السؤال 1 :: ايش توقعاتك للتعاقدات خلال الاسبوع القادم ؟
هو يا مايكون , يا نجيب ظهير أيسر ,
لكن كل الإثنين خيارات صعبه ,
مايكون لأن بيريز محدد سعر و يبي يفرض شخصيته بعد الصيف اللي راح ,
و الظهير الأيسر لأن أسعارهم ما راح تكون بعيده عن مايكون ,
قهر يوم يجينا بيبي بـ 30 مليون ولا نعرفه زين , وألحين أفضل مدافع بالعالم وعجزانين نزود المبلغ ,
ما أقصد شيء بس أعبر عن شعوري
كالديرون <<<
السؤال 2 :: ايش امنياتك للتعاقدات ؟
مايكون وكفى ,
السؤال 3 :: تتوقع بهاليومين فيه مفاجأة ؟
لا ,
السؤال 4 :: هل شعرت بتغيير لطريقة لعب الفريق مع مورينهو؟
لا
تو الناس يا أبو أصيل ,
عن نفسي ما شفت إلا اللخبطه اللي كانت , مع تغيير أماكن اللاعبين ,
لكن مع الوقت أتوقع نتحسن كثير ,
بالنسبه لـ خبر اصابة بيبي لي تعليق واحد ,
لماذا وجدت الدكه ؟ ولماذا وجد البدلاء ؟
اتوقع والعلم عند الله ان مايكون لا يزال احتمال مجيؤه وارد جدا واذا باعة عاد موراتي يبي يقول علشان نجيب طلبات بنيتز اللي هي ماسكيرانو
لكن الفيصل بالموضوع هل اجتماع بيريز وموراتي صدق وراح يجتمعون اليوم الثلاثاء ؟!
==
إقتباس
وقدم باتيستوتا على المرمى
هذاك قلته يا ابو اصيل وهو محشش
تو الطعيس على باتي جول ورجله المدمرة رجل باتي ما تضيع والمرمى بدون حارس
كلامي موب معناته ان هيجواين سيء والا ما ابيه بالعكس لاعب ما شاء الله تباراك الله صار مكينة تهديف وننتظر تطوره باستمرار وهذا اللي عودنا عليه وهو اكثر اللاعبين تطور بالفريق وهو الراس الحربة الافضل من ناحية التهديف للريال حاليا لكن نفس رجل باتي جول قويييييية
صحيح الوضع مكركب < كيفني و انا شامي هههه
و الفريق باقي له خيار مهم جدا وهو الظهير الأيسر اللي جاب لنا العيد في مناسبات كثيره
لكن إذا الفريق ما جاب ظهير ايسر مو معناها إنه بيكون فيه نفس الثغرات و نفس الشارع المفتوح اللي كان قبل
متأكد مليون بالميه إن نقطة الظهير الأيسر ناقشها مورينهو و يبي يحلها
هو ما قدر على كولاروف فهو حاليا حط ثقته (حتى الآن) في مارسيلو ..وعادي جدا يبدا الموسم بدون ما يجيب ظهير أيسر
لأنه عارف وش يسوي ومع أي لاعب يتعامل من حيث (تطوره و ثقته و قدرته على فهم إسلوب مدربه) ..
لو حدث و جلس مارسيلو و ما قدم المستوى اللي جعل مورينهو يثق فيه و يراهن عليه بيرجع مارسيلو برّا ما فيها كلام ..
و بيدخل السوق في يناير أكيد علشان هالنقطه و بيجيب بديل كفؤ .. و مورينهو المسؤول الأول و الأخير بخصوص هالقرار ..
و أنا عندي ثقه كامله في السبيشل ون على قراره اللي بيتخذه سواء بالمراهنه على مارسيلو أو جلب ظهير ايسر ..
من ناحيتي انا أتمنى نتعاقد مع ظهير و باسرع وقت أقلها نكون مرتاحين شوي و نكون سوينا اللي علينا و سدينا باب ..
لكن من المتاح و الموجود و اللي يروق لمورينهو ..!؟ الله أعلم ..
خيارات مورينهو مثلا اللي كان يطلبها يوم كان في الإنتر خصوصا خط الوسط و الدفاع (لامبارد و كارفالهو)
كان فيه إسم واحد كل العالم متاكده منه إنه مورينهو ما يبي غير لامبارد يملى عليه الوسط .. لانه فاهم المدرب وش يبي منه ..
و بالفعل المو كان يضغط بشده على الإداره علشان تتعاقد معه لكن ما حصل هالشي و لامبارد جلس في لندن ..
جا بعده خيار ثاني اللي هو ديكو و برضو ما طلع من تشيلسي ..
وصل الموضوع إلى أنه يريد جيناس لاعب السبيرز و برضو جلس في لندن ..
آخر أيام الميركاتو جاب لاعب هو سنايدر ..
الوحيد المتاح و ناديه يبغى يبيعه واللاعب لو ما طلع راح يكون دكّه
و حالته النفسيه سيئه جدا و يبي له شغل بن كلب و حوسه (العوض و لا القطيعه وهذا هو الحال) < لسان حال مورينهو خخ..
اللي يشوف سنايدر العام مع الإنتر يقول شكل مورينهو كان يبيه بالإسم و ماكان يبي غيره
من خلال الاداء الكبير اللي قدمه ويسلي و الإنسجام السريع و التأثير اللي سواه مع فريقه
كذلك الدفاع بعد ماكان يبي كارفالهو نصحه برانكا بلوسيو و ما قال لا
و شكّل البرازيلي إسمنت حديدي في دفاع الإنتر مع النكبه سابقا والتر سامويل ..
اللي يشوف لوسيو ايضا كيف ابدع مع مورينهو يقول شكل هاللاعب كان حلم قديم عند مورينهو و تحقق ..
هذا لاعب خيار رابع و هذا لاعب مجاني عملو عمايل مالها حل مع إنتر مورينهو ..
و مورينهو قال فيه لعيبه إعتقدت أنهم الافضل صارو العكس و فيه لعيبه إعتقدت إنهم الاسوء طلعوا العكس ..
مارسيلو غاغو جاراي ألبيول جرانيرو و كم لاعب ايضا راح يكون لهم وضعهم بالفريق ما دامهم جلسوا لأن المدرب يثق بهم
و عنده تصور عنهم إنهم ممكن يعطون الفريق أداء عالي بشوية شغل نفسي و بتطبيق المهام اللي يبيها منهم المدرب ..
كولاروف أسباب عدم التعاقد معه في نظري هو رئيس النادي لوتيتو
الرجال ما عنده كلمه وحده ولا هو رجل تثق فيه و الريال اخذ درس من لورنتي في صفقة فيا
بعد اخبار إنسحاب الريال من الصفقه توهّق الرئيس و كان يبي احد يزيد من هنا و الثاني يزيد من هنا (الريال و السيتي)
ما بقى لـ رئيس لاتسيو إلا السيتي ومجبرا اخاك لا بطل إتفقوا مع المواطنين
و طلع المدير الرياضي لفريق لاتسيو و أكد هالشي إن موضوع كولاروف و السيتي تم
بس باقي له تفاصيل صغيره وما راح تعيق العمليه ..
بعد كلام المدير الرياضي بثلاث أيام طلع لوتيتو و سوى حركه بايخه و ماكان عند كلمته اللي عطاها للسيتي
و دخّل اليوفي (اللي كان يستفسر عن سعر اللاعب و إمكانية شراءه) في مسار الصفقه من اجل الحصول على مبلغ اكبر ..
التعامل مع هالنوعيات مشكله و يؤدي إلى التهلكه ههههههه
بالنسبه لممادو أتوقع بيكون من ضمن قائمة البيع
و إذا كان راح يستمر فبيكون إحتياطي و هذي شوي صعبه لوجود غاغو ولاسانا ..
اللاعب خسر كثير من رشاقته و سرعته ولا هو من النوع اللي يبغاه مورينهو مدريد ..
على الاقل من طريقة لعبه اللي شفناها في الوديات ..
مدريد مورينهو شكله راح يكون تقريبا بول بوزيشين و شورت باس و هوبا قول ههههههههه
(الشوط الأول قدام كلوب أمريكا - الشوط الثاني قدام جلاكسي)
بنفس طريقة لعبها راح يكون شكل فريقنا الموسم الجديد ..
احس إني كثير اليوم مسوّي أبو يوسف خوي إيمي
مرحبا لكل اللي رجعوا خلونا نشوفكم كثير
سلام
الشهر مُبارك على الجميع .. الله يعيده علينا وعليكم وع اهالينا عوام عديده .. ويجعلنا من صوّامه وقوّامه يا رب .. فرصه هـ الشهر الكل يسامح كل من اخطا عليه ، وفرصه لـ الواحد انه يراجع حساباته .. الله يعفو عنّنا جميعاً ..
" حتى ما يكون الرد سلبي .. هذا جوابي لـ احلى اسئله ..
إقتباس
السؤال 1 :: ايش توقعاتك للتعاقدات خلال الاسبوع القادم ؟
ما ادري ! مليت من كثر التفكير ، وفقدت الامل في الموسم القادم .. حرام اتفائل وبـ الاخير ما نسوي شيء بـ الانتقالات .. ولا بدا الموسم برضه ما نسوي شيء .. ما تفائت بـ اي توقيع ، لكن مُمكن يفاجئني بيريز !
إقتباس
السؤال 2 :: ايش امنياتك للتعاقدات ؟
امنيه واعتبرها امنيه كبيره وممكن توصل لـ حلم ، التعاقد مع اي مدافع " عليه الكلام " قبل نهاية الميركاتو .. كان قريب جداً الحلم ، لكن تلاشى لـ الاسف بعد السواليف الاخيره .. عن نفسي راضي بـ اي صفقه بـ الدفاع ، سواء كانت قلب دفاع مع بيبي ، او ظهير يمين ويرجع راموس قلب ، او ظهير يسار واربيلوا يروح يمين ويرجع راموس قلب ..
يعني لو يجي قلب دفاع ، او يجي ظهير يمين او يسار .. راضي تمام الرضى .. لكن شكلنا بـ نبدا الموسم بـ السكواد الحالي بدون تغيير !
إقتباس
السؤال 3 :: تتوقع بهاليومين فيه مفاجأة ؟
لـ الاسف .. لا !
إقتباس
السؤال 4 :: هل شعرت بتغيير لطريقة لعب الفريق مع مورينهو؟
برضه لا .. الفريق عنيف هجومياً .. هش دفاعياً ! كاني اُشاهد مدريد العام الماضي .. لكن بدري بدري بدري نحكم على مورينهو ونحكم على الفريق من اول مبارتين وديه .. عن نفسي ما راح احكم على الفريق الا بعد نصف الموسم ..
حالياً الفريق جديد .. يبغى له تغييرات كثيره .. مورينهو ما استقر على تشكيله ثابته اصلاً ، حتى الدفاع يلعب 1 اساسي والباقي من الرديف .. وشلون بـ احس بـ تغيير ؟ .. مُمكن بعد بداية الدوري بـ كذا جوله اشاهد استقرار على تشكيله وانتظام دفاعي واقول الفريق بدا يتغير .. وركز على " بدا " .. ولا الحكم الصدزي .. بعد منتصف الموسم !
السؤال 1 :: ايش توقعاتك للتعاقدات خلال الاسبوع القادم ؟
أتوقع قلب دفاع مغمور شويه ... وبالنسبة لصفقة مايكون أتوقع ذهبت مع الريح Gone with the wind
السؤال 2 :: ايش امنياتك للتعاقدات ؟ باستيان شيفنشتايجر
أبو أصيل : من شهرين وأنا أحلم بهالوحش
أخسر نص راتبي هالشهر وأشوفه معانا
السؤال 3 :: تتوقع بهاليومين فيه مفاجأة ؟
الموري يلمح إن عيد ميلاده موب هالشهر .. لكن عادي يقبل هدايا اللحين
يعني فيه قدر يطبخ اللحين
السؤال 4 :: هل شعرت بتغيير لطريقة لعب الفريق مع مورينهو؟
النت كان عندي يقطع .. ولا قدرت أمييز .. والفريق في بداياته
لكن التفاؤل الحمدلله موجود بقوة .. وأشوف إن البيبيتا راح يفرق هالموسم