25/08/2010, 05:20 PM
|
زعيــم فعــال | | تاريخ التسجيل: 13/02/2006 المكان: قلب الحدث الهلالي
مشاركات: 352
| |
بنيت غرفه بالسطح وتورطت .. تكفون ساعدوني السلام عليكم ورحمة الله وبركاته وبعد اخواني اعضاء المنتدى شريت فيلا دبلوكس قبل فتره ولله الحمد وقررت ابني في السطح غرفة ألعاب للعيال مساحتها 6*5 متر بدون طبعا ما أجيب مهندس معماري يشوف المبني يستحمل هالغرفه أو لا كعادتنا يالسعوديين ( دايم فاهمين ) المهم يوم بقى صبت السقف قلت للمقاول وقف لا تصب لين اجيب مهندس يكشف أول تمام ؟ جبت بدال المهندس ثلاثه كلهم قالوا إن المبنى مايستحمل الغرفه ومن الغضب والزعل مااستشرتهم وش اسوي وهم قالوا لي شيل الغرفه أحسن لك وأنا الحين ماني عارف وش اسوي الى الان خسران 12000 ريال بين مواد واجور عماله وش اسوي ياناس ؟ اللي قال لي سو السقف قرميط وارمسترونق من الداخل واللي قال شينكو وعازل واللي واللي وأنا محتاج أحد يكون عنده خبره في هالامور ويفيدني أو يدلني على اللي يفيدني حتى لو مواقع متخصصه أهم شي أطلع من هالورطه بأقل الخسائر أنا ابغى الغرفه بس ما أبغى أخسر فلتي اللي دفعت عليها دم قلبي ولا أبغى شكلها يكون قبيح ويخرب منظر الفيلا لأن الغرفه تبين من أمام الفيلا تكفون افزعوا لي رحم الله والديكم |