هل فعــــــلا المعلق الكبير عصـــام الشـــوالــتي ( راحت علـيه ) ؟
السلام عليكم ورحمة الله
في البداية أحب امسي عليكم بالخير
وانشالله تعدي فترة الاختبارات على الكل بخير
وادعولي بإذن الله نطق A+ في جميع الكورسات
,,,
اعتقد إنه ما يحتاج مقدمة للمعلق الكبير عصام السوالي .
الكل عارفه وسمعله اكثر من مباراة وكثير من الاعضاء معجبين بتعليقه
وانا من الناس اللي مستحيل اسمع لغير عصام متى ماكان موجود
عدا دوري ( زين ) السعودي طبعا !
,,,
بإختصار / ورأي شخصي /
يعجبني الشوالي لأن تحس كلماته وليدة اللحظة
يوم يعدي لاعب ولا يسويلك حركة تلقاه يعطيك وصف وتعليق على نفس الحركة ولو صور اللقطة بأي جملة تلقى تصويره جميل جدا وغالبا ما يزبطها عصام ,
ويوم يكون اللعب حماس وهجمة بهجمة يزيد حماسك لهجة الشوالي والمفردات اللي ينتقيها بعناية فائقة معلقنا عصام ,
ويوم تبرد المباراة شوي تلقاه يسردلك كم قصة عن اللاعبين او الفريقين بطريقة حلوة ويحاول ما يفسد هجمات حلوة او شيء من تفاصيل المباراة بهذه القصص , يعني يختار توقيت ممتاز ماشاءالله عليه ,
كل هذا يطبقه عصام دايمن وللحين ماشي عليه , وهالشيء يعجبنا وكل يوم يزيد من حبنا لهالمعلق ولصوته ,
بــــ/ـــــس
فيه مشكلة بسيطة , لكن يوم تزيد , ويوم عن يوم , أتوقع بتصير هالمشكلة البسيطة مشكلة مو بسيطة !
المشكلة هذه لاحظتها في تعليق المعلق عصام على دوري زين السعودي , فكما ذكرت سابقا افضل شخصيا اني ما اتابعه يوم يعلق على دورينا ^^
لأنه بصراحة كنت احسه مو متحمس لأي من الفريقين اللي يلعبون في دورينا !
حتى يوم كان يشوف كعب طارق او شوتة ياسر او رفعة الشلهوب ... الخ
صحيح كان يمدحهم بس ما كان يعطي مدح وليد اللحظة !
كنت الاحظ انه يستخدم كلام قاله قبل كم يوم عن لاعب ثاني !
يكرر نفس العبارات اللي يقولها في كل مباراة , لكن هالمرة العبارة اللي يقولها فكل مباراة تلقاه يقولها وقت ما يصير شي ممتع او هدف .... وفي الاوقات العادية في المباراة تلقاه سااااااكت ! , ويعطيك قصص مو مشوقة أبدا ووو
وهذا سببه والله العالم انه المعلق مو متحمس للماتش اساسا
,,,
سبب حكمي عليه انه مو متحمس في تعليق دورينا هو الفرق الواضح لمن يعلق على مباراة برشلونة مثلا او بدوري الابطال
تلقاه امتع بكثييررررر
رغم انه في مباريات بدورينا تجد بها الكثير والكثير من المتعة
,,
الكلام اللي فات كله عارف انه ماله دخل بكاس العالم لكن حبيت اوضحه حتى توصل وجهة نظري للكل انشالله ,, وحتى تعرفون الأفكار اللي براااصي .
الآن /
ونحن وسط معمعة المونديال ,, يكفينا من الأصوات المزعجة صوت البوق الافريقي الغبي ( أظن اسمه قوقوزلا او شي كذا , ولا أفكر احفظ اسمها ابدا )
يكفينا من الضحك على ( نفسنا ) يوم نشوف منتخبات تلعب بطريقة ممله جدا ويجوك عالم تمدحهم وتقلك دفاع محكم وتكتيك , حتى في مباريات 90 دقيقة ما تلاقي غير 3 او 4 هجمات ؟ , ويقلك هذا انظباط !
يكفينا من النرفزة يوم يناول الوسط للمهاجم وتلقى انفراد ويجي بيشوت إلا ينقطع البث عن الجزيرة ويجلس معك 15 دقيقة مقطوع , وتسب وتشتم بكل تفاصيل كأس العالم لين ترجع الصورة وتلقى النتيجة متغيرة ؟!
يكفينا سكوتا على وضعنا الرياضي المزري , فيوم نشوف منتخبنا يطلع بتلك الطريقة البلهة ! ومن ثم نحط أملنا في الجزائر وتقدم هذا المستوى الهزيل , ونسكت على الوضع المخيب ونقول إن منتخبنا ما تأهل بس الوعد قدام أو نقول الجزائر لعبت وما استحقت الهزيمة !
يكفينا كل هذه الأمور السلبية جدا واللي بترجعنا للوراء دائما ,,
العالم كلها بتقول آسيا قاااادمة وشكله مو آسيا إلا كوريا واليابان طالعة على ظهورنا !
( لا أحد يدقق , الكوريين بعيد عن شنبهم لكن المقصد هو في الكورة وبس )
,,,
مع هذا كله هل فعلا لحد هنا وكفاية يا شوالي ؟
هل يعتقد عصام بأننا لسه ما وصلنا للوعي اللازم لإدراك اللي حولنا ؟
هل فعلا عصام أصبح مزعجا للكثيرين وأكثر من بوق الأفارقه بنفسه ؟!!
هل فعلا عصام بيضحك علينا إلى الآن ؟ وما بيعلق بشفافية وبيتحيز ؟
هل فعلا عصام بينرفزنا يوم يعلق في مباراة ونشوفه متحيز بزيادة شويتين !
هل فعلا حنسكت كعادتنا ونمشيها ؟
بالنسبة لي بت اجد عصام ليس بعصام !
تحيز كبير لبعض الفرق , وتحيز أكبر لبعض اللاعبين , والمشكلة إنه يعطيك حماس وكفو في كل شيء , فبكذا ممكن هو يعطي تعليقه وجه او قناع إنه تعليق ممتع يوصفلك الكرة الممتعة بينما خلف هذا الوجه تجد شعار او علم أحد المنتخبات !
,,,
في الأخير أتمنى تكون فكرتي وصلت ,, واعتذر إن اسهبت في موضوعي بذكر بعض المواضيع اللي مالها دخل لا بكاس العالم او الشوالي لكن اتوقعتع إنها ممكن تقربلكم الفكرة اللي براصي لا أقل ولا أكثر
كلامك عين العقل
كأني انا الي اسولف
عصـام مع احترامي الكبير له خلاص تحسه بدا يخرب على نفسه وانا اقول يعتزل افضله
صراحه انا اذا تابعت مباراة احط عصام ومرات يفقع تسـبدي اغير المعلق
عصام اول كان افضل معلق عندي حتى رؤوف اعتبره ولاشئ عنده
لكن الحين اغير ليوسف سيف افضل من اني اسمع لعصام
مع احترامي لـ معجبيه ،، لكن وجهه نظري وكلن له وجهه نظر
اقل مثال اليوم ( على ان هغوايين مسجل الهاترك ) مامدحه كثر مامدح ميسي
لا اشجع الارجنتين ، انا اشجع المتعه ،، فقط
لكن عندي سؤال لـ عصام ( لو ميسي مسجل الهاترك * وش راح تسوي ؟!! )
عصام اعترف انه مدريدي برازيلي في برنامج ، مصطفى الاغى
ومع ذلك ، تشوفه اذا يعلق على مبارياتهم ، عشان الناس تقول محايد ، تحصله يجرح بالفريق واعتقد
بغير شعور ، والعام هذا طاح من عيني ، ومن عين كثير من المتابعين الي انا اعرفهم
وخاصه في مباراة الهلال والنصر ( فقع تسـبدي يوم يقول شباب النصر وكبار الهلال )
حسيت اننا نلعب مع ناشئين النصر وهم غايب عنهم لاعبين مدري ثلاثه
صراحة عصام معلق كبير ومن أفضل معلقي العالم ,, كم من يوم تمنيتهو يعلق ,, كم من ساعة تنتظرون المباراة لتبدأ لنسمع ألحانه في التعليق ونبراة صوته ,, كم ثواني نجلسها نترقب متى يبدأ عصام في التعليق ,, كم .. وكم ... وكم .. ونحن نشجع عصام الشوالي في كل لحظة ,,
بالنسبه للدوري السعودي اعتقد ان الشوالي يتكبر على دورينا يمكن مايدي ان الدوري السعودي افضل من الدوري التونس حقهم بـ 44 مره
اما بالنسبه للتحيز فواضـــــــــــــح وخاصه من الارجنتين , هيقوايين جايب 3 اهداف وهو يمدح ميسي ويقول لولا ميسي لم تأتي هذي الاهداف وفي الاخير يقول ميسي انتصر للارجنتين !!!!
بس يبقى معلق كبير واحب تعليقه بس هالنقاط اللي ذكرتها هي اللي تخرب على ابداعه
كل الكلام اللي ذكرته يهون قدام إنه يجيب لك المصطلح بكل لغات العالم !!!
حتى صار يعلق لك مباراة بلغة أصحابها ( لا أعلم ما إذا كان يعرف يتكلم كوري ؟؟ )
بثر حياتنا بالمترادفات اللغوية ( وتراها من المنفرات في لسان البلغاء ) بمعنى أصح كثرة السجع وما إلى ذلك تزعج الأذن في كثير من الأحيان فما بالك بتعدد اللغات .. شيئ مزعج ..
أتحدى لو تجد معلق فرنسي يتكلم ألماني أو إيطالي ..
هذا الشيئ مكتوب باسم عصام ..
كم أتمنى لو يعلق فهد العتيبي على مباريات المونديال .. نكهة و ذوق خاااااااص
هل فعــــــلا المعلق الكبير عصـــام الشـــوالــتي ( راحت علـيه ) ؟ 
الوضع العادي
