نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - (الشباب السعودي) فبركة اختطاف الباص ويابنت ووش تتوقعين ..؟

leader ksa · #3 09/04/2010, 07:02 AM

إقتباس

الرسالة الأصلية كتبت بواسطة marsal


	ماعندي ردك على موضوعك لكن تعليقي على جملة ذكرت ... وهي ان الاسعاف وصل للكلية خلال ثلاث دقائق في حادثة البنت ...طبعا كما ذكرت الصحف.. اسرع رقم عالمي في وصول الاسعاف الى مريض هو 7 دقائق ..... و هذا رقم معروف عالميا ان الاسعاف لا يمكن ان يصل للمريض قبل 7 دقائق ... تخيل متى شغل السيارة و اخذ وصف المكان و بداء يطلع من مبنى الهلال ومسك الخط و على ما حرك الهمج الماسكين المسار الايسر ......... يعني حتى انت صدقت كذبة 3 دقائق ..

هلا مرسال

وليه ماصدق كل الناس مشت عليهم وانا الاول ولا احد اهتم للخبر من الاساس وفكر فيه مجرد تفكير
3 دقائق او 30 دقيقة ماهتم دام ان الاسعاف وصل والبنت على قيد الحياة وتم منعهم من الدخول بدون اي سبب مقنع
وحتى لو كان الخطأ من الاسعاف ليه عالاقل مانشوف فيه تفاعل ليه مانشوف فيه الاف المواضيع عنه ..؟

لعل وعسى نشوف تصحيح في وضعهم !!

تحياتي

إقتباس

الرسالة الأصلية كتبت بواسطة بنــ الزعيـم ــووتة


	يعطيك العافية اخوي وتعليقي على كلامك بالنسبة للخبر الاول اصلا ماتجي بالعقل والمجنون ماراح يصدق ذا الخبر وبالنسبة للخبر الثاني بالبداية انا توني عرفت بالخبر منك الله يرحمها وهاذا يومها الحق مع عميدة الكلية لان البنات امانة برقبتها وانت ترضى على خواتك وبناتك (اذا كنت متزوج ) وعماتك وخلاتك ان يشوفنهم رجال تيب ليششش تبي الاسعاف يدخل الجامعات او الكليات اوكي انا مااعرض دخول الاسعاف الجامعات او الكليات بس بشرط يكونوا بنات مثلنا مو اولاد الله يهديك مو شرط يكون في الخبر شباب عشان نعلق وانت شكلك تكره البنات وتدور علينا الزلة الله يصلحك وانتو يالشباب ناسين انفسكم واعمالكم وبس جالسيين وتدورو علينا الخطـــأ صصصصح لسانك على ذا الشعر تقبل مروري

هلا بنوتة

الله يعافيك

كيف ارضى على خواتي وكل اهلي بالعربي..؟
ارضى عليهم بأيش بالضبط ممكن اعرف..؟

اسمحيلي

بس الموضوع ماله علاقة بهالشأن لامن قريب ولا من بعيد
هذي مجرد افكار غريبة موجودة عندنا

يعني تتوقعين لو دخلوا رجال الاسعاف اللي هم رجلين او ثلاثة تتوقعين مثلا بيرقمون..؟
بيخلون المريضة ويجلسون يكحلون..؟ ولا بيغتصبون البنات ..؟
وبعدين هذا انتي وامي واختي واغلب النساء يمرضون ونروح لاقرب مستشفى واللي يكشف عليها دكتور يعني وش يفرق الدكتور عن رجل الاسعاف..؟

بتقولين فيه محرم اقولك هذي كلية كاملة 1000 بنت عالاقل مقابل 3 رجال ..!!
وفي حالات كثيرة تكون المرأة مع الدكتور بدون محرم ولا هم يحزنون وشوفي بس حالات الولادة وانتي تعرفين

ومسألة الاسعاف يكون نسائي هذا شي يناقش بعدين لكن مو في حالة وقوع حادثة
واتمنى هالشي والمفترض في كل جامعة فيها عالاقل ممرضة ومركز اسعافي بسيط

واذا على مسألة وجود خبر عن الشباب للأسف هذا اللي اشوفه ممكن ترجعين لاغلب الصحف اليومية وتقرين الاخبار وتشوفين التعليقات وتشوفين رسائل الايميل اللي تنتشر وش يكون اغلبها ..؟!

ومسألة اني اكره البنات مادري وش اقولك صراحة
لكن شلون اكره الجنس الاخر كان احد الاسباب بعد مشيئة الله في وجودي
كيف اكره اشخاص من لحمي ودمي

كيف بكره شخص بقعد احفر سنوات واتسلف عشان ادفع مهره ..؟!

وموضوع ان الشباب ناسين نفسهم للاسف اقولك ايه
لكن البركة في البنات يذكرونا كل شوي في واقعنا وينسون واقعهم لذا اخذنا على عاتقنا تنبيههم لانفسهم

صح بدنك بس الشعر لابن فطيس

تحياتي