الاخت العزيزه / صمت العيون

يزعجني تجاهلك للاسلئة التي طرحتها عليك( علما أنها في الصفحه الاولى ) و ما هو السبب لذلك ارجُ الرد على .

هذه الاسئلة مره أخرى و اتمنى أن تجاوبي عليها :
أولا : اتمنى لك التوفيق في الاجابه على أسئلة الاعضاء

ثانيا : ما رايك في العضو i.f.a بكل صراحه .

ثالثا : من يقول الزين ما يكمل حلاه

******كل شي في حبيبي اكتمل

******الله اللي كمله و الله عطاه

****** ما بقي للزين في خلي محل

رابعا : تقبلي تحياتي .

مساء الورررررررررررررررررررررررررررررررررررررررررد


أعتذر عن التأخر الخارج عن إرادتي

ولكن : سؤالي هو ؟؟

س: لماذا أنت بهذه الروعة ... وروحك يسكنها كل هذا الجمال ....؟؟

أهنأك بروعتك

أخوك سراب الدمع

هلا وغلا بصمت العيووووووووووووووووووووووون
ماشاء الله منوووووووووووووووووور المنتدى زي القمر ,,يحرسك ربي من العين
طبعا شهادتي فيك مجروحه
عاد حنبطل مجاملات ونيجي للجد
عندي شوية اسئله يحبهم قلبك
من اللي تتاكل بدون شطه
اوكي
س/ متى اجر مرة تصفقت على وجهك يعني انجلدت ؟واين؟ولماذا؟
س// جا واحد لمك وخلينا نفرض انه كنز وعطاك ظرف وقال هذا الظرف مكتوب عليه اسمك وما ادري من عطانياه ولما فتحته لقيت فيه شيك بمليون ريال قالك كنز اجل لازم تعطيني نصه ..ماذا عساك ان تفعل؟؟؟
((لاتقول ابعطيه النص ..لاني ابخمك بمخمس واقول انك فقاش ))
س///بصراحه انا مره ماشي في احد شوارع الرياض وشفت واحد صحيح وعلى نياته و معه هوندا وقلت في خاطري والله ان هذا الرجال كنه صمت اروح اخش في عينه واقوله ..حتى انه نفس كلامك ونفس صوتك ونفس نسفت شماغك البرتقالي ..هاه وشس ردك انت اهو ولا لأ؟؟
س////من اقرب الناس لك غير والديك واخوانك من الاصدقاء يعني ..وهل تقوله أي شي يخطر على بالك ..ولماذا اخترته؟؟
تشكررررررررررررررررررررراتي صمتووووه

[c][gl] شذى الهلال [/gl] [/c]
الأخ الغالي صمت العيون ..

هو سؤال واحد أتمنى منك أن تجاوب عليه ..

- كثيرا ما نرى مواضيع رائعة في المنتديات من أعضاء مميزين .. ولكننا حينما نتعامل مع هؤلاء الأعضاء خارج إطار النت .. نجدهم على النقيض مما يكتبونه .. فارجوا منك تفسير هذا التناقض الغريب ؟

وشكرا لك .. وبصراحة أنك تعتبر من أفضل الأعضاء في المنتدى ..

ولك تحياتي .

سؤال وجيه لكن ما ادر وش جابه هنا واباجاوبك على حسب فلسفتي العلميه من خلال تعاوني مع كبار مجرمين المنتديات اكيد عرفتوهم بدون ذكر....
ورايي ان هؤلاء الاشخاص يبحثون عن الشهره والاعجاب من الطرف الاخر
طبعا هو بيكتب ردود ومواضيع لازم تكون فيها تصنع ويبدا بالكلام ويستطرد ليجد الاعجاب واعتقد هذا الشخص ليس واثق بشخصيته ومن شان كذا يحاول التصنع....لكن القناع يسقط دائما ويبقى ما خلف القناع مكشوف ولا يتغير
وهؤلاء اجدهم بكثر بالمنتديات واخص الذين يدعون الرومانسيه وهم ابعد منها
واتمنى الا اكون من هؤلاء التماسيح


وشكرا لك .. وبصراحة أنك تعتبر من أفضل الأعضاء في المنتدى ..

ولك تحياتي

مشكوووووووووره اختي على الاطراء
بس هذا السؤال ما ادري وش اللي جابه هنا قعدت ادور لي فيلسوف يفهمني السؤال بعدين قعدت ادور فيلسوف يترجم اللي قلته الى عربي

[c][gl]حبي سامي[/gl] [/c]

وش ردة فعلك اذا لقيت واحد من الشباب راد عليك في موضوع

(( مشكورة أختي صمت العيون )) 0 وهل مازلت تعاني من هذه العقده

مثل ما الحين افكر وش ازين فيك...
تقعد ايدين تدغدغني وودي ادل بس بيتكم واجي اتمردغ في بطنك...تصدق العقده راحت صار عندي مناعه يعني قول الى ما تمل


[gl]نرجع لكم بمشئة الله ونكمل الاجابات على الاسئله اللي ماشاء الله عليكم ناوين تذبحوني والباب مفتوح لكل من يبي يذبح صمتوووووووه[/gl]

[c][gl]الماسه الزرقاء [/gl] [/c]
أين تجد السعاده الحقيقيه؟..

اجدها بفعل الخير والبر بالوالدين وطبعا لا انسى اذا هبلت في شموخوووووه

هل أنت من محبي قراءة الروايات وإن كنت كذلك فلمن تقرأ؟..

محب لكن لا يوجد من يكتبها في الوقت الحاظر
اما الروايه التي اعجبتني
روايه قرأتها لشخص لا اذكره اسمه بالضبط الظاهر اسمه عبدالرحمن العريني...وعلى ما اظن انه دكتور
وتتحدث عن تجربه في امريكا وكيف استطاعوا هو وزوجته وبعض اصدقائه باقناع الكثير بالاسلام وبنؤا مسجد وكيف كانت معيشتهم مع عجوز وكيف كان فراقهم وكيف تعاملوا مع ابن عمتهم...الروايه جميله جدا
لا اذكر عنوانها لكن المؤلف العريني واكثر الظن اسمه عبدالرحمن

بعض الشباب يرفض إستخدام الفتاة للنت ... ماالسبب من وجهة نظرك؟..

وبكل صراحه انا منهم
وانظري ما يفعلون الشباب وكيف يستغلونه وبالاخص المنتديات
اما اذا ارادت استخدامه لشي نافع لا امانع بل بكل سرور واكون عونا معها

لو قمت برحله على نهر الدانوب .. من سـتأخذ معك في رحلتك؟..

في غير حبيب البي(القلب) شموخ والكنز وعصير الواحه

ماذا يعني لك القمر؟..

القمر هو اللي ينور علينا بليلة القمرى(القمرى يعني وسط الشهر) وخاصة بالبر

كيف تصف مقدار حبك لشبكة الزعيم؟..

ما ادري وش اقول فيه يوم يوقف الزعيم لنقل السيرفر احس ذاك اليوم اشين يوم مر واذكر اني نمت مبكر لعدم وجود من يونسني في ذاك اليوم

[gl]بقية الاجابات بالطريق يطامرن بس اللياقه ضعيفه........واي سؤال يخطر ببالك حطه ولا تشاور...[/gl]
[c] تقبلوا تحياتي





[/c]

[c][gl]ريم الزعيم[/gl] [/c]
هلا بالريم وش الاسئله هذي الظاهر متوهقه بواجب التاريخ ما عرفتي تحلينه بس جيتي للشخص المناسب <<<<دافور بالتاريخ

متى توفى صلاح الدين؟

الظاهر يوم يولد البارق2000ق.م(ق=قبل/م=ميلاد) هو مات وشرط اذا عطيتي الابله الاجابه كذا مالك الا الطرده مع باب الفصل
اما اذا صدق تسأليني توفي صلاح الدين ليلة الأربعاء، السابع والعشرين من صفر 589هـ/4 آذار (مارس)1193م. <<<ما قلتلك دافور بالتاريخ

من قاد غزوه خبير؟

اما هذي اخوي عزوز اللي بالتمهيدي يقول على بن ابي طالب (رضي الله عنه) ما ادري صح والا لا

وش رايك بوجود البنات فى المنتدى بكل صرررراحه؟؟

لو يخلوني مشرف بس اوريكم وش ازين
اروح عند الخطاط واخليه يكتب لوحه مزركشه ما تخرش الميه
مكتوب فيها..........(((ممنوع دخول النساء دون محرم)))
خلني اشوف وحده داخله المنتدى لا احش رجلينه حش<<<<<اخس يا الشديد
بس رايي فيكم احتفظ فيه لنفسي والا اقول ما شاء الله عليكم على ندركم الا سادين الفراغ من جانبكم يعني بالترجمه (في نقص من ناحيتكم بالمنتدى يعني جخر وانتم بالموجودين الرقعه )
يا رب لا يكثرون


اش تعنى لك الكلمات ثلاث...صمت العيون.....الصدق.......الحب...؟

صمت العيون هذا والله انا ما احبه خاصة اذا جيت انام يسبب حرقان وألم للبعوم....
اما الاجابه الصدقيه والله اسمي ومعجب فيه وباذن الله اقطعه بالعافيه

اما الصدق ضد الكذب ويكثر الصدق عند الرجاجيل ويقل كلما انحدرنا لجهة النساء<<<لا تزعلون امزح
بس الصدق كلام نادر وجوده في وقت الحاضر <<<تسد هذي الكلمه...

ماذا يعني الحب:يوجع الضروووووس ولايكثر الا وقت المباريات من شان نحط الحره بالفصفص
اما الحب الصدقي: يعني شي يخلي قلبي يرجف رجف زي ما يزين الخروف اذا ذبحناه يوم عيد الاضحى<<<<<يلعن ابو الحب والرومانسيه الللي زي كذا
اما الاجابه الصدقيه جاوبته لكن ما يمنع نعيد الاجابه
اجمل ما في الحب الاحساس الصادق وينبع من القلب <<<يلعن ابو الرومانسيه
اما تعريفي للحب هو شي بسيط لكن هو كبير بنفس الوقت يطلع من القلب يكون حمله كبير للصادق<<<<يا حليلك يا صمتووووووه من جد انك من جنبها بالرومانسيه


وش رايك الامير سعود بن تركى؟؟

هذا الله يسلمك هذا رجال والنعم فيه<<<اتحداك تتكلم فيه
بس اللي يقهرني ليش يترك الهلال رغم ان يقدم انجازات يوم وراء يوم ومن افضل من مر على رئاسة النادي
اغديه يسمعني ويطيع شوري ويخلي كلام العذال ويرجع للنادي ونشوف هلال اول

[gl]نرجع نكمل الردود على اسئلتكم بعد فوووووووووووواصل اعلانيه.......[/gl]

هلا:
اخوي صمت
تخيل وتخيل وتخيل(ادخلك جو تخيلي)
يوم من الايام ان القطاوه سوت لك محاكمه
من كثر ماتدعسهم بسيارتك وحكمو عليك
ان قطو يسوق تريلا ويدعسك وش
بيكون شعورك وانت شايف القطو سايق تريلا
يعني انت مدعوس مدعوس
لاتشره علي في هالسؤال بس والله من الفضاوه

[c][gl] أبومحمد2003 [/gl] [/c]
س1/ كيف ترى مشركات المتندى في شبكة الزعيم؟ .

الى الامام اخوي وننتظر منك التفاعل اكثر

س2/ ماشعورك في منتدى الزعيم؟

والله هذا السؤال جاني عشرطعشر مره لكن ما يمنع نجاوب عليه

إقتباس وش تبيني اقول فيها اخاف اهضم حقها..... بس شوف قبل امس كم وصل عدد الزوار...... وهذا وش يدل..... اكيد ابداع من يوم لاخر وانا معشش بالمنتدى بس اخاف يجيني احد المشرفيين ويقول وين الاجار

[c][gl]صدى الامس [/gl] [/c]
وش تسوي لو جاك واحد من الأعضاء وقالت هلا أختي صمت العيون بعد كل ما سويته من إعلانات وخرابيط .. وآخر ما سمعت أنك تبي تنزل إعلان في الجرايد على شان ترتاح ؟؟

شوف ما بقى احد ما قلتله حتى الهندي اللي يبيع خبز باخر اللشارع يقول هذا صمت في رجال ما فيه حرمه
بس واحد اللي بقى ولا هو عاقل اللي برد على اسئلته بعد شوي ولا ننساك موجود ضمن القائمه اللي باتمردغ في بطونهم


بصراحه هل وصلتك رسايل خاصة من بعض التماسيح تطلب التودد على بالهم إنك بنت وهم مايدرون إنك تمساح زيهم ؟؟ ووش موقفك يوم قريت الرساله (( طبعاً إذا كان فيه رساله <--- إحلف ))

اما هذي الحمد الله طلعت سليمه بس يا ليت جايتني وخاصة منك لافضحك بين خلقه جرب وشوف<<<<بس تتوقع تطلع مني هذي الحركه والا من الاعضاء

عطنا رايك في الأعضاء بكل صراحه :
البارق أبو 2000 .. سهل 555+333 <--- على قولة البارق .. أبو الذهب ... جاج ... باواو ... عارف الهلالي هو فريق الكاريكاتيرات <--- اللي مافيه إلا هو ..


البارق 2000ق.م >>>هذا اخاف منه ما عمري طلعت من بوابة المنتدى الا القاه يطامر وراي وبايده عجرا(عصا) حاط فيها مسامير.......ممكن تفزعون معي عليه
وتراء البارق لو شفتوه تراه نشمي وما عليه كلام

سهل555+333>>>>هذا انسان كتتتتتتتتتتير مهضوم وخاصة مع اللبن

ابوالذهب>>>انسان متفهم للحياة والدليل ان حاطه بالخامس ولا يلتفت وراء

جاج >>>>الظاهر وزارة الصحه والشرطه طبوا عليه وهو يكوي واحد مع علباته<<<مسكوه وهو متلبس يعني وهو يعمل الجريمه
بس ماندري متى يفكون اسره من زمان ما كوني مع علباتي

باواو>>>>احلى تمساح بالمنتدى واتحداكم تجيبون مثله

اما عارف >>>>قرينا الخبر اليوم انه بيترك المنتدى واتمنى ان يتراجع عن القرار وهو مبدع دائما


لو حصلك تمسك تفعيل إشتراكات الأعضاء وكذلك إيقافهم من أول عضو تبي توقفه ؟؟؟

اول واحد انت اوقفه.... بعدين شموووووووووووخ.... وكان ودي بالكنز من شان خاطر ام العيال هونت يعني الكنز موجود ما فيه طلعه.... وكذلك لا ننسى الجنرال فيصل وام عياله من شان يوقفون الزواج ويطلعون الاعضاء عوانس

[gl]نرجع لكم بعد استراحه بسيطه ونكمل الاجابات.............[/gl]

[c]تقبلوا تحياتي





[/c]

[c][gl]i.f.a[/gl] [/c]
الاخت العزيزه / صمت العيون

شكلك فيك عمى الووووووووووووووانما تسمع الشباب من اليوم يقولون اخوي......... رجع عيادة جاج للكوي وتحصل العلاج الفعال;) ;)


يزعجني تجاهلك للاسلئة التي طرحتها عليك( علما أنها في الصفحه الاولى ) و ما هو السبب لذلك ارجُ الرد على .

اسف يا اخوي ما انتبهت للرد واكرر اسفي

أولا : اتمنى لك التوفيق في الاجابه على أسئلة الاعضاء

الله يسمع منك

ثانيا : ما رايك في العضو i.f.a بكل صراحه .

والنعم فيك لكن المشاركات قليله والى الامام اخوي

ثالثا : من يقول الزين ما يكمل حلاه

******كل شي في حبيبي اكتمل

******الله اللي كمله و الله عطاه

****** ما بقي للزين في خلي محل

اذا ما خاب ظني هذا شموووووووووووووخ او ابو الذهب


[gl]نرجع لكمبعد استراحه بسييييييييطه ونكمل باقي الردود على اسئلتكم[/gl]

سؤال محرج..
ارجو الاجابه..
بسرعه ولا تتردد..



؟؟؟
؟
؟؟؟؟
؟
؟
اذا كان ماودك ترى عادي
؟؟
والله ترى عادي ..


كم مره تدخل الحمام في اليوم؟؟؟؟ ;)

[c][gl]سراب الدمع[/gl] [/c]

س: لماذا أنت بهذه الروعة ... وروحك يسكنها كل هذا الجمال ....؟؟

أهنأك بروعتك

احس انك قاعد تحش فيني عادي بس لا تعودها
واذا كنت قاعد تحش مشكووووووووووووور حبيبي على الاطراء تراني اصدق بسرعه بعدين يكبر راسي ولا اقدر اشيله عاد

[c][gl]شمــوخ[/gl] [/c]
هلا وغلا بصمت العيووووووووووووووووووووووون
ماشاء الله منوووووووووووووووووور المنتدى زي القمر ,,يحرسك ربي من العين
طبعا شهادتي فيك مجروحه

هلا وغلا تصدق انقهرت يوم انك كنت غايب عن المنتدى قلت بستضفوني وانت مو فيه يعني ما فيه من اسئلة الدجه والرجه والهبال
اما عاد منور هذي كثر لي منها ما نور الا بوجود الاعضاء هم النجفات(النجفه اللمه على الجدار طويله وبيضاء وتطلع نور <<<وش رايكم بالتعريف)وشموخ الكهرب
ومشكوووووووووووور على ترحيبك الحار

عاد حنبطل مجاملات ونيجي للجد
عندي شوية اسئله يحبهم قلبك
من اللي تتاكل بدون شطه

الحين مستأنس اول مره واحد يمدحني وبالاخير مجاملااااااااااات

س/ متى اجر مرة تصفقت على وجهك يعني انجلدت ؟واين؟ولماذا؟

منذو مبطي ما تصفكت ولا صفقت

س// جا واحد لمك وخلينا نفرض انه كنز وعطاك ظرف وقال هذا الظرف مكتوب عليه اسمك وما ادري من عطانياه ولما فتحته لقيت فيه شيك بمليون ريال قالك كنز اجل لازم تعطيني نصه ..ماذا عساك ان تفعل؟؟؟

بما انه خالي وجد عيالي وهو جاب المظروف اعطيه جزء من المهر والباقي ازين فيه مشروووووووووع العمراما مشروع العمر ماني معلم احد <<<يخاف من العين

س///بصراحه انا مره ماشي في احد شوارع الرياض وشفت واحد صحيح وعلى نياته و معه هوندا وقلت في خاطري والله ان هذا الرجال كنه صمت اروح اخش في عينه واقوله ..حتى انه نفس كلامك ونفس صوتك ونفس نسفت شماغك البرتقالي ..هاه وشس ردك انت اهو ولا لأ؟؟

صحيح وعلى نياته يمكن انا لاني انا دائما اباري الساس وعاقل وعلى نياتي
خشيت في عيني.....على فكره صوتي يشبه مزعل فرحان وبعض الاحيان يقولون انه يشبه باسكال...وشماغي برتقالي غلطان البس كوفيه (الشماغ الاسود)والثوب لونه بني بالصيف او الشتاء لون بني والبس زبيريه تصدقون يوم اروح لواشطن(بدا يتكلم بالرخيييص) جيت اركب الطياره قالوا الزبيريه ممنوع تسافر قلت ليه قالوا ايش يقول انه خطره على حيات العالم...نرجع للموضوع
لا مو انا في تشابه بالاسماء لكن لو ادري انك انت تشوف الزبريه الحقياها.... هالزبيريه استخدمتها الف مره 500دخلوا الانعاش 200 توفى بعد غيبوبه تتراوح ما بين سنه الى 10 سنوات 150 الى الان بغيبوبه 150 الحين فيهم عاه وشلل بقى 500 من الالف هذولاء الله يرحمهم برحمته.... شفت وش سوت الزبيريه....طبعا حرام اجدعها عليك بعدين يصير لك شي اقترح اني اتمردغ في حوض حوض حوض بطنك

س////من اقرب الناس لك غير والديك واخوانك من الاصدقاء يعني ..وهل تقوله أي شي يخطر على بالك ..ولماذا اخترته؟؟

وش كارك بمن احب افضفض وازين مسلسلات هنديه عنده(وش كارك بمعنى وش دخلك ) طيب اوكي حبيب البي(قلبي) اقول انا احب ازين الافلام الهنديه عند امي دائما اما ربعي مو دائما اقول الا اذا كنت ما اقدر اتحمل اكتمها في خاطري يعني اذا طقت نفسي وضاقت بي الدنيا وبعد تفكير وصراع داخلي قلتها لهم ودائما اتندم اذا فضفضة لاني احب اكتمها في خاطري....والاعزاء كثر والله يحفظهم

[gl]نرجع غدا لاكمال الاجابات ولكم خالص تحياتي [/gl]

أخوي صمت ...

عندي لك لغز /

ماهو الشئ الذي اذا أكلته اكلك ؟

ولك جائزه اذا حليته .....

اسفه على الاسئله البايخه ...
لكن ؟؟
ابسئلك؟؟
انت طويل والا قصير؟