السلام عليكم

يوم كنا صغاااار كانوا يدرسونا بالتوحيد عن طاعة الوالدين ورضا الله ثم رضا الوالدين
ولاتقل لهم اف ولاتنهرهما
وكنت وانا صغير اتوقع ان كلمة (اف) هاذي بسببها تدخل جهنم وياويلك من الله

ولكن يوم كنا صغار وخلنا نكون صريحين كنا نسمع بالشارع وبالمدرسة كنت فيه مسبة عظيمة نا نسمعها الا وهي
الله يلعن امك /ابوك
وكان في حديث للرسول كان يعلمونا اياه المدرسين فيما معنى الحديث ان اللي يسب ام او ابو فلان فهو بالحقيقة يلعن امه او ابوه

ولــــــــكــــــــــــــن

كبرنا وسمعنا كلام وقصص قسم بالله تستغرب من اصحابها

مثلا بقولكم اشياء حصلت معي شخصيا
مرة كنت اتمشى مع واحد من العيال الحالنا وكان يقولي
اذا كان ابوك قالك كلام وانت مااعجبك لاتتناقش مع ابوك او تتفاهم معه ماراح يسمع كلامك وراح تتعب عمرك
مالك الا انك تسكت وتسوي اللي يأمر عليه <<<<<<<للحين حلوووو
ثم قالي سالفة حدثت معه شخصيا
يقول مرة ابوي قالي كلام وانا ماقدر اقول شي قدامه غير ابشر ان شاء الله
ويقول يوم رحت ودخلت الغرفة قلت ......................................

انا هنا طارت بوهتي في احد يسب امه او ابووه ويقول للناس

السالفة الثانية اللي خلتني اكتب الموضوع
هذا في واحد من العيال ابوه مصر عليه يسافر معه للديرة والولد مايقدر عشان عنده اختبارات هالاسبوع
المهم انا مريت بأخذ منه اشياء لي عنده
طلع لي
مع انه توني ماتعرفت عليه الا من شهرين بس
يقول ياعلي تكفى دبر لي صرفة للشايب الله يلعنه
ناشب لي الا اروح معه هالرخمة ولد.....
هالشايب متخلف ومريض هذا هو من اليوم متسدح في البيت وآآآه يابطني وآآآه ياظهري ( ابوه مريض شوووي )
طبعا انا عقب هالكلام الولد هذاا طااااااااااااح من عيني

انا هنا بالموضوع ابي اعرف الخلل يكون من وين
الولد ولا الاب

طبعا اكثر مانسمع بالقصص يكون الاب متعب ولده شوووي
وفي بعض القصص نسمع ان الولد مافيه خييير

طبعا اكيد انكم عندكم قصص اكثثثثثثر مني وعندكم اراء ناحية وحلول ناحية هالمشكلة اللي هالايام بدينا صدق نشووف عقوق الابناء للاباء اكثثثثثر من اول

ماراح اختم الموضوع وراح اترك التعليق لكم
برؤوؤوؤوؤوؤوؤوؤوؤوب


وش رأيكم بالالوان

والله ما تعرفون قيمة الاب الا اذا فقدتوووه سبحان الله بعض النااس يقل ادبه مع ابوه وامه وما يعطيهم احتراام ولا تزوج وجوله عياال وسووبه نفس الي سوااه لابوه ولامه يقول ليه انا ماقصرت مع عياالي كل الي اقدر اقوله نصيحه للجميع .. دام امك وابوك حيين نصيحة لوجه الله خلك سندهم ولا تعصيهم بكلمه ولا تقوولهم اوف ولا شي .. ماعليش كلامي موب مرتب بس وربي ودي اقوول كلام واجد بس حبيت اكتب هالكلام

لاحول ولا قوة الا بالله
والله انه كلام يوجع القلب
اجل احد يسب والديه ويشتمهم
اللهم لا تؤاخذانا بما فعل السفهاء منا

إقتباس الرسالة الأصلية كتبت بواسطة باسكن روبنز [ الخلل في الاثنين أما الاهل دلعوا عيالهم وماحملوهم المسؤلية من الصغر وبالتالي يكبر الولد على الدلع والرعونه

اييييييييييييييييييييييييه هذي الدنيا

الله يستر علينا ويهدينا ويجعلني لامي وابيي عبده


شوف يا ابوي اقولك ع حاجه

القصص الي ذكرتها انا سمعت منها كثير

خاصه وقت غضب الشخص من اهله اذا قالوله لا

وبحسب اختلاف الاعمار واختلاف الاجيال بين الوالدين والابن

فيصبح هناك صراع

لكن تربيتنا الاسلاميه فرضت علينا الطاعه

حتى لو الكلام ماعجبنا الا في معصيه الخالق

فمن الممكن الاقناع اذا لم تعجبك الفكره المطروحه من والديك

لكن سب وشتم

حسبي الله على كل شخص يسويها

والله يهدي الجميع

لو الواحد يفكر مجرد تفكير ان هو الاب وابو ولده وجالس يردده ولا يدعي عليه وقتها حيعرف انه غلط

اكبر دليل لو قلت لاخوك الصغير ولا ولد اختك ابو 4سنين ابعد عن التفزيون وقالك منيب وش تبي ثم قالك كل تبن ونحاش^^وقتها قسم بالله ان تلحقه وتجلده

لكن ابوك يحبك فماحيسويه حتحز بنفسه وحيسكت

الموهم كلامي كثير
ودي بخيزرانه ولزخ كل واحد سب اهله^^

تحياتي

والله أنا نفسي مدري الخلل وين..؟!!

ممكن تكون من تربية الأهل..
ممكن تكون من الصحبة للأبناء..
ممكن تكون من البيئة العامة في المجتمع..يعني لما يكون البر ناقص في مجتمعاتنا المشاهدة وأكثر البيئات المحلية (أهلنا يعني) يشتكون من تعامل الأبناء مع اهاليهم ..ويكون العقوق هو الي ظاهر للناس ..فالمجتمع حينها سيأخذ من بعضه وسيكون البر ضعيفا..

(هذه ليست سببا فقط..فهي نتاج وسبب في آن)..

ممكن يكون الخلل في المدنية الحديثة والتكنولوجيا المعاصرة..فأفرزت لنا خليطا غير متجانس الفكر والشعور والتصرفات.. فالأسر أصبحت مشتتة ..والكل شاقي في حاله..ولاترابط ولايحزنون.. ولا احترام ولاتقدير للوالدين..

مدري والله موضوعك كبير وأسبابه يشترك فيها أسباب كثيرة..!!

** أم متعب ..أنا بعد جيبي لي خيزرانه على دربك..أبي أتفاهم مع البعض..

تحياتي..
..سيناتور..

إقتباس الرسالة الأصلية كتبت بواسطة باسكن روبنز شوف البنفسجي والازرق مايصلحون مع بعض لانهم متشابهين قصص عقوق الوالدين او سبهم وربي ان يضيق خلقي اذا سمعتها الخلل في الاثنين أما الاهل دلعوا عيالهم وماحملوهم المسؤلية من الصغر وبالتالي يكبر الولد على الدلع والرعونه .. وإما الولد عاق لوالديه مثل قصه موسى عليه السلام مع الخضر حينما قتل الخضر طفل فساله موسى عن سبب ذلك فقال ان هذا الولد سيكون عاصي ووالديه صالحين . لذلك ماقول الا الله يهديهم .. ويخليك لوالدينك

شكرا لك باسكن روبنز عالمرور وتشرفنا بردك

مسألة الدلع هاذي مشكلة في بعض الاباء يدلعون ابنائهم لمحبته لهم ولكن مثل ماقلتي لاكبر يصير مشكلة ولا في احترام
ولكن ذكرك لقصة الخضر مع موسى عليه السلام
فانا اسمحي لي لان الخضر كان يعلم عالابن
ولكن حاليا مافي احد يدري كلن يعمل اللي يقدر عليه ليصير ابناءه صالحين له وللمجتمع
ولكن هناك اسباب تغيب عن بال الاب وتكون هي احد اساسات المشكلة والانحراف الخلقي
اشكرك عالرد يااختي مرة اخرى

إقتباس الرسالة الأصلية كتبت بواسطة Ricky 8 والله ما تعرفون قيمة الاب الا اذا فقدتوووه سبحان الله بعض النااس يقل ادبه مع ابوه وامه وما يعطيهم احتراام ولا تزوج وجوله عياال وسووبه نفس الي سوااه لابوه ولامه يقول ليه انا ماقصرت مع عياالي كل الي اقدر اقوله نصيحه للجميع .. دام امك وابوك حيين نصيحة لوجه الله خلك سندهم ولا تعصيهم بكلمه ولا تقوولهم اوف ولا شي .. ماعليش كلامي موب مرتب بس وربي ودي اقوول كلام واجد بس حبيت اكتب هالكلام

مشكور اخوي Ricky على تشريفك موضوعي وردك

ماشاء الله مع انك في كلام كثير براسك واللي قلته كفى ووفى

وانا اخوك مااقدر ازيد على كلامك شيء

فعلا والله بعض الناس يتمنون ان يعودوا اليهم والديهم لو دقيقة واحدة يدفعون الذي لديهم كله

وناس تعامل والديها كأنهم ناس سارقينك

فعلا لاحول ولاقوة الا بالله

إقتباس الرسالة الأصلية كتبت بواسطة سع ـود لاحول ولا قوة الا بالله والله انه كلام يوجع القلب اجل احد يسب والديه ويشتمهم اللهم لا تؤاخذانا بما فعل السفهاء منا

مشكور اخوي سعوود على مرورك

من ناحية انه يوجع القلب فهو فعلا يوجع القلب

لما الواحد يقوم بالشيء مع واحد من ربعه عاااادي بس والديه

مانقول الا الله يرحمنا برحمته