هلا وغلا يوسف
والحمد لله على سلامتك ...
والملاعب كلها مشتاقة لك

بعدين بصراحة شي متوقع ان النادي ينهي اشتراكك لانه يهدفون للربح المادي
وما عندهم في احد جيت والا ما جيت

وبصراحة ياما وياما راحت عليني اشتراكات
بس الحمد لله ليت لي نادي كويس

اذا تبي ادلك عليه كم تدفع

سلام ,,,

أولاً الحمد لله على سلامتك
ثانيــــاً أعتقد ما فيه نادٍ عندنا يصب إهتماماته
للزبون الرياضي أكثر من أن يكــون الهدف مـــادي له ؟؟
و ثالثــاً الناس المصابين بدؤوووا يتجهون للنوادي
بسبب قلة الخبره لدى مستشفياتنا في أقسام العلاج الطبيعي للمريض
أحببت المشاركـــــــــه و الله يعطيك العافيه ...

بخصوص سالفتك معهم .. اذا كانوا محددين لك فترة 20 يوم بس وانت قد اخذتها مااعتقد انهم مجبرين يعوضونكم
لكن اذا فيه شرط في حال جتك اصابه عندهم يعوضونك عن الفترة اللي تغيبها في هالحاله يمديك تستقعد لهم ..!
بـس انت رح للأدارة مثل ماقالوا لك ... وانشب لهم وقلهم تراني بنزل موضوع عنكم بالزعيم كودهم يعوضونك..!

مع اني اتوقع حتى لو عوضوك بتسحب ماخبرت احد سجل بنادي وانتظم

عوااااااافي يوووسف ولاتحرمنا طلّـتــــك .!

إقتباس ( النادي اللياقي ) . أنه عندهم مساااج مجانا ( مع الاشتراك يعني ) .. وقت ماتبي تروح تسوي . وعندهم حمام شامي مجانا برضو ( يفركونك فرك لين يطلع بترول من جسمك ) .. ووقت ماتبي تروح تسوي .. لا وبعد فيه ( حلاق ) مجانا مع الاشتراك .. وقت ماتبي تروح تحلق . لا وبعد فيه ( بولينج ) .. لا وبعد فيه ( غرفة انترنت ) اجهزه مكتبيه من عندهم .. وقت ماتحب تدخل تدخل ..

ابراهيم أجل هونفسه ذا اللي رايح له امـس اسمه النادي اللياقي .. بس غريبه وراهم قايلين لك 1550 ثلاث شهور ؟؟؟
لأن الـ3 اشهر عندهم بـ 1250 والا كل فرع سعره يختلف عن الآخر ؟؟؟

أول شي الحمد لله ع سلامتك و طهور و ما ترى بأس ..

و بالنسبة لسالفتك مع النادي ما استغرب هالشي أبد .. أدارات الاندية اللي عندنا فيها فوضى و عشوائية و همهم مادي فقط لا أكثر

حتى المدربين ما يهتمون فيك أبد و انت اللي تراكض وراهم و هم يصرفونك ع الثاني و الثاني يصرفك ع الاول

و انا كنت مسجل في النادي ولا زلت لكني على قولتهم (( سحبت سيفون ))

و صار لي مثل موقفك .. بس أنت مشكلتك أخطيت لانك رحت للمدرب .. المفروض كنت تروح لمدير النادي في مكتبه ولا تكلمه .. بس تعطيه عذر طبي ( إجازة من الدكتور ) و غصبن عنه يوقف اشتراكه ..


أنا لعبت في النادي و كان عندي اصابة قديمة في الرباط .. و رجعت لي الإصابة قوية و صار عندي قطع في الرباط الصليبي .. يوم تقرر موعد عمليتي جيت جبت تقرير طبي و خليت الموضف يوقف الاشتراك 20 يوم ( اختيارية ) و 10 أيام من عندهم ..


و عقب ما سويت العملية بعد شهر رجعت لهم .. و معاي 3 شهور اجازة من الدكتور ..


طبعا نفس الحجج .. إن باقي لك شهر عندنا ولا تقدر توقف اشتراكك أصلا و 20 يوم راحت عليك و مادري إيش .. لكن أنا تكلمت عليهم و قلت لهم هذي اجازتي الرسمية من الدكتور و فيها توقيعه و ختم المستشفى و يا توقفون اشتراكي او ترجعون فلوسي ..


طبعا مدير النادي ما كان زي الموظف ينافخ .. لكن قلت له هذي و رقتي و خلني ارجع و القى ناقص يوم !



طبعا رجعت بعد شهر و نص علشان أكمل علاجي بالنادي .. و الحمد لله ما نقصوا ايامي .. !


و مثل ما قلت لك اخوي .. مثل هالناس .. ما ينفع معاهم الكلام .. ولا فيه شي عندهم يمشي بدون واسطة ( مدير نادي ) أو يعرف فلان .. أو يقرب له !

و المفروض ما تواجههم .. إلا بأوراق و تحطهم أمام الأمر الواقع ..!


و انا خلاص .. صراحة فكرة الأندية هذي شلتها من راسي لأاني ما استفدت منها شي أبد أبد أبد ...

مافيه اهتمام من مدربين .. ولا فيه شي اسمه متابعة مثلا لحاللات مثل حالتي ..

يوم رجعت علشان اكمل علاج في النادي .. لقيت المدرب ما يفهم شي اسمه علاج طبيعي .. و تأهيل ما بعد الرباط الصليبي .. و اضطريت اسحب ع النادي و اجي بس اناظر مباريات و اسبح .. و العلاج الله يخلي الحكومة عند اخصائيين سعوديين في الشميسي ..




و أخوي الكورة ترا مثل ما قالوا اهلك .. اذا تهمل نفسك و تلعب .. طقها و الحقها .. ترى مصيرك اصابات مزمنة بتلخبط حياتك


خذها نصيحة من أخو لك .. عانى من الركبة حقته 4 سنوات


تحياتي للجميع

الحمدلله على السلامه ...............................

والله ياخوي يوسف مالي بهالانديه لكن مالكم الا تنشب بحلوقهم كود يعطوك حقك غير كذا ماتوقع يصلحون لك شي

إقتباس [RIGHT]وبعدين وينه فيه ذا ناديك ؟ 850 ثلاثة اشهر وفيه ملعـب كورة زيادة ؟... امس رااايح لنادي لياقي بسجل فيه .........! [SIZE=4][COLOR=olive]بيني وبينك بدت تطقني زيادة بالوزن بشكل مهوب صاحي قبل اسبوعين بخصوص سالفتك معهم .. اذا كانوا محددين لك فترة 20 يوم بس وانت قد اخذتها مااعتقد انهم مجبرين يعوضونكم لكن اذا فيه شرط في حال جتك اصابه عندهم يعوضونك عن الفترة اللي تغيبها في هالحاله يمديك تستقعد لهم .. ! بـس انت رح للأدارة مثل ماقالوا لك ... وانشب لهم وقلهم تراني بنزل موضوع عنكم بالزعيم كودهم يعوضونك ....!

اهلين يسلم حياك الله < معلش يايوسف عالمرور الثاني


شوف أنا معـاك أنه هالشي يكون متفق عليه .. وصعبه أنه مايطبقونه ..

لكن خذ عندك .. سنه كامله .. مايمديك توقف الا مره واحده واعلى مده 60 يوم وتحت ) .

طيب مفروض هالـ 60 يوم يجزأوها .. على 4 او 3 مرات بالسنه .. لكن يجبروك انك يا أما تاخذها كلها مره وحده .. أو خلاص تروح عليك ..

طيب فرضا انت بتسافر لمدة 20 يوم وبترجع ... لما تروح توقف الاشتراك 20 يوم .. ولما ترجع من السفر تشيل الايقاف .. يصير خلاص مايمديك توقفه مره ثانيه ..


أما بالنسبه للكرشه اللي بدت تطلع لك يارجال خلاص تزوجت وش تبي ؟

خلاص مافي مجال للتراجع .. بكرشه بدون كرشه .. اصلع مب اصلع .. مافرقت .. لأنك اتزوجت وخلاص


لا بـ ج ـد .. تبي نصيحتي .. سجل بنادي محترم ( وربي الغالي سعره فيه ) بس ابعد عن فيتنس تايم ..

ماينفع لك لانك متزوج . واكيد لك مشاغل وبتضطر توقفه اكثر من مره .. وما ينفع لك نظامهم ..

واستمر على التمارين السويديه .. وربي رح تظبط جسمك بشكل ماتتصوره .. وتعطيك لياقه ( بس اهم شي المواظبه )


الواحد من القعده .. عضلاته بتتكرمش ( متعوب عليها ) ولو يسوي اي مجهود تلقاه يسوي كذا : ( ها ها ها ها ها ) .

لذلك السويدي بيمدد عضلاتك وبشيل ام الكرشه وفي زمن قياسي



فمـان الله

إقتباس ابراهيم أجل هونفسه ذا اللي رايح له امـس اسمه النادي اللياقي .. بس غريبه وراهم قايلين لك 1550 ثلاث شهور ؟؟؟ لأن الـ3 اشهر عندهم بـ 1250 والا كل فرع سعره يختلف عن الآخر ؟؟؟

هلا يسلم < حسيت اني كثير ثالث رد لي



أنا سألتهم قبل اسبوع تقريبا .. وقالوا 3 شهور بهالسعر ..

مدري هل هو نفسه اللي تقصده او واحد ثاني .. لأن اللي انا فيه بـشارع ( سعد بن عبدالرحمن - مخرج 15 ) ..

او يمكن أنت تشتغل بجهه معينه وعندك تخفيض ..


عالعموم انا مسجل فيه 6 شهور .. بـ 2500 ..


اذا هو معقوله نزلوا السعر علشان فترة اختبارات مقبله ؟ على حظي