اسعد الله اوقاتكم اعزائي المشاهدين في هذه الليله المباركه من ليالي رمضان الكريم
وياهلا ومسهلا فيكم غالين عزيزين وبنحبكون

بتقولون وش عند سهل ( عسى مهوب مصخـّن ) بقول لكم ==> مابي الا العافيه
السالفه ومافيها اني مالقيت لي موضوع , ومليت , وطفشت , فا قلت أنتشاوف يعني نسولف مع بعض , وياحبذا ( سارقها من صمت ) يكون محور ( سارقها من مدري منهو ) حديثنا عن الام وعلاقتها مع ابنائها <== لا تشرهون توه قاري موضوع لنجمه

اليوم لقيت الوالده منسدحه على مصلاها ( سجادتها ) الله يحفظها قلت مابدهاش لف على الوالده سولف لك شوي وخلها تفلـّي لك راسك شوي <== تشيك على مرسوله وتحوس ام القصه

<== اللي يسمعك يقول قصة اهل الشااااااام , مايدري ان الملح بالشرقيه لعب براسه لعب

المهم والوالده في خضم بحثها سألتها ( يمه من تحبين اكثر من عيالك ) بس لا تقولين اول واحد <== انا الثاني قالت شف ياوليدي صحيح اني فرحت بخوك الله يحفظه وهو اول مولود لي وكنت صغيره بس يعلم الله اني حبيتك ( طبعأ مايمديكم تشققت ) ولادتك سهله ولا تصايح كثير مثل اخوك اللي هجج الجيران ومزيون ( هي قالت كذا قعت انا اللي افلـّي راسها )

فا قلت خل نشوف الاعضاء وش عندهم من علوم , مع اني متوقع انكم مثلي محبوبين من امهاتكم
===> بيطلع واحد يقول علشانكم هلاليين بأقول له حاول تستريح

ملاحظه /
فيه مشرف بهالمنتدى اذا ماجى قولوا ( الله لا يبلانا ) ابصموا بالعشره انه شيفتن قاعد

ملاحظه /
طبيت على الوالده مرّه هي واخوي الكبير والمشكله لقيتها تقوله نفس الكلام

سلاااااااااااااااااااااااا اااااااااااااااااااااااااام