ما اقول الا كما قال الشاعر

يمه أببقى عزوبي .. أكوي شماغي وثوبي .. ما عاد ابي لي خشير

بصراحة قصة شوي تقهر .. !!!
والله يهدي الجميع ,,,

شكرا صخرتنا

قال العزوبي يوم شـاف المعاريـس *** الرابـح اللـي لاقعـد مايقـومـي

أول سنـة كـلٍ يبـث الاحاسيـس *** وثاني سنة تجلب عليـك الهمومـي

وثالث سنة حط الرمـل والمتاريـس *** لابد مـن حـربٍ تقـوم وتدومـي

لامن دخلـت الـدار لاكنهـا بليـس *** متلفلـفٍ فـي غاليـات الهدومـي

تأخذ من المخباة وتسحب من الكيس *** وتغيـر الموديـل شـيٍ لـزومـي

وان قلت ما أملك يامره لوهو فليس *** قالـت تديّـن لا تكـثـر بلـومـي

ولاجيت مرة نـاويٍ لـك ب....... *** قالت تصّبـر خـل قلبـك رحومـي

ليتك تساعدنـي تصحـح كراريـس *** زادوا علينا أربع حصص في العلومي

أزوارة في العصر والصبح تدريـس *** والليـل تصحيـحٍ وودي أنـومـي

تبكي إذا جاها وجع لوهـو ضريـس *** وتقول أبي دكتـور ماهـو حكومـي

يروح عمرك بين عرسٍ وتأسيـس *** واربـع سنيـن والبزاريـن كومـي

وسط المطابخ بين قـز ومحاميـس *** هـذا صحـن رزٍ وهـذاك ثـومـي

والا خلصـت إمنظـفٍ الملالـيـس *** جتك تقول انهـج نبـي زود لومـي

ولا جبت قالت اكنس الحوش تكنيس *** خل البلاط يصيـر مثـل النجومـي

ومكرسٍ جهدك من الخوف تكريـس *** وان نادتك بالصوت اقبلـت مومـي

يجيك تـال الليـل دايـم كوابيـس *** ويشيبنـك مزعـجـات الحلـومـي

هذي حياة اللي ركض باغـي...... *** ضيع حيـاة أول وصـار محرومـي

تعيش يالمعـرس حيـاة المحابيـس *** وشف العزوبي بكل شارع يحومـي

من مفرق جلاجل إلى جوي للخيـس *** وان حار حايرهم بوسطـه يعومـي

يفرح إذا شاف الوتـر والمراويـس *** وفي كـل يـومٍ كاشـتٍ ومعزومـي

شف العزوبي مايعـرف الهواجيـس *** ولا يـودي حرمتـه كـل يـومـي

يا عنك ماحاش الفخـر والنواميـس *** الا عزوبـيٍ يـعـرف السلـومـي

اذا اعرس المعرس غدا عندنا هيس *** ونزيل اسمه مـن سجـل القرومـي

والى بغيـت البهذلـة والدحاويـس *** فأعرس وخلك من عـداد الرخومـي

وش صابكم من عرسكم يا المفاليس *** وش استفدتوا غيـر دق الخشومـي

اللي تزوج أشهد انـه غـدا تعيـس *** والرابح اللـي ماخـذٍ لـه..........

ترى عناق العام نطت على التيـس *** والحرعقب العـرس يصيـر بومـي

^
^
قال العريس أنا الذي في سعاده... ماني عزوبي ضايق الصدر مهموم

مبسوط من مثلي قعد عند غاده... مهوب مثل اللي لحاله تقل بوم

في كل ليله حاضن له وساده... وانا مع المزيون في غرفة النوم

أنا اشهد انه عايش في قراده... يروح عمره ما تهنى ولايوم

الى دخل للبيت يبلش بزاده... يقعد يقطّع له طماط معه ثوم

ولا قضى عقب العصر من عداده... والحوض من كثر المواعين مزحوم

والى غسلهن ثم فك السداده... دلى يغسل له سراويل وهدوم

وان ماطبخ روّح لمطعم حماده... والا قعد في منزله واعلن الصوم

وان جاه ضيف باغي له رفاده... يروح يشري رز وايدام ولحوم

ما يعرف الشمبو وراسه عراده... وشمغه من الكواي مليانه رقوم

ما يكنس الفرشه ويلقط بداده...اما بقايا رز او خبز معروم

عنده صراصير بحاجه اباده... تسرح وتمرح في الغرف دايم الدوم

يجمع قروشه ويتسلف زياده... حتى يسافر مصر او ديرة الروم

او راح يم التاي وترك بلاده... ناظر جوازه ممتلي كله ختوم

دايم يسافر ما يعرف العباده... يسكر وينكر و........ بالكوم

له موتر خرده كثير فساده... في كل يوم في الاشارات مصدوم

غمارته تقول ورشة حداده... ومريقده في شنطته دوم محزوم

دوم يتنقل تقل كنه جراده... في كل يوم نازل له على قوم

يسهر والى قام الظهر من رقاده... روّح على شغله والى اليوم مخصوم

يذي بنات الناس يبغي مراده... في كل يوم زاهم له على ( هوم )

اراه مايعرس ويقدح زناده... يترك بنات الناس ويصير معصوم

يلقى هنوف تخدمه مثل داده... ويصير رجّال ويسلم من اللوم

يفرح الى من قرب وقت الولاده... ويصير معنى العرس بالحيل مفهوم

يشوف أولاده ومعهم شهاده... قبل الوفاة وقولة الناس مرحوم

سلمت يمنآآآآآآآآكــ،،ياالصخرة
من كثر مو موضعك عجبني رحت انادي اختي تقراه معي <<
...
القصة رآآآآئعة اوما زوجته لو اني منه كان دفنته ذي متسلطة مو زوجة... مع اني بنت بس الرجال ماقصر معها ,,
اهى في قمة الوقااااااحة.. يعني احترام شوي
اوما ابوتبولة .. عاد ليش وش فيه السعودي اذا كان رجال بمعنى الكلمة ,,’’,, السعودي آولى..بس سعودي عن سعودي
بس حتى السعودي يحب ام تبولة ويخق عليها كثيـــــــــــــــــــــــــــــــــ,,’’,,’’,,ـــــــــــــر

:::::::::::
موضوعك قمة الروعه وياليت تعزمني
على القهوة والعود ××قدآآآآآآآآآآآآآم××