دلاخة المدربين .. أنت وش جابك لكاس العالم ؟؟ - نادي الهلال السعودي - شبكة الزعيم

عـآشـق آلـزعـيـم · #1 02/07/2010, 11:38 AM

..

بسم الله نستفتح الموضوع بذا الصوره

طبعآ ما أحد يختلف أن ناصر الجوهر هو أدلخ مدرب مر على تاريخ كاس العالم .. و طلع منه بنتيجه تاريخيه !

مع أنه قبلها جايب بطولة الخليج ( غريب

) .. لكن بطولة بمقام كأس العالم تجمع لك أطلق لاعبين و منتخبات و ملاعب و حكام كرة القدم ..

تلقى أدلخ مافيها .. ( المدربين ) !

بغض النظر عن مدربين عطوا كاس العالم هيبته و حقه و مقامه .. على رأسهم الدااهيه هيدينك و الداشر ليبي ..

ألا أنك بنظره عاامه على أكثر المنتخبات .. يا تلقى مدرب دلخ مالقا شغل و نادوه للمنتخب ( بوسيرو

) .. أو لاعب سابق ماله أي خبره تدريبيه !

و عباقرة التدريب ملتهين في الأنديه و يحللون في الجزيره الرياضيه ( فنقر

)

كأس العالم هالسنه كان مسخره تدريبيه .. كان إستهبال .. كان قلة أدب !

نبدا بأختيارات فااشله قبل المونديال .. و لاعبين مميزين من أفضل لاعبين العالم جالسين في بيوتهم يناظرون كأس العالم في تلفزيون الصاله !

و السبب .. أما أنه ما يناسب خطة المدرب .. أو خطة المدرب ما تناسبه .. و في النهايه تلقى المدرب و خطته طالعين من دور المجموعات

و الطامه الأكبر في منتخبات تدخل بخطط غبيه ما تناسب لاعبينها .. و المدرب حاط في راسه تكتيك يبي يطبقه غصب حتى لو مافيه ألا ثلاث لاعبين ينفعون لتكتيكه !

و لاعبين مميزين قاعدين أحتياط ( فابريقاس ) .. و لاعبين دبش يطقونها أساسي ( بوسكيتس ) ..

الأفضل في رأيي هالمونديال أثنين .. مارادونا الأرجنتين .. و لوف ألمانيا !

من طرف مارادونا الكثير كان متوقع له الفشل .. ماعنده تكيتيك .. ماعنده سالفه .. محشش .. دب

لكن أثبت أنه يلعب على أمكانياته .. و بحكم أسمه و تاريخه و تقديره في قلوب الاعبين خصوصآ و الأرجنتينيين عمومآ .. و العالم كله !

قدر يمشي بالمنتخب .. بكاريزما ماردونا فقط ..

أنا متأكد أن خطته العبوا يا شباب .. و إذا جت الكوره قدام الباب أمززززززززع

لكن هالخطه مع أفضل لاعبين العالم .. ميسي و تيفيز و اللذي منو .. قدر يطلع منهم أفضل ما عندهم و يرقع المنتخبات بالثلاثه و الأربعه !

لكن إلى الحين ما قابل إختبار حقيقي .. و الي بيكون مع المدرب اللذي كويس لوف ..

لوف صدمني صراحه .. ما كنت متوقع أبد أن بيسوي كذا بالبيئمات .. أسامي مغموره .. لاعبين جدد !

لاعبين الخبره من بالاك و فرنقز و ميتسلدر .. أختفوا فجأه و طلع جيل جديد بقيادة كلوزه

لكن اللعب هو نفسه .. و الروح هي نفسها .. و الألمان هم نفسهم ! .. الحين صدقت أنه كان هو الي يمشي الزلابه كلينزمان في المونديال الماضي !

و الخلاصه .. أننا موعودين بمدرب عبقري جدآ جدآ .. و أنا شخصيآ معجب فيه جدآ جدآ

..

المساحه لكم ..

عطونا مدرب رفع ضغطك .. حركه باايخه دعس فيها جوك ..

قيم المدربين .. قيم التكتيكات .. بس رجاءآ بدون تقييم ذبات

..

جرح المودهـ · #2 02/07/2010, 11:44 AM

يعطيك الف عافبه حسيت كل الي عندي قلته مشكووووور وادلخ مدرب {ناصر اللجوهر } بلا منااااازع + {دومنيك الفاشل} ... + الدوله الي يقام فيها كاس العالم خربوا البطوله

عـآشـق آلـزعـيـم · #3 02/07/2010, 11:49 AM

إقتباس

الرسالة الأصلية كتبت بواسطة جرح المودهـ


	يعطيك الف عافبه حسيت كل الي عندي قلته مشكووووور وادلخ مدرب {ناصر اللجوهر } بلا منااااازع + {دومنيك الفاشل} ... + الدوله الي يقام فيها كاس العالم خربوا البطوله

تصدق أن دومنيك في هالكأس العالم جايب لي المرض ويــآ تشكيلته مثل وجهه

أجل سمير نصري في دكة الإحتياط..!!

ومالودا أول مباراة في دكة الإحتياط..!!

زعيم 46 · #4 02/07/2010, 11:58 AM

يابوي ماردونا ما براسه تكتيك او اي خطط

ابو الشباب معه احسن لاعبين في اوربا يلعبون

وجالس يستغل حماسهم

اما تكيك وخطط مافي اي شي

عـآشـق آلـزعـيـم · #5 02/07/2010, 12:07 PM

إقتباس

الرسالة الأصلية كتبت بواسطة زعيم 46


	يابوي ماردونا ما براسه تكتيك او اي خطط ابو الشباب معه احسن لاعبين في اوربا يلعبون وجالس يستغل حماسهم اما تكيك وخطط مافي اي شي

وش معنـآ دونجا؟؟
زعيم ماردونا لآجـآء وقت الجد جد معه
لآيغرك شكله وفي التدريبات والمقاطع الي أنتشرت في اليوتيوب

هو صحيح أن ماردونا يحمس العيبه ويمزح معهم وهالمدرب أتحدى أحد يجي مثله
وأتحدى دونجا يسوي مثله

مشكور أخوي ع المرور

P.Guardiola · #6 02/07/2010, 12:45 PM

أفشل مدرب في البطولة ,,
هو بلا ادنى شك ,, دومينيك ,, أستدعاء فاشل ,, أين سمير نصري ,, هنري ليش بالاحتياط ,, وتكتيك غبي صراحة ,,

وأفضل مدرب في هالبطولة ,, وأنشهر هو مارادونا

بس من الممكن تمسح شخصية كمدرب إذا أرقع 5 من الألمان أو 4 ,,

وإذا تخطى الألمان راح ياصل للبطولة ,,
يعني أختباره الحقيقي هو يوم السبت قدام المانشافت ,,

وشاكر لموضوعك أخوي ,,

® HuMMeR · #7 02/07/2010, 12:50 PM

آما نآصر الجوهر ههههههههههههههه ..!
مصخره ها المدرب

الي رفع ضغطي فـ المونديآل دومنيك ..!!
مدرب غبي والي آغبى منه الي مخليه ...!!

عـآشـق آلـزعـيـم · #8 02/07/2010, 01:01 PM

إقتباس

الرسالة الأصلية كتبت بواسطة 10


	أفشل مدرب في البطولة ,, هو بلا ادنى شك ,, دومينيك ,, أستدعاء فاشل ,, أين سمير نصري ,, هنري ليش بالاحتياط ,, وتكتيك غبي صراحة ,,

كلآم سليييم

إقتباس

الرسالة الأصلية كتبت بواسطة 10


	وأفضل مدرب في هالبطولة ,, وأنشهر هو مارادونا

وبرضه كلآم سليم

أخوي ميسي مشكور ع المرور

عـآشـق آلـزعـيـم · #9 02/07/2010, 01:04 PM

إقتباس

الرسالة الأصلية كتبت بواسطة عــاشــق الـهــلال


	آما نآصر الجوهر ههههههههههههههه ..! مصخره ها المدرب الي رفع ضغطي فـ المونديآل دومنيك ..!! مدرب غبي والي آغبى منه الي مخليه ...!!

الجميع أتفقوآ على أسبك وأغبى وأدلخ مدرب في كأس العالم هو( دومنيك)

احبك يا H · #10 02/07/2010, 01:22 PM

الصرااحه وبلا منازع افشل مدرب ناصر الجوهر وبوسيرو ودومنيك الي ضيع المونديال بكامله والدوله الخايسه الي مضيفتها بزماميرها الي ازعجت ام من جابتنا اتوقع انا بلاتر تاب يحطها في دوله افريقيه وبعد ليبي فشلنا وطلع الطليان مااتخيل المونديال بدون ايطاليا

شبيه بيرلو · #11 02/07/2010, 01:32 PM

إقتباس


	مع أنه قبلها جايب بطولة الخليج ( غريب ) .. لكن بطولة بمقام كأس العالم تجمع لك أطلق لاعبين و منتخبات و ملاعب و حكام كرة القدم ..

بطولة الخليج ماهي مقياس

المفروض كل بطولة خليج نلعب بالرديف وناخذها بعد

,,

إقتباس


	و عباقرة التدريب ملتهين في الأنديه و يحللون في الجزيره الرياضيه ( فنقر )

اي والله , خصوصاً لويس اراقونيس مدرب اسبانيا في يورو 2008 , واللي خلق الانسجام بين لاعبين اسبانيا , ياليته الى الآن هو المدرب , مع احتراامي لـ دل بوسكي .,

,,

إقتباس


	نبدا بأختيارات فااشله قبل المونديال .. و لاعبين مميزين من أفضل لاعبين العالم جالسين في بيوتهم يناظرون كأس العالم في تلفزيون الصاله !

إقتباس


	و لاعبين مميزين قاعدين أحتياط ( فابريقاس ) .. و لاعبين دبش يطقونها أساسي ( بوسكيتس )

هنا مشكلة اسبانيا كاملة , دل بوسكي يلعب بمحورين , ويلعب بتشافي خلف المهاجمين < مركز غير مركزه المعتاد عليه , يعني لو يطلع بوسكتس او تشابي الونسو , ويدخل سيسك فابري . ويرجع تشافي مكانه الاول .. ,, ياسلام

,

الله يعطيك العااافية

مقدر ازيد شئ عن كلامك , كلي اقدر اقوله قلته عني

(اسير& المحبة ) · #12 02/07/2010, 01:34 PM

مارادونا الكل يتفق انه الحظ وقف معه كثير ولا قابل فريق عليه الكلام وبتطلع حقيقه مارادونا

بكره قدام المانيا اللي ماترحم ونشوف مع اني ارجنتيني لكن اتوقع تاريخه في الارجنتين .

المدرب اللي رفع ضغطي بتكتيكه الغبي حسن حسني اسبانيا ديل بوسكي الحين يلعب بوسكيتس

النكبه ويخلي فابريقاس احتياط ومن الاساس يستدعي اغبي محور بوسكيتس ويخلي سينا مادري

اش يشوف فيه هو وقوارديولا غير انه ينكب الفريق فيه اكثر من لقطه عمركم شفتوا محور يستلم

كوره وقدامه لاعب الفريق المنافس ويبغى يسحب فيه ياخي انت محور استلم صح وسلم صح

واقطع كور غير كذا ماابي منك شي وبيض الله وجهك لكن الله يعين عليه .

عـآشـق آلـزعـيـم · #13 02/07/2010, 01:37 PM

^^
أهلين أخوي منور
وكلآمك سليييم 100%

مدري مدري ! · #14 02/07/2010, 02:27 PM

ابتديت موضوعك بخطأ جسيم ناصر الجوهر مدرب كبير وبشهادة انه يوم سجلت المانيا الهدف الثامن لين الحين يسجل بالورقه ..!

,,

الأسوأ العنصري الحقير دومينيك

,,

والأفضل منة وجهة نظري حماس مارادونا ,, وفكر لوف / ونشوف وش يتغلب الفكر

ولآ الحمآس وأتوقع الثاني قصدي الاول

كل التوفيق لألمانيا بكرا والبرازيل بعد شوي

لآهنت عزيزي

في ظلال الهلال · #15 03/07/2010, 03:21 AM

إقتباس


	أنا متأكد أن خطته العبوا يا شباب .. و إذا جت الكوره قدام الباب أمززززززززع

هههههههههه أحلى خطة هالخطة وهي خطة تربك الخصم بشكل ملحوظ من خلال التجارب في الحارة والبلاي ستيشن ... وأتوقع إن الألمان راح يطبقون هالخطة قدام الارجنتين وبيتوهقون <<< لأنها يبيلها محشش

أنا مارفع ضغطي الا مدرب البرازيل دونجا واختياراته الفاشلة في وسط الملعب (ميلو الكارثة ... وجلبيرتو سيلفا المنتهي ... وإيلانو اللي نااااازل مستواه بشكل ملحوظ ) وغير كذا مصر على إنه يلعب باستوس ظهير أيسر ... والله ماضيع البرازيل الا هالمدرب .. والله لو لاعب رونالدينيو وتياجو موتا وأدريانو لتغير الوضع ولما خرجت البرازيل على يد هولندا ... مع أني أشجع هولندا للنخاع لكني متعاطف مع الملايين اللي تأمل في المنتخب البرازيلي

لبى ثلاثة في هالمونديال (دييجو فورلان المحارب والقائد

والمنتخب الهولندي

بكل مافيه وبكل من حوى والمحشش

نكهة المونديال الخاصة <<< لزييييز هالادمي )

على طاري الاورجواي ... يقولون سواريز بيحرس المباراة الجاية