[c][gl] HILALI17 [/gl] [/c]

1_ من هو شاعرك المفضل؟؟ وهل تحب ان تقراء الشعر ام تسمعه؟؟

هلا اخوي الشعر نحبه لكن غير متعمق فيه يعني غير متابع
اما من شاعري المفضل شاعر الانسانيه الاميرعبدالرحمن بن مساعد ومهندس الكلمه العربيه بدر بن عبدالمحسن ولا ننسى شاعر الصحوه او الامه عبدالرحمن العشماوي هؤلاء افضل ثلاث شعراء

2_ ايهما اعز على قلبك الكنز نواف ام بنته شهد الي هي ام عيالك مستقبلا؟؟

اجل بتورطني لا تخاف اخوك راعيها كلهم عزيزين لكن اذا سئلوني اجاوبهم (يا ليت ما يقرونها شهد والكنز )

3_ في اعتقادك ليش كثرت الحوادث في الاونه الاخيره ؟؟

اي حوادث قصدك اللي عند بوابة المنتدى...هذا سببه السرعه الزائده والتفحيط من قبل احد اعضاء المنتدى...

4_ في يوم قالو لك اختار شخص لتسليمه جائزة نوبل من تختار ؟؟

ليه اختار وانا موجود بس انت قلي متى يبون يوزعون الجواز وانا في الخدمه

5_ اي مادة كنت تفضل ايام الدراسه ؟؟ وماهي الماذة التي كنت تكرهها؟؟

الانكليزي هو الماده الاكثر حقدا ولا اواطن اسمعها وكنت اهج من الفصل اذا جاء درس الانكليزي
اما اللي احبها اكيد الوطنيه لان كانت الاخير ولا يجي المدرس وكنا نطلع على طول

[c][gl] كايدهم [/gl] [/c]

@ وش رأيك بالماء - السماء - الشمس - العيون - الهدوء ؟؟

الماء: والله الصراحه طلقه الماء خاصة الظهر تلقى عندي تنكة ماء وما غير اشرب
السماء: وش تبين اقول فيها خاصة مع الشاهي <<<فاهم غلط
الشمس: اذا جت الساعه 12 لا تطلع براء بيتكم الى الاذان العصر لانك بتنصلخ منها
العيون والصمت: عالم اخر ويا كثر ما تضيع فيها<<<وش رايك بالرومانسيه


@ كيف ترى واقعنا الاجتماعي ؟

اخاف اتكلم تطبون في بطني
طيب نتكلم كان عندنا واقع حلو بس الحين مهازل واستهتاريه <<<يسد هذا الكلام

@ كيف ترى البيئه والمحافظه عليها ؟؟

اما المحافظه على البيئه كثر لي منها
الواحد جنبه الزباله يرمي بجنبها ما يحطها بوسط البرميل ما ادري ليش هو عجز والا شي اخر
طيب نروح لطبيعه الخلابه روح للثمامه وشوف بعينك نظافه ما بعدها نظافه
قبل فتره طالع للثمامه وقاعدين نطلق الرجلين المهم والقى علبة ببسي متحجر <<<دليل على المحافظه
بمناسبة الكلامه على المحافظه على البيئه ندعوا الاخوان ترك المكان كما كان لو لم تتركه افضل مما كان<<<عاد يبيلكم ترجمه على الحكمه هذي

[gl]نرجع لكم بعد الفاصل الاعلاني [/gl]

الأخ الغالي صمت العيون ..

هو سؤال واحد أتمنى منك أن تجاوب عليه ..

- كثيرا ما نرى مواضيع رائعة في المنتديات من أعضاء مميزين .. ولكننا حينما نتعامل مع هؤلاء الأعضاء خارج إطار النت .. نجدهم على النقيض مما يكتبونه .. فارجوا منك تفسير هذا التناقض الغريب ؟

وشكرا لك .. وبصراحة أنك تعتبر من أفضل الأعضاء في المنتدى ..

ولك تحياتي ..

[c][gl] الوافي الهلالي [/gl] [/c]

س1/ ماهو شعورك وانت يعلن نباء خطبتك من شهد الدلوعه؟

كنت اخبر جالس على الكرسي قدام الجهاز لكن يوم قريت الخبر ما دريت الا و شي يصبخ راسي... من الفرحه قمزت وصبخ راسي الجدار

س2/ اسمك كامل بدون تشفير صالح كامل؟

ودي اقوله لكن اخاف اتعرض لمسائله قانونيه من طالح ناقص لانه احتكرها خلاص ما فيه امل يتركني الا اذا دفعتوا له

س3/ لو لم تدخل كلية الاتصالات اي كليه دخلت؟ وهل تحققت كل امانيك بالحياه؟


الله يعيني على فتح كليه للدجه والرجه

س4/ لو لم تكن صمت العيون من احببت ان تكون من الاعضاء؟

قصدك اختار عضو واخذ يوزروه
اكيد يا كنزوووووووووه والا شموخوووووووووووه

س5/ لو صحيت ولقيت اخوك الضغينون كاب مويه على جهاز الكمبيوتر يعني الجهاز راح فيها وش تسوي؟

وش رايك وش ازين فيه احد الامرين انتحر والا امسكه واعجنه عجن بعدين اخلطه بعدين اتمردغ في بطنه


س 6/ صمت العيون اسم يتردد كثير في منتدى الجواهر فهل يكون هو صمت العيون الي بمنتدى الزعيم؟

ما اعرف هذا المنتدى بالله لو سمحت عطني المنتدى هذا خلني اشوف واتمردغ في بطن اللي ماخذ اسمي...
على فكره الحقوق محفوظه لاسمي


لك مني كل التحيه مع تمنياتي لك بحياه سعيده وعمر مديد ويوفقك الله لما يحبه ويرضاه ويجعلك من عباده الصالحين.
قل امين ياخبل.

الله يسمع منك
بس خبل ذي قويه الله يرجك يا مهبول

[c][gl]أضواء الهلال[/gl] [/c]
طفولتك كيف كانت وبماذا كنت تحلم في هذه المرحلة؟

كنت عاقل الحمد لله بس كان فيها اثاره اما حلمي الكبير وتحقق بعد جهود مباركه من امي الحلم سيكل مقاس 24 وكان عندي 22 لكن 24 احسن وكنت ابيه يكون على الكفرات جنزير من شان التفحيط بالسيكل

ما البلد الذي ترك أثراً جميلاً في حياتك وتتمنى العودة إليه ؟

اما البلد كل جزء بالجزيره العربيه ودي ازورها لكن منذو مبطي ما رحت القصيم اما السفر خارج المملكه انا ضد السفر خارجيا <<<<اخس يا الوطني

من وجهة نظرك هل فعلاً استفاد اللاعب السعودي من الاحتراف سلوكاً واداء ؟

هذا السؤال يبيله موضوع كامل لكن اختصرها
الاحتراف عندنا فاشل لاسباب كثيره لا يمكن حصرها
ويطبق عندنا الاحتراف فقط من ناحية الماده
ادارات هواة ليس متفرغين بمعنى يجب ان تطبق الخصخصه لكي نرى نجاح الاحتراف


[gl]دخل الان وقت صلاة الظهر بالرياض نروح نصلي ونرجع نكمل لكم الاجابات [/gl]
[c] تقبلوا تحياتي





[/c]

هلا والله بصمت العيون

بغيت أسالك سوال واحد بس :-


وش ردة فعلك اذا لقيت واحد من الشباب راد عليك في موضوع

(( مشكورة أختي صمت العيون )) 0 وهل مازلت تعاني من هذه العقده

وشاكر لك 0
أخوك/ حبي سامي

[c][gl] ابو الذهب [/gl] [/c]

سؤال يتدحرج من اسفل الجبل الى اعلى القمه

ليخ ما خليته يسبح بالبحر احسن

السؤال الاول :
لو قدر الله عليك وصرت محامى سؤالى اذا جت العطله طبعا بيقل الشغل هل تفكر فى طرح تخفيضات يعنى حلاقه الراس بدل عشرين تصير بخمسه والدقن بدل عشره تصير ببلاش

اما هذا السؤال يبيله تفكير مده خمسطعش كرتون بردقان بس اختصره
اذا صرت مدير شركه واشتعل السوق ارفع الاسعار واخلي طبق البيض بخمسه بدال ما كان بعشره<<<(الحين بكم سعر طبق البيض من زمان ما رحت اشتري بيض) وابيع تنكة الكليجا بخمسين بدال ماكان بستين

السؤال الثانى :
يقال ان صمت العيون طويل مرررررررره هل صحيح انهم استخدموك ايام حرب الخليج
كبرج للمراقبه

لا تذكرني بذيك الايام كان صدام يرسل صواريخ علي من شان ما اشوف وين متغبي والحمد لله طلعت منها بخير وعافيه

السؤال الثالث :
هل كيف تمت صفقت تسجيلك فى نادى ( اكبر مافينى عيونى ) للدرجه الخمسطعش
وهل صحيح ان قيمه العقد كانت عبار عن سيكل 24 وفسحه ولد رئيس النادى

والله طلع النادي نذل تصدق جبت خمسطعش هدف في حارسنا ولا عطوني لا السيكل ولا فسحة ولد الرئيس والله قهر
وانا الحين ادور غيره والان نادي (اموت بالصمت موت) يفاوضني يقول انت كبرت ولا نقدر نعطيك الا سيكل 26 يعني احسن من 24 بس فسحة ولد الرئيس مو معطنيها بس اهم شي اني اخدم النادي

[c][gl]Daredevil [/gl] [/c]
1- هل تصدق بمقولة أن الأرض تلف يعني تدور حول نفسها ؟؟؟.

هلا ابو ساره
يقولون تدور وتقول (فتحيه ورده ) لكن اذا تبي تاخذ رايي وبما لي خبره وعايش طول عمري بالارض اتوقع انها تخمس على نفسها وبعض الاحيان تعقد وتنطل

2- هل تصدق بأن الأنسان وصل الى القمر؟؟؟..<=== وش اللي حاذف ذا على الجغرافيا...اببلشك صح.

ما دريت يقولون انها مو القمر اللي راحوا لمها يقولون انهم بالقطب المتجمد الشمالي بالصيف

لك صدقني مالقيت غير هالسؤالين

اما اسئلك يدل على انك كنت دافور بمادة التاريخ والاسئله جايبها من بين السطور من كتاب الرياضيات

[gl]نتركم مع نشرة الاخبار الرئيسيه ونرجع لكم بعدها ونعطيكم باقي الاجابات[/gl]

[c][gl]الهلاليه وللابد [/gl] [/c]

أولاً : هل أنت مشترك في منتديات غير الزعيم ؟؟

مشترك في منتديات كثييييييير ونصها ناسي كلمات المرور,,,بس انا اكثر شي موجود بالزعيييييييييم

الثاني:ماهو أطرف موقف حصل لك في حياتك اليوميه وفي المنتدى ؟؟

المواقف كثيييييييييييييييييره ونصها فشيله يعني فشيله اقولها لكم
لكن اضغطي هنا وشوفي هذا الموقف اللي حصل لي مع الزعيم اما الحياة العامه عندي كم موقف بس قويه وفشيله واعطيكم شي وهو ايام الثانوي وكنت عاقل قدام المدرسين امام مع الطلاب كنت نوعا ما رجه
وكان فيه حصه فراغ وفاضي وكان لي زميل بالفصل الثاني وكان فيه مدرس فل كامل بالرجه (مدرس احياء واحد المدرسين المحبوبين وكنا ننتظر حصته رغم ان الماده ممله لكن المدرس خلنا نحب الماده الله يذكره بالخير) المهم من الفضوه بالفصل طلعت الجوال وما غير ارسال رسائل كلها هبال وكان احد الرسائل اقول فيها( قلت ها...وش فيه مدرس الرجه وش مزين.....وكلام مشفر) والا الاستاذ قاعد يقراء الرسائل على الطلاب ويسئل زميلي منه هذا اللي يرسلك قال واحد برى المدرسه
قال المدرس طيب كيف عرف اني عندكم وينحرج ويقول انه انا و يناديني ويقعد يقراء الرسايل وانا ما ادري وش اقول له لاني كنت عاقل قدامه

الثالث :
عالم الإنترنت عالم كبير جد .......

ماذا أستفدت منه ؟؟؟

وماهي نصيحتك لمن يستخدمة ؟؟؟


يبيله موضوع كامل لكن نجاوب على حسب المساحه
االنت وسيله او شبكه كبيير في ما هو مفيد وفيه ما هو غير مفيد وفيه الصالح وفيه الطالح من المواقع...
اما استفادتي منه لم تكن بالشكل المطلوب والمفروض...
اما نصيحه لكل من يستخدم النت الا يجعل يومه كله على النت ولا يؤجل اي عمل لانه فيه اضاعه للوقت....
واهم شي الصلاة لاني كثييييير ما انتبه لدخول وقت الصلاة وتضيع

الرابع :1_ طموحك من الحياة ؟؟ _ طموحك من المنتدى ؟؟

طموحي الحياة: لكل انسان اماني كبيره لكن لا اظن تحقق ولا في الحلام لكن هناك اماني تعتبر معقوله وهي ان اكون شخص غير مندفع الدنيا كثييييييير
اما طموحي النت لا اعتبره طموح لكن امنيه وهي ان نرى مواقع تكون دعويه للشباب بمعنى تكون تربويه لان هذا المواقع قليله وبل نادره ونجد المواقع الترفيهيه والمنتديات اكثر

الخامس : وش رايك بالهلاليه وللأبد بكل صراحه ؟؟؟؟؟؟؟؟

الشهاده مجروح فيك... لكن ماشاء الله عليك لكي بصمه في المنتدى وننتظر ابداعاتك ومشاركات....لو رجلك على المنتدى قصيييييييييييييره
واشكر على الاسئله وكان فيها الصعوبه ولكن بنفس الوقت حلوه

[gl]اما الان نتركم مع برنامج الاتجاه المتواجه ونرجع بعد نهاية البرنامج[/gl]

[c] تقبلوا تحياتي





[/c]

[c][gl]الجنرال فيصل [/gl] [/c]

هلا حبيب ألبي وروحي ونائبي وصديقي صمت العيون :sad:
تصدق آني قطعت الاتصال عشان أسائلك كل هالاسئله بس لازم تجاوبه كل ابوهااا
واقطع الاتصال آنت بعد علشااااااان تروق
شكل ما أحد سال عقبي أني ما بقيت ولا سوال آلا سألتك


اما انا روحك يا ليت كان على طول اطلع من شان ارتاح منك
اما صديقي والله والف نعم فيك وتشرفني اني اكون صديق لك
اما الاسئله والله لو اني ذابحك او ذابح ام عيالك تسالني ذولي كلها
بعدين ليش تقضي الاسئله على الاعضاء

1/ وش رأيك فيني وان قلت آني موب زين ولا حبوب يا ويلك ؟؟؟؟؟؟؟؟

اما انت زين كثرلي منها تراك شيفه بس انك اطخم شين بالمنتدى

2/ وش رأيك نعرس آنا ويااااك في يوم واحد اقل للخساير ونقط موب احسن ؟؟؟؟؟

تزين فيني خير انا بلشت مع خالي كل يوم طامر يبي المهر وانت تعرف حالتي حاله....اذا خلينا العرس مع بعض تقل المصاريف.... واذا تعرف احد بيعرس اعزمه يعرس معنا
بس انا راعيها جايب المهر جايبه

3/عدد ثلاث اعضاء مهضومين كتير

يا حبك للاحراج كلهم حلوين نحبه ومهضوميييييييييين كتتتتتتتير
وانت من ضمنهم

عدد ثلاث مشرفين مهضومين كتير ؟؟؟؟؟؟؟؟ وهقتك

اغلب وقتي بالعام يعني وهم ثلاثه وكل المشرفيين ما حطوهم الا انهم مهضوووومين بعد مع قارورة بيره

4/ 1+1 كم يساوي لو ان الناتج لايساوي اثنين ؟؟..... الله يذكره بالخير اخوي سليمان

تصدق ودي احد يسألني هذا السؤال من ينسى سليمان الله يذكره خير وجعله يرجع لنا واللي يعرف سليماااااااااااان يبلغه سلامي وتحيااااااااااااااااتي
اما اجابة هذا السؤال حسبتها طلع 1.5 لان الواحد الثاني مغشوش فيه مو اصلي

5/لو جاك واحد واتهمك بتفجير مبني التجاره مع اني داري انك من جنبها
المهم قالك انت بتموت ولك طلب اخير وش بيكون طلبك ؟؟؟؟؟

امنيه اخير والله ادام السؤال جاء منك وموهقني فيه
ماني متمني بس ابي اوهق معي واقول انت اللي معي يوم نخطط على التفجير والماريه ان اسمك جنرال

6/ افترض انك جاي من الكليه تعبااان وتوك حاط راسك وما دريت الا الكنز نواف طاق عليك الباب وش تسوي؟؟؟

اذا جاء وانا ابي انا انام اقلطه بالمجلس واقفل عليه وادخل انام وخله ما احد قاله يجي والناس يبون ينامون

7/لو صرت مشرف على منتدى وما فيه إلا انا وشهد وش تسوي؟

اذا صرت مشرف ما غير اتقعد لك ما اخليك تكتب مواضيع وابهذلك اما شهد اثبت كل مواضيعها وقل عندك مانع

8/
سؤالي ماذا يعني لك كلا من

1)البردقان
2)امك
3) باور هاورس
4)شبكه الزعيم
5)الرقم15
6)الصناعيه


البردقان احد الفواكه لا تخلو منها السفره....
امي هي نظر عيني واغلى ما في الكون
باور هاورس وععععععععععععععععععععععععع بايسن احلى
شبكة الزعيم شي طبيعي ادمان علبيها كنها .........ما افارقها
الرقم 15 احسن رقم ويدل على التسحيب
الصناعيه والله انت تحب الذكريات الشينه الا لا يعودها من ذكريات



9/ وش رايك بتوقيعي وماذا يعني لك ؟؟؟؟؟؟؟

توقيعك الاول اللي كان فيه صورتك انت والعنود يوم انكم صغينونين حلو بس ما يصلح تطلعون صوركم قدام العالم يحسدونكم خاصةً واحد وانتم تعرفونه
اما الحين في خالد عبدالرحمن برضوا حلو وهو فنان ما عليه كلام مو فنانين اخر زمن زي شبيه الرجال جواد

[gl]فاصل اعلاني ونرجع نكمل الاجابه على اسئلة جنرلووووووووه اللي ما تنتهي[/gl]

[c] تقبلوا تحياتي





[/c]

[c][gl]تكملة الاجابات على اسئلة الجنرال[/gl] [/c]
جينا عاد بالجد بعيدا عن الاسئله المرحه ........ يعني لا تستهبل .. وبدون تصريف ولا صهرريج .... مفهوم


ابشر من عيوني يا احلى شين بالمنتدى

1/
ما اشوف مشاركاتك الا بمنتدى المجلس العام .. وش السبب ؟

ليش قاعد فوق راسك امزح سبب احتفظ فيه لنفسي

2/
موضوع قريته وتمنيت انك كاتبه ووليش ؟ والعكس

اي موضوع مكتوب لا احسد راعيه لاني لو كتبته انا او غير فهو للجميع والله يهني راعيه فيه

3/
لديك ثلاث باقات ورد لمن تهدي هذه الباقات ؟ لاتنسااانا

خلها ست الاولى عامه والاخرى خاصه
القسم الاول غير مخصصه:
لادارة المنتدى والمشرفيين
والثانيه للاعضاء المنتدى وزواره
والثالثه لجماهير نادي الهلال
اما المخصصه
الاولى لاننسى اغلى شخصين على هم الوالدين
الثانيه لام عيالي شهد ووجد عيالي كنزوووووووووووه
والثالثه لاحلى شين بالمنتدى جنرلووووووووووووه

4/
احد مواضيعك الرائعة والتي لا تزال صدى حروفه في نفسك ؟؟

كلها له صدى ولا اقدر احدد ايهم التي لها صدى اكثر لو ان اغلبها ما لها داعي

5/
لماذا لا اراك تشارك معنا في منتدى يوسف الثنيان؟؟؟

مشكوووووووور على العزيمه وعلى فكره امس سجلت فيه واليوم اتاني رسالة تفعيل الاشتراك وبمشية الله نشاركم في منتدى النمر

6/
ماذا يعني لك يوسف الثنيان ؟؟؟؟

ما ادري تنجب الملاعب مثل لا اظن لاني احببته من قلبي هذا الاعب المشاغب بكل كلمه ويعرف متى يسجل والكل يستمتع بتسحيباته واكيد شهادتي مجروحه فيه الله يصبر الملاعب على فراقه

(ملا حظه اخيره ****
الاغنيه اللي انت حاطها غاثتني دورلك صرفه اما شلها او خلها تشتغل عندي)
مو اغنيه يا شين هذا شعر وما ادري ليش ما تشتغل عندك لكن هي تشتغل عندي

[gl]نرجع لكم بعد الاستراحه البسيطه[/gl]
[c] تقبلوا تحياتي





[/c]

[c][gl]المسلم[/gl] [/c]
1\ الم تفكر بعد اختيار الاسم او اليوزر بمعنى اصح ان الاعضاء سيفتكرون انك بنت؟

لا والله ما فكرت لكن طلع فيني الشيب منكم

2\ ماذا استفدت من النت بصفة عامة والمنتديات بصفة خاصة؟

فيها ماهومفيييييييييييد ومنها ما هو غير مفيد لكن في منتدانا اجل فيه الكثير من المعلومات والافاده

3\ هل انت متزوج ؟ وكم عدد الابناء اذا كان نعم؟

توني صغييييييييييييييييييييييير يالحبيب وين متزوج عمري الحين 19سنه ولا اظن اللي ما تزوج تلقى عنده بزرررران

4\ البطاقة الشخصية؟

تحصلها بالرد على ابومحمد في الصفحه الاولى

5\ مواقف طريفة مررت بها؟

كثيييييييييييييره المواقف وشوف ردي على الهلاليه وخذ هذا الموقف من ايام الثانوي ايضا
(اذاشفت الموقف اللي رديت عليه بالهلاليه كنت اتكلم عن مدرس وهو حبوب ومن افضل المدرسيين وفل كامل بالرجه يدرسنا احياء بس عيبه يشجع النصر) وكانت في مبارات للهلال ضد الطائي بس ناسي وش المناسبه بس ما كان يبي يفوز الهلال (وكانت الفوز مهم للهلال واذكر النتيجه كانت للهلال الظاهر يا خمسه او سته واذكر من اللي سجلوا الاهداف الجمعان والعلي)
المهم كان معنا رقم جوال المدرس المهم ارسلنا له رساله على جواله قلنا( هذا الخامس او الرابع وبيجي هدف واللي يبي يجيبه الجمعان) المهم ما كملت الرساله نص دقيقه او اقل والا والهدف جاء والمفاجأه اللي جابه الجمعان
ويتصل ما تكلمت لكن قال لي (اصبر يا سليمان يوم السبت اوريك شغلك)
وانا الصراحه قلت رحت فيها ويجي يوم السبت واروح وانا انتظر هذي الحصه وكلي خوف منه يهاوشني قدام الطلاب المهم يدخل الفصل و يلتفت من جهتي وعينه شر ويضحك يقول اصبر يا سليمان شغلك معي انثره يقصد واحد من زملائي اسمه سليمان وراي بالضبط يجلس وحسبته اول شي يقصدني لكن يوم قال هذي المره الثانيه قلت الرجال راح فيها
المهم الرجال قلتله السالفه ورحنا للاستاذ وقلت للاستاذ كل السالفه ويسامحني وخوي قعد يتشكر فيني وانا ودي جاحده من شان انا حاقد عليه

6\ بكل صراحة هل تتزوج من بنات النت؟

النت فيه الصالح والطالح وانا اذا جيت اتزوج ما انظر الا لاخلاق المراءه اولا وتدينها و لا اعتقد ان كل من يدخل النت يكون طالح

7\ هل تسمح لزوجتك ، بنتك ، اختك الاشتراك بالنت والمنتديات؟

اذا كان لشي مفيد ليش امنعهم

[c] تقبلوا تحياتي





[/c]

[c][gl] الملكه [/gl] [/c]

انا عندي لك سؤال مهضووووووووم ..وابيك تجاوبني عليه ..

الحين كل ذولي وسؤال اجل لو انه خمسة اسئله وش اسوي

1+1 كم يساوي اذا كان غير اثنين؟؟؟؟؟؟؟؟؟؟؟ خخخخخخخخ هذا السؤال نيابة عن سليمان لانه مو موجود..

سبقك جنرلوووووووووووووووووه لكن هذه الاجابه
تصدقين ودي احد يسألني هذا السؤال من ينسى سليمان الله يذكره بالخير وجعله يرجع لنا واللي يعرف سليماااااااااااان يبلغه سلامي وتحيااااااااااااااااتي
اما اجابة هذا السؤال حسبتها طلع 1.5 لان الواحد الثاني مغشوش فيه مو اصلي

قبل لاتجاوب على اسألتي اشرب لك عصير ليمون تهدأ اعصابك..

والله كل الاسئله قويه وصعبه وقاعد افكر فيها والله يعيني عليها لكن قالوا المشرفيين لي الحق عدم الاجابه على الاسئله اجل ماني مجاوب
اوكي خلاص نجاوب

1_مااجمل شئ بالحب...؟؟؟؟؟؟وما تعريفك للحب .......هل هو وهم او سراب يضيع عمرنا بحثا عنه ...وبالاخير نصدم بانه سراب ؟او هو حقيقي وموجود؟

اعوذ بالله من الحب يوجع الضروووووووووووس وادمن على طول عليه
اما اذا كان قصدك الحب الثاني
الحمد لله ما احب الا ماما وبابا وعصير الواحه<<<متأثر بالـMBC FM
اجمل ما في الحب الاحساس الصادق وينبع من القلب <<<يلعن ابو الرومانسيه
اما تعريفي للحب هو شي بسيط لكن هو كبير بنفس الوقت يطلع من القلب يكون حمله كبير للصادق<<<<يا حليلك يا صمتووووووه من جد انك من جنبها بالرومانسيه
ولا اعتقد انه وهم لكن يوجد المصطنع ويوجد الحقيقي ويظهر من القلب وهذا نادر الوجود


2_أمنيه تتمنى تحقيقها وتسعى وراءها....

الاماني كثيييييييييييييره لكن شوفي ردي على الهلاليه الى الابد وهو ان اكون غير مندفع للحياة الدنيويه

3_-نصيحه توجهها لاعضاء المنتدى....

نصيحتي للاعضاء اتمنى ان يأخذوها بصدر رحب
الا يكون النت سببا لتأجيل الاعمال ورفض طلبات الاهل وانت يكون عونا لك ولا فرعون عليك

4_شــخص لا تخجــل من البكــاء أمــامه . من هو ؟؟؟؟؟؟

البكاء شي صعب عند الرجال لكن لا انسى اليوم اللي بكيت فيه حرقتا على فراق جدي رحمة الله عليه وبكيب على يد والدي هذا اليوم الذي بكيت كالطفل وكدت انهار لما سمعت خبر وفاته ....وفاته كانت مفاجئه وكان في يوم فضيل وفي شهر فضيل وفي مكان فضيل الله يرحمه ويسكنه فسيح جناته

5_رساله بها عتاب لمن توجهها؟؟ الان يعني مافي تأجيل خخخخخ ..

الى من كل من قصر في واجباته وحقوق الاخريييييييييييييين اتمنى مراجعة نفسه

6_من مثلك الاعلى ..؟؟؟

جدي هو مثلي الاعلى

7_لديك باقه الان من الورود البيضاء التى تدل على الصفاء والنقاء ؟؟؟ لمن ترسلها!!!

جاني هذا السؤال لكن ما يمنع نغير في الاجابه
الاولي: بما انتي اللي طرحتي السؤال نهديك الاولى
الثانيه:لام عيالي شهد
والثالثه لكل من احببت

8_كلمة تود قولها ولك حرية التعبير فيها ماذا تقول ..؟؟؟؟؟

لكل من يتكلم في النت ويتهجم على الاخرين اذا كنت في مأمن من اللي تهجمت عليهم فلا تظن ان ربك غافل عنك

مارأيك بـ هؤلاء الاعضاء,,,,الفيروسه الزرقاء _ الهلاليه وللابد_ نجمة الابداع_ الماسه الزرقاء_ العنود_ الهلالـ الملكه ـيه _ شهد الدلوعه _ الملكه ..؟؟؟وعذرا لما لم اذكر اسمه لان هذول الاسماء اللي في بالي ..
كلمه اخيره كلمة شكر لمن تحب ان تهديها ..؟؟؟؟

الفيروسه الزرقاء والماسه الزرقاء والهلالــ الملكه ـــــيه والملكه
جميعكم مبدعات لكن في الاوان الاخير ظهوركم قليل ولكم بصمه في المنتدى ومنورين المنتدى...وشهادتي فيكم مجروحه
الهلاليه للابد هذي المره الثالثه ولا يمنع نقول انها مبدعه
العنود ما اقدر اقول فيها شي يجيني الجنرال ويتمردغ في بطني لكن نشكرها على الاعمال الانسانيه (لانها خطبت لي)
شهد الدلوعه وش نقول فيها ام عيالي منوره منتدنا.... شهادتي مجروح فيها

كلمه اخيره كلمة شكر لمن تحب ان تهديها ..؟؟؟؟

اهديها لكل من نتشارك في هذا المنتدى الرائع
الله لا يحرمنا منكم ويدوم بيننا التواصل والمحبه

[gl]نرجع لكم بعد راحه بسيطه واكمل الاجابات ترقبوا الرد على باقي الاسئله[/gl]
[c] تقبلوا تحياتي





[/c]

هلا اخوي صمت العيون...
حبيت أسلم عليك وأعطيك بعض الاسئله ..

تفضل الأسئله..

أين تجد السعاده الحقيقيه؟..
هل أنت من محبي قراءة الروايات وإن كنت كذلك فلمن تقرأ؟..
بعض الشباب يرفض إستخدام الفتاة للنت ... ماالسبب من وجهة نظرك؟..
لو قمت برحله على نهر الدانوب .. من سـتأخذ معك في رحلتك؟..
ماذا يعني لك القمر؟..
كيف تصف مقدار حبك لشبكة الزعيم؟..

مع خالص تحياتي لك وللجميع

[c][gl]الزعيم ابو خالد[/gl] [/c]
اسالتي خفيفه كتسالي ....

مو برنجز اخف من تسالي ولا بعد في منه حار

// موقف طريف حصل لك؟؟؟؟؟؟

شوف اللي في ردود على اخوي المسلم والملكه فوق

// وش سيارتك؟؟؟؟؟؟؟؟؟؟؟؟؟؟؟

ما احب السيارات افضل السياكل وخاصة مقاس 24 واذا 26 افضل وانا الان املك مقاس24 تبي نقط على 26

كم رقم جوالك؟؟؟؟؟؟؟؟؟؟؟؟؟؟؟؟؟خخخخخخخخخخخخ

رقم جوالي وش تبيبه

طيب خلااااااااااااااااااااااص شكلك انحرجت



رقمي يا طويل العمر
















053*******
ولا تصدق اني باعطيكياه

حكمتك المفضله؟؟؟؟؟؟؟؟

اهم شي الاخلاق

شاعرك؟؟؟؟؟؟؟؟

الشعراء المفضليييييييييييييييييييييييييييين
مهندس الكلمه العربيه الامير بدر بن عبدالمحسن وشاعر الانسانيه الامير عبدالرحمن بن مساعد وكذلك شاعر الصحوه عبدالرحمن العشماوي

[c][gl] الشاعر الحسام [/gl] [/c]

1- صمت العيون الشباب تقريبا كلهم اول ماتعرفو عليك يحسبونك بنت وش تقول في نفسك قبل ترد عليهم في المنتدى

شعور اي واحد واحد متحطم افكر بس احصل بيت هذا الشخص واروح اتوطأ في بطنه

2- من اي مدينه تتكلم معنا الحين

قاعد اطامر في الرياض

3-ما افدت المنتدى الى الان وتطمح انك بتسويه للمنتدى بعدين

والله محرج هذا السؤال لكن نجاوب ليش لا
والله ماذا افدت المنتدى ما اقدر اقول لك لاني مو انا اللي احكم الاعضاء هم اللي يحكمون

6-من اقرب واخ واخت لك في المنتدى وتتمنا انه تتواصل معه دائما (طبعا غيري )

والله كلهم اخوان وعزيزين على القلب وكثيييير متواصل معهم عبر الماسنجر واللي يبي نتواصل معاه...ما اقول الا حياه الله والشاهي والقهوه جاهزات

4- تم تعيينك في لجنة الاخت العنود هل تقبلت التعيين لم لا

والله هذي الايام مشغول بالحرب واذا فضيت ان شاء الله ما اقصر معكم

5-وش رايك بالتوقيع الي تسويه لك يا عزيزي الكريم

مشكووووووووووووووووور ويعطيك الف عافيه اخوي وما تقصر يالغالي


[gl]نرجع لكم بعد اخذ غفوه بسيييييييييييييييطه يعني بانام و نكمل الردود غداً ولكم الف تحيه واللي يبي يسأل الباب مفتوح وغير مشفر[/gl]

متى توفى صلاح الدين؟

من قاد غزوه خبير؟

متى بدات تشجع الهلال؟؟

وش رايك بوجود البنات فى المنتدى بكل صرررراحه؟؟

اش تعنى لك الكلمات ثلاث...صمت العيون.....الصدق.......الحب...؟

وش رايك الامير سعود بن تركى؟؟

هلا أخوي صمت العيون

س1/ كيف ترى مشركات المتندى في شبكة الزعيم؟ .


س2/ ماشعورك في منتدى الزعيم؟ تحياتي لك ولكل متدى الزعيم وهذا تصميم لي متدى الزعيم

صورة مرفقة

êُميم لي çلٍْيم.jpg‏ (28.0 كيلو بايت, عدد المشاهدات » 6)

هلا وغلا بصمت العيون ..

وش تسوي لو جاك واحد من الأعضاء وقالت هلا أختي صمت العيون بعد كل ما سويته من إعلانات وخرابيط .. وآخر ما سمعت أنك تبي تنزل إعلان في الجرايد على شان ترتاح ؟؟

بصراحه هل وصلتك رسايل خاصة من بعض التماسيح تطلب التودد على بالهم إنك بنت وهم مايدرون إنك تمساح زيهم ؟؟ ووش موقفك يوم قريت الرساله (( طبعاً إذا كان فيه رساله <--- إحلف ))

عطنا رايك في الأعضاء بكل صراحه :
البارق أبو 2000 .. سهل 555+333 <--- على قولة البارق .. أبو الذهب ... جاج ... باواو ... عارف الهلالي هو فريق الكاريكاتيرات <--- اللي مافيه إلا هو ..

لو حصلك تمسك تفعيل إشتراكات الأعضاء وكذلك إيقافهم من أول عضو تبي توقفه ؟؟؟

تحياتي أختي صمت العيون