تضامنًا مع حملة ابو تولين ..

احد المصادر المقربة داخل النادي كلمني وقال : إنه مورينهو و كارانكا .. بيعطون المباراة
اشكل وبيلعبون بلوت ..

الخبر الثاني : إن لاس و مارسيلوا كلموا رئيس الرابطة [ فيه رئيس رابطة للـ التراس ]
انهم بيتكفلون بعدّة السامري ..

بالتوفيق للـ الملكي .. وانا مع صقور الجزيرة يا رييس ..

إقتباس الرسالة الأصلية كتبت بواسطة Hala Madrid مورينهو : قيل لي ان البرنابيو يظهر في اللحظه الحقيقيه والان حانت لحظه الحقيقه . ريآل مدريد ضد ليون في الساعه 20:45 مساء .

إقتباس الرسالة الأصلية كتبت بواسطة Madridi اولا : حاولت اكتب ما قدرت ، متوتر جدا من مباراة بكرة ابي اهايط ومو قادر ، هايطت العام وقبله وقبله وقبله ، هالسنة احاول ومو قادر . لكن بهايط في اتجاه اخر يبدو ان هناك شرمذة قليلون استغلوا غيابي لإثارة نعرات طائفية ، وثورات تحريضية فاشلة ، ويبدو انهم لا يريدون ان يعيشوا في السلام الذي وفرته لهم . عودوا الى جحوركم ، وسأعفوا عنكم بقلبي الرحيم والا .. فسأحرك الوجه الاخر سأضربكم في جحوركم ايها الجرذان بيت بيت .. دار دار .. زنقا زنقا .. فرد فرد ورأصني يا قدع سيتحرك جنودي الاحرار .. بقيادة وزير الدفاع : ابو اصيل ، و الاعلام : احمد والداخلية : ناصر RM ، والمستشار الخاص ورئيس الوزراء : ابو دحة وسنشن حرب لن تنسوها اطلاقا عودوا الى رشدكم ، ومن يدخل الى جحره فلن نمسه الا جهاد داعي الفتنة ومحرضها فدمه مهدور ، مهدور ، مهدور يا ... ثورة حنين الى كل الاعضاء وخصوصا اهل الهياط الرابطة جمعتنا على الحلوة والمرة . حكم عقلك وحافظ على صورتك في اعين القراء قبل كتابة اي حرف خصوصا وقت الخروج ( لا قدر الله ) . ولا تجعل من ردودك قبل المباراة سببا في اختفاءك . الرابطة بحاجة اعضاءها مهما كانت النتائج . دمتم بود

انت تعرف من ذا ياسليم ! ؟! .. ذا جيفارا الي حاط صورته ! .. هو الي بيسقطك يادكتاتوري خخ ! ..
جيفارا الرابطه صاحبي زاهر ! .. وهو ركن اساسي في الحمله ! ..



وهاذي صورتنا .. طبعا لاحد يفهم غلط خخخخخخخخخخخ
فلتسقط ياسليم سقوطا مشنعا انت وطائراتك واعلامك ووزرائك السفهاء خخ .. لان الثوره ثوره اعضاء ! .. مهي ثوره اشخاص وعملاء خخ ! ..
وبنسقطك حتى ولو تمتلك سلاح فتاك زي وجه يحيى النحس خخخ ! .. لانه عندنا سلاح يوازيه في النحاسه وهو ابو يوسف القديم خخ ! ..

لا تخاف ياازاهر مااني بساحب عليك زي ماسوى كاسترو خخخ .. انت اشتغل وماعليك خخخ ! ..




النوم منقلب خخ .. والظاهر ماني بصاحي الا قبل المباره بشيء قليل ( ان شاء الله ) ..
وقبل المباره تكون الاوضاع زي التبن والتوتر قايم والاخلاق قافله خخ .. عشان كذا نكتب الي بخاطرنا عن المباره ذي ! ..

زي ماقلنا وتكلمنا كثير .. عن ان المباره ذي عباره عن مباره نفسيه ! ..
تاريخ المواجهات ! .. الموسم الماضي ! .. والعقده ! .. هي الي تخلي المباره نفسيه اكثر من انها تكتيكه ! ..

ليون زي ماقلنا يلعب على تاريخ مواجهات مع الريال ! .. وذا الشيء يرفع من معنوياته ! ..

والريال واضح انه بدا يرد عليه نفسيا ! .. سواء بالنتيجه الي طلع منها في ليون او حتى بالشحن الي نشوفه والي يعمله مورينهو والاداره والاعبين للجمهور ! ..

لان الكل يعرف انها مجرد امور نفسيه ! .. ولو تخطاها الفريق مابيقى لنا ولهم الشغل الفني ! .. والشيء ذا متفوقين فيه نحن ! ..

المباره نتيجتها تأهل ! .. لكن ماتطمن ابد ! .. عشان كذا لازم مورينهو يعرف يلعب على الشيء ذا ! ..

ياايدخل عشان يزيد الغله ويقتل ليون ! ( وذا الشيء اتمناه ! ) .. ياايكون متحفظ ويخلي ليون يلعب كورته ويطلع من مناطقه ويتجرأ ( وذا الشيء مورينهو الي يقول انه بيعمله ! .. ) ! ..

كل الامرين ممييزين ! .. والاهم انه يحدد توجه الفريق في المباره ذي وماايتشتت بين الامور ! ..
ياايدخل يحاول انه يقتل المباره ! .. ياانه يكون متحفظ ويخلي ليون يطلع من مناطقه ويلعبه كوره مهو مستعد لها ومنها نحن الي نستغل اخطائه مهو هو الي يستغل اخطائنا ! ..

مع اني اشك ان مورينهو مهايطي وكذاب خخ ! .. وان كل الي يقوله عشان يلخبط ليون ! ..
لكن برضو في نفس الوقت االطريقه كمان جيده ! ..

بمعنى سلم اللعب لليون ! .. كذا بينضرب اغلب فكر ليون وخططه في المباره ذي ! ..
لانه بيدخل متوقع ان الريال بيحاول انه يستحوذ على الكره ويسجل ! .. ومنها بيحاول انه يضغط ويربك فريقنا ويجعله يخطأ ! .. ومن الخطأ يحاولوا انهم يستغلون اي فرصه ! .. < مثل الموسم الماضي ! ..

لكن لما يجد ان الخيار لهم ! .. والكره معهم وقتها بينقلب التكتيك ! .. ويصير الريال هو الي يضغط عشان يحصل الخطأ ومن الخطأ يستغل الفرصه الي تجي منه ! ..

وذا الشيء يرجعني للشوط االاول الي قدمه الفريق امام هيركوليس ! .. وكيف ان الريال ترك الكره تقريبا لهم ! ..
يعني ممكن يكون ذا السيناريو الي كان يحاول يطبقه مورينهو في مباره هيركوليس كبروفه لمباره ليون ! .. وخاصه انه الي شاهد المباره بيستغرب ليه مارسيلو ماتقدم الا بعد الدقيقه 30 ! .. وكأنه مقيد انه مايتقدم ! ..
وشاف كيف الفريق الشوط الثاني رجع ولعب كورته المعتاده ! .. مهو عشان هيركوليس هو الي قدم شوط افضل الا عشان الريال هو الي تركه يلعب ! ..

الفكره مميزه ! .. وخاصه انك بتلعب على المرتدات وعلى اخطاء المنافس ! ..

يعني اننا بنلعب بأفضل قوه نملكها ! .. والي هي اننا نقدر نوصل لمرمى الخصم في اقل عدد ممكن من التمريرات ! ..
ومع سرعه الاعبين الي تملكه ! .. زي دي ماريا ورونالدو والبنز ومن وراهم لاعبين مايخطأون التمرير الا نادرا ( ماشاء الله ) زي الونسو واوزيل ! .. بيكون فريقنا قوته كبيره في المباره ذي ! ..

وارجع واقول الفكره مميزه ! .. لكن مشكلتها انك بتعطي ليون فرصه انه يلعب ويثق بقدراته ! ..

عشان كذا ذا الشيء يرجعنا للطريقه المعتاده ! .. وليه ما ندخل بثقلنا ونحاول اننا ندك ليون من اول لحظه بدل مانعطيهم الثقه ؟! ..
ونختفظ بالكره ونتناقلها ! .. ونحاول اننا نسجل ونتقدم ونقتل المباره ! ..

مشكله المباره ذي ! .. انها تدور حولنا وكيف نحن الي نسير المباره ! .. ولا ليون تحس انه خارج الموضوع ذا بالمره خخ ! ..

لانه ماعنده الامكانيات الي تخليك تلعب على امكانياته وتعمل حساب كبير للاعبينه ( حتى دلغادو اكثر لاعب مشاغب ماتعمل له الحساب الكبير .. مجرد تكتيك بسيط لوقفه سواء بالمراقبه او الضغط العالي عليه من اقرب لاعبين منه ) ! ..
الشيء الي يميزه فقط ! .. القوه البدنيه ( وزيد عليها اخطاء فريقنا الي يلعبون عليها ! ) ..

حتى في طريقه لعبه ! .. تجد انه يغلق المنافذ ويكون قوي في الالتحامات ! ..
والطريقه الوحيده عشان يدك الريال انه يحاول يستغل اي فاول من اي مكان وينلعب بتسديده قويه او كوره عاليه ممكن يجي منها خطأ ويسجل هدف زي ماحصل في الذهاب ! .. < وطبعا اتمنى ان مورينهو يكون منتبه للشيء ذ1 ! ..

عشان كذا المباره كلها تدور حولنا وتدور كيف اننا بنسير المباره ! .. وذا الشيء يخلني ممكن اقتنع بكلام مورينهو ! ..
في اننا نفتك ونتخلص من موضوع تسير المباره الي حاط ليون امله كله عليه وكيف يستغل اخطائه ! .. ونحول الموضوع ذا لهم ونشوف كيف يتصرفون ! .. وخاصه انه في الاخير نحن مانحتاج ان المباره تسير في اي مكان لانه وقوفها على حالها يعني تاهلنا ! ..

المباره قد ماهي معقده ! .. قد ماهي ممكن تكون سهله ! ..

وكنظره ! .. اشوف ان كل شيء بيبن من الشوط الاول ! .. وخصوصا في اول 20 دقيقه ! ..

اوزيل ! .. اتمنى انه يعوضنا عن المستوى السيء الي قدمه في الذهاب ! ..
دي ماريا ! .. بأختصار هو اكثر شخص متفائل به ! .. لانه النوعيه الوحيده الي كنا نفتقدها في مباره ليون الموسم الماضي ! .. وبيكون مفيد سواء في المرتدات او حتى في الاختراقات ! ..
رونالدو والبنز ! .. ماودي اكون قاسي عليهم لكن اتمنى انهم ماايستغلون بس الفرص الا انصافها كمان ! ..

كلي ثقه بالفريق .. ولا عشان ماكون كذاب ..
كلي ثقه بالسبيشل ون .. ثم بالبرنابيو ! .. طبعا بعد الله ..

موفقين يارب .. ونشوفك بعد المباره او اذا حصل قبلها ان شاء الله

السلام عليكم..

صراحه .. والله حنا محسودين على هالرابطة! جو روعه وتآلف بين الجميع، ما أقول الا الله يديم المحبه بس!


بإذن واحد احد ان التأهل من نصيبنا اليوم متى ماكان البنز مصحصح، لأن هالنوع من المباريات ممنوع يقل تركيز المهاجم عن 100%!


وان شاء الله نهني بعض بكرى، واتوقع النتيجه 2-0 للميرينقي وان شاء الله اذكركم فيها.

إقتباس الرسالة الأصلية كتبت بواسطة البلانكو10 لانه ماعنده الامكانيات الي تخليك تلعب على امكانياته وتعمل حساب كبير للاعبينه ( حتى دلغادو اكثر لاعب مشاغب ماتعمل له الحساب الكبير .. مجرد تكتيك بسيط لوقفه سواء بالمراقبه او الضغط العالي عليه من اقرب لاعبين منه ) ! .. الشيء الي يميزه فقط ! .. القوه البدنيه ( وزيد عليها اخطاء فريقنا الي يلعبون عليها ! ) .. حتى في طريقه لعبه ! .. تجد انه يغلق المنافذ ويكون قوي في الالتحامات ! .. والطريقه الوحيده عشان يدك الريال انه يحاول يستغل اي فاول من اي مكان وينلعب بتسديده قويه او كوره عاليه ممكن يجي منها خطأ ويسجل هدف زي ماحصل في الذهاب ! .. < وطبعا اتمنى ان مورينهو يكون منتبه للشيء ذ1 ! .. موفقين يارب .. ونشوفك بعد المباره او اذا حصل قبلها ان شاء الله

هلآ بك بلآنكو

ههههه ياخي ردك فله

بسس لي تعليق على كلآمك

نقطتك الثانيه من خطة مورينهو انه بيسلم لهم العب

وهآذي مآ قد صآرت مع مورينهو في ارضه ولآ لعبت الخروج مغلوب من يوم مآ كآن مع تشلسي

لو ترجع ورىآ آلانتر مع برشآ تشلسي مع برشآ

نتفهم آول ششي


آنآ آتوقع آنآ آتوقع آن مورينهو آهو آلي بيفرض آسسسسلوب آلعبه حقه بعدين يوصل لهدف معين

ثم يسحب آورآقه ويسكر هذآ آذآ مآ جآك بآلدرزن آلآهدآف

حبيت آنوه بسسس

تعرف آلصصصبحيه وفضآوة وعندك آوف لآزم تسسسوي نفسك فآهم