صادني في غرامة .. غشني في كلامه - نادي الهلال السعودي - شبكة الزعيم

ابو طـــــلال · #1 01/02/2010, 09:36 PM

يقولون والعهده على الراوي

إنه في أوقات الإمتحان يكرم المرء او يهان .. هذي معلومه عارفينها

المعروف أيضاً إن في هالأوقات ( الحاميه ) من أيام الإمتحانات تحلى فيها كل أنواع الممارسات الصحيحه وحتى الخاطئه .... مثلا :

احلى اوقات النوم في الإمتحانات .. تذارك خمس دقايق وتنام ( ساعتين ) وتقوم تحل سؤال أو تراجع صفحة وإلا ( كابس ) عليك النوم مرة ثانيه وتنام .. طبعاً ماحد يقولك شي .. يحسوبنك مقطع روحك من المذاكرة .. في أوقات الإمتحانات تنام في الغرفة وفي السيارة وفي المسجد .. وفي الحمام ( عزكم الله )

وأحلى أوقات الأكل في الإمتحانات .. من التفكير تنفتح شهيتك للاكل .. المطبخ يصير اكبر المناطق تتواجد فيه بعد غرفة النوم ..

ماغير تبلع .. وكل شوي ( سندويشة جبن سايل ) ويقالك متأثر بالمسلسلات المصرية .. تحط سندويشة ( توست وحده ) + عصير برتقال >> وهو يجيب لك الحرقان بس تشربه ( بريستيج ) هالسندويشه والعصير تجيبها معك للغرفة .. وإلا إنت بالع لك أربع سندويشات بالمطبخ بس تبي أمك تشوفك وأنت معك سندويشه وحده وعصير واحد ( يعنني ذرب )

وأحلى البرامج والأفلام وأقوى المباريات تجيك في هالوقت من الإمتحانات ( تقول متفقين على ضياع الطلاب ) حتى المباريات والبطولات تكون حاسمة ومهمه .. والأفلام قوية وتشوف دعاياتها بكل مكان ومن زمان وانت تحتري عرضها ..

واحلى اوقات العباده والصلاة في هالوقت ( مع الأسف ) ويصير لسانة ( رطب ) بذكر الله مع أذكار الصباح والمساء والأدعية الخاصة بالمذاكرة ( حسب قولت البعض ) وتطلع سوالف وطقوس عجيبه .. واحد يقول أول ماتدخل للقاعة إدخل برجلك اليمين .. وبعدين قل مدري وشو ثلاث مرات .. وإذا قعدت وجتك ورقة الأسئلة كرر بعض الأدعية الخاصة وقرائه آية الكرسي في المدة الزمنية من الإمتحان ..

حلوة أيام الإمتحانات ... وأحلى مافيها ( إهتمام) الوالدين و ( الحنان ) العجيب اللى يجي مع اول يوم إمتحانات ويروح مع آخر يوم .. ( مبرمجين الحنان والإهتمام على جدول الإمتحانات )

العيال مئطعه نفسيها من الموزكرة

أستغلوا هالأيام وخذو حقكم من النوم .. والاكل .. والدلع .. اما المذاكرة إنتم أبخص فيها .. بإختصار ذاكر تنجح ..

ماانسى ذيك الأيام من الإمتحانات ووقتها مدلعين على الآخر .. لدرجة إن التلفون عندنا

وأخذنا بريك وهو كل الوقت بريك .. وإتصال على هالعالم ( رقم المتصل ماكان يطلع ذيك الفترة )

و نشغل إغنيه ( صادني في غرامه )

يقالي أغريها .. تصك السماعة وارجع أدقع على نفس الرقم .. واول ماترد أشغل ( ياشمس .. ياشمس لالالا لاتغيبي ) وتقول ( الحمد الله والشكر ) واخوي يسالني وش تقول

.. اقوله : شكلها غمزت السناره

كم أنا سخيف .. والأسخف مني اخوي واللى ذكرني في هالموقف اليوم إني سمعتها على الـ fm اليوم ؟؟ وتذكرت تلك الحقبة من الزمن المأساوي

الله يوفقكم .. ولايضيع لكم أجر .. وينجحكم .. وترى كالعاده والله لايقطع لي عادة .. العشرة الأوائل اللى بينجحون عندنا ترى لهم هدية

اخوكم الصغير ابو طلال

سفيرة الأنوثة · #2 01/02/2010, 09:52 PM

ههههههههههههههههههههههههههه
سبحان الله جو الإمتحانات غير رغم المذاكرة والتعب

كل شي محظور بهذه الفترة يحلو

يسلمو ابو طلال
موضوع طريف وواقعي

عاشق بدون حبيب · #3 01/02/2010, 10:01 PM

السلاااااااااااااااااااام عليكم

هههههههههههههههههههههههههههههههههههههههههههههههههههههههه

أخفظ صووووتك .... لااايسمعووونك كبااار الكرووووش التجااار ( اصحااب الجبن السااائل ) ويرفعووون سعررررها ههههه

أو تسمعك واااالدتى وتقفل المطبخ بالشمع الاحمر هههه

شكريااااااااااااااااااااااااا

♥ N E V E S ♥ · #4 01/02/2010, 10:09 PM

والله آنك صآدق بصرآحه ,,

كل شي يحلى وقت الآختبآرآت , بالنسبه لي في الآيام العآديه آمر آخوي في غرفته و آشوفه يلعب سوني ومآ آهتم آمآ الحين آحآول آمره عشآن آلعب حتى لو اللعبه سخيفه

وحتى آغرآض البيت آلحين آتمنى آهلي يطلبونهآ مني , وكل يوم آجلس عند سيآرتي و آحوس فيهآ

والتمثليآت آول مآ آحرص عليهآ كلهآ لكن آلحين آي تمثليه آشطفها لآزم آشوفها لين تخلص , و حتى الآخبآر آشوفها

عمومآ بالتوفيق و يعطيك العآفيه

باسكن روبنز · #5 01/02/2010, 10:50 PM

اهلين أبو طلال

مشاء الله مواضيع هنا وفي الجمهور

الحمد لله افتكينا من الإختبارات وغثاها

لكن جانا غثا التصحيح والملاحظة و الإجابات الإبداعية الخارجة عن حدود المعقول

ذكرتني بكأس العالم 94 أول مرة اتابع كأس عالم وقتها كان اختبارات نهائية

<< مايعرفون وقت اختباراتنا كان أجلوها

ماميتو

لما تشوفنا نتابع مباريات كأس العالم وقت الإختبارات

تقول انهم قاصدين يحطونها وقت الإختبارات عشان يرسبون الطلاب

<< عاد الي اهتموا لنا

صادني في غرامه << الظاهر اول كنت خاق على نبيل شعيل وماخذ مقلب بنفسك

algohmani · #6 01/02/2010, 11:32 PM

رائع أبو طلال وجميل في موضوعاتك دوماً شكرا لك ياتحفه

sugarfall · #7 01/02/2010, 11:41 PM

هههههههاااا عوافي أبو طلال / ]
نفسيا الجوع يكون بالاختبار من التفكير والمذاكرة والأرهاق وتمام إنه لحقنا على الردود العـشـ10ــرة الأولى عشان الهدية هههااا
أتمنى لك التوفيق
تحيتي قبل مودتي

Ą Ħ M Ă Ð · #8 02/02/2010, 12:13 AM

^^

وش هالحركاااات

يعطيك العافية ابو طلو

هانت ان شاء الله باقي اختبارين ونخلص الله يعديها على خير ..

عاد بعدها .. شف انواع الطفش ومافيه مبارايات ولا مسلسلات .. ولا افلام زي وقت الاختبارات !!

اسال الله انه يوفق جميع الطلاب والطالبات

Hilalih 4ever · #9 02/02/2010, 12:22 AM

إقتباس


	وأحلى أوقات الأكل في الإمتحانات .. من التفكير تنفتح شهيتك للاكل .. المطبخ يصير اكبر المناطق تتواجد فيه بعد غرفة النوم

عاد انا عكس العالم شهيتي تصير مسدوده لابعد درجه

الحمدالله افتكينا منها اليوم وعقبال النتايج الحلوه يارب

بس من جد ايام الامتحانات كريــــــــــــــــــــــــهه

ḾŎĤǍṀẠḊ · #10 02/02/2010, 01:36 AM

نقوله صااااااادق كل شي يحلى وقت الاختبارات
خصوصا االمباريات بالله وش جاب التتويج ايام الاختبارت ..؟ عاد وش نسوي رحنا الملعب وجبنا العيد في الاختبار ويارب النجاح بس

ابو طلال شووووووكرا لك

R D H · #11 02/02/2010, 01:46 AM

أهلين يا أبو طلـو .. الله حيّ الذيب

نسيت تضيف شغله مهـمه ..

أنه بـ فترة الإمتحاناتـ .. تكثر ( تصريفات الطلعه من البيت ) . خاصة للشباب .

- " ويـن رايح ؟! "

- " للمكتبه .. بجيب ملخصات وبصور شي "

- " وين رايح ؟! "

- " بمر واحد من الشباب بأخذ منه ملخص .. "

- " وين رايح ؟! "

- " بروح أذاكر عند خويي " .

تنتهي من أجوبتك على سؤال أمك أو أبوك ..

وتسمع عقبها ( صوت صواريخ ) طلع من راسكـ ..

ولما أحس أنه مب واثقين أني أذاكر .. أقول بلهجة الواثق : كله بيطلع بالشهادهـ .

يقال أني ( مأطع السمكه وديلها ) بالمذاكرهـ .. والمشكله أدري وش بيجي بالشهادهـ .

مثل ما قلت أنتـ .. النـوم .. الأكلـ .. بمصر ينحفون عقب الاختبارات من الضغط وتشحب وجيههمـ . ( بس يندويش وعصير برتقال من جد )

لكن هنـا .. مطـاعم الكبـده تنبض بالشباب بأيام الأختباراتـ كل صباح .

أما بالنسبه للبناتـ .. محشوراتـ بالبيت

.. وأن كانت تبي تغير مزاجهـا وهي تذاكر .. تقعد قدام التسريحه ..

طبعا أكبر كذبه يعيشوها البنات ايام الاختبارات " المذاكره قدام التسريحه "

.

بتقعد تتزين قدام المرايه .. وكل ماتناظر بالكتاب .. بترجع تناظر بالمرايه .. الله يعينهم

يعطيك العافيه يا أبو طلال .. الله يوفقك يارب ويحفظلك فارس وطلال ..

وأنصح اخوتي الطلبه بالمذاكره < قل قسم ؟!

دمت بأجمل حال

كونتراتاك · #12 02/02/2010, 01:52 AM

اييييييييييه

بس متى اتخرج وافتك
المشكله اذا تخرجت برجع ادرس ياجامعه يا كلية يا.....إلخ

يالله هانت كلها سنة ونص ونفتتتتك

لـــولي** · #13 02/02/2010, 02:42 AM

الحمدالله خلصــت اختبراتي

بس لزالت المعنات مع اخواني ياخي يرفعون الضــــــــغط العيال

مو زي البنات يلبى قلوبهن مؤدبات يسمعن الكلام<<<

اخوي ما شاء الله عليه ساير مطيع قبل مايطلع يدور البيت احد يبي اجبله شي وانا طالع وعلى حسابه<<< ترى ابد قبل مانترجه يروح للبقاله

والصلاة قبل الامام وهم بالمسجد

اما الشهيه مفتـــــــــــــــوحه على اخرواهم شي

القــــــــهوه

مشكــــــــــــور اخوي ع الموضوع الجميل

Miss.nora · #14 02/02/2010, 02:53 AM

يا شينها من أيام و أنواع القلق فيها
بس الحمد لله خلصت السبت

و عقبال باقي الطلبة
الله يعطيك العافية ابو طلال

سعودي أصيل · #15 02/02/2010, 03:05 AM

إقتباس


	وإلا إنت بالع لك أربع سندويشات بالمطبخ بس تبي أمك تشوفك وأنت معك سندويشه وحده وعصير واحد ( يعنني ذرب )