يازين كتابة الموضوع بدون فيسات ( بغيت أحط فيس يهز راسه بالموافقه ) هع هع

ايه واالله صادق

البيبسي على الرغم من التحذيرات عليه الا اني رميت التحذيرات خلف الحائط << حلوة

والكورن فليكس << قلوب " كل شوي زوج اختي يجيب لنا نشرة من ارامكو بمنعه لكن انا ساحبه عليهم

شكرا ابو طلال << وردة

برأيي أن هذه ضريبة المدنية..
وعلينا الدفع..
ولم تمتلأ المستشفيات هكذا صدفةً..


شكراً لك أبوطلال..

حتى الشامبوات اللحين يقولون فيها ماده مسرطنه نعنبو بليس وين المسؤولين اجل جيدين
يحذرون بس بكره بيقولون الانسان بطبيعته كله مرض احسن له يموت

عافاك الله ابو طلال والفيسات شكلها راحت مع اللبن

صباح الخيرات..

يازين الصيام هاه..!

يارجال كل وتوكل على رب العالمين..!

المشكلة ان حياة البشر صارت رخيصة عند شركات الأغذية وعند التجار..

الله يتولانا برحمته بس..

عندي سؤال لو سمحت: وين توقيعك الي كان فيه البزر التكروني الي يهايط علينا ويقول الي مايراسل صاحبه..؟! هههه

بالتوفيق

حجز حتى قراءه الموضوع مشغول بالتونة و الجبن


___________________________________________________________________

فك الحجز بعد احلى تونة والله وانا اخوك ان كل هالكلام اشاعات يعني لو اقول لا تشرب ببسي ترى شركت كوكاكولا هي الي مسوية الاشاعة و و على هذا يعني خليك في الي يعجبك و سو زيي احلى توونة مع جبن في الجماية لمدة ثلاث دقابق والله حتاكل صباعك وراها و دزها بحليب قليل الدسم

إقتباس الرسالة الأصلية كتبت بواسطة marsal بخصوص الاشعات التي تقول ... أنا اخوك بالله تخصصي و اعمالي و عملي الحالي كلها بمجال فحص العينات و المياه ... خذ عندك بس امثلة ... أغلب المياه العباءة مضرة للصحة و اغلبها لا تصلح بتاتا للشرب و السبب انها تحتوي على نسب عاليه من الكلور ... شوف علامة Ph الموجود بكل ملصق على علب الماء ... النسبة المكتوبة 7,2 لكن تدري اغلبه وصل 7,5 و هذا يعني مجرد شربه تبداء الامراض تزورك تباعا الدجاج حصلنا دجاج لا يصلح للاستعمال الادمي بتاتا .. الزيت الذي يطبخ فيه أغلب المطاعم فحصنا اليوم واحد و النتيجة له أكثر من اربع شهور وهو يطبخ فيه ... يعني كل ما طبخ فيه هو مجرد أكل مسبب للامراض ... ما قلته هو واقع صح واقع مخيف لكن هذا هو الواقع .. ممكن صعب تخيله لكن هو نتيجة عدم وجود رقابة و السبب الخوف على المال العام وقلة الوظائف ... ما قلته مجرد نقطة ببحر .... و الامراض التي بدأت تغزو مجتمعنا من أين اتت ؟؟ السرطان أصبح شائع بشكل مخيف و السبب العينات التي ذكرتها ... بالرياض اعترفوا بالحلوة الطحينية المسسبة للسرطان وكم منتج غيره لم يدروا عنه ... بينبع اعترفوا بالشامبو المسبب للسرطان ... وكلها للاسف بعد ما غزت الاسواق ... هذا هو الوقع صدقت او لم تصدق.. موضعك يمكن كتبته بشكل ساخر كعادتك لكن فعلا محزن هذا حال بلدنا لا نضمن ما ناكل و لا نعرف صحة ما يشربه اطفالنا و شيباننا .. ممو مصدق كلامي خذ علبة مويه وروح لأي مختبر خاص يفحص العينة ب100 ريال و شوف النتيجة بنفسك... في مختبر اسمه أكسوفا بالشرقية ارسله العينة و بدون ما تحدد الشركة وقول لهم هذه موية بئر و شوف الرد .. متأكد راح يقولك غير صالح للشرب و مسببة للسرطان بسبب وجود الكلور ...

طيب المسابح كلها كلور ,, والجسم يمتصه ,, مايسبب شي .. ؟


انا ماعلي منهم اهم شي الكريمات الي استخدمها مايمنعوها ,, الباقي بقريح

لللا اسف عندنا التجاريف السعودية يطلبون من الخارج اخس الاشياء ..!!يقلون لهم جيبوا لنا اخس نوع...والله صرنا فئران تجارب..!!

الله يعين بس..!!

صادق والله , ما بقى الا يقولون الموية ممنوعة !!

صدقت يابو طلال
حتى ياكثر الأشياء اللحين يقولون فيه شيء من الخنزير !
مثل البيبسي و الديو و بعض الأكلات كل شيء طعمه حلو قالوا فيه خنزير
انا وصلت لقناعه أن الخنزير طعمه حلو ! و لا وش رايك >> براااااااااا

عاد الصدق كل اللي قلتهم مادريت عنهم
بس مشكلتي الكبيره مع الأندومي عشقي الأبدي > فيها عرق أندونوسي

كل شيء موزين حطوه فيه
قالوا يسبب سرطان و يدمر خلايا المخ .... الخ
بحاول أتركه إن شاءالله

||

أبو طلال , يعطيك العافيه

ااايييييه وانا اخوك هذا واحد يقاله - ولا موب لازم اسمه - المهم ذا الادمي قبله مطيح في الصين وينه فيه في الصين وين رايح لصين من وين جاي من الصين يقول انه يستورد او حاجه زي كذا ..

يقول والله في منتجات صينيه تنافس الياباني والالماني وتتفوق عليه لاكن تجارنا غالبا ماتجيب إلا الردي (يعني الشي الي موب زين هذي الترجمه لغير الناطقين بالنجديه)

يعني بدل ما يجيب الشي الزين ويكسب فيه مثلا ريال يجيب الشي الردي ويكسب عشره طبعا هو تخصصه ادوات كهربائيه ..
بس قس على ذالك باقي الاشياء وتعرف السبب يعني السبب موب فيهم السبب من الي يستورد منهم ..

هههههههه عاد مالقوا الا الخبز والله غريبة
والله بصراحة انا اخذ اللي ابغى وماعلي فاحد
يعطيك العافيه

لن يصيبنا الا ماكتب الله لنا...

ابو طلال انفلونزا الطيور وصلتنا ومات ناس كثير سواء اعرفهم انا او انت

خفنا وتضايقنا لكن الحمدلله عدت سليمه الله يديم علينا الصحه والعافيه

فلذلك اتكل على الله وكثف الدعاء بحفظك وسترك

والله وحده الحافظ

تحياتي