هلا عادل
برشلونه قبل لايهزم أي الفريق ... يحاول يحطم نفسياته
لاحظ إنه ينهي المباريات بعد الدقيقه 50 زي ماقلت
المنافس .. طول الشوط وهو يركض بلا فائدة .. يجي الشوط الثاني خلاص وضعهم منتهي
طيب
متى بينهزمون ؟
مسألة الضغط على دفاع برشلونه
أنت اللحين إمسك الكورة .. وبعدين فكر إنك تضغط على دفاعهم
ولا حظ برشلونه مايرجعون الكورة للدفاع اللي إذا حبوا إن المنافس يتقدم شوي
والا إذا الهجوم متواصل .. الكورة ماترجع للدفاع الا نادراً
أشوف الحل لهزيمة البرشا عدة نقاط :
1 - جانب نفسي
لازم اللاعبين يؤمنون بفوزهم على البرشا
بمعنى إن هالفريق ممكن يخسر .. حتى لو إمتلك الكورة كثير
2 - جانب تكتيكي
أنا معا ابو غنيم
في سالفة إن برشلونه سيستم كامل
المطلوب اللحين تفك هالسيستم
ليش مانستغل ابرز نقطة قوة عندهم ونخليها مدخل لنسف هالسيستم ؟
أبرز نقطه : تحركهم بدون كورة
وشلون نستغلها ؟
ماودي فريقنا يقطع أي كورة .. ويعطل أي هجمة
يعني في كور نحرص إننا تقطعها .. لا صار غالب الفريق متقدم .. هنا تحرص إنك تقطع الكورة وتبني هجمة مرتدة معتمد على سرعة فريقنا
لا صار غالب الفريق في النص .. هنا صعب تقطع الكورة .. ولو قطعتها مايمديك تبني هجمه
# نقطة أخرى سلبيه في سيستم برشلونه
الفريق مايعتمد على التسديدات من خارج الـ18
يعني لو مسك الكورة في منتصف ملعبنا .. هجمتهم أقل خطورة منها لو كانت على الأطراف
# وكمان حاجه سلبيه في سيستم برشلونه
الفريق عرضياته ماتكون عاليه .. لقصر قامة أغلب عناصر الفريق
وأهم نقطة
دفاع البرشا مايجيد إستخلاص الكور العرضية العاليه
ياليت نلعب بـ 3 محاور قدامهم بس بشرط
يكون مارسيلو هو المحور الثالث .. أربيلوا ظهير
وجود مارسيلو له أكثر من فايدة:
_ الحد من خطورة ألفيس شوي
_ سريع في المرتدات
_ ألونسو + خضيرة يتفرغان لبناء ساتر أمام الدفاع
3 - الجمهور
جمهورنا بعد مباراة الفريق قدام ليون .. حس إنه لازم يكون بثر .. لازم يكون جمهور علة
لازم المنافس يخاف لا جاء البرنابيو
تأجيل كلاسيكو الدوري
لو طلع مصباح سحري لمورينهو .. وقاله تمنى : على طول بيتمنى هالأمنية
هالتأجيل جاء لمورينهو أحلى من السمن على العسل
فوائده : _ الدخول لحسم الكأس بذهن صاقي
_ مورينهو بيجاول يفاجأ البيب .. لكن هزيمته بالليجا يمكن ماتحسم لنا الدوري .. عكس الكأس
_ في تاريخ البيب .. مافيه فريق فاز عليه مباريتين في موسم واحد
وهذي نقطة تعطي فريقه حصانة نفسية
بكل بساطه :
وش الأفضل .. تفوز بمباراة الدوري وبعدها تلعب الكأس ؟
والا تفوز في الكأس وتحقق بطولة من قدامهم .. وبعدها تلعب الدوري ؟
أنا أشوف الثانية أحلى بكثير
للمدريدستا
الحمدلله هالجمعه عدت على خير
.. إنكتب لك إسبوع جديد يافرانكو