..
بسم الله نستفتح الموضوع بذا الصوره
طبعآ ما أحد يختلف أن ناصر الجوهر هو أدلخ مدرب مر على تاريخ كاس العالم .. و طلع منه بنتيجه تاريخيه !
مع أنه قبلها جايب بطولة الخليج ( غريب
) .. لكن بطولة بمقام كأس العالم تجمع لك أطلق لاعبين و منتخبات و ملاعب و حكام كرة القدم ..
تلقى أدلخ مافيها .. ( المدربين ) !
بغض النظر عن مدربين عطوا كاس العالم هيبته و حقه و مقامه .. على رأسهم الدااهيه هيدينك و الداشر ليبي ..
ألا أنك بنظره عاامه على أكثر المنتخبات .. يا تلقى مدرب دلخ مالقا شغل و نادوه للمنتخب ( بوسيرو
) .. أو لاعب سابق ماله أي خبره تدريبيه !
و عباقرة التدريب ملتهين في الأنديه و يحللون في الجزيره الرياضيه ( فنقر
)
كأس العالم هالسنه كان مسخره تدريبيه .. كان إستهبال .. كان قلة أدب !
نبدا بأختيارات فااشله قبل المونديال .. و لاعبين مميزين من أفضل لاعبين العالم جالسين في بيوتهم يناظرون كأس العالم في تلفزيون الصاله !
و السبب .. أما أنه ما يناسب خطة المدرب .. أو خطة المدرب ما تناسبه .. و في النهايه تلقى المدرب و خطته طالعين من دور المجموعات
و الطامه الأكبر في منتخبات تدخل بخطط غبيه ما تناسب لاعبينها .. و المدرب حاط في راسه تكتيك يبي يطبقه غصب حتى لو مافيه ألا ثلاث لاعبين ينفعون لتكتيكه !
و لاعبين مميزين قاعدين أحتياط ( فابريقاس ) .. و لاعبين دبش يطقونها أساسي ( بوسكيتس ) ..
الأفضل في رأيي هالمونديال أثنين .. مارادونا الأرجنتين .. و لوف ألمانيا !
من طرف مارادونا الكثير كان متوقع له الفشل .. ماعنده تكيتيك .. ماعنده سالفه .. محشش .. دب
لكن أثبت أنه يلعب على أمكانياته .. و بحكم أسمه و تاريخه و تقديره في قلوب الاعبين خصوصآ و الأرجنتينيين عمومآ .. و العالم كله !
قدر يمشي بالمنتخب .. بكاريزما ماردونا فقط ..
أنا متأكد أن خطته العبوا يا شباب .. و إذا جت الكوره قدام الباب أمززززززززع
لكن هالخطه مع أفضل لاعبين العالم .. ميسي و تيفيز و اللذي منو .. قدر يطلع منهم أفضل ما عندهم و يرقع المنتخبات بالثلاثه و الأربعه !
لكن إلى الحين ما قابل إختبار حقيقي .. و الي بيكون مع المدرب اللذي كويس لوف ..
لوف صدمني صراحه .. ما كنت متوقع أبد أن بيسوي كذا بالبيئمات .. أسامي مغموره .. لاعبين جدد !
لاعبين الخبره من بالاك و فرنقز و ميتسلدر .. أختفوا فجأه و طلع جيل جديد بقيادة كلوزه
لكن اللعب هو نفسه .. و الروح هي نفسها .. و الألمان هم نفسهم ! .. الحين صدقت أنه كان هو الي يمشي الزلابه كلينزمان في المونديال الماضي !
و الخلاصه .. أننا موعودين بمدرب عبقري جدآ جدآ .. و أنا شخصيآ معجب فيه جدآ جدآ
..
المساحه لكم ..
عطونا مدرب رفع ضغطك .. حركه باايخه دعس فيها جوك ..
قيم المدربين .. قيم التكتيكات .. بس رجاءآ بدون تقييم ذبات
..
