نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - .. ][ Fitness Time >> حسبي الله عليكم !! .. سالفتي معهم ... رآآيكم ][ ..

‎βαƦ¢α 4 ξνξƦ · #1 13/01/2010, 10:56 AM

السلام عليكم ورحمة الله وبركاته ~

يامال العافيه يالغالين

. كيف حالكم شخباركم عيال وبنات المجلس العام

.. معرسين سواء والا عزوبيين

..

مدري وين ابدا موضوعي هذا .. لانه طويل وحوسه وشوي .. وفوق كل هذا ابي رايكم كون هالسالفة جديده علي وابي اخذ حقي وانا ادري انه لي موب بعدين اكتشف انه موب من حقوقي >> كيفني وانا اشوقكم

...

المهم طال عمركم .. هذا طال عمركم انا قبل رمضان الماضي كنت مفكر بنادي في الاجازه واقضي منه وقتي ... جا اختياري على نادي وقت اللياقة اشتركت لمدة ثلاث شهور .. واخوياي اشتركوا على شهر ...

المهم راح شهر رمضان وقضينا اوقات حلوه .... جا قبل العيد على 25 كذا وقفت اشتراكي ... طبعا في اشتراك الــ 3 شهور لك وقفة وحده بس مدتها 20 يوم .. قلت مافيه مشكلة عشرين يوم عشرين يوم خل نستانس بعيدنا الماصل

... اوكي كذا ماشين حلو لاننا بنطب بمربط الفرس اللحين

؟؟؟ ...

المهم ويوم رجعنا بشوال الا اشوف الايام باقي لي 45 يوم حلو ماشي .. بوقتها جاني قبول بالجامعه قلت اقضي دوام الجامعه وارجع للنادي الين نخلص هالــ 45 يوم ... داومت السبت ... الاحد ..

وفي ليلة الاحد جتني اصابة قوية بالنادي

.. عبارة عن التواء بأربطة المفصل

.. بوقت الاصابة ماكنت ان الاصابة قويه لهالحد وعلى اعتبار اني ابو اسبوع وبرجع ... رجعت شفت الوضع موب كويس رحت كشفت وجبسوا لي رجلي وصرت امشي بعكازات

خوفوني اول شي قالوا كسر ... بعدين كشفت الصبح وصارت التواء

....

المهم طبعا اشتراك النادي كنت بوقتها اكلم مدرب كرة القدم بالنادي .... وقال بوقفه لك اسبوعين قلت حلو ماشي ... وهو على كلامه ان الاصابة خفيفه واسبوع وبرجع ... ماودي ادخل بنية الرجال بس احس قاللي هالكلام وهو يدري عن خطورة اصابتي بس كان يقولها عشان يهون الموقف علي

.. لأنه مسؤول عن هالشيء خاصه ان المدرب والاصابة جتني اثناء اللعب ....

طبعا انا بوقتها حولت لمستشفى ثاني يوم حسيت ان الوضع كويس بالنسبة لرجلي .. وغيروا الجبس وكذا .... !!

والحمدلله تعافيت وفكيت الجبس قبل عيد الاضحى بيومين ...

جا الوقت هنا اللي المفروض يرجعلي اشتراكي زي ماكان وهو الــ 45 يوم اللي فاتتني صح والا لا ؟؟؟

بوقت اصابتي كنت اكلم المدرب قلت الاشتراك وش اسوي فيه قالوا اذا خلص الاسبوعين اقولك .. قلت حلو .. بعدها اكلمه بدا يسحب ومايرد علي

.. حسيت الوضع سحبات .. قلت اهو مدرب ماله سلطة وكلمت احد المشرفين هناك ... قلت له اشتراكي اكيد ماتقدرون توقفونه ما اقدر اعطيه اخوي .. قالوا اشتراك فيه حدود 30 يوم ماتقدر تتنازل عنه ... قلت طيب كيف وش اسوي باشتراكي وش الفايدة اجي بعكازاتي للنادي يعني !!! .. المهم قالي متى ماقدرت ارسلي تقرير طبي او شي وبشوف موضوعها ونعوضك .. لاحظوا قالوا متى .. ما قال انه بيروح عليك اذا تاخرت او حاجه ...

انا بوقتها اللي فيني كافي ويالله اصلي عشان افكر بورقة او اخلي احد يوصل لهم التقرير ...

ويوم تعافيت وعطاني الدكتور الضوء الاخضر ... رحت لنفس الفرع .. ماحصلت المشرف اللي كان يقولي عطني اوراقك وقت الاصابة .. قالوا نقل لفرع ثاني ...

رحت لمدير الفرع وكلمته ووعطيته سالفتي وكل شي .. قالت وبكل بساطه ما عندنا لك شيء !! تحجج اني وقفت الوقفة الاولى الــ 20 يوم حقت العيد ... وبعدها الاسبوعين وقت الاصابة ... قلت له ياخي الـ 20 هذا اختياريه اطلبها براحتي وانا طلبتها عشان عيد وكذا ماحطيت ببالي اصابة اوشي مالها دخل يعني بالحسبة ليه تحسبها والا كان ماشتركت ... والاسبوعين على اعتبار ان الاصابة على كلام مدربكم الحلو انها خفيفه وابو اسبوع واتعافى ... موب التواء !!!

حاول يتهرب وماعطاني جواب .. شوي يقول يمكن اذا جددت نضيف لك المده حقت اصابتك .. شوي يقول اول شي اشترك بعدين نشوف نرفع ملفك للأدارة ... شوي يقول الادارة ممكن ماتقبل وكلامهم بيكون نفس كلامنا !!! انواع التهرب يعني ...

المهم طلعت زعلان .. وكلمت ذاك المشرف ... وقلت له كذا وكذا وان المدير رفض .. قال خلاص وتعالي واخلص امورك .. واضح من كلامه انه خلاص بيدبر اموري .. وقلت ما خلاني ادق مشوار للثمامه الا انه بيخلصني ... المهم بدا يقلب ومدري شفيه .. شوي بدا يقول تاخرت علي !!! شوي يقول وقفته مرتين نفس كلام المدير !! شوي يقول الاشتراك في حال انتهى مانقدر نتحكم فيه ... وهو قبل يقول اي وقت جبلي اوراقك ... ماقال بسرعه وفي حال انتهى مانقدر نتحكم فيه ترى !!! شوي يقول احنا نتقيد مع المشترك من تاريخ لتاريخ فقط ....

بس هذي سالفتي

شرايكم بالتهرب والزرف العلني بس !!!

يعني اصابتي وصارت بالنادي وفيه شهود عليها ... وانا انحرم من دراستي واحذف الترم بالجامعه

واتهاوش مع اهلي بسبب مشاكل الكورة وكذا تخبرون الاهل بعضهم ما يحب شي اسمه كورة ... وانحرم من شي من ابسط حقوقي وهو تعويضي بايام اصابتي بس ...

يعني انا وش ذنبي يجي واحد خلوني ساكت ماودي اسبه ... وينبرش بدون سبب علي ويقلبني وتجيني اصابه منه !! وانا يصير اللي صار فيني .. وهو يكمل اشتراكه زي الفل ولا يجيه شي .. الحمدلله على كل حال وهذا قضاء وقدر ماقلت شي ... بس وين حقي اللي المفروض اخذه ...

باختصار يعني ابي شي احسهم سواه لي النادي ويشكرون عليه خلال اصابتي .. يعني بوقتها محد قالي في حال انتهى اشتراكك ترى مانقدر نتحكم فيه !! ولا احد قال ترى مانقدر نعوضك وخلوني بالصوره من البداية !! ولاحظوا الادهى والامر .. المشرف موب قاللي ليه تاخرت علي والا كان عوضتك .. المدير يوم قابلته قال نفس الكلام بنقوله لك لو جيتنا بدري وانت مصاب او ارسلته لنا او بعد ما تتعافى ... لاحظوا التغير في كلامهم وكل واحد يتكلم على كيفه ..

فيه وقت من الاوقات كنت اتواصل مع المدرب وعشان اشتراكي وكذا .. قلت يمكن المدرب موب فاهم وقلت بحول الاشتراك لأخوي قالوا حدود 30 يوم مانقدر نتحكم فيه !! وش يبوني اسوي يعني بالله اجي اتمرن بجبسي وعكازاتي !!! طيب مصاب وعندكم مالي استثناءات

...

لا ويقول ان كل الاندية تسوي كذا اذا جا مشتركيها اصابات !! انا يمكن جديد على النوادي مالي خبره .. بس سمعت عن واحد ببودي ماستر جته اصابة بالنادي وعوضوه .. انتوا شرايكم هل الاندية توقف اشتركات المصابين بالنادي والا لا زي ما قالوا لي ...

بس يالغالي هذي سالفتي

.. يارب فهمتوني .. والله اني منقهر ومنغبن .. خاصة على التقلب بكلامهم

...

يعني 45 يوم تروح كذا !! وبقيمة حوالي 850 ريال كذا زرف على هالملعن !!! ماشلت هم الفلوس .. عادي خلها تروح بس على شي يستاهل موب ناس حتى ما قالوا الحمدلله على سلامتك !!!

الجامعه وراحت علي

اهلي وتمشكلت معهم شوي .. وابسط شي ما اقدر اخذه .. يعني لو لا قدر الله جاني حادث بالسيارة او شي ماقلت شي .. لكن اصابة بالنادي ولا اتعوض فيها حرام والله ..

فيه شي واحد بقى لي قالوا روح الادارة وكلمهم وانا من ذاك الوقت مقدر اطلع واكلمهم ومحد يرد .. لكن بشوف على ردودكم وارئكم اروح لهم والا .. ودي اعرف اذا معي حق اول شي والا عشان اروح لهم وانا بالصوره ...

ماتوقعت هالشيء من وقت اللياقة من اولهم الرئيس الحقباني المعروف بطيبته لاخرهم ... وين الموقف الانساني حتى في هالموضوع منهم بالله !!!

بس يالغالي طولت عليك سوري

... انتظر ردودكم ودمتك بخير

.... وياجعلكم ماتشوفون شر

..

سلاموووووووووو