هلا والله بعيالنا
اول شي نقولكم هاردلك خروج رديفنا باللون من المونديال
وعساهم ما اتأهلوا دام المدرب المعتوه مسوي عنصري الغفلة
,,,,,,,,,
أحب الخص ردي بكم نقطة /
بالنسبة للاعضاء اللي يقولون اني كبرت الموضوع وان عصام معلق كبير .
فعصام ما ينكتب عليه موضوع في منتدى الا لأنه شخص مشهور ولو حاط انا موضوعي عن شخصية عادية ما كان شفت هالردود الحلوة
ولكن من حبنا والله لتعليق عصام قلنا كل الكلام
وعصام يبقى كبير وله معجبيه ,, وفيه ناس تموت فيه وتقول عصام ياما متعنا فغلطة ولا هفوة فدا صوووته
لكن بالنسبة لرأيي الشخصي / أنا ما ابغى لا ارجنتين ولا برازيل ,, دام السعودية ما تاهلت ماعاد بقالنا شي , اللهم نبي نشوف لعب ممتع وتعليق محايد ,,
وش فايدة تعليق بحماس مع فريق وببرود مع آخر !
وين المتعة في هذا الشيء ؟
فحتى لو كانت فيها كل المتعة فسيكون بها عيب بالأخلاقيات
من أهم اخلاقيات الكورة كمعلق إنك تكون محايد , حتى الناس تستمتع فعلا وتعرف المتعة الحقيقية بمتابعة اللي فعلا صاير بالملعب !
اعتقد اننا كلنا نتابع الكووورة
نتابع كاس العااااااااااااالم
نتابع هذا الجلد المدور ( كلمة رائعة من كلمات الشوالي
)
ومن متابعتنا وشغفنا هذا استمتعنا بميسي مثلا يوم يعدي او يعطيك كعب ...
ومن شغفنا هذا استمتعنا بالبرازيل وكلنا صرنا نتابع البرازيل
استمتعنا باداء فلان غيره ووو
فهذه هي المعادلة الحقيقية والواضحة لمتعة الكرة ,, أبدا ما كانت العكس
مثلا عني انا شخصيا / مشجع هلالي حتى النخاع ,, لكن يوم الهلال يكون بيوم سيء اتابعه وفي الاخير اعترف ان الهلال كان سيء , حتى لو فاز الهلال اعترف انه سيء واقول اني ما استمتعت بالمباراة ولا بالكووورة , لاحظوا صحيح اني انبسطت يوم فاز فريقي لكني ما استمتعت باللعب ! ويوم ثاني لعب النصر اللي اكرهه وما اشجعه ابدا , وبدع كل اللاعبين صالوا وجالوا وفي الاخير انهزم , بعد المباراة راح اعترف انه النصر بدع وانه فريق كبير ولعيبين رغم وووو طيب تخيلوا لو اني كنت هلالي يضحك على نفسه , اقولكم الهلال بدع والنصر اكلها ويستاهل الهزيمة , بكذا هل فيه احد بيستمتع بكلامي ؟ تخيلوا لو كنت انا مبدع وقلتلكم رأيي المخالف للواقع في ابيات شعر جميلة جدا , حشيت النصر محشات اليمة ومدحت كل الهلالية , بكذا صرت شاعر فنان ؟ تخيلوا لو كنت انا معلق المبارتين وبدعت فكل شي وحمست كل الجمهور اللهم قلت كلام يخالف الواقع وزدت عليه انه اتحمست مع فريق وفريق لا وقتها هل بتستمتعوا فعلا بالمعلق ?
اتمنى إن فكرتي تكون وصلت وشاكر للكل المرور الحلو
والله يوفق الجزااائر مرة ثانية
الوضع العادي
