.

صباح الخير على الجميع

إقتباس الرسالة الأصلية كتبت بواسطة marsal يا الله حيه ..

هلا مرسال .. هلا بـ نصير الشعب و المظلومين
سجلني معجب .. مع اني اختلف معك في بعض الامور .. بس ما يمنع اني اقول انك من الاعضاء المحببين لي خصوصاً في الجانب السياسي .. او على قولة واحد الله يستر عليه .. مجال خط النار

إقتباس س1/ الا تعتقد أحيانا أننا أغبياء مجانين نضيع اعمارنا وشبابنا في الكرة ؟؟

والله يا غالي شف باقولك شي .. الانسان يجيه اوقات فراغ في حياته .. يشغله بالكورة متابعة او ممارسة ما تفرق احسن من انه يشغله بشي ثاني يمكن يكون فيه ضرر عليه .. يتابع كورة احسن من انه يتابع افلام او اغاني مثلاً يعني .. يجلس بالبيت يشوف مباراة احسن من انه يطلع يهجول وحبتين وتربتييييييييت

إقتباس س2/ ممل المشرفين او لنقول الاعتذار عن المنصب ...ما الاسباب برايك ؟؟

حسب الشخص نفسه .. ممكن تكون ظروف او عدم قدرة على العمل اما بسبب ارتباطاته او بسبب عدم قدرته على القيام بأدواره الاشرافية على أكمل وجه .. وممكن يكون الجو ما يساعده .. يعني ما ارتاح .. وكل واحد و تفكيره و ظروفه و راحته ..

إقتباس س3/ما رايك بالطلاق الصامت ؟؟ وما هو الحل المناسب له ؟؟؟

اذا كان قصدك بالمتزوجين وماهم متزوجين حسب اللي فهمت .. فرايي ما راح يختلف عن راي اي واحد اتوقع .. الرجل بهالحاله ما راح يكون سعيد .. والمرآة بتعاني مع هالزوج والمحصلة مشاكل مالها اول ولا لها آخر .. الحل المناسب المصارحة وان لم تنفع كل واحد يشوف طريقه افضل للطرفين .. كـ رجل حرام تظلم البنت وتظلم نفسك معها بعد ! .. فيا إما إمساك بمعروف .. أو تسريح بإحسان افضل للطرفين

إقتباس س4/ ايش رايك بالمعلمين ..؟؟

أكثر ناس مدلعين .. و أكثر ناس يشتكون
شرفت مرسال .. سعيد بتواجدك

إقتباس الرسالة الأصلية كتبت بواسطة BaRiO احبك اعشقك حتى الثمآله انا مجنون فيك سؤآلي : في منتديات تشآرك فيها غير الزعيم .. وهل عندك صفحآت في النت لوق والفيس بوك ؟! بس ياخلفهم ,

يالبيه بس .. فديت قليبك يبو حميد
وانا احبك بعد واحب خالك بعد
مشارك بمنتدى ثاني بس بشكل متقطع .. اما النت لوق و الفيسبوك انا ما اعرف الاشياء اللي تتكلم عنها هذي .. لا والله لا عندي صفحات فيها ولا هم يحزنون .. ياخوك ما هضمتها كلش مدري ليه .. تجيني غلقه ياخي .. فيه واحد عندي بالدوام بس متكي بالفيسبوك لقبه راعي الفسفسة .. ما أحبهن والله .
سلملي على تركي و سيّر دايم

إقتباس الرسالة الأصلية كتبت بواسطة Blue Sun هلا والله هلالي موووت .. ما شاء الله عليك اشوف كل اصحاب السوابق يشيدون فيك وبتعاملك واخلاقك .. مشكلتي انا مو راعي مشاكل .. ولا كان شبكت اعضاء مجلس الادارة ..

هلا بك ابو صن
الله يسلمك ويبارك فيك انت وكل مدح وان شاء الله اني استحق هالكلام .. و عز الله انك صدقت .. انت من خيرة الاعضاء ويكفي دماثة خلقك اللي الكل يشهد فيها .. الله يبعدنا وياك عن المشاكل على طول ان شاء الله

إقتباس س1/ الصيدلي هل يعتبر دكتوور ويطلق عليه هاللقب والا لا .. ؟!

سؤال ذكي بصراحة اهنيك عليه .. اللي اعرفه فيه دكتور صيدلي وهاللقب يطلق على الصيدلي الحامل لشهادة الدكتوارة في الصيدلة (الله يرزقنا ) .. يعني كمسمى ايه .. وفيه صيدلي استشاري .. هذي حسب معلوماتي المتواضعة .

إقتباس س2 / بحكم تخصصك .. فيه علاج فعال للارق وما يسبب الادمان .. ؟! << يعاني من جد ..

شكلك حبيّب .. شف وانا اخوك الارق مشكله بس تقدر تتجاوزها .. الادوية خلها اخر شي .. أكثر من الذكر .. جرب تقرا قبل تنام .. لا تشرب منبهات قبل النوم .. بالنسبة للعلاج اليانسون كانك تعرفه اشربه قبل تنام بنص ساعة يساعد على الاسترخاء و النوم الهادئ .. والا كوب لبن مع ملعقة عسل على كيف كيفك واذا ما تحب اللبن جبلك علبه حليب السعودية وحطها على النار دقيقتين مع ملعقة عسل اخلطها وبالهنا و العافية .. او عصير جزر مع تفاح .. بالنسبة للعقاقير مافيه شي ما يسبب إدمان بالذات في الادوية النفسية .. الاستخدام الطويل يخليك تدمن عليها .. واصلاً غالب الادوية اللي من هالنوع يسمونها مضادات هيستامين وهذي منومة اقرب من انها تكون علاجات للأرق .. اعمل اللي قلت لك وقلي وش يصير معك

حياك الله اخوي بلو .. شكراً لمرورك

.

إقتباس الرسالة الأصلية كتبت بواسطة حتى ظلالي هلالي م كـ ا ن ي = $ راااجعين لكـ يا احمد راجعين :P ان شاء الله ق1 .. بآآآآآآآآآكـ كبر مدري كثر مارفع ضغطي عبدالله الهلالي ليتنا فالتين النصراويهـ عليهـ مو حسافهـ فيهـ الا عايلتهـ وقسم ومبروكـ التاهل دامنا في طاري الهلال خلنا بآخذ رايكـ / مقدار تفائلكـ بكأس اسيا هالموسم ..؟! كونها عصتنا كثير أنا عن نفسي احس متفائلهـ كثيييييييير بس يبي لنا شوية راحهـ

هلا بالبرتقالية .. حياك الله حتحت هانم
تسلمين من طيبك .. بالنسبة للهلال متفائل ان شاء الله بس انا فيه شي مستغرب منه .. اللي هو مستوى الفريق في بطولة اسيا وفي استاد الملك فهد بالتحديد .. الفريق احس فيه حموضة بمباريات هالبطولة بس ليه مدري ؟! .. لكن عموما ان شاء الله الفريق يمديه على البطولة عندنا كل الإمكانات ويبقى التوفيق من عند رب العالمين .. الله يكتبها لنا .. وحشتنا بطولتنا

إقتباس نروح للعالميهـ سؤال متأخر شوي لكن توهـ طرى على بالي يوم شفتكـ برأيكـ الشخصي .. هل تأثر المانيو بانتقال كيرس ..؟ والا كيرس هو الي تأثر بانتقالهـ للريال ..؟

سؤال صعب .. كيرس على قولتك لاعب كبير هذي ما فيها نقاش .. وكان نجم الفريق الأول .. مسأله انتقاله كانت متوقعة واصلا هو يبي الريال .. وشخصياً ما ودي يبقى لاعب في الفريق وهو يبي فريق ثاني .. تأثر الفريق بالبداية فقط .. لكن في المجمل ما كان له ذاك التأثير الكبير .. انا اشوف الفريق تأثر بإنتقال تيفيز أكثر منه بصراحة ! .. هو ما تأثر .. بس فقد السير اليكس وهذا شي انا متأكد منه

إقتباس - برأيي الشخصي ومن ناحية انسانيهـ .. ماذا لو كانت الادويهـ تصرف " مجاناً " ..؟ مراعاة لظروف الفقراء الطبيهـ .. اقصد هنا على مستوى العالم كلهـ .. يعني مو تقول لي مستشفيات حكوميهـ ومدري ايش .. لا يعني حتى الصدليات .. يعني مافيهـ شيء اسمهـ ( اشتري علاج )

المشكلة اصلاً بتفكير الناس بالمراكز الصحية و المستشفيات الحكومية فيه صيدليات فيها اغلب الادوية اللي موجودة بالسوق ومجاناً بس باسماء تجارية مختلفة .. مثال الباراسيتامول العالم تشتريه من البقالات بعد بسعر معين باسم بنادول .. بينما هو متوفر ببلاش بالمراكز الصحية باسم أدول .. بالصيدلة الاسماء العلمية هي الثابته والاسماء التجارية هي اللي تتغير .. فالصيدليات الخاصة مستغلة هالنقطة و الشعب كثير منه مجاوب .. اللي ابوصله ان احتياجات المواطن من الادوية متوفرة مجاناً بس الناس تدوره برى !

إقتباس - بحكم خبرتكـ وتخصصكـ ماقد مر عليكـ علاج يساعد على تقليل الفهاوهـ أو ينشط الذاكرهـ شويتين ..!

الا فيه .. كثري فاكهة وخضار وتروح ان شاء الله

إقتباس سؤال شاطح الحين ليهـ العيال كلهم مدح فيكـ وكلام لهـ اول مالهـ تالي وطبعاً انت تستاهل والله واكثر لكن السؤال الي يطرح نفسهـ / ماتلاحظ ان في الشبكهـ أو بمعنى أدق " بالمجلس " يتحفظون كثيييير على رأي البنت لما تمدح ولد ..! وخذ يا شيل وحط وذبات وكلام يروح ويجي

يوووه بدينا بالغيرة
الله يسلمك بعض ما عندك .. بالنسبة للنقطة هي صدق شاطحة بس ما عليه بجاوب .. انتي بمنتدى يجمع شرائح مختلفة من الاعضاء .. وفي مكان يعتبر عام .. والتفكير يختلف من شخص لثاني .. وبرضو حتى النوايا ماهي زي بعض .. والناس عموماً مالها الا الظاهر .. فهالشي طبيعي .. اهم شي الواحد يكون واثق من نفسه ودامه يشوف ان اللي يسويه صح ما عليه من الكلام و القيل و القال الحين ليه العالم شايله هم كلام الناس ما ادري .. اللي يبي يمشي ورى كلام الناس وماذا قالوا يبي يتعب .. بالنهاية انت يالعضو مسجل بيوزر علشان تاخذ راحتك وتبدي رايك باللي تبي بحدود معينة و وفق الشروط الموجودة في اي قسم و الباقي ما عليك منه .. بس السؤال المهم الحين .. منهم اللي يتحفظون على وزن منهم اللي يحلمون

إقتباس طولتها ادري أحمد ربي يسعدكـ ويحفظكـ شهادتي فيكـ مجروحهـ يا ولد الجوف

تسلمين حتحت .. موفقة ان شاء الله
والله يعطيك على قد نيتك ويحققلك اللي ببالك
من ذوقك .. آنستي و شرفتي وابد انا سعيد بأسئلتك

إقتباس الرسالة الأصلية كتبت بواسطة ~SaKaB الله ! أحمد كلّه هنا , ولا ندري عنه ؟! كيفك يا عسسل ؟! منوّر المجلس :$

هلا عاصم يالله حيّه
انا بخير يا جعلك بخير .. الحمدلله كلش على ما تحب
بس فكنا من الفرق بين الزعم والادعاء والخرابيط هذي تكفى
لو اقدر اكتب لقب كتبت تحت يوزرك المحجراتي ههههههههههههههه

إقتباس ياخي ودّي أسألك , بس أخاف تقول إنّي أحجّر لك وترجع تردّها لي لكن دوك كم سؤال ع الطائر ! ما الفرق بين الفهم , والاستيعاب ؟ أمزح أمزح

اشوى كنت باعصب

إقتباس بـ رأيك وش سبب احتقان بعض الأعضاء ضدّ بعض المشرفين , رغم إنّ المشرف عضو يطبّق القانون فقط !

اما موقف سابق ... او عدم إلمام كامل بعمل المشرف وهذي الاقرب .. او ربما كذا عباطة .. فيه بعض اعضاء الله يصلحهم يحسبون المشرف لما يحرر رد مثلاً هذا مستقعد وما يبيني (انت يالعضو) .. طيّب انا وش بيني وبينك علشان تفكّر هالتفكير .. كل المسألة اني أطبق القوانين اللي قدامي ! .. مستحيل المشرف يحرر أو يحذف أو ينذر بدون سبب معين مستحييييييل

إقتباس ولو جدّ جديد , سـ أعود بـ التوفيق

المحل محلك عصمصم
ابد بأي وقت انا حاضر للطيبين اللي مثلك

.

بطلة حياك الله
ماشاء الله داخله حامية .. شكلك ماخذه لك نص ساعة لفّة لزوم اللياقة

إقتباس - في حياتنا كثير من الصدف خبرنا بـ أجمل صدفة بحياتك ؟

بعد تفكير عميق .. وبما ان السؤال عن صدفه .. راح اقول الصدفة اللي مدري شلون عرفتني بصديق العمر سميي .. الله يخليه لي ويديم المحبة .. كنا بالاستراحة وقت عيد .. ودخل واحد من الشباب كان معه هالشخص وبدت من هنا و توطدت العلاقة والله لا يغيّر علينا

إقتباس كلمه تقولها إذا : انحرجت / عصبت / روقت وفرحت / طفشت من أحد /انصدمت ؟

اذا انحرجت وجهي ينقلب الوان
اذا عصبت التزم الصمت عادة واغيّر المكان
اذا فرحت احمد ربي واشكره
اذا طفشت من احد انسحب بهدوء
اذا انصدمت اتمشى بسيارتي

إقتباس ليه الناس تفرح يوم يشبهونها بالقمر مع إن القمر مافيه حلى كله حفر والضوء سارقه من الشمس ؟

عجبتني الناس تفرح
يمكن لانه ظاهر وابيض والبياض يدل على النقاء و الصفاء

إقتباس صفة فيك تزعجك تتمنى التخلص منها ؟

الطيبة الزايدة !

إقتباس حصل وكسبت إن شاء الله مليون أول شيء بتعلمه ؟ > أكيد تعطيني 10000 ريال ,, جد اش أول شيء بتسويه ؟

خلي المليون يجي اول ويصير خير
يمكن اروح لابوي او امي واعطيهم الفلوس رداً للجميل اللي ما ينلحق .. الله يقدرني بس على برهم

إقتباس خيروك بين كذا وزارة تكون وزير لها اش تختار ,, وقراراتك ؟

وزارة الصحة .. اوظف كل صيدلي وعدوه بوظيفة قبل يدرس وقالوله لما تتخرج على طول تبي تتوظف والحين بعضهم مكمل سنتين وثلاث وهم جالسين .. القهر كل التخصصات الثانية يتوظفون الا هالتخصص .. والمشكلة الاحتياج كبير وين ما رحت مستشفى قالوا محتاجين صيادلة .. طيب وهاللي يتسدحون وش ذنبهم وظفوهم ؟!

إقتباس 7

ذكرى لا تُنسى : 21-7-1428 ما راح اعلم باب التحليل مفتوح .. بس اهم شي صفوا النيّة
أطيب قلب : أمي
أعفن قلب : ما قابلته للآن
أحلى مكان : الآسكندرية .. عند البحر .. الساعة 5 الصباح
صديق وفي : أحمد

إقتباس وقت الفرح /الحزن ,, مين تتمنى يكون معاك / مين أول شخص يخطر ببالك ؟

الشخص اللي يملك قلبي اكيد .. بس وقت الحزن افضّل ابقى وحيد .. وغالباً اطلع اتمشى لحالي لحد ما تهدى نفسي

إقتباس بمقابلة لوظيفة قالوا لك: تكلم عن نفسك ؟ لا تقول أفعالي تتكلم عني هذه مقابلة ,,

مقابلة الوظيفة اتكلم فيها قدام ثلاث اربع اشخاص .. احمد 25 سنة .. انسان طموح .. يحب الخير .. اهدافي بسيطة وبما اني جاي لوظيفة باتكلم عن نطاق العمل اللي جاي مسوي مقابلة علشانها وماهية اهدافي واللي اقدر اقدمه .. وباذكر كل شي عني هوايات نقاط قوة مؤهلات .. سؤالك غريب على فكرة

إقتباس أحمد من هنا لخمس سنين أهدافك ؟

اتوظف سنتين بمجال تخصصي .. وابغى أكمل دراستي .. دعواتكم بس

إقتباس شيء متعود عليه لازم تسويه كل يوم نقدر نسميه أحد طقوسك /روتين ؟

مافيه شي محدد .. يومي منوّع والاشياء الثابتة فيه كثيرة .. بس بما انك قلتي يومي يعني الدوام نشيله من الحسابات .. ممكن يكون النادي .. اصلاً اذا مر يوم ما رحت للنادي تصيبني ضيقة

إقتباس كلمة دوم ترددها (متلازمة لفظية )؟

فيني نوم .. وفيه كلمة مدري بس يجي ذكرها دايم .. ظبطني يا نفيس هههههههههههههههههههههه .. نفيس هذا الحلاق اللي احلق عنده .. بس كل ما سمعت كلمة فيها حروح ظ وب و ط اقول لا شعوريا ظبطني يا نفيس .. يا حليله نفيس بس اقوله هالكلمة واجلس على الكرسي وهو يشوف شغله .. طبعا اهم شي بالمتلازمة اللفظية هذي السين الاخيرة تطلع معها تصفيره هههههههههههههههه .. حسبي الله على بليسك كبيتي العشا

إقتباس لونك المفضل ؟

كحلي و رصاصي

إقتباس سؤال رياضي : مين برأيك خليفة سامي ؟

الهنوف
الجد محد .. والله محد ! .. ان جا احد بلعبه وهذي مستحيلة محد راح يجي بمستوى ثقافته و فكره .. سامي نعمة من رب العالمين محروم منها كثير من الناس .. باللهي من هو اللاعب بالعالم كله اللي يتكلم ايطالي واسباني وفرنسي وانجليزي وبرتغالي .. ما فيه !!

إقتباس بطلة إيجابيات سلبيات ؟ --> سرقت السؤال من رائدة ض1

والنعم فيك وفي رائدة .. الايجابيات الاخبار اللي تنزلينها .. و الملخصات اللي تسوينها بالواضيع شكلك مدمنه تلخيص ماشاء الله تبارك الله .. الجد من العضوات المتميزات صاحبة تواجد يضيف لأي موضوع .. نشيطة ماشاء الله .. تتميزين بالوعي تملكين اسلوب مميز .. السلبيات لم الحظ بصراحة <---- كيف تملكين و لم الحظ

إقتباس الله يعطيك العافية أحمد وآسفين على كثرت الأسئلة ,,

الله يعافيك واسئلتك خفيفة وتخليني اجاوب وانا فاقن خشتي واضحك مدري ليه
شكراً لك .. واذا عندك إضافات حياك

إقتباس الرسالة الأصلية كتبت بواسطة J o S e أووهـ

إقتباس الرسالة الأصلية كتبت بواسطة J o S e مستضيفين أبوحميد زائر دائم للمجلس العـام نادراً ما أرد لكن هـ المرة إجبار وإحراج ! ما عندي أسئلة لكن بحاول أصير بايخ وأعطيك أي شيء لانها فرصة بصراحة

هلا بالانتراوي .. من الاعضاء اللي يدخلون قلبك بسرعة
آسرني بطيب قلبك والله يبو حميد .. .. معرفة شرواك فخر والله العظيم

إقتباس - تهتم بالألعاب الإلكترونية ؟ وبخلي السؤال مزدوج بما انك تستخدم البلاك بيري ما طفشت منه !

لا مالي فيها .. بلايستيشن من سنة لسنة بس اذا لعبت افوز واكسر روس
البلاك بيري الكلام كثير عنه بس ترى الجوال مفيد للي يستخدمه في فايدة .. اصلاً الجهاز عملي جداً وله فوائد كثيرة منها على سبيل المثال تشبك مديرك هههههههههههههه .. احد يقربلك يدرس برى تسولف معه تشوف اخبارة .. تتواصل مع ناس مبطي عنهم .. اخبار .. تبليغات ومخالفات تجيك عليه .. ترى زيه زي المسنجر .. انا الحمدلله ماني من النوع اللي 24 ساعة متنح فيه وقاعد اقرق .. أصلاً انا انسان ما احب اسولف كثير .

إقتباس - خلاص كل أسئلتي لو حبيت أسئلك إياها بتكون في المسن خخخخ ما اظن تجاوب هنا السمي

انا كلي تحت أمرك ابو حميد

إقتباس الرسالة الأصلية كتبت بواسطة أبــو غــامــد ياناس ياحبي لهالآدمي .. قسم بالله اني اعزك .. واغليك .. واقدرك .. واموت فيك .. بس خلاص اخاف يشكون فينا بسألك كم سؤال .. بالرغم من إني اقدر اسألك إذا شفتك .. بس انت قاطع

لا لا ما اقدر كذا
شعور متبادل يبو غامد .. والله يعلم بمقدار معزتك وغلاك انت وكل الشباب عندي .. قسم بالله اشتقت لجلستكم بس والله ما باليد حيلة .. الشغل كثير الله لا يشغلنا الا بطاعته .. وان شاء الله جيتي قريبة بس الظروف تسمح .. بعدين يا مدور الهين ترى الكايد أحلى

إقتباس متى بتجي الرياض ؟ ( ترى اجازة الربيع فرصة طيبة .. طالبك تكفى تعااااااال )

لاتقول تكفى لا اشغل الموتر الحين واجي خط
ان شاء الله باجي لو يومين علشانكم والله

إقتباس أنت من أكثر الناس اللي اتذكرهم في اليوم من كثر ماأشوف هالصيدليات حولي .. خصوصاً السقاف .. تفكر تنقل شغلك لمدينة حيوية أكثر من الجوف .. الشرقية , الرياض , جدة ؟!

طيب وش معنى السقاف
النقل سهل ان شاء الله بس خل الوظيفة تجي اول .. عموما بالرغبات منوع وشكل اخرتها تبي تجيني باليمن

إقتباس عبَر عن مايلي :

- أسير وتورام وابوحمد وهلالي الجنوب وجليل ?
اسير تشلساوي معفن
تورام هلا بيييييييييك
انت ميرندا فراولة
جليل شمعة الدانة اللتي تحترق من أجلك انت واشكالك

إقتباس - مطعم هرفي ؟

طعم اللقاء .. احسن مطعم يفك أزمة هههههههههه

إقتباس - البلوت ؟

اكرهها ياخي .. مدري وش عليه الناس مدمنه وحماس و هواش وقلق و90 برى و50 جوا .. محرم ماهي ورقة

إقتباس - صوتك ?

منقهر يعني ان صوتي رومانسي ويجيب النوم
مدري اترك التعبير لك

إقتباس - أملور 5ملم ?

ظغط ظغط ظغط ظغط ظغط ظغط ظغط
الله يبعد كل مريض عنه .. من اكثر العلاجات المطلوبة بالسوق

إقتباس سلام لك يابعدقلبي (قلب)

سلامااات يا بعد روحي
منور ابو غامد .. لا تقطع

.
مساء الخير

إقتباس الرسالة الأصلية كتبت بواسطة A.K.N 505 أهلاً بالغالي أحمد نوّر المجلس استضافة مميزة بلا شك لشخص كريم جداً و مكسب حقيقي للشبكة

يا هلا والله مسهلا
هلا بالغالي عبدالله
ربي يسلمك ويبارك فيك يا غالي .. المكسب انت .. و الكرم وجودك

إقتباس أبدأ بالأسئلة و إن شاء الله ما أطول عليك ...

طوّل طوّل .. عسل على قلبي

إقتباس هل تتضايق من الكلام الحاد عنك أم لا تعطيه أهمية كبيرة ؟

لا ابداً .. ممكن اسمع الكلام واخذ منه اللي يجوز لي .. واللي ما يجوز لي اسمعه من اذن واطلعه من الاذن الثانية عادي .. لو كل واحد سامع كلمة مو زينة و سعى وراها ما عاش مرتاح .. عندي قناعة ان الناس تتكلم كثير بالزينة وبالشينة بعد .. واحسن حل الواحد ما يدقق كثير ويريّح مخّة افضل !

إقتباس متى يكون أحمد في شدة الغضب ؟

لما احس احد يستغفلني .. يعني اروح محل مثلاً والقى بضاعة معينة بسعر 100 ريال مثلاً .. تروح محل ثاني تلقى نفس هالبضاعة بس بسعر 150 ريال .. وتقوله لقيتها عند محل ثاني بالسعر الفلاني ويجيك صاحب المحل يتفلسف عليك وهذي ايطالية وهذيك محلية ويطلع فروقات من راسه مع انه بالداخل تدري انه يكذب عليك .. هنا اعصب .. وقس عليها في الامور الأخرى اللي على نفس المنوال في كافة امور الحياة .. بس فيني شي مدري هي ميزة والا عيب .. ما اسوي ردة فعل سريعة ولله الحمد .. و اتوقع انها ميزة ان شاء الله

إقتباس " ينبَغي للإنسَان الذي يُريد أن يَعيش .. أن يَقول نِصف الحقيقَة وَيُخفي نِصفَ الشُعور ! " هل تفق مع المقولة أعلاه ؟ و ما السبب ؟

هالوقت ؟! .. نعم وبشكل كبير
السبب ما ادري بالظبط .. بس الناس الآن قليل تتقبل الكلمة الصادقة حتى .. والمجاملة اصبحت شي اساسي للاسف .. الآن القوي ياكل الضعيف .. و الغني ياكل الفقير .. إلا من رحم ربي .. الضعيف و الفقير علشان يعيش لازم يجامل .. لانه لو قال الحقيقة كلها وأظهر شعوره كامل .. اتوقع ما راح يعيش !! .. بالنسبة لي الشخص اللي امون عليه واعرف معدنه كويس واذا شفت انه يتقبل اقوله كل الحقيقة وكل الشعور .. شخص ما امون عليه كثير .. احاول اوصله الشي المعين بطريقة ثانية تخليه يتقبلها .. شخص ما يتقبل بكيفه يعيش ما يعيش انا مالي دخل

إقتباس هل تتغير قناعاتك و آراؤك التي تميل إليها مع تقدم الزمن أم لا ؟

على حسب .. طبعاً في خطوط حمراء اللي تتعلق بالدين اكثر شي .. اما باقي الامور بالعكس انا اعتبر نفسي من اكثر الاشخاص اللي ممكن يغيرون رايهم .. في شغلنا هنا مثلاً في موضوع معين يكون لي راي ما .. يجي زميل اخر يقنعني بوجهة نظر مختلفة تلقاني اقلب معه عادي
وفي كل الامور نفس المنوال بشرط ما يكون فيها مخالفة دينية وهذا المهم

إقتباس رياضياً , من هو المحظوظ بالآخر .. برشلونة أم جوارديولا ؟

برشلونة محظوظة بـ بيب !
وبيب محظوظ بـ ميسي و زافي

إقتباس هذه أسئلتي حاولت الإختصار فيها , و شكراً لمشرفي المجلس على هذه الإستضافة الـ ( حلوة )

الحلوة طلتك يا عبدالله
سعيد تواجدك كثير

إقتباس الرسالة الأصلية كتبت بواسطة " MOHAMMED " .. من المحتمل ان اللقاء شارف على نهايته ولم اتنبه للموضوع الا متاخراً بحكم قلة تواجدي بالمنتدى في اليومين الماضيين .. لكن لامانع من تسجيل إعجاب ببطل هذا الموضوع هلالي مووت .. من افضل المشرفين بالشبكه ماشاء الله عليه ..

تسلم يا محمد على الكلام الطيّب
وشكراً لك على كرمك و مرورك
ولو عندك إستفسار معيّن ابد انا تحت امرك

إقتباس الرسالة الأصلية كتبت بواسطة متآبعه بصمت / هلالي موت .. من الناس اللي أحرص على قراءة ردودهم

الله يخليك اختي متابعة
يشرفني هالشي

إقتباس برايفت

ما جاء منك الا كل خير
وان جاء ما عليك تراني نسّاي ومتسامح
شكراً لك على كرمك

هلا هلالي موووت


سؤال واهد فقت


بما انّك شي مهم بالحياة وش احسن فلم ( اجنبي طبعاً) تابعتة ؟


وش رايك بجون تيري ولامبارد ؟


تحب التنس ؟ واذا تحبها وش اسويلك يعني


من تفضّل فيدرر آم نادال ؟

م كـ ا ن ي = $

راااجعين لكـ يا احمد راجعين :P
ان شاء الله ق1

..

بآآآآآآآآآكـ
كبر مدري كثر مارفع ضغطي عبدالله الهلالي
ليتنا فالتين النصراويهـ عليهـ
مو حسافهـ فيهـ الا عايلتهـ وقسم

ومبروكـ التاهل

دامنا في طاري الهلال
خلنا بآخذ رايكـ /
مقدار تفائلكـ بكأس اسيا هالموسم ..؟! كونها عصتنا كثير
أنا عن نفسي احس متفائلهـ كثيييييييير
بس يبي لنا شوية راحهـ

..

نروح للعالميهـ
سؤال متأخر شوي لكن توهـ طرى على بالي يوم شفتكـ
برأيكـ الشخصي .. هل تأثر المانيو بانتقال كيرس ..؟ والا كيرس هو الي تأثر بانتقالهـ للريال ..؟

..

اسئلة تخصص /

- برأيي الشخصي ومن ناحية انسانيهـ .. ماذا لو كانت الادويهـ تصرف " مجاناً " ..؟
مراعاة لظروف الفقراء الطبيهـ ..
اقصد هنا على مستوى العالم كلهـ .. يعني مو تقول لي مستشفيات حكوميهـ ومدري ايش .. لا يعني حتى الصدليات ..
يعني مافيهـ شيء اسمهـ ( اشتري علاج )


- بحكم خبرتكـ وتخصصكـ ماقد مر عليكـ علاج يساعد على تقليل الفهاوهـ
أو ينشط الذاكرهـ شويتين ..!

..

سؤال شاطح الحين
ليهـ العيال كلهم مدح فيكـ وكلام لهـ اول مالهـ تالي
وطبعاً انت تستاهل والله واكثر
لكن السؤال الي يطرح نفسهـ /
ماتلاحظ ان في الشبكهـ أو بمعنى أدق " بالمجلس " يتحفظون كثيييير على رأي البنت لما تمدح ولد ..! وخذ يا شيل وحط وذبات وكلام يروح ويجي
شخصياً وبصراحهـ متناهيهـ اقولها
ورب البيت فيهـ عيال هنا احبهم لله في الله ..
يعني غصب عني لما اشوف لهـ موضوع أو حتى رد ..
على طول لا ارادياً اقول ( الله يسعدهـ ويوفقهـ ويرزقهـ على قد نيتهـ )
صحيح انا ما اعلم عن طبيعة الشخص .. ولا حتى نواياهـ
لكن حبي لهـ هذا نابع من كلام اقراهـ واحياناً من مواقف صارت بيننا او حتى كلام ..
كلهـ احترام وذوق ..
لكن " يمكن " الغالبيهـ تفسر هالشعور على شيء ثاني
على مستوى تفكيرهم .. يمكن !


..

طولتها ادري
أحمد ربي يسعدكـ ويحفظكـ
شهادتي فيكـ مجروحهـ يا ولد الجوف

الله !
أحمد كلّه هنا , ولا ندري عنه ؟!
كيفك يا عسسل ؟!

منوّر المجلس :$
ياخي ودّي أسألك , بس أخاف تقول إنّي أحجّر لك وترجع تردّها لي
لكن دوك كم سؤال ع الطائر !

ما الفرق بين الفهم , والاستيعاب ؟
أمزح أمزح

بـ رأيك وش سبب احتقان بعض الأعضاء ضدّ بعض المشرفين , رغم إنّ المشرف عضو يطبّق القانون فقط !

ولو جدّ جديد , سـ أعود
بـ التوفيق

أووهـ مستضيفين أبوحميد

زائر دائم للمجلس العـام نادراً ما أرد لكن هـ المرة إجبار وإحراج !

ما عندي أسئلة لكن بحاول أصير بايخ وأعطيك أي شيء لانها فرصة بصراحة :$

- تهتم بالألعاب الإلكترونية ؟ وبخلي السؤال مزدوج بما انك تستخدم البلاك بيري ما طفشت منه !

- خلاص كل أسئلتي لو حبيت أسئلك إياها بتكون في المسن خخخخ ما اظن تجاوب هنا

السمي

ياناس ياحبي لهالآدمي .. قسم بالله اني اعزك .. واغليك .. واقدرك .. واموت فيك .. بس خلاص اخاف يشكون فينا

بسألك كم سؤال .. بالرغم من إني اقدر اسألك إذا شفتك .. بس انت قاطع

س1- متى بتجي الرياض ؟ ( ترى اجازة الربيع فرصة طيبة .. طالبك تكفى تعااااااال )

س2- أنت من أكثر الناس اللي اتذكرهم في اليوم من كثر ماأشوف هالصيدليات حولي .. خصوصاً السقاف .. تفكر تنقل شغلك لمدينة حيوية أكثر من الجوف .. الشرقية , الرياض , جدة ؟!

س3- عبَر عن مايلي :

- أسير وتورام وابوحمد وهلالي الجنوب وجليل ?

- مطعم هرفي ؟

- البلوت ؟

- صوتك ?

- أملور 5ملم ?


سلام لك يابعدقلبي ( قلب )

ضيف مميز ومبدع وغني عن التعريف ليس لدي سؤال لكني أحببت أن اسجل تواجدي كمتابع للموضوع الذي يحمل اسم مشرف غالي علينا