صادني في غرامة .. غشني في كلامه - صفحة رقم 2 - نادي الهلال السعودي - شبكة الزعيم

كونتراتاك · #1 02/02/2010, 01:52 AM

اييييييييييه

بس متى اتخرج وافتك
المشكله اذا تخرجت برجع ادرس ياجامعه يا كلية يا.....إلخ

يالله هانت كلها سنة ونص ونفتتتتك

لـــولي** · #2 02/02/2010, 02:42 AM

الحمدالله خلصــت اختبراتي

بس لزالت المعنات مع اخواني ياخي يرفعون الضــــــــغط العيال

مو زي البنات يلبى قلوبهن مؤدبات يسمعن الكلام<<<

اخوي ما شاء الله عليه ساير مطيع قبل مايطلع يدور البيت احد يبي اجبله شي وانا طالع وعلى حسابه<<< ترى ابد قبل مانترجه يروح للبقاله

والصلاة قبل الامام وهم بالمسجد

اما الشهيه مفتـــــــــــــــوحه على اخرواهم شي

القــــــــهوه

مشكــــــــــــور اخوي ع الموضوع الجميل

Miss.nora · #3 02/02/2010, 02:53 AM

يا شينها من أيام و أنواع القلق فيها
بس الحمد لله خلصت السبت

و عقبال باقي الطلبة
الله يعطيك العافية ابو طلال

سعودي أصيل · #4 02/02/2010, 03:05 AM

إقتباس


	وإلا إنت بالع لك أربع سندويشات بالمطبخ بس تبي أمك تشوفك وأنت معك سندويشه وحده وعصير واحد ( يعنني ذرب )

هو أنت تشوووف

إإيييييييه سقى الله ذيك الأيام يوم كنا نفلها بالاختبارات ( اووخص يالشايب تراك متخرج أمس

)

ايه امس تخرجت وانتقلت من مسمى ( طالب ) إلى مسمى ( عاطل

) .. طبعا القلب عشان الفضاوة اللي بقضيها في سفريات وووناسة وحاقات حلوة أوي

أقول .. دعواتكم بالوظيفة المرموقة

دنته رايق ياواااد .. موزوعك مُزززهـ

( آبو ابليسي متأثر باللهجة المصرية

.. مدري هو عشان الفوز بالكاس .. ولا عشان الفوز بالكاس

)

أها

اشوفكم

M!ss 7up · #5 02/02/2010, 12:46 PM

::

في ايام الاختبارات كل شي بالحياه يصير حلو

اخر موقف حصل لي

ابوي الله يحفظه

طالب مني اسويله حلا
ويمكن من دون مبالغه هالطلب له اسبوعين

وماسويته ,, كل شوي اقول بإن الله بكره
ويوم الثلاثاء اللي فات ,, مدري وش النشاط اللي جاني
نزلت المطبخ الساعه 3 الفجر اسوي حلا

بس قسم بالله قمة الاستمتاع وانت تهرب من المذاكره

ولكن سوف ينتهي النشآط ويبدأ الخمول من هذه اللحظه <<بما اني عطلت اليوم

ابو طلال
موفق دآئـــمآ

ام متعب التميمي · #6 02/02/2010, 03:25 AM

هههههههههههههههههههههههههههه

بوطلال هذا ماتعاني منه اضطراب فالعوامل العاطفيه التي تتزامن مع فتره الاجتهاد

فتبدأ عندك احد الاعمال العاطفيه الا وهيا معاكسات الهاتف وازعاج الناس

وسبحان الله اخترت اغنيه تناسب مرحله الاختبارات

فنرى كلمة غشني في كلامه

ـــــــــــــــ

انا اذكر فترة الاختبارات في الثانوي كنت لازم اطالع مباراه الهلال وقابيلو

الي انتهت 3 /2

مدري شالسبب بس كانت اتحمس والسراحه لحد الحين اتحمس كل مااشوفها

ــــ

تحياتي

الزعيمة الحقيقية · #7 02/02/2010, 05:00 AM

أبو طلال الله يهديك ذكرتني بالذي مضى

ياحبي لامي

والله ياكانت تدلعني دلع ماحصلش بس كان ينتهي مع اخر امتحان

كنت احس بتأنيب الضمير امي على بالها اذكر وانا من جنبها ..

والحين بدا الدور علي كل شوي امي تقول دلعي اختك شوفي اختك وش تبي صلحي لاختك اللي تبي لاتزعجون اختك خلوها تذاكر لا تدخلون عليها تراها نايمة ..

واختي كأنها انا من جنبها ماحلا لها البلايستيشن الا ايام الامتحانات والمباريات ماتفوتها حتى التحليل <<<ياحبي لها طالعه علي

اما اخوي حكاية ثانية تصدق انه في الامتحانات يقول باطبخ لكم واذا قلنا ماتعرف قال عادي اتعلم

يصلح كل فيش كان خربان وكل حنفية وبعد الامتحانات يجيب عامل يقول شايفيني هندي

العائلة الكريمة كلها رايحة فيها

فديت امي اللي متحملتنا ومدلعتنا وحنا مانستاهل

اسال الله ان يوفق جميع الطلاب والطالبات ..

مشكــور اخوي ابو طلال ع الموضوع ..

الكلاسيكي · #8 02/02/2010, 08:30 AM

ابو طلال 99.99 من اللي قلت واقع يصير مع الاكثريه

لكن اهم شي لايدري طلال وفارس بهالعلوم

,.. والا تصير علوم عاد الوقت تطور ..

وبالتوفيق لجميع الطلاب

تقبل احترامي .. دمت بخير

abo_nasser · #9 02/02/2010, 09:16 AM

هلا وغلا ابو طلو..

كثر ما الاختبارات قلق عند الطلاب الدوافير الا انها فتره حلوه عند الطلاب الداجين
لان وقتها راح تتساوى المعامله بينهم ..من الناحية الاهتمام والدلع..

فالدافور يهتم به عشان يثبت على مستواه ..والداج عسى ان يسويها وينجح لو على الحافه..

انا ربي بلاني بحب مشاهدة المباريات..محليا واوربياً
ودايم المباريات القويه ما تجي الا ليلة الاختبار..انا ما انسى مباراة المنتخب مع الكويت في تصفيات كاس العالم 2006 لما فزنا 3-0 ..كانت ليلة اختبار الرياضيات طبعا 3 ثانوي..

ومباراة المنتخب مع الامارات في كاس الخليج اللي كانت بالامارات في دور الاربعه لما فازوا بواحد الدقيقه 44..

هذي المباراه حسيت اني بروح فيها بسببها..والله يا كان قلبي سامري ..والسبب التوتر والارهاق اللي كنت فيه
نفس يوم المباراه كان عندي اختبار رياضيات بعد الظهر وكنت مواصل رجعت ونمت من 4 العصرالى 6 المغرب..يعني ساعتين عشان المنتخب الفاغر..

المشكله اتابع المباراه ..وافكر ..متى انام ..ومتى اصحى اذاكر الكيمياء..؟؟

المهم الله لا يعيدها من مباراه ..اللي احب اقوله اني اخذت D في الكيمياء مع ان مجموعي قبل الاختبار يقول ما راح اخذ اقل من B لكن فدا الوطن..

ذكرياتي مع الاختبارات كثيره ..بس مابي اكثر هرج زياده على اللي كتبته..

يعطيك العافيه ابو طلوو..

سلااااااااااااااااااااااااااااااااااااااااااااام

قرقاص · #10 02/02/2010, 09:46 AM

هلا وغلا بالأخ الصغير ابو طلال

تصدق حتى النت يحلى في الأختبارات

تحط موضوع في دقايق تلقى الصفحة الأولى تعبت ردود وكله بس عشان يهربون من المذاكرة

إقتباس


	وكل شوي ( سندويشة جبن سايل ) ويقالك متأثر بالمسلسلات المصرية

ناقص كاس شاهي أسود وتصير مثل الممثل المصري محمود الجندي عمره طاق الخمسين سنة ويجي في أدوار طالب بالجامعة ومتفوق ويتيم وامه هي اللي تدخل عليه بالشاهي والساندوتش وتدعي له ربنا يوفئك يامحمود يابني

إقتباس


	وارجع أدقع على نفس الرقم .. واول ماترد أشغل ( ياشمس .. ياشمس لالالا لاتغيبي ) وتقول ( الحمد الله والشكر ) واخوي يسالني وش تقول .. اقوله : شكلها غمزت السناره

بما انك مغبر وقديم ومن أيام ياشمس لالا لا تغيبي

فاكيدلحقت على الطريقة الثانية واللي لما تتصل وعشان تعرف من يكون على الطرف الثاني من الخط تنفخ بالتليفون وتقول اووووف مرة بعد مرة لين تطيح لك في شايب ولا عجوز تاخذ منهم أنواع الشتيمة ولعنة الخير

على أيامي ماكان فيه غير غصب واحد واثنين بس ايام الأختبارات تصير في عيوني كانها قناة LBC في عيون مراهق

تصدق كانوا يجيبون أفلام كرتون مررررة سخيفة ومملة ومع ذلك الواحد يجلس يناظرها من باب الترويح عن النفس

ولا فيه أحد يقدر يناظر هالسخيف اللي تحت

الله يوفق الجميع وان شاء الله نفرح بنجاحكم

هلاليه محترفه · #11 02/02/2010, 11:35 AM

طلعو الشياب كثار في موضوعك ابوطلال

الحقيقه الدافور دافور ويدرس من قلب
واللعوب لعوب لو صك على نفسه الباب ويدرس ويدرس مارح ياخذA+ ,<< هذي انا ...
بس الشي المفرح فيني طبع حلو ماحب اكل ولا اطلع من الغرفه الا وانا مخلصه
وإذا جت ساعه 9 بليل وماخلصت اصك الكتاب

ولا إذا اخوي الكبير بيدرسني .. انواع الكذب .. بس عشان مابي أدرس ويدرسني ..

شكلك كنت تخق مع نبيل شعيل
عموماً كانت ياشمس في هذيك الفتره اغنيه خطيره جداً ..

بالتوفيق للجميع
وشكراً ابو طلال

سيناتور هلالي · #12 02/02/2010, 12:05 PM

هلا والله بأخي الأكبر أبو طلال..

منور الحتة ياقدع..

والله ذكرتني بالاختبارات وأيامها ..
والله يا بوطلال أن أيام الاختبارات تسكر الشهية بالنسبة لي وينقص وزني..وما آكل والله..<<الله ياذيك الأيام
بس أهم شيئ الشاهي موجوووووووووود..الله لايحرمنا منه..

تصدقون إني إذا تذكرت حديث الرسول عليه السلام : الجنة فيها مالاعين رأت ولا أذن سمعت ولاخطر على قلب وبشر..
وكلام الشيخ ابن باز سمعته في نور على الدرب بالراديو يقول الله يرحمه : كل ماتشتهيه في الجنة ستجده وأحسن..

والله يوم سمعت هالكلام قلت الحمد لله أجل أبشرب شاهي بالجنة <<أمي إذا قلت لها هالكلام تقول : شف الهمة ..الناس تبي تشوف الله سبحانه وتشوف الرسول و و و وإنت تبي شاهي..!! الحمد لله على العقل..<< والله هذا كلام أميمتي..
عاد أنا أقول لها : أنا أتمنى أشوف رب العالمين في جنات النعيم وأشوف النبي الكريم و و و ..وبرضو من حبي للشاهي قلت كذا..
الله كريم ياناس..الله يرحمنا برحمته ويدخلنا الجنة جميعا يااااااااااااااارب
شكرا أبو طلاااااااااااااااااااااال فقد حركت جرحا ملتهبا يارجل..<<هههههههههه

..عبدالعزيز..

^ العنود ^ · #13 02/02/2010, 02:40 PM

من جد كل شي يطلع حلوو ايام الاختبارات

انا اروح اسوي العشا لاهلي من زود السناعه ,, اسوي حلا ,, اي شي اهم شي اشغل نفسي ,,

اخرر مره رحت المشغل ماعندي شي اسويه لا ورايحه بكتابي بعد

الهنوووف · #14 02/02/2010, 05:32 PM

انا عطلت -->تمشي وتعلن الخبر

:$

الحمد لله خلصنا منها ع خير وان شاء الله ربي يفرحنا بالنتائج

مثل ماقلت يابوطلال كل شي باالاختبارات غير غير غير غير

تجيني مخططات وافكار
وحتى غرفتي تجيني رغبه عنيفه اني ارتبها

حلو الواحد ياخذ فتره الاختبارات انها مثل اي فتره
فمشكله كل البيوت يكون عندها حاله استنفار مما يسبب حاله قلق وتوتر لـ الطلاب
يعني لو اجلس حابسه نفسي ساعه واطلع عشر دقايق قالوا ذاكري
وانا تو وش اسوي العب

يالله كلها ايام وتخلصون يالطلاب -->شافت نفسها

وانا كلها شهور واودع الدراسه بكبرها

الله يسهل علينا

\

/
ابوطلال سم

الهنوووف

كانت

هنا
ورحلت

ام متعب التميمي · #15 02/02/2010, 05:41 PM

إقتباس


	الطريقة الثانية واللي لما تتصل وعشان تعرف من يكون على الطرف الثاني من الخط تنفخ بالتليفون وتقول اووووف مرة بعد مرة لين تطيح لك في شايب ولا عجوز تاخذ منهم أنواع الشتيمة ولعنة الخير

ههههههههههههههههههههههههههههههههههههههههههههههه

الحين تدق عليهم وتقول اوف

اجل لو هم الي داقين عليك وش بتقولهم

ع تراب^^

طلعت حركات الشيبان

^^

سوري ع الرد مره ثانيه

بس اعجبني غزل العرابجه^^