"
"



الحمد لله .. فوز صعب جداً ..
والحمد لله اللي جاء ، ولا كان اكلنا تبن ومب اي تبن بعد .. حالياً الفريق 6/6 نقاط ..
نستقبل ميلان نقاطنا كامله .. وهم توهم متعادلين .. شيء جميل جداً وهذا اللي تمنيته .. مجرد ما ناخذ من الميلان 3 نقاط ..
خلاص اضمن التاهل وفكر بـ المركز الاول بس اللي بـ يصير سهل ..


"


اليوم فقدت كارا وبـ عنف ..
صحيح ان الدفاع ما اختبر اصلاً ، ولا نكبنا الدفاع الا بـ كورة بيبي اللي ضربت القائم .. لكن من ناحية الثقه وهيك .. تعودت على كارا يا حبي له ..
صحيح ان راموس وبيبي رجال ما ينخاف عليهم .. لكن كارفاليو يفرق بـ صراحه ..
والريال دفاعياً بـ الوقت الحالي مُميز جداً .. خصوصاً متى ما اكتمل الفريق .. مارسيلو اللي كنت خايف منه مقدم مستوى خُرافي ، افضل لاعب بـ الريال من بداية الموسم ..
بيبي وكارا رجال ومقدمين اداء بطولي .. راموس متى ما مسك اليمين ما ينخاف عليه ابداً طرزان ..

يعني نشوف حتى الان ..
لعبنا 7 مباريات ما تسجّل فينا الا هدف واحد ومن كره ثابته بس .. شيء خُرافي وبـ عنف يعني ..
عكس العام ، كانوا الميريا وخيخون يسجلون علينا ويوصلون مرمانا وهم مغمضين ..


وبـ ما اننا جبنا طاري الدفاع .. لازم نجيب طاري الفريق هجومياً ..
في الموسم الماضي ما كان عندنا مشاكل ابداً .. كان سهل جداً اننا نسجل لانه فيه عندنا اسامي مثل " كريس ، ايغوايين " ..
كانوا مثل المكينه ما غير يسجلون .. لكن حالياً الوضع تغيّر .. الريال يوصل المرمى كثير لكن بـ صعوبه يسجل .. اوزيل ودي ماريا متى ما لعبوا قدروا يوصلون المرمى ويطلعون كور كثيره .. لكن ايغوايين وكريس لـ الحين ما يعرفون يسجلون ..

متاكد انها مب مشكله ..
هي هبوط بـ المستوى بـ سبب مشاكل ذهنيه وضغط من الجمهور .. فتره بسيطه وتعدي ويكون الفريق هجومياً مُمتع .. اساساً " اوزيل ، كريس ، ايغوايين ، الكريم ، دي ماريا " .. ناس سهل جداً انها توصل المرمى وتسجل .. فـ ما عندي مشكله ابداً ..
انتظر بس متى يقررون ايغوايين وكريس يرجعون لـ مستواهم ..



- اروح هيبه وكبرياء يا كلب ..

تشكيلة مورينهو اعجبتني ..
ضرب كذا عصفور بـ حجر ، نزل الثلاثي " خضيره ، الونسو ، لاس " ومسك الملعب طور بـ عرض .. وريّح اوزيل اللي كان مُرهق تماماً اخر مبارتين ، واعطى الكريم فرصه واعطى ايقوايين مسانده اقوى .. عشان الفريق يسجل ونخلص .. لكن مشكلة الفريق ما سجل .. ابداً ما كانت المشكله بـ الخطه اللي نزل بها ..
ولا لو سجلنا من فرصة ايقوايين الشوط الاول كان انهيناها بدري ..

احسن شيء انه نزل اوزيل بدري الشوط الثاني ولحقه بـ دي ماريا ..
كان ودي لو منزل اوزيل مكان خضيره ، او مكان ايغوايين وينزل الكريم مهاجم .. ما كان ودي بـ طلعة الكريم ابد ..
وبرضه لو انه منزل دي ماريا بدل اربيلوا ومرجع لاس ظهير يمين كان تغير الفريق .. ابو راسين ابدع اليوم وقدم مستوى كبير .. وكان بدنياً ولياقياً من اروع ما يكون .. كان ودي انه حطه يمين بدال التعبان اربيلوا احس بـ يسوي شغل اكبر ..




10/10 ..
الحين صار الواحد يحس ان دفاعه كامل والكامل الله .. كل خوفي كان من مارسيلو هو وكدشه .. لكن لـ الحين من بداية الموسم الولد مقدم شيء خُرافي ..
اليوم احد نجوم اللقاء دفاعياً وهجومياً الكلب ..

لبى خشمك بس ..
من الوديات وانا اقول الولد عنده امكانيات انتظروها بس .. استقباله لـ كورة الهدف وروقانه جوّا المنطقه شيء رايق جداً ..
دايم نزله اساسي يا موري تكفى ..

ايغوايين كاني احس انه هه بدا يعقل ..
هجمته الشوط الاول الدوران والشوته شيء ممتاز .. اللي يهمني يترك المطرسه اللي مالها داعي .. لان اللي ماله داعي .. ماله داعي ..
وهذا اللي جالس يسويه الطعس عقب اللعن اللي جاه .. اغديه يرجع بسرعه بس ..




ما عليه ..
تصبّر .. عارف انك منلحس .. مره قلب ومره ظهير وكل يوم تلعب شكل وكل فتره مع واحد ..
بس تصبّر يا طرزان .. فتره وترجع تستقر باليمين ..





كاني بديت اشم ريحته !؟
الفاول والراس اللي عقب الفاول .. شوي بدينا نتشمشم ريحة كريس القوي .. ابي منه هدف بس الاسبوع الجاي ..
بعدها متاكد انه بـ يوسع صدره ويرجع كريس العنيف ..





ملك وربي ..
اول مباراة اساسي ، وبـ مركز جديد عليك ..
والفريقين اصلاً ما كانوا يساعدونك على انك تقدم مستوى اكبر ، لا الريال ولا اوكسير .. لكن ما عليه واصل على هـ النشاط اللي بك ..
البرود حق العام لا يقربنا تكفى ..




يستحقها وبـ عنف تشابي .. غير التمريرات قدم مجهود بدني خُرافي .. يستاهل افضل لاعب ..
ولا انسى ابو راسين .. يستاهل يناصفه الافضليه بعد .. قدم شيء خُرافي الكلب ..

"
سي يّا ..