(الشباب السعودي) فبركة اختطاف الباص ويابنت ووش تتوقعين ..؟ - نادي الهلال السعودي - شبكة الزعيم

leader ksa · #1 08/04/2010, 04:18 PM

السلام عليكم

كيفكم ان شاء الله بخير

اتوقع الاغلبية سمعوا وعلقوا على موضوع محاولة اختطاف باص البنات وكما توقعت خلال اليوم الثاني تم النفي
لان ببساطو وبكل غباء نقدر نقول ليه حاولوا يخطفون باص كامل وهم ثلاث اشخاص .؟
وليه حاولوا يخطفون في النهار ووقت الكل يكون متواجد في الشوارع.؟
يعني اقولكم ببساطة الحين مثلا واحد يبغى يخطف بنت ماراح يلاقيها الا في باص الجامعة.؟
يعني شي غير معقول ابدا ولكن طبعا ارآء الشعب تختلف ولكن تتفق في حالة وحدة
مثل حالة الباص الكل يلعن ويسب في الشباب وخصوصا شباب الرياض
وهم اصلا مايدرون بأي شي عن الرياض ولا عن شبابها ولكن يرددون كلام يسمعونه بدون اي تفكير فيه
ونقلوا الموضوع في كل مكان وبنفس العنوان من احد الصحف اللي ماهمها الا المادة في الاول والاخير ماتهتم لصحة او لطريقة نشر اخبارها

طبعا لااحد يجي ويقول توافق يصير مثل هالشي ومادري ايش
انا كلامي واضح تم النفي والقصة تختلف كليا عن القصة اللي انتشرت هذا حسب فهمي وتحليلي البسيط
ولكن اللي عنده دليل ياليت يعطينا اياه يمكن يختلف رأيي كليا

مدري وش اقول بالاخير الله يسامحكم ولا الله يلعن كل من لعن شباب الرياض >بنفس المنطق
لكن بكون احسن منكم واقول الله يسامحكم

وللاسف فيه خبر ثاني اهم من الخبر الاول وبكثير ونزل في اليوم التالي للخبر الاول
ولكن ردت الفعل هي الغريبة بين الخبرين

هو خبر وفاة بنت في احد كليات القصيم الله يرحمها ويغفر لها ويسكنها فسيح جناته

والبنت جاتها سكتة قلبية ووصل الاسعاف بعد 3 دقائق الى الموقع ولكن منعتهم وكيلة الكلية من الدخول
طبعا الاحداث اللي ذكرتها حسب التصريحات المنتشرة في الاعلام

السؤال هنا وش تتوقعون من بقية الكليات في جميع المملكة .؟ هل بيسمح للاسعاف بالدخول ولالا.؟

والسؤال الاهم للبنات اللي فالجامعات والمدارس ممكن اعرف ياخت انتي وهيه ليه ماشفنا تعليقاتكم على الاقل على الحادثة ولا لازم يكون الموضوع فيه شباب عشان تلعنون وتسبون وتنشرونها في النت لين نزهق منها ..؟

يعني تموتون يصير لكم اللي يصير مايهمكم..؟!

يعني لو كل بنت بس حطت نفسها في هالموقف واخذت الخبر ونشرته
عالاقل ماقول راح يكون فيه عقاب للشخص المسوؤل لكن اقول لعل وعسى ان ثاني مرة اذا صار مثل هالشي
مايكون تصرف المسوؤل هو نفسه ويؤدي الى وفاة شخص اخر بسبب عدم اهتمامنا بالقضايا لافتقادها للاثارة

ومن هنا اعرف الاثارة في الاعلام السعودي اصبحت تعني : الشباب - شباب سعوديون....

لمحبي الشعر

يا شيـن طبـعٍ فيـك .. يا زيــن الأطبـاع
لولا الرجــاء .. ما كان خلّيته .. يفـوت
سَـنَـع .. يشـوّه لا تـذكّـرتــه .. أسـنـاع
مثل الحصاة .. اللي وسط عقد ياقــوت
تخـفي هيـامـك .. وإنت ميـّـت وملـتـاع
ما تـدري إنه في ملامـحـك .. منـحـوت
ويبخل لسانك .. وإنت للسمع .. طمّـاع
والبخل .. في سِلْم المحبيـن .. ممـقـوت
الحكي .. قوت السمع / وأسامعي جياع
ومسامـعي ماتت من الجـوع .. للـقـوت
وحكي الغزل في صدرك أشكال وأنواع
لكن صمتك .. حوّل الصـدر .. تـابـوت
إلا طَلَبتـك وصـل .. صعّبـت الأوضـاع
مدري .. من اللي درّسـك جعله يمــوت
تصـد .. ما كـنّـك من الصـد .. مـرتـاع
وإن قلت : يا القاطـع .. تلفّـت مبـهـوت
أقطع بـ دَرْب مواصلك في الشهر.. باع
وإلاّ إنت تقطع للوصل فـ السنة .. فوت
طعني .. وطاوع واحدٍ فيك .. ما طـاع
ناسٍ صغار عقول / وأشوار / وبخوت
وإلطف بحال اللي نحـل حاله .. و راع ..
قلبٍ جروحه .. تنزف أفكار .. وبيوت
قلبـي .. إلا منّه شـرى قـلـب .. ما بـاع
وإنت هالله هالله فيه .. والعمـر موقوت
اسمع أشعاري في الهوى وارخ الأسماع
ياللي غـلاك بـ تربـة القلب .. مكـتـوت
لا .. للفـراق .. و لا .. لتجديـد الأوجاع
ونعم .. نعم للوصل .. لو كان بالصوت
محمد بن فطيس

اعذروني على الموضوع بس كان بقلبي ولازم اقوله

تحياتي لكم