5 مباريات في الدوري علينا هدف واحد
مباراتين في دوري الأبطال ما إستقبلنا ولا هدف
لعب الفريق في الإجمالي 7 مباريات فيها 6 كلين شيت
وهذا شي يعطيك أريحيه على وضع الفريق حتى لو كان في أسوء أحواله ..
شوي شوي و يبدا الفريق يطلع من مرحلة بناء و صنع خط دفاع صلب
و ينتقل بعدها للمرحله الأهم ولو إني أشوفها مب مشكله كبيره اللي هي تسجيل الأهداف
و هذا شي مب كارثه و الأهداف راح تجي و ما عندي أي شك بخصوص هالمشكله الحاليه
لأن الفريق قاعد يصنع فرص و هذا شي يبشر بالخير بس يبيلها شوية تركيز و توفيق
و بعدها نشوف كلين شيت و أهداف بالكوم ..
الفريق وصل لمستوى كبير جدا أمام أياكس وهو مسيطر على المباراة طول و عرض مع ذلك هدفين و 35 هجمه ضائعه !!
يعني في أفضل مستويات الفريق هالسنه كان فيه فرص ضايعه كثير فما بالك و المستوى و المردود ضعيف ..؟!
ما عندنا مشكله إلا مشكلة التأخر في التسجيل .. لعيبتنا يبيلهم يسجلون بدري و هذا شي لكل اللعيبه مو للمهاجمين بس
و بعدها نقدر نطلع فرق مثل أوكسير و ليفانتي و مايوركا من مناطقهم و نعطيهم الثاني و الثالث ..
الفريق اليوم هجوميا ما كان ذاك الزود من حيث التمركز و التلخص من الدفاع العالي
لكن شفنا فرديات و تهديد من رونالدو و زياده للأمام من مارسيلو و لاسانا
و شغل جيد من ألونسو < ياليت كان المثلث مقلوب و كان قريب من الباب و من المهاجمين
كريم مع أربيلوا ينتظر الكوره كثير و يضطر يرجع يستلم كوره لأن الحس الهجومي عند أربيلوا و اللمسه الوحده مقتول تماما ..
لو كان البنز مع مارسيلو على طول و هيجويين يطلع برا المنطقه لجهة اليمين و رونالدو يلعب حر كان لعبنا فيهم لعب ..
اليوم تمنيت شي واحد من مورينهو اللي هو يا إنك بديت بصانع لعب أساسي يا جناح أساسي
أما ثلاث محاور و ثلاث مهاجمين كانت عقيمه خصوصا إن ظهيرنا الأيمن في الأصل لعبه دفاعي
ولا حسسنا و خلانا نتأمل نشوف هدف من هالجهه لا في طلعات هجوميه إيجابيه ولا تفاهم مع بنزيما
و حتى يوم فتح صح في الشوط الثاني الكوره تطلع من رجله بشكل سيء ..
* (مع إني اشوف كارفاليو كان سبب في غياب فاعلية الجهه اليمنى هجوميا لأنه بسبب الإصابه فقدنا راموس كظهير
لكن كان يقدر يحلها و يشيل واحد من المحاور و ينزل أوزيل أو دي ماريا أو أقل الإيمان يقلب المثلث و نشوف ألونسو صانع لعب)
يعني أوكي هيجويين راس حربه و رونالدو على اليسار و أحيانا ينزل في العمق و فيه تبادل مراكز على خفيف
بس ما كان فيه أحد يدعم الجهه اليمنى و كريم تحمل جهة اوكسير اليسرى لحاله هجوميا
على عكس اليسرى اللي فيها رونالدو و مارسيلو كانت مشعلله و فيها خطوره ..
تمنيت بيدرو ليون موجود و البنز راس حربه و يغير مع رونالدو في الأدوار
و عندك أوراق في الدكه هيجويين و دي ماريا و أوزيل ..
بس راحت المباراة و أهم شي فزنا ..
في أول مؤتمر له بعد ما صار مدربنا رسمي قال :
(الفوز الفوز الفوز هو المتعه في مدريد)
باقي له بس اللعيبه يتشربون تكتيكيه و تفكيره و هذا مع الوقت بيصير إن شاء الله
ومبروك للجميع الفوز و الصداره و إن شاء الله نشوف هالشخصيه و العقليه مع الفريق على طول ..