نــاس تجـــي وتروح ما هزت الروح ** وناس غلاها ثابت وسط الارواح - نادي الهلال السعودي - شبكة الزعيم

dal3_uae · #1 12/02/2010, 10:24 PM

Enter >>

نــاس تجـــي وتروح ما هزت الروح ** وناس غلاها ثابت وسط الارواح

في لحظة تأمل لهذا المدخل .. وفي لحظة تفكير لأقل من دقيقة ..

ناس اتروح .. وناس تي .. ويبقى اللي يبقى ويروح اللي يروح ..

منهم الوفي .. ومنهم الخاين ..
منهم الصديق .. ومنهم العدو ..
منهم الحبيب .. ومنهم الرفيق ..
منهم الجليس .. ومنهم الزاير ..

ومنهم ومنهم ومنهم .... الخ

في ناس لو غبت عنهم مب بس شهور لو سنوات والله ما نسوك ..
مهما كان انشغالهم عنك لكن مع ذلك .. يتذكرونك

لكن هالايام وين الناس ووين هالدنيا .. كلن يسري على مصالحه ..
احبك بسويلك .. ما احبك ما بسويلك ..
او بمعنى اذا دخلت قلبي لا تحاتي انته اول شخص في كل شي

كم ناس كانو عايشين مع بعض في الحلوة والمرة .. بظرف بسيط غاب هالشخص عن المكان نسوووووه بسرعه
وكم شخص غاب عنهم ولمدة سنوات وسنوات اتذكروه بالحظة .. يا ترى شو السبب ؟؟ لحد يقولي اخلاق الواحد ..
ولحد يقولي اسلوب الواحد .. هذا شي ما نختلف عليه

ابصراحه ما ادري اذا الدنيا خلت هالناس يتغيرون ..؟؟!! وله لأنه الناس هي اللي غيرت هالدنياااا ..؟؟ !!

Exit >>>
أنا ما همتني الدنيا ولا همني التكريم .. ولكن ليش يا دنيا اذا بفرح تبكيني

مودتي للجميع ..
كم كان بعدي عنكم صعب

.. ولكن الحمدلله شاءت الظروف أن أجتمع معكم مرة أخرى

.. دلــع الامارات ..

marsal · #2 12/02/2010, 11:21 PM

الدنيا بسيطة : هي عمل يحسب عليك ويسجل بخير او بشر

مهما بقيت عالق في عقول البشر لابد ان تنسى و حتى أحيانا ان بقيت لا يدل بقاك على انك مهم فالغالب الاشرار هم الاطول بقاء في عقول البشر ....

واحيانا هزت روح الاخرين بفقد مكانك وذكرك لا تفيدك و لا تزيدك ثواب ان لم تعش لاجل الله

لهذا عش وقتك لله ولاجل لله و بعدها لا يهم أن ذكرت أو فقدت

^ العنود ^ · #3 12/02/2010, 11:53 PM

هذا حال الدنيا ,, للاسف ,,

والي عايشينه الحين تبي مصلحه منه لازم بالمقابل تسوي له مصلحته ,, !!

عاش من شافك دلع ,, ^_^

قرقاص · #4 13/02/2010, 12:02 AM

هلا دلع الأمارات

وخير الناس عند الله شخص تحلى بالمكارم والصفات

اذا جالسته يوما تجده لطيف القول موصول الثبات

وان فارقته تشتاق دوما لرؤيته دوما بلا مقدمات

قال اين القيم ( اذا تقاربت القلوب فلا يضر تباعد الأبدان )

سيناتور هلالي · #5 13/02/2010, 12:57 AM

أهلا دلع الإمارات أهلا..

كنت قبل فترة كاتب بورقه عندي أسماء من فقدتهم في المجلس..وكنت أنتي أحد هؤلاء..
عموما الحمد لله إنك رجعتي لنا.. الله ياخذ ظروفٍ كانت مبعدتك عنا..

بالنسبة لموضوعك..
أنا أحس إن القلب يلعب دور في الأمور هذي.. أحيانا مايغيب عن بالك شخص مع إنه ماسوى لك شيئ كبير..لكنك ماتقدر تمنع قلبك من التفكير فيه.. هذي أسرار القلب..!!

وخير الناس عند الله رجل الناس تذكره بخير وتوده..

والله المسأله قلبيه ولادخل للرغبات والأعمال فيها..

عموما انتي وحدة من الناس الي القلب يحتفظ لك بالتقدير والذكرى الحسنة..

تحياتي..

welcome back
..سيناتور..

TEVA 4 HILAL · #6 13/02/2010, 08:24 AM

^
^
كلآم سليـم أتفــق مع سينـآتور ..

شكـرآ دلــع .. موضوع حلــو

باسكن روبنز · #7 13/02/2010, 10:02 AM

هلا بدلوعه المجلس وربي لك فقدة

يا قلبو الدنيا هي هي لكن الناس وحنا تغيرنا

+

<< you