صراحهـ إن الموضوع هذا شوي محير
ليه
أنا بالنسبـــهـ لي أعتبر إن الكلمه هذي أذا قيلت
لي من أناس كباآآآر في السن أتقبلها و ما عندي أي مشاكل أبد.
أما إن جأأأت هالكلمه على سبيل المزح مثل:يا ولد قل غيرها((مثال))
بعد عادي .
أما الحاله الأخيرهـ ان جاءت على سبيل السخريه مني فأنا أعتبرها
هالمرهـ نوع من التنقيص في حقي .

أشكرك على مواضيعك الحلوهـ و كمان المحرجه
و تقبلي مروووري .

وعليكم السلام ورحمة الله وبركاته

صراحة اعجبني موضوعك وراح ارد على اسئلتك من وجهة نظري الشخصية فقط

هل يضايقك ان يطلق عليك لقب ولد؟
انا صراحة مااحب ادقق واجد بهالكلمة خصوصا لاقالي واحد شايب او ابوي او احد اقربائي ليه لازم الهياط وانا الرجال وابن امه يناديني ياولد وماتشوف شنبي اللي يوقف عليه الصقر عاادي عندي اهم شي ماغلط علي باسلوب منادته
مثلا اذكر سالفة ولد عمي عمره ست سنوات دايم يناديني علوي حتى مايقول علاوي او علي المهم انا مادققت عالكلمة واجد وجا يوم من الايام ويناديني علوي وكان اخوي اللي اصغر مني (مهايطي) يشب فيه لاعاد اسمعك تقول له علوي قل له علي هذا كبير عييييب ومدري ايش

متى يحس الولد انه رجال؟

من وجهة نظري ان مسألة ان الواحد مايصير رجال الا لما يطلع لها شعرة صغيرة جدا جدا بمنطقة الشنب هاذي قديمة خصوصا ان الان اغلبية العالم تملط (تشيل) الشنب
فالان من وجهة نظري ان الواحد يحس انه يصير رجال لاقام ابوه يعتمد عليه ويعطيه سيارة ويخليه يوصل خواته للمدرسة طبعا لاتنسون ان هناك الان ناس واجد تسوق وهم بزران
وناس من هو بزر لاعاد تناديه الا يابو فلان ومدري ايش بسبب الصحبة اللي هو معه يأثرون عليه
ولاتنسون ان هناك ناس رجاجيل وكفواا من وهم اعمارهم 10 سنوات عشان لااحد يفهم كلامي غلط
بس بعض الناس فاهمه معنى الرجولة غلط فتشوفه من وهو صغير شر ومزعج الحارة

لقب ولد تطلق على سن من كم لكم بوجهة نظرك؟
انا من ناحيتي اتوقع انها تطلق على الذين من سن 5 سنوات الى 15 سنة

ماشاء الله أم متعب ..معقوله..؟!! لالالا..

أول شيئ ذكر في ربيعه الثاني يعني عمره سنتين <<أكيد قصدك في عقده الثاني ياوخيتي..احم

نجي لموضوعك..
- إطلاق لفظ ولد يختلف بحسب من أطلقها علي..يعني إذا جتك عجوز عمرها 200 وقالت لك ولد فهذا شيئ طبيعي لأنك تعرف إنك ولد بالنسبة لها ..يوم من الأيام كنت بساحة الحرم المكي أبدخل الحرم..وأسمع وحدة تصوت تقول ياولد ياولد..وأنا ماشي في أمان الله ولا إلتفتت عليها لأنه ماجاء على بالي إنها تقصدني ..في الأخير سحبت شماغي وخربت الشخصية ..وقفت وقلت لها منو أنا..؟!! قالت إيه من الصبح وأنا أصوتك لك ..<<كانت على عربية وتدفها شغالتها..
لكن إذا ناداني واحد أو وحدة عمره من عمري أو أكبر شوي وقالي (ياولد) حينها سأستفصل منه مراده ..بس ودي أعرف وش السبب ..؟!! وبالنسبة لي ماتزعلني إطلاقا بس أحيانا أستغرب إطلاقها ..

بعدين فيه ناس تعودوا على هالكلمة ومايقصدون الإهانة ..فلازم ننتبه لهالشيئ..

-(الرجولة..والذكورة..صراع داخل النفس)
الولد يحس إنه رجال إذا صار رجال فعلا..<<لاتقولين لي كيف لأنها واضحة جدا..ما أقصد الجانب البدني والتغيرات الهرمونية لالالا وإنما أعني أن هناك حوادث وعلامات وتصرفات تدل على الرجولة ..أما يجونك الشباب ألحين يحلقون أشنابهم علشان يطلعون مثل أبو شهاب ولافيه أي مظهر أخلاقي من مظاهر الرجولة فهذا دليل عدم الرجولة يمكن تكون ذكورة بس رجوله أمممم صعبة مع عدم وجود متطلباتها..<< شكلين مابحكي هاه..

- والله يا أم متعب مافيه عمر معين لكلمة ولد..لأن فيه مجتمعات تقول ولد لرجال عمره بالثلاثين..وفيه مجتمعات تطلقها على من هم في مرحلة المتوسطة..فهي تختلف من بيئة لأخرى..بيئتنا مثلا مايقولونها للي تجاوز ثاني ثانوي أبدا..بل هي إطلاق لصغار السن..
بس أنا أموري فري بالألفاظ لأني عارف نفسي وماعلي من كلام الناس<<أوووووخس يا هتلر..

أخيرا ..شكلرا لك على هالموضوع التحفة يابنت..هههههههه

تحياتي..

..عبدالعزيز..

موضوع رائع ومتألق مثل تألق كاتبته

والله الواحد يبي الصغر مايبي يصير كبير اجل وش احسن يقولون لك ياشايب والا ياولد

والعمر المناسب لولد من 5 سنوات ل14 سنه

ملحووظه : تراها تعتمد على الطووول مثل واحد طويل وعمره 12 وواحد قزم وعمره 15 اكيد راح يقولون للطويل يارجاال

أم متعب يا بنت << زعلتي ؟؟

سؤالي هنا

هل يضايقك ان يطلق عليك لقب ولد؟

لا ما يضايقني ابداً ما أشوف فيها شيء بتاتاً ,, لكن فيه كلمات مرادفه لها مثل بزر , ورع , وغد ولو قالها واحد لي الرد راح يكون والم وموجع (( والم = جاهز ))
واضن أغلب الشباب يعرفون الرد هذا


متى يحس الولد انه رجال؟

اذا كبر شوفي الرجوله ماهي بالشنبات والكبر يعني ياما بزارين افعالهم رجوليه بشكل ما تتصورين وياما اشناب تهبهبا الريح وهم ما عندك احد

بس يعني بعضهم بداية فترة المراهقه خلآص يحس أنه صار رجال ومستقل بفكره


لقب ولد تطلق على سن من كم لكم بوجهة نظرك؟


عاااد شوفي حنا بالشمال ماتزعلنا كلمة ولد يعني تعتبر عندنا مدحه اضرب لك مثال مثلا واحد سوى شيء كويس مرة فا يقولون فلان والله انه وليده يعني انه كفوو مرة مثال ثاني انتم اربعه تلعبون بلوت وكبتها على اللي مقابلينكم فا يقول لك خويك ولد ولد ولد
لكن اذا كنتي تقصدين الكلمات المرادفه لكلمة ولد مثل ورع وبزر ووغد فهي تطلق الى ما قبل فترة المراهقة


لكـ مودتي ووردة وحدة بس

وآلله .. انا عن نفسي ,
مآيهمني يقآلي ولد ولا رجآل اهم شيء انا عآرف نفسي
رجآل ومايهمني وش يقول لي البشر ولد . رجآل
كله وآحد عندي


شكرا ً جزيلا ً

هل يضايقك ان يطلق عليك لقب ولد؟
بالعكس عآدي جداً ولا اتوقع احد يتضايق منها
لأنه صدق (ولد) .

متى يحس الولد انه رجال؟
اتوقع متى ماكان يعتمد ع نفسه واهله يعتمدون عليه يصبح رجال.

لقب ولد تطلق على سن من كم لكم بوجهة نظرك؟
اخر حد يمكن 23 او 24 .

إقتباس ماراح اذكر حاجه عن كلمة بنت لانو اصلا لو بتقولها لم خمسين سنه فرحت بتقول شكله مابان علي ويحسبني بنت

ههههههههههههههههههههههههه

يا هلا وغلا بأم متعب

إقتباس سؤالي هنا هل يضايقك ان يطلق عليك لقب ولد؟

لا ابــــــدا <<<<

أنا نفسي اصير ولد يوم واحد بس والله ونااااااسة

عاد المشكلة مخططة من اللحين لهذا اليوم وش بسوي فيه

عذراً على الدخلة بس حبيت أقول شيء صعنون .. أخواني الحمدلله من يومهم صغار
وحنا نقولهم ( يا رجال ) واذا نسيت قلت ( يا شباب )

عاد اللحين خلاص صاروا رجال صدق

واحد منهم ما يصلح نفسه الا يجي ياخذ شوري باللوك الي يسويه بصراحة سبب لي قلق الفترة الأخيرة

خلاص بسكت اللحين ..

يسلمو حبي

يقولون من عرفك وإنت صغير .. حقرك وإنت كبير

مرات أستانس على ولد .. ومرات أتضايق .. على حسب اللى يقولها

واللي يمزع أمّ الشوارب ؟!
والله ما أذكر أحد قالّي هـ الكلمة إلا من باب المزح بس ..
بس لو انقالت الصراحة بعطي نظرة محترمة للي قالها

, , , , , , , ,




والله بعد لمس الشوارب صدر مايلي :

يجب مناداتي بالرجل

والله أنا ماعندي مشكلة ياولد يارجل
طبعا على حسب المنادي

بعدين تطلق كلمة يارجل اذا اتصف بصفات الرجال
وأفعال الرجال

بالنسبة للعمر مافيه عمر محدد بعضهم وهو صغير يتسم بصفات الرجال
وبعضهم ياصل 18 وماعندك أحد

والحين يأم متعب بس تسأليننا
حطي بدال كلمة ولد حطي بنت وجاوبي على نفسك








. . . . . .

إقتباس الرسالة الأصلية كتبت بواسطة M.Adel صراحهـ إن الموضوع هذا شوي محير ليه أنا بالنسبـــهـ لي أعتبر إن الكلمه هذي أذا قيلت لي من أناس كباآآآر في السن أتقبلها و ما عندي أي مشاكل أبد. أما إن جأأأت هالكلمه على سبيل المزح مثل:يا ولد قل غيرها((مثال)) بعد عادي . أما الحاله الأخيرهـ ان جاءت على سبيل السخريه مني فأنا أعتبرها هالمرهـ نوع من التنقيص في حقي . أشكرك على مواضيعك الحلوهـ و كمان المحرجه و تقبلي مروووري .

لامحرجه ولاشي شكلك امرد^^ عاد تدري الامرد ازين من الشنب ووصاخته

حياك

إقتباس الرسالة الأصلية كتبت بواسطة محب الجنه الخرج وعليكم السلام ورحمة الله وبركاته صراحة اعجبني موضوعك وراح ارد على اسئلتك من وجهة نظري الشخصية فقط هل يضايقك ان يطلق عليك لقب ولد؟ انا صراحة مااحب ادقق واجد بهالكلمة خصوصا لاقالي واحد شايب او ابوي او احد اقربائي ليه لازم الهياط وانا الرجال وابن امه يناديني ياولد وماتشوف شنبي اللي يوقف عليه الصقر عاادي عندي اهم شي ماغلط علي باسلوب منادته مثلا اذكر سالفة ولد عمي عمره ست سنوات دايم يناديني علوي حتى مايقول علاوي او علي المهم انا مادققت عالكلمة واجد وجا يوم من الايام ويناديني علوي وكان اخوي اللي اصغر مني (مهايطي) يشب فيه لاعاد اسمعك تقول له علوي قل له علي هذا كبير عييييب ومدري ايش متى يحس الولد انه رجال؟ من وجهة نظري ان مسألة ان الواحد مايصير رجال الا لما يطلع لها شعرة صغيرة جدا جدا بمنطقة الشنب هاذي قديمة خصوصا ان الان اغلبية العالم تملط (تشيل) الشنب فالان من وجهة نظري ان الواحد يحس انه يصير رجال لاقام ابوه يعتمد عليه ويعطيه سيارة ويخليه يوصل خواته للمدرسة طبعا لاتنسون ان هناك الان ناس واجد تسوق وهم بزران وناس من هو بزر لاعاد تناديه الا يابو فلان ومدري ايش بسبب الصحبة اللي هو معه يأثرون عليه ولاتنسون ان هناك ناس رجاجيل وكفواا من وهم اعمارهم 10 سنوات عشان لااحد يفهم كلامي غلط بس بعض الناس فاهمه معنى الرجولة غلط فتشوفه من وهو صغير شر ومزعج الحارة لقب ولد تطلق على سن من كم لكم بوجهة نظرك؟ انا من ناحيتي اتوقع انها تطلق على الذين من سن 5 سنوات الى 15 سنة

حياك يالطيب اسعدني مرورك

واعجبتني كلمة املط