلت أنتشاوف

يا شين اللي لهم يومين معطلين وعلى طول يطفشون.....على فكره زادوا العطله يومين بعد يا سعدكم

إقتباس سارقها من صمت

الا اقول ذبحتوني كل يوم واحد سارق مني شي ....الظاهر ما لي الا التجي لطالح ناقص...يشفرني

إقتباس لف على الوالده سولف لك شوي وخلها تفلـّي لك راسك شوي

إقتباس مايدري ان الملح بالشرقيه لعب براسه لعب

يا حليلك صرفتها بالملح قل وانت صادق القمل ((القمل شي ابيض يتعلق بالراس تلقونه بكتاب العلوم بصف سادس/ب)) ذابحك

إقتباس ومزيون

كل هالرد على شان هذي....اذا انت مزيون انا وش اطلع يامال الغنيمه

المهم طولت شكلي الحين انا بامشي واذا تبي اي شي دق بيجر وعلى فكره باخر شي حط تسع تسعاااااات;) ;)

انا عندي 2 اخوان اصغر مني