الله يعطيك العافية شذى وجميع المتفاعلين مع المسابقة
هالمسابقة صارت وجبة أساسية في كِل صيفية , الله يجزاهن خير تغريد و هلآلية سنعه ع الفكرة الجميلة
العام شاركت بـ كبده وللأسف مافزت
مع إن كان في أصوات لا بأس بها ,, والله يجزاهم خير ويرفع قدرهم الي صوّتوا لي
~> أبيهم يفزعون لو شاركت هالمرّة .. /
\ ببدأ بالتعليق أولاً [ الزعيمه شهد ]
ما شاء الله عليييك
ماشّ مانب من أهل الحلى ولا أعرف أسوّيه , عشان كذا أشوفه أصعب الأطباق خاصّه ابو مقادير وخلطات وطبقات واجد
بالتوفيق شهّد
:: [كهـــرمـــان]
ما شاء الله عليك ياااطووول بالك وأنتِ تسوّينه
ياحظّكم ما شاء الله , الله يرزقني طولة البال والسنع بتزيين الحلى
مااتوقع اني بيجي يوم وأسوّيه ,, هالحلى أكبر منّي أقرأ الطريقه وأحس اني أقرأ مسألة رياضيات
مقاديره كثيرة ويبي له جهد
الله يوفقتس واضح إنتس سنعه ما شاء الله :: [ m44lk]
ما شاء الله عليك هذا أنت سوّيته !
أحلى ما بالحلى اسمه ^^
بالتوفيق
:: [ بطلة ]
هلآ بالسنعه
ما شاء الله أطباق أشكال وألوان , ياملآ العافية
أنا مدري ليش جالسين الشباب ينتقدون البنااات وهم يشوفون هالسنع عند بطلة ولا يهونن باقي البنااات
ما شاء الله , ليتك تكتبين الطريقة
~> ترى مدري إذا كتبتيه وأنا مدري
حلو التقديم ما شاء الله بس ناقص ورقة بقدونس على الرز
حلى الشيبان على خبري ماكان كذا ,, موجود بكتاب نخبة الأطباق
من شكله تحسّين ماياكله الا شيبان حلآتس توّه ما شيّب ~> سماجة
الصدق, ما شاء الله عليتس مبدعه وعندي إحساس لو فازت بنت بتكون هيّ أنتِ
الله يوفقتس :: [ رند ]
لو هذي أنتِ مسوّيته كان حرّمت أدخل المطبخ الا لغسل المواعين
مو انتقاص منك حاشاكِ بس هالأمور أحسّ مستحيل تعمل بالبيت
يازين السنكرس والتويكس بس
ليت نشوف لك ثاني بيديك رنّود
::
[ỳάṡṣẻя ]
ما شاء الله , الله يخلّي لك أهلك
أطباااق لذيذة , بس ماقلت لنا على كل طبق وش ساعدتهم فيه ؟
لا يكون بس جبت لهم الأغراض من برى ؟!
::
[الـمـشـاغـب]
إقتباس
عطيتكم فرصة كفاية وحان الوقت كي أنهيكم وأحطم معنوياتكم المحطمة أصلاً
من أول ردّ لك وأنتّ تنتقد البنات وماتبيهم يتحطّمون !!
وأوّلهم أنا , كل ماقرأت لك ردّ هوّنت ولو إني عارفة إن ماراح أفوووز
لكن الحمد لله بعد ما شفت طبقك قررت أشارك (:
توقّعت بعد ردودك السابقة بتذبح خرووف وتصوّر مراحل الذبح والسلخ وبتطبخ لنا مفطّح ,, أو على الأقل بتحمس لنا لو الكبدة
ما شاء الله
أفهم إنه أنت الي مقطّع الدجاج ومغسّله ومنظّفه ؟ الطماط والليمون واضح إنه تقطيع رجال p:
~> تركت الأهم والتفت للتقطيع ,, ممكن لأنه أكثر شي يعلّ هو
طبقك ممتااز وواضح إنه لذيذ ما شاء الله لكن لو بدل الرٌزّ خبز وبطاطس مقلي بيطلع أحلى والله أعلم
الرُزّ أبد ماعجبني :/~> مشاورينك ؟!
لا جدّ , رُز أبيض وملح أحسّه ما يصلح وش فرق أكل البيت عن المطاعم ,
لوّ كان رُزّ بالجزر والفلفل الرومي بيكوون أحلى ..
بالنسبة للدجاج عندي سؤال بما إنك تشوف نفسك شيف المجلس
يكون الدجاج ناضج ومو قاسي ؟ وكم الوقت تخلّيه فيه ؟
أو ماتدري دخّلته الفرن وخلّيت الأهل يكمّلون الباقي ؟!p:
أسأل هالسؤال مو عشان نحرجك ^^ بس عشان أعلمك إن البنات يسووّون مثل طبقك
قد سوّيت مثل طبقك بس بتتبيلة باردة و مادخّلته الفرن شوّيته على الشوّاية الكهربائية , وأعتقد انه أسرع وألذّ والله أعلم
للتأكيد عندي صورة وقت الشوي بس
بالتوفيق , بس لا يكون بعد كل هالردود بتنسحب من المشاركة مثل صور الأطفال ؟
~> البنااات بصووت واحد يقولون ياااااليييت
الجد مانبي أحد ينسحب /
\
[ الدين واضح ياعيوني ]
ما شاء الله لاقوّة إلا بالله إبداع بالطبخ وبالتصويييير
يعني أخذت من غرم البيشي شعاره "الدين واضح ياعيوني " وكمان أخذت السنع منه ؟
ما شاء الله أطباااق رااائعة
الله يوفقك /
\
[ صبآ نجد ] أهلاً أهلاً ,, قهوة دااايمة
إقتباس
جعل أيامكم كلها سكـر قولوا آميــن <
االلهمّ آآآمييين
ما شاء الله كل هذا من إخترااااعك
جاري حفظ المقادير والطريقة بتعلّم عليه
تسلم يدين من سوّته
الله يوفقتس
وإذا ماحدّ صوت لتس لا قدّر الله إحتمال يروح صوتي لتس
/
\
[ Blue Sun ]
ما شاء الله
كبسة سعودية ولا أحلى
جازلي الرزّ كلّه بهارات وألوان مو رزّ بعض الناس ماء وملح بس
مكثّر حبحر ما شاء الله ؟ 9 قرون الي عدّيت
بالتوفيق
/
\
[ الـصـخـرة ]
المفروض المشرفين والي لهم جمهور والمحترفين بالتصوييير مايشاركون ,, أو يخلّون لكم تصويت لحالكم
~> أمزح أمزح
ما شاء الله تبارك الله ثلآث أطباق
عرفنا سرّ حديثك عن الأكل دائماً
أطباااق رائعه وأوّل مرّة تمر عليّ ^^ ,, جازلي الطاجن المغربي يصلح بعيد الأضحى >> بنت فقر ماتاكل اللحم الا بالعيد
وش فرق الطبق المغربي عن القدر العادي ؟!
السمك بالطحينة طبق غريييب و أحسّ طعمه مو حلو ><
السلطة رااااائعه وأحلى مافيها التنسيق
الله يعطيك العافية مشاااركة راائعه ما شاء الله
بالتوفييق
/
\
إنتهيييييت من التعليق الحمد لله
بفكر أنشر الصور الي عندي أو لا مترددة خاصّة إنه تصوييير عشوائي ولم أنوي المشاركة فيها
~> ودّي لو مرّة أصوّر طبق على سنع
4- محمره ..وهي أكله سورية مقاديرها ..( عجين , صلصلة طماطم .أو طماطم طازجه , مع فلفل حار مفروم جيدا ..ولا مانع من اضافة الحبة السوداء أو السمسم ) ,’ .
هيا الى الصور
5- السلطه .. مقاديرها من مخي واسمها سلطة شلهوبيه موهوبه مميزاتها تطول العمر من كثر مافيها فوائد , وتنحف أيضا , وتزيل الدهون من الجسم وتحرقها أيضا هع , وتزيد قوة البصر .. المقادير ( 3 حبات من الخيار , 2 حبه من الطماطم , 1 خس , وقليلا من النعناع والبقدونس , وقليلا من الملفوف , وقليلا من الزيتون , وقليلا من الجزر ويفضل أن يكون مبشورا عشان ماتتكسر ضروسنا , وجبن فيتا بس لاتكثرين , وشوية بصل , أما البهارات ..شوية فلفل أحمر يعني ربع ملعقه , وملح الليمون بس شوي .. وشوية ملح .. وليمون << كثري عشان تنحفين , واذا ماعندك ملح ولا ليمون استعيني ب ملح الليمون بس شوي لاتكثرين ولا تموتين
انا تجنبت وضع البقدونس والنعناع لأنهم مو متوفرين في الثلاجه فوضعت قليلا من النعناع اليابس .. وطبعا انا مابشرت الجزر!! لأسباب خاصه ولا مانع انك تضيفين قليلا من الذرة
هيا الى الصور
وصحه وعافيه عليكم ..
اما الطبق الرئيسي تشيز كيك بحطه لكم برد اللي بعده لأن كلفني مبلغ محترم يعني يستاهل رد بالحاله ..
اذا تبون الصورة قبل التصميم أجيبها لكم <<أخاف أحد تعجبه وبعدها يشكك طبعا الطبق مصور على تيشرت للهلال << تراه قديم
طبعا المقادير مكتوبه ع الصورة ..
بس بكتب الطريقه
الطبقة الأولى .. اطحني البسكويت وبعدها ضعي الزبده ثم اعجنيه (يعني اهم شي انهم يختلطون مع بعض ) ثم تضعينها بقاع الصينيه ثم تضعينها بالثلاجة لمدة 20 دقيقة ..
الطبقة الثانيه .. تخلطين المقادير المذكوره في الصورة بالخلاط أو اله يدويه ثم تضعينها فوق طبقة البسكويت ثم تضعينها في الثلاجه 20 دقيقه ..
الطبقة الثالثه .. شرائح اناناس دائريه وقطع فراوله توضع شرائح الاناناس بعد تجفيفها جيدا وتوضع في وسطهاحبات الفراوله..
الطبقه الرابعه .. يوضع جلي الفراوله مع كاس ونصف ماء فقط في قدر صغير .. ويذوب الجلي مع الماء على نار هادئه لمدة دقيقتين فقط يوضع فوق الخليط باكمله ثم تضعينه في الثلاجه حتى يتماسك الجلي تماااااما لمده لاتقل عن ساعتين ..
^ الله , لذيذه بس وش فيك مسوي زحمه عالدجآج . . تذكرت الوآحد اذا سوآ حآدث تجمعو عليه . . بس ولو بطله الآكله . . الله يعطيك العافيه . . بآنتظآر الشباب . . وسحقاً للبنآت . .
الزحمة هذي منظر جمالي .. وبعدين ما عليك منها , اهم شئ الطعم لوك ذقته كان عرفت .. يسلمووووووو حبيبي ,,
إقتباس
الرسالة الأصلية كتبت بواسطة O.s.A.m.A
يا اخوي حرام عليك ترى والله ما تغدينا ما شاء الله تبارك الله إبدااع بس منت ملاحظ انك مكثر من البقدونس
تستاهل والله من يغديك , يعني نقول ضمنا صوت .. وبعدين مو كله بقدونس ترى تحته خيار بس رافض يظهر بالصورة ..
إقتباس
الرسالة الأصلية كتبت بواسطة HILALYA ]~
غريبه ما حطيت ورد ناشف .. بس ما شاء الله عليك حاط مسطحات خضراء فوق الدجاج .. باذن الله بكرا طبختي بتنزل لاني عطيتكم وجهه بقوه ..
زين مسطحات خضراء على الاقل طلعنا بشئ يؤكل .. بلاك من الي للحين ما شفنا لهم شئ .. وبعدين ش ورانا ننتظر بكرة ونشوف طبخك اللي واثق مليون بالمية انه حلا ..
إقتباس
الرسالة الأصلية كتبت بواسطة **نــواره**
^
ششوفي هآلأخضر حآطه يبي يسستر شيء ’ عاد وشو الله العآلم
وش عرفك اني كنت مغطي شئ .. !! الصراحة كنت مغطي طرف الدجاج لان واحد من الشباب ما تحمل يصبر واكل منه قبل اصور ..
إقتباس
الرسالة الأصلية كتبت بواسطة الـمـشـاغـب
أولاً أشكرك يا بلوصن على التصميم ولا يهون خويّك نسيت اسمه ثانياً يا مجرم حطّمتني .. بس مو مشكلة كلنا واحد وعشان كلنا واحد أكيد إذا بدأ التصويت بتسحب طبقك عشان ما تتشتت الأصوات والله من جد الطبق شهي وأحلى شي الطحالب مدري السبانخ اللي فوق صدقني لو أني كنت أبي أصوّت لك .. بس أنت الله يهديك اللي مصمم أنك تنسحب
اذوب انا على هيك شباب ..اخلاق وتواضع وطبخ وش خليت للبنات .. ولو ياسيدي مستعدين نسحب مشاركاتنا كلنا بس اهم شئ ما تفوز بنت ..
إقتباس
الرسالة الأصلية كتبت بواسطة صِبآ نجّد
الا شغلت النار وفيه قدور وصفيت اشياء !!
قدور عن قدور تفرق ..
إقتباس
الرسالة الأصلية كتبت بواسطة الـصـخـرة
شوية خفايف كذا... على قولة المصاريا ( مسح زور )
أطباق تم اعدادها ( سريع سريع ) وعالطاير ... كنوع من التشويق لما هو قادم.. والقادم مرعب بكل تأكيد
انا اللي مسويها ولحالي.. واللي مايبي يصدق بكيفه.. اصلاً هذي كلها شغلات بسيطة بالنسبة لي
لقطة الختام
صعبة قوية.. يالمجلساوية الزيتون الاخضر لعيون إياد
لا مش ممكن مش ممكن .. اتعبت من قبلك ومن بعدك .. يالله وش هالابداع صخ صخ , هذا وهو خفايف .. كيف رح يكون الطبق الرئيسي .. !! المفروض الموضوع يتقفل وتاخذ اللقب بكل جدارة وبدون تصويت .. يلوموني فيكم يالشباب .. مدري وش كان بيصير بالدنيا من غيركم ..
إقتباس
الرسالة الأصلية كتبت بواسطة مَاهِينُورْ
[ Blue Sun]
ما شاء الله
كبسة سعودية ولا أحلى
جازلي الرزّ كلّه بهارات وألوان مو رزّ بعض الناس ماء وملح بس مكثّر حبحر ما شاء الله ؟ 9 قرون الي عدّيت
بالتوفيق
الصدق اول مرة يصير معي الرز كذا ..
وبعدين الحبحر إضافة على انه يعطي الرز نكهة حلوة .. عليه اقبال مو صاحي ,, .. وعلى طاري كبدتك .. اذكر اني صوتي راح لها السنة الماضية .. دخلت الصباح يوم التصويت وانا جوعان ومشتهي كبدة وشفت طبقك وصوت له مباشرة .. وترى اذا ودك تردين الصوت الحين ما عندي مشكلة ..
الصرآحه كنت مستعجل عالزواج واقول اذا خلصت الثانوي والجامعه وتوظفت بتزوج ! بس يوم شفت بنآتنا كذا هونت وعزمت اني اصير عانس . . مآتستاهلون الزواج الله يفشل ابليسكم . . لو اتزوج الصخره والا سلطان والا بلو سن احسن لي . .<- برا اللي يتطنز ويقول ليه ماتشارك وتتكلم بس . . عندي ظروف والا كان تشوفوني الحق الطلي في الحوش واعلقه بكراعينه . . للامام سر ياشباب . .
ماشاء الله تبارك الرحمن شهالحماس قسم رحمتكم خصوصاً الشباب ناويه انزل طبق بس يوم شفتكم مدّهرين قلت حرام أحطمكم ببداية تجاربكم مع الطبخ لذلك بأاجل طبختي لموضوع وليد فرمضان أن الله احيانا ونخلي لكم الساحه
بأبدأ من الآخر ومع اطباق الشيف الصخره ويعذروني اللي بالمقدمه مالحفت ع أطباقكم
إقتباس
أطباق تم اعدادها ( سريع سريع ) وعالطاير ... كنوع من التشويق لما هو قادم.. والقادم مرعب بكل تأكيد
انا اللي مسويها ولحالي.. واللي مايبي يصدق بكيفه.. اصلاً هذي كلها شغلات بسيطة بالنسبة لي
ماشاء الله تبارك الرحمن كل هذي خفايف عادي قل انك طابخهامصدقينك بس لاتقول انها بسيطه قسم ماعاد بقى لنا وجه معشر البنات
اول ماشفت شكلها كذا أقول كراث حاط فوقه زبـادي ويقول مسوي ملعب ماتكلف الأخو يوم رجعت لمقاديرها وأثاريني ظلمتك ,,طبقاتها مب هينه بس عاد لاتشره حنا مالنا إلا الظاهر
أطيب طبق بالنسبه لي قسم جعت ع هالصبح يوم شفت مكرونتك لوانت اللي طابخها فماشاء الله عليك سنع ياحظ اهلك فيك
تتطنزون بالبنات موب فالحات غير بالحلى وانتم مافلحتوا إلا بالرز وياليته مضبوط بعد من شكل رزك سليطين يبيله مع كل ملعقه كأس ماء عن الغصّه الدجاج إحقاقاً للحق ماعليه شكله حلو أمـّا الورد اللي قدام الصحن لاتعلييييييييييييق
إقتباس
سألني أبوي عن السالفة وعلمته وقلت ان الفايز ياخذ لقب شيف المجلس .. وانتظرت منه كلمات التشجيع .. تخبرون الأب دايم يعطي ابنه حكم ودرر ثمينة بس تفاجأت به يقول : ما شاء الله هذا كبرك طول وعرض ويحطونك طباخ عندهم؟ قلت : ذابحتك يا بابا علوم الرجال وافترقنا بعد أن قصم ظهري وتحطمت أيّما تحطيم
ههههههههههههههههههههههههههههههههههههه سلم لي على أبوك
بطله شكل رزك يشبه رز المشاغب باللون فقط لأانه هو لونحط رزه بالصحن الدائري ثلاث أيـــــام ماانضغط كذامن زود يبسه طبقك حـلو بتله وهيك التنسيق وإلا بلا
الله صبا ع الإبـداع ع إني مااحب الكورن فليكس بس شكله واضح انه حلو وذوق
ماشاء الله حلى متعوبٍ عليه فالك المراكز المتقدمه يابت
*
هلاليه|بأنتظار طبقك الخنفشاري والله الله بالسناعه حنين| نزلي صور طبخاتك يابعدي وأبد مالتس إلا اللي يعزّز لتس
عُدت من جَدِيد
أولاً أذكَركم بـ حديث ^^
عن أبي هريرة رضي الله عنه قال:
( ما عاب رسول الله صلى الله عليه وسلّم طعاماً قط , إن اشتهاه أكله وإن كرهه تركه ) /
\
وأيضاً أحب أن أسير على خطى صديقتي صبآ نجد وأضيفكم
/
\
الطبق
جبت لكم طبق يصلح فطور بما إن ردّي أكتبه في الصباح
الطبق لم أكن أنوي تصويره لكن وأنا منهمكة بالعمل تذكّرت الموضوع وبدأت بالتصوير
وأعذروني لو أزعتكم الصور وردائتها ,, مخلّين الإحتراف والفن والكميرات الإحترافية وتزيين الأطباق بالورود لأهلها
الطبق " مصااابيب " المقادير : بيضة ,, 4 ملآعق صغيرة حليب مجفف ,,فنجال سكر ,, نصف فنجال زيت ويفضّل زيت زيتون ,, 7 فناجيل دقيق أسمر ,, ماء نضيفه ع الخلطة إلى أن تكون عجينة خفيفة وسائلة ~> توّرطت بالشرح
ونحتاااج صاج بالتأكيد الطريقة : نسخّن الصاج جيداً ثم نبدأ بصب الخليط عليه على شكل دوائر صغيرة ,, وإذا استوت الطبقة الي تحت نقلب على الطبقه الي فوق
مع ملآحظة إننا كلّ ماحسّينا إن الصاج صار حار بالمرّة نقصّر درجة الحرارة , وإذا خفّت نعلّي لأنها بسرعه تحترق .. ~> طبعاً كل شي وااضح أتوقع وما يبي لها شرح بس لازم نلتزم بالشروط ..
نروح للصور ,, ماصوّرت الخطوات هذي صور للإثبات
هنا أوّل الغنائم , الي يُقضى عليها مباشرة وهي ساخنة
بعد ما انتهيت وبقى شويّ من العجينة قلت ورا ما أسوّي أشكال جديدة للمصابيب
وطرت على بالي الحرووف لأن الصغيرين يحبّون هالأشكال
حروف معاقه
سوّيت كل الحروف الي أقدر عليها بس مع الربكة نسيت أصور
وهنا إهدآء لتوأمي إيقاع المطر
/
الصورة الأخير
نسيت نفسي وأنا أصور ولقيت الأهل الله يجزاهم خير آخذاين المصابيب وآكلينها ومابقى المحروقات للتصوير
لكن مايخالف عليهم بالعافية دائما الي تطبخ أقل وحدة تاكل
آلـصرآحه بـ مآ آني متآبع آلـموضوع آول بـ آول , : )
وكل يـوم آسـيرعلى آلطبخـآت وكـآتم صوتي ..
فـ آللحين بعد ع ـنآء طويل ,, وتـفكيـر !
قـررت آصـرف صوتي لـ | آلـمشـآغب| لـ طبختـه آلـشهيه ـ فـروج بـ آلتتبيلة آلتشيكيه " )
يـ آلله يـ شبـآب شدوآ حيلـكم ,,
مـآ نبي ولآ بنت تدخل مع آلـ 10 آلآوآئل ! بـ آلتوفيق جمـيعآ ~